قاموس المفردات العامية فى اشعار حميد

[أسامة معاوية الطيب]

المشاركة الأصلية كتبت بواسطة بابكر عباس

- أصلا مهمتي في المنتدى دا، مضايقة (الساكنين) والثوار فيهو، وإثارة شكوك حول المقدس (حِميد مثالا).
- يا أخي، أنا أحكامي غير جاهزة وقاعد أجتهد فيها وفي معظم الأحيان قاعدة تكون من (بنات) أفكاري. انت ممكن تقول لي: قفة اليقينية (يا عملات الصائغ) ختها شوية.
وبرضو بقول ليك: أبيت، اليقينية والجلافة بتحفز الزول البحاور فيك وبتخليهو يجهز كل أسلحتو (يا عملات ماريل لمنعم) ويجيك.

أحكام جاهزة آل!

شفتا كلام حميد حول الدخلاء؟

1/ أنا ما عندي مقدس ... وسيرد اليوم الذي أتناول فيه عيوب الهتافية في شعر حميد ... والإسهاب غير المبرر في بعض القصائد ما يضر بالفكرة الأم ... وعدم استحسان استخدام بعض المفردات (بذائقة شعرية محضة) وهكذا
2/ أبيت تخت القفة ان شاء الله ما تختها ... بس طيب غتيها مرة مرة ... معانا ناس شمامين (جمع شمام)
3/ ما شفت كلام حميد حول الدخلاء والله
4/ عملت لينا شنو فيما يخص (لو عملت ليك منتدى ) ؟ نعتزل اللعب الدولي يعني ؟

[نبراس السيد الدمرداش]

صباح الخير
شعرا ما عندنا ليهو رقبه لكن نهابش

حسب ما كتب حميد انو راشد حيطهرهو في الاجازه
وطيبان قال عمرو 6 سنه تقريبا
انا الشيء العارفاهو انو زمان الناس بيدخلو المدرسه ناس كبار
يعني عمر 6 سنوات دا لسه بكون ما فكروا اهلو يدخلوهو مدرسه
انا لما جيت ادخل المدرسه عمري 6 المديره رفضت بحجة اني صغيره لما دخلت الانجيليه اول وبعدها اتحولت الحلفايه وعملوا لي امتحان حتى قبلوني
يعني راشد دا في فهمي مفروض يكون اكبر من كدا وبالتالي فارز سماحة رقيص الشوق وبكون مدعم بالسمع

رغم تصريح ست الدار بالشوق في البدايه لكن كان شوق جماعي هي والعيال والاهل عموما لكن لما قالت:الا ابوهو وعمتو تحضر فيها شوق مبطن من ست الدار خصوصا لابو راشد ونداء بحياء يمكن فرضو واقع الزمن داك ودا الخلاها تتذكر العمه

حتة الاحتفال نفسو بالطهور والطقوس وطلبات راشد الممكن تكون فوق طاقة الاب
الماديه لانو الناس دي كانت مديونه, مكانة راشد كولد لانو لما يطنطن الدنيا كلها بتطنطن لمكانة راشد امو نبهت ابوهو للمره التانيه بالطهور والاستعداد ليهو..اها مكانة راشد دي بتخلي حتى الشوق القرابتا بعيده ترقص باول جديد لراشد

[أحمد طه]

المشاركة الأصلية كتبت بواسطة أسامة معاوية الطيب

كدي اشرح لي السياق الطمنك دا خلنا نتطمن معاك

وسأعود إن بقيت اطمنت واللا لا

طيب يا أسامة
إذا كانت (سرنا) في النص بمعنى قريبتنا ، شنو يعني معنى بت سرنا ؟؟ ما بت سرنا برضو سرنا
كدي اتأمل الحتة دي !

ثم ياخي بت سرهم دي إسمها الشوق ... الشوووووق
و عندنا الشوق بت راجنو و الشوق بت فضل الساتر
شوقاً تاني ماني خابرا

(برضو أسأل عباس ود علوية)

أضف إلى ذلك أن من اشتهرن بجودة الرقيص كانن هن (وما زالن)!!
لأنو ما عندهن (التحفظات) الغالبا ما تكون عند بنات البلد لامن يرقصن
و نحن في اللعوب أو الحفلات بتعجبنا البت الرقاصة (ولو كانت ماها سمحي) مالا البت السمحي و ماها رقاصة ، و يعلم الله شفعنا من يوعو في الدنيا دي بيفرزو الرقيص السمح من المو سمح

هذا والله تعالى أعلم

[أبوبكر عباس]

مداخلة أحمد طه دي، ختن (أوسامة) وطيبان في خانة (اليك)، وقربت تُشير لزول خارج البئية بأنو خطير.

احمد طه برضو مدعو.

[أسامة معاوية الطيب]

المشاركة الأصلية كتبت بواسطة أحمد طه

طيب يا أسامة
إذا كانت (سرنا) في النص بمعنى قريبتنا ، شنو يعني معنى بت سرنا ؟؟ ما بت سرنا برضو سرنا
كدي اتأمل الحتة دي !

ثم ياخي بت سرهم دي إسمها الشوق ... الشوووووق
و عندنا الشوق بت راجنو و الشوق بت فضل الساتر
شوقاً تاني ماني خابرا

(برضو أسأل عباس ود علوية)

أضف إلى ذلك أن من اشتهرن بجودة الرقيص كانن هن (وما زالن)!!
لأنو ما عندهن (التحفظات) الغالبا ما تكون عند بنات البلد لامن يرقصن
و نحن في اللعوب أو الحفلات بتعجبنا البت الرقاصة (ولو كانت ماها سمحي) مالا البت السمحي و ماها رقاصة ، و يعلم الله شفعنا من يوعو في الدنيا دي بيفرزو الرقيص السمح من المو سمح

هذا والله تعالى أعلم

اعتقد انو تبريرك لي ليه بت سرنا ما سرنا مباشرة يشتغل برضو على سرنا التاني ... بعدين بت سرنا بتتقال دايما على الصغار يعني يقولك دا دا علي ود علي سرنا من علي جيهة الكرفاب ... او يقولك دا اسمو عصام ود سرن لينا كدي على جيهة المقل ... وهكذا
اسع انت ماك سرنا ؟ ود سرنا سليمان طه ؟
لا ما اتطمن لا اسع والله
بعدين يا احمد انا - وبحكي عن تجربتي قطع شك - لا من فارقت الاراك الرقاصات مافيهن ولا سركن واحدي كلهن سرنا نحن

[أحمد طه]

المشاركة الأصلية كتبت بواسطة أسامة معاوية الطيب

بعدين يا احمد انا - وبحكي عن تجربتي قطع شك - لا من فارقت الاراك الرقاصات مافيهن ولا سركن واحدي كلهن سرنا نحن

كدي أنا خلني ،،، أسأل عمك توفيق
إنت مابتكون حضرت الزمن الحلو داك

[أسامة معاوية الطيب]

المشاركة الأصلية كتبت بواسطة أحمد طه

كدي أنا خلني ،،، أسأل عمك توفيق
إنت مابتكون حضرت الزمن الحلو داك

قبل كم يوم سويتنا أنا وطيبان فروع
والليلي سويتني براي (بطان)
ان كنت تتحدث عن راقصات (محترفات) اتفق معك ... لكن بنات رقاصات كل النماذج الكانت والمازالت خارج نطاق (السرية) الوقعت لي بابكر في جرح دي!!!
وما يخص تبرير السرارة مالك ما جبت خبر ؟

[ماريل]

المشاركة الأصلية كتبت بواسطة أسامة معاوية الطيب

اعتقد انو تبريرك لي ليه بت سرنا ما سرنا مباشرة يشتغل برضو على سرنا التاني ... بعدين بت سرنا بتتقال دايما على الصغار يعني يقولك دا دا علي ود علي سرنا من علي جيهة الكرفاب ... او يقولك دا اسمو عصام ود سرن لينا كدي على جيهة المقل ... وهكذا
اسع انت ماك سرنا ؟ ود سرنا سليمان طه ؟
لا ما اتطمن لا اسع والله
بعدين يا احمد انا - وبحكي عن تجربتي قطع شك - لا من فارقت الاراك الرقاصات مافيهن ولا سركن واحدي كلهن سرنا نحن

شكرا يا اسامة لعبورك الفخيم من هنا

[أسامة معاوية الطيب]

المشاركة الأصلية كتبت بواسطة بابكر عباس

مداخلة أحمد طه دي، ختن (أوسامة) وطيبان في خانة (اليك)، وقربت تُشير لزول خارج البئية بأنو خطير.

احمد طه برضو مدعو.

بابكر اجيك من الآخر ... حتى لو قال حميد الآن انا كت قاصد السرية التي عناها اخونا بابكر أب قفة دا الموضوع عندي لا يمس (لا وعي) حميد الشاعر ... حيث أن الأمانة الشعرية تقتضي نقل الأحداث بحذافيرها ثم التدخل بالفكرة المضادة ... وإلا يبقى تزوير في أوراق شعرية !!!

ثم إنو ما جاء به احمد سليمان طه - وهو ناقد بارع جدا ومرجع بالنسبة لي - هو ليس نقدا شعريا ولكنه تحرك جيد في متاح ذاكرة مجتمعية وماهو أشقى مالانا فيها ... ولا اسع ما طمنا زي ماهو متطمن !!!
مع إشارة ذكية منو ... إنهن كانن (ومازالن) ... تدعم وجهة نظرو لحد ما للزول الماعندو حديدة ولكنها عندي أنا ... إن فتحت باب الاحتراف اتفق معاهو فيها ... غير ذلك لا ...

[أزهري سيف الدين]

المشاركة الأصلية كتبت بواسطة أسامة معاوية الطيب

بعدين ورد في بعض روايات القصيدة (الشول بت سرنا ترقص) هنا يمكن أن ننقسم لفريقين في شرح السرارة دي باعتبار دلالة الاسم وربطها بفكرة السرية ... وحينها أيضا كنت سأكون مرتاح جدا لأن حتى الشول يمكن أن تكون قد دخلت للنص باعتبار ان الشوق هو الاسم الأول - طبعافي حال ثبت أن الشول هي الأسم الأول الوارد في النص يبقى حميد جاوب !!! بمعنى إنو لاحظ حساسية ما تجاها وتعدد التفاسير وقام باستبدالها - في مناسبة أخرى كان يريد أن يشير فيها لتقارب دماء السودانيين - كما درج أن يفعل ويؤمن - فأدخل اسما ينتمي للجنوب وجعله قريبا لفتاة تتحدث من أقاصي الشمال !!!

تحياتي يا أسامة

في حال إنو حمّيد بدّل الإسم - سواءً من الشول للشوق أو العكس - فتحليلك الفوق دا حيكون مقنع جداً.
عن نفسي أميل لي إنو حمّيد بدّل الشول بالشوق، ودي فيها جواب منو للنقاش الحاصل دا كلو زي ما ذكرت في كلامك الفوق.
إتصلت بعدة أشخاص أثق في متابعتهم لكتابات حمّيد وأكدوا إنهم قروها (الشول) في أكتر من نسخة.
يا ريت العريس أسامة حمزة يفيدنا في حتة التبديل دي، بالذات لو عندو تسجيل فيهو (الشول) .
التسجيل الوحيد الموجود في النت وردت فيه (الشوق).
1:10 من زمن التسجيل أدناه:

[rams]http://tumboor.com/up/uploads/setaldar1.mp3[/rams]

تحياتي
..

[طيبان]

مداخلة أحمد سليمان طه الأولى في جدل (السرارة ) أنا نطّيتا قاصد ، وأظن البارح قلت لي أسامة حمزة الكلام دا ، يا أحمد دا عكّيم شنو السوّيتو لينا دا ؟ أنا مطمئن جدّا لانو الشوق دي قريبتن لي ناس راشد ، السرارة البيقصدوا بيها (الخدم) دي معنى بعيد ،ويمكن حتى الاستخدام دا جا من وعي متأخّر في المجتمع بضرورة إزالة الفوارق - ولو شكليّاً - نوع من الاستلطاف والتقريب ،لكن ان قلت لي زول في البلد فلان داك سرّنا المعنى الأقرب هو أنّو قريبنا من بعيد ، مالم يكن فلان داك معروف للمستمع إنو ما هو قريب وفق قبيلتو ،دفوعاتك عن الشوق دي وحديثك عن السياق فيهو ما اتقرت لي بي طريقتك واسمح لي عاد في الإختلاف معاك .
للمتابعين ، أحمد سليمان طه دا هو واحد من مراجعنا الكبيرة وشعرانا العظام ، ملم ومهتم بثقافة المنطقة بشكل ممتاز وهو مقيم بها وهو صاحبن لي حمّيد وبالتأكيد لي عباس ود علوية ، يعني لو أي زول غيرو كان تكلناهو - أنا وأسامة- في ركن ورشّيناهو لكن أحمد دا إلا نفاوضوا .. وبلا زعل كمان .

__

أسرارنا = قرايبنا .
الداعمين للمعنى دا من شايقية الموقع ..
ماريل وأسامة معاوية وأزهري سيف الدين وطيبان .
الداعمين للمعنى التاني :
أحمد سليمان وأسامة حمزة (أسامة زاتو مو مالي ايدو) ..

[أسامة معاوية الطيب]

المشاركة الأصلية كتبت بواسطة طيبان

مداخلة أحمد سليمان طه الأولى في جدل (السرارة ) أنا نطّيتا قاصد ، وأظن البارح قلت لي أسامة حمزة الكلام دا ، يا أحمد دا عكّيم شنو السوّيتو لينا دا ؟ أنا مطمئن جدّا لانو الشوق دي قريبتن لي ناس راشد ، السرارة البيقصدوا بيها (الخدم) دي معنى بعيد ،ويمكن حتى الاستخدام دا جا من وعي متأخّر في المجتمع بضرورة إزالة الفوارق - ولو شكليّاً - نوع من الاستلطاف والتقريب ،لكن ان قلت لي زول في البلد فلان داك سرّنا المعنى الأقرب هو أنّو قريبنا من بعيد ، مالم يكن فلان داك معروف للمستمع إنو ما هو قريب وفق قبيلتو ،دفوعاتك عن الشوق دي وحديثك عن السياق فيهو ما اتقرت لي بي طريقتك واسمح لي عاد في الإختلاف معاك .
للمتابعين ، أحمد سليمان طه دا هو واحد من مراجعنا الكبيرة وشعرانا العظام ، ملم ومهتم بثقافة المنطقة بشكل ممتاز وهو مقيم بها وهو صاحبن لي حمّيد وبالتأكيد لي عباس ود علوية ، يعني لو أي زول غيرو كان تكلناهو - أنا وأسامة- في ركن ورشّيناهو لكن أحمد دا إلا نفاوضوا .. وبلا زعل كمان .

__

أسرارنا = قرايبنا .
الداعمين للمعنى دا من شايقية الموقع ..
ماريل وأسامة معاوية وأزهري سيف الدين وطيبان .
الداعمين للمعنى التاني :
أحمد سليمان وأسامة حمزة (أسامة زاتو مو مالي ايدو) ..

حد يصحي بابكر أب قفة

[سماح محمد]

المشاركة الأصلية كتبت بواسطة طيبان

الداعمين للمعنى دا من شايقية الموقع ..
ماريل وأسامة معاوية وأزهري سيف الدين وطيبان .
الداعمين للمعنى التاني :
أحمد سليمان وأسامة حمزة (أسامة زاتو مو مالي ايدو) ..

شايفني برطّن؟!..

[أبوبكر عباس]

المشاركة الأصلية كتبت بواسطة أسامة معاوية الطيب

حد يصحي بابكر أب قفة

عشان أحضر تصويت ناس جمعية البيئة؟

[طارق صديق كانديك]

المشاركة الأصلية كتبت بواسطة سماح محمد

شايفني برطّن؟!..