قاموس المفردات العامية فى اشعار حميد

[الجيلى أحمد]

مداخلتك المجهبزة دى بجيها باكر..
شكرآ يازول على التعب المقدر
والبحث والتنقيب

[نغم]

المشاركة الأصلية كتبت بواسطة طيبان سلام للجميع .

نغم واضح إنّها متمكّنة جدا من لهجتنا ، أعجبت جدا بشرحك لكلمة يشهّل ، في يشهّلنا على الدوام ، ماكنت عارف معناها أبدا ولا طقشت أضاني قبل كدة إلا في هذه القصيدة ..
ما بتهدل فوق خنادق ، تهدل من الهديل ،صوت الحمام ،أظنك كنتي قاصدة الكلمة التانية تقدل في ولا بتقدل فوق حطام ..وللا ماكدي؟

بى صحك آآآ طيبان ما سمعت بى يشهلا دى
عارف بندل على البلد ايام بس و اول مرة شفتها حسيت انى شفت جنة الدينى و لكنة اهلى ديل الله يدى العافيى امى و خالاتى يتونسن و انا اقنب القط و احاكى لامن اجيد النطق يعنى الشئ تعليم راسو عديل باقى ولدونى فى بكان الحر و السموم علا وحات ربى إيانى مكمله باقى خرفى فى البلد وسط الجروف

بعد ما كتبت المعنى ده جانى صوت الحمام يعلم الله فى سماهو علا قت ادى بابكر فرصة يشبك فينى هههههههههه
طيب القصيدة بدت من اسماها بالحمام علا لامن خت وراها الخنادق فى الباين لى كدى يقصد المشئ داخل الخندق وبرضو ندى الحمام حقو يعنى ممكن تكون صورة مستحيله انو الحمام يهدل فى مناطق مضلمه و ضيقى و خنقه واميل لصورة الاخيرة دى
يا اخوى كفردة حميد دى تخليك تطير بالمعنى و ان كان جناحى انا مكسور

تعجبنى الونسة السمحى التجر الكلام الطاعم ابقى سيدو

[أزهري سيف الدين]

المشاركة الأصلية كتبت بواسطة بابكر عباس

كدي يا ازهري شوف مصالحة بورتسودان بين نميري والاحزاب، كم كان عدد الاحزاب الصالحت (الطهور) فيها؟

صباح الخير يا بابكر
ما أعتقد عدد أحزاب المصالحة ستة، لكن ما زلت شايف انو ربط الرقم 6 بالأحزاب مقبول ما لم يجينا زول بتفسير آخر.

تحياتي

..

[ماريل]

المشاركة الأصلية كتبت بواسطة البديري

شكرا لك ياختى ..ومن الان سانده علية :"محمد الحسن حسن سالم " كماقلتى لان (حميد) هو الله فقط ، كمثل : عبد الحميد ، وعبد العزيز ...والخ من اسماء الله الحٌسنى .

تسلمى.

يا البديرى سرحانك ده بودرك يا اخوى
نطق اسم شاعرنا(حميد)ما عندو علاقة من قريب
بى نطق الاسم كصفة من صفات الله جل وعلا شأنه(الحميد)
هذه تنطق(بفتح الحاء وكسر الميم وتسكين الياء والدال)
واسم شاعرنا ينطق(بكسر الحاء يعنى استهجاها ليك كده حى مي يد)
والله يا البديرى لو كان عندى رقم تلفونك كان اتصلت عليك
عشان اوريك بننطقا كيفن....
يا اخوى لا ترهق نفسك و(تيك ات ايزى)

[ماريل]

المشاركة الأصلية كتبت بواسطة نغم

الشئ يقولو تيس وسته خرفن - فى القصيدة
صاحب الدراسة قال السته خرفن هى الاحزاب
تقوم ات تسوى التيس خروف وتضيفو كمان لبنات السته و تحسبو بت عديل كدى لام الزين
وتكتب كارثه حسب ظنك انو احتقار للمرأة
دى قريتا كيف
ومن وين جاك الخاطر شان تفكر كده

الدراسة ابانت كيف تصوير التيس حزب الجبهة
ما تورينا كما ظنك فى احتقار حميد للبنات كيفنو كدى - من القصيدة بس


و اسالك بنفس القياس لماذا لم تفكر فى ان الاحتقار فى تشبيه الاحزاب بالخرفان من قبل حميد

تمهل قليلا ثم اكتب ياحافظ عن حميد - حسب ظنك

نغم ازيك
اضبطى ايقاعك وبطلى النشاز البتعملى فيهو ده(وش خاتى ايدينو قداموا رهبة من هجماتك)
مداخلة حافظ تحدثت عن الجزئية دى من النص:
( بت ام زين جابتلها بت********ستة ولاد حتان البت)يعنى مداخلة حافظ ما عندها علاقة ب(الستة خرفن والتيس الانصفن)
يا نغم لو ركزتى معانا اكيد حتمتعينا شديد
بس جهجهتك دى ماها زينة وبتجهجه الامة
الهنا دى كلها.......
كونى طيبة يختى
مستمتعة بى وجودك
بس ساعدينا بالتركيز طلبتك بالله

[أزهري سيف الدين]

تحياتي يا طيبان ومتابع إسهاماتك المكرّبة في البوست.

المشاركة الأصلية كتبت بواسطة طيبان

يا أزهري أنا والله زي حافظ حسين أخوي دا ، ما أقنعنتني أبدا دلالة الرقم ستة وفق الدراسة المنشورة ، ياخي دي مجرّد لتـّيق لفكرة دارت برؤوس أصحابها ، لماذا لم يتبيّنوا مراميها من حميد وحميد كان بيننا إلى وقت قريب ، القصيدة فيها ترميز قريب ،تشفير علي خفيف كدة ، المشي للبعيد بيعقّد شعر حمّيد ، وحميد جمال شعرو في بساطتو ،وعمقو .هذا رأيي .

- مسألة استبيان مرامي الفكرة من حمّيد مباشرة دي فتحت لي سؤال للناس القريبين منو (وأعتقد إنك واحد منهم):
هل كان حمّيد بيجيب على الأسئلة حول نصوصو بصورة مباشرة؟

- يعني يا طيبان تعتقد انو حمّيد رمى الرقم 6 كدا ساي؟ وكان ممكن يكون أي رقم تاني؟
ورايك شنو في ربط التيس بالحركة الإسلامية؟ شايفو مشي بعيد برضو؟
أنا غايتو ما شايف إنو ربط الرقم ستة بالأحزاب تعقيد أو مشي بعيد.
مع العلم إني ما متفق مع الطريقة الحسب بيها صاحب الدارسة الأحزاب زي ما ذكرت في ردّي على حافظ.

- يا ريت لو تدينا (النا هنا تفيد الجمع، وراجعة للقرّاء كلّهم ) تفسير تاني للرقم 6 يكون أكثر إقناعاً.

تحياتي

...

[نغم]

المشاركة الأصلية كتبت بواسطة شهرزاد
نغم ..
سلامات ومساك طيب
كلنا متفقين إنو حميد في قصايده بتكلم بلسان حال مجتمعه وبيئته بكل ثقافته ومفاهيمة وعاداته وتقاليده زي ما بتقمص شخصيات قصايده بالضبط وبعيش فيها .
يعني حميد حتي لو عايز يقول إنو ولادة البت ولو بعد ستة اولاد ما مفرحة أو شي عادي فهو بعكس حالة وفكرة المجتمع ليس الا ودي يمكن حقيقة لي يومنا هذا الناس بتفرح بالولد أكتر من البت .
طبعا ده بعيداً عن موضوع الأحزاب وتسيس الفكرة الحاصل في القصيدة .

ببساطة ياحافظ عايزة أقول ليك إنو حتي لو كانت دي فكرة حميد في القصيدة فهي ما بتعني أبداً إنو حميد بحتقر المرأة أو بقلل من شأنها هو بس بتكلم بلسان حال مجتمع دي فكرته أصلاً قام هو بإستخدامها بزكاء في توصيل فكرة تانية مختلفة .

يسعد صباحك يا يبنه
افزعى معاى و حافظ ده اديلو بس
المطلوب مننا كناس شمالى ان نقرب المعنى للاخرين
وزى ما قتى متفقين حول حميد ناقل لمشاهد و حياة السودان ده كلو و علاقاتو الاجتماعيه وامين جدن و صادق مع نفس فى التبادى و متصالح مع ذاتو عشان كدى كلامو نجيض و مليان
واوافقك انو مشهد الفرحه بالوليد عند كل السودانين اكبر و ان كانت البت بتجلب الحظ لكن الوليد بجيب النسب هههه
ممكن نبعبد من فكرة الاحزاب لكن تسيس الفكرة الفى القصيدة دى بختلف معاك اصلا القصيدة قائمة على فكرة و موضوع فى ذهنيه الشاعر
وراجعى تحليل طيبان وتحديده للفترة او المرحله التاريخيه وده مهم جدن فى قراءتنا للنص على مر الزمان عشان نعرف بقصد شنو وزى ما قال معاويه ما بنقدر نفرز الاسقاطات السياسيه و الفكريه لحميد و الا يبقى لوى عنق الحقائق ال بؤمن بيها حميدنا (الاهداء للجيلى و بابكر عباس)*
الحق محفوظ
متعتى الكبيرة انو نتشارك تقريب المعانى و التفنيد مع بعض بتخلينى احك عقلى كويس و اتعلم الحفر مع الجهابزه
لكم جميعا التحيات الكتاااااااااااار

[ماريل]

المشاركة الأصلية كتبت بواسطة اسامات

ماريل سلامات .. - انا شايف الوقفة في بعض النقاش الحاصل هنا ماعندها معني خلاف انها انجراف وراء نوايا سواقة البوست في اتجاه اخر .. او هكذا يخيل لي ..!! الفكرة من بداية البوست كانت واضحة ، الان اي زول عاوز يفتحلو نفاج نقاش جانبي وطرح اراء ده ما محلها .. اصرار البعض علي مناقشة مواضيع اخري بخلاف موضوع البوست ده عناد ومحاولة لفتلو فتل مع سبق الاصرار .. وكمان الترصـّد يا سوقي البوست ده بالطريقة البدأ بيها يا خلينا نشوفلنا شغلة تانية .. ما تعتقدي اعتقاد جميل في كل المكتوب هنا .. . اواخر القصيد الاولي .. وين طيبان ؟ [COLOR="Indigo"][SIZE="5"][CENTER] .

صباح الخير يا اسامة
انا والله مستمتعة جدا بى نصوصك البتجيب فيها هنا
خصوصا انى متاكدة تماما انها النصوص الاكثر دقة
وذلك بحكم علاقتك الوثيقة بالحبيب(حميد)
اوع تمشى تشوفلك شغلة تانية(وش مستجدى)
بعدين يا اسامة ياخى
انا ما عندى حق يخلينى اقول للناس الهنى ديل
اقيفوا قبلكم ما تتناقشوا....
ناهيك عن ان شكل النقاش هنا
ابدا ما اضر بالبوست بل على
العكس(حسب وجهة نظرى)اداهو نكهة وطعم
خلى كل زول يقول العندو
وانت قول العندك
وانا اقول العندى
وده كلو يصب فى صالح (نصوص حميد)
*******************
نقطة سطر جديد
ما تهتم بالشئ الماهوعاجبك
وجيب لى العندك وتعال وانا معاك
*****************
نقطة
(نص جديد)
(الضؤ وجهجهة التساب)

[حافظ حسين]

المشاركة الأصلية كتبت بواسطة ماريل

صباح الخير يا اسامة
انا والله مستمتعة جدا بى نصوصك البتجيب فيها هنا
خصوصا انى متاكدة تماما انها النصوص الاكثر دقة
وذلك بحكم علاقتك الوثيقة بالحبيب(حميد)
اوع تمشى تشوفلك شغلة تانية(وش مستجدى)
بعدين يا اسامة ياخى
انا ما عندى حق يخلينى اقول للناس الهنى ديل
اقيفوا قبلكم ما تتناقشوا....
ناهيك عن ان شكل النقاش هنا
ابدا ما اضر بالبوست بل على
العكس(حسب وجهة نظرى)اداهو نكهة وطعم
خلى كل زول يقول العندو
وانت قول العندك
وانا اقول العندى
وده كلو يصب فى صالح (نصوص حميد)
*******************
نقطة سطر جديد
ما تهتم بالشئ الماهوعاجبك
وجيب لى العندك وتعال وانا معاك
*****************
نقطة
(نص جديد)
(الضؤ وجهجهة التساب)

و الله المحمر دا انا مستنيه من بداية البوست....
عليك الله يا أسامة معاوية تجي في دي بس و انشاء الله بعديها تحرد للأبد
طيبان نحن في الانتظار و كان بالخصم تعال
نغم تعالي بدون كدارة
أسامات
أحمد طه
أزهري
شهرزاد
هي تعالن نورا فيكن
ماريل سوقي كويس بالله و ما تجهجهي تساباتنا

[ماريل]

(ملحمة تاريخية)
(قصيدة الضؤ وجهجهة التساب)

ودَّاها فوق قُوز الرماد
كان ظنُّو يوم يومين تلاتِة
المُوية تنزِل والبحرْ يشرد شُراد
يفضل تَرا .
يبراهُو بالسلُّوكة من ورا
والعِيوش والخير يعم يرقد رقاد
والناس تخُمْ خمّ السرور
، وماهُو البرا ..
ناساً كُتار فاكرين كدِي .
يومين تلاتِة ، الحالة ترجع حالَتَا
ويبنوا البيوت هُو وشفَّعوا وأم الوِلاد ..
ينجمَّعوا ، ويسترجعوا الماضي وشتاتات السواد في صالَتَا ..
شِيتاً ضحك ..
شيتاً بِكِي ويبقى الخراب دا رهاب رِهابْ عِبرة وحكاوى بتنحكي ..
بلدك مِتلْ كمِّين بلادْ ..
بدت الدقون فيها الخَتَا نجَّس تراها المُتْرَفين ..
كِترتْ مواعين الفسادْ وكان كلمة الإسلام غُتَا ...
جاتْ الَلَتْ الله وشالتا .
******
كان ظنُّو يوم .. يومين .. تلاتِة ..
مشى السِبُوع والتاني جا والمُوية كلما ليك تزيد ...
ويقلْ رجا .
قوز الرمادْ الكان قِريْب ..
فات بعيد بقى ماب تخُوجْ قوز الرمادْ ...
يا الضوْ فِضِلْ جزيرِة ضاربْ فيها مُوجْ
وحصار حصارْ
كيف النَجَا؟؟
عاينْ البلد دي دمار دمار ..
فيها إيش فِضِلْ ؟!
لعبة قصب فِ إيدين طفلْ !!!؟

[نغم]

المشاركة الأصلية كتبت بواسطة حافظ حسين
سلام يا نغم و شكراً علي الرد.... لكن داير انبهك لنقطة, أصلاً انا ما كتبت عن حميد لاني ببساطة دا شعر انا ما عندي ليه رقبة , و بشكر كل القايمين علي أمر البوست قدروا يفكوا لي شفرات كانت غايبة علي لغوياً و كل يوم بكتشف اننا كم أغنياء بتعددنا الذي صار أحد نقماتنا..... يا نغم انا أصلاً ما كتبت عن حميد و مخلي الموضوع دا علي الله و عليك, و بعدين انا ما كتبت عنه خليك من أتهمه , أنا يا نغم أتساءلت تساؤلات محددة و أسئلة ممكن تكون أستنكارية لتقريب جابه أزهري ما مبلوع بالنسبة لي.... و تحديد استنكرت و اتساءلت حول الكتابة الجاء بيه ازهري حول الرقم ستة و عدم منطقيته بالنسبة لي, أما فيما يختص بإتهامي انني أتهم حميد بانه غير مهتم بقضايا النساء.... أبداً انا ما اتهمت حميد لكن أستنكرت أن حميد يكون قاصد كدا..... و الكلام دا انا جبته


أما فيما يختص بوصيتك الأخيرة حول:

الوصية دي علي العين و الرأس حأتمهل كثيراً مش قليلاً يا نغم عندما أكتب عن حميد و بالجد في الجزئية دي أنتي محقة لان طيبان و اسامة معاوية الحردان بغنوني عن القصة بس الا شلاقة ساي .... يعني الشباب ديل بكتبوا الفي رأسي قبال ما انا أقوله تحديداً في هذا البوست ....
و أخيراً يا نغم أنا لم أظن بحميد سوء
و فتك بعافية

اقول ليك شئ ضحكت كده لامن ارتحت فى هذا الصباح لانى اكتشفت انك حساس اكتر من مما يجب و ردك المهذب ده بخلينى امسك كل حرف من مداخلتك و ارد عليك
قصدى من الكتابه الفى مداخلتك دى مو اياها الكتابه الواحدة البنعرفا دى
و يا اخوى انا مانى البنفد كلامك حول الرقم سته لكن فى حقيقه انو اتيس و الخروف ركز فى دى شان الوضف يقع لك
رايك الاسهبت فيه و اديتو مبرر حول دلالات الارقام عند حميد حقو ما تأخذ المنحى الدينى - و الله جد بوافقك فيها و كيفتنى فى لحظتا ديك وجغمت شاهى الحار

اها ظنك على حميد فى احتقار المراة دى ما كتابتك الما نشفت لسه فى مداخلتك الاولى فى شان دى قت اقرأ بى تمهل لو ما عجبتك امسحا لى فى طرحيتى يا حافظ ما فايت عليك توجه حميدنا اليسارى طيب من وين بكون كشاعر شعب السودان كلو يرمز لى ده فى مفرادتو دى سرحتا فيها بالصح دقست وهو نصير المرأة فى كل اشعارو الكتيرة الانت قريتا و يكفى فخرا اغلب قصائده باسماء نساء عظيمات ومارقات من بطون تشقق الارض الطيبه ده بس الخلانى اجتهد ساى شان ادحض فكرتك دى ما عليك الا تخلنى فى العندى و حقك جيبو اكتبو شان نتحاور سمح
شلاقه ساى يا اخوى ده على منو-- ما تقول عبرو عنك
على فكرة بارى كتاباتهم بتجمع رصيد كبيييييييييييييير وتلم بالمعانى كمان مؤكد انك من غير الناطقين بها لانك ما من المنطقة - اصلو كلنا مهمشين نحن فى الشمال و اتم فى الوسط
وصيتى لا تبقى كدى اكتب و انجر وغالط وسوى ليك كم شبكى و امرق من طورك ههههههههههه زى اختك دى الشئ مش مجانى نسكت نكتب مادام فى العمر باقى
كلو الا الحرد

[نغم]

المشاركة الأصلية كتبت بواسطة الجيلى أحمد
تحياتى ياطيبان,
وشكرآ ياأخى على الرد المرتب..


أنا كنت مفتكر انو الزول المقصود بى الكلام دا سيدنا محمد والناس الاتنكاصو عن فكرتو المتقدمة, ومسالة علاقة الشفيع بالنص كانت علاقة لغوية ودلالة قريبة, يعنى حاجة مابتتعب الذهن بس, لكن بتخليهو مهنضب, ومولع لمباتو .. بالمناسبة المسألة دى متوفرة عندى فى كل شعر حميد..
أنا ماشايف اى علاقة بتربط عبد الخالق بتسمية (راشد) فى القصيدة لأنو الصياغ كلو ماعندو ماعلاقة بالربط دا, الا الناس تكون معتمدة على ولع كليهما بالعناد ...
ربط الاشارة فى القصيدة بعبد الخالق, يخل بكليهما(القصيدة وعبد الخالق) كما انه يخل بالفضاء الفسيح للتخيل

اااجى يا الجيلى
غايتو خلينى اقرا حميد فى الست الدار اكثر من 15 مرة فى هذا اليوم

طيب يا الجيلى سؤال مباشر
مالو لو حميدنا عبر عن فكرو ناسو و عبد الخالق فى القصيدة بالجهر الواضح ده وده بجى من كل مشاهد القصبدة البتحكى فى المرحلة التاريخيخ ديك احداث محددة معروفه

الشفيع و راشد و البوليس و الشوعيه و السجن و الكتب المشحونه فى البص و النوباويه دى شخوص لدلالات المرحلة ذاتا يعنى حميد بجتهد كثير فى تزيل تاريخ القصيدة عشان نتابع بعد 50 سنة و نعرف الحاصل كان شنو
و الجانب التانى
جعفر و الخواجات و علماء اثار و المحجوب و الشوق وكل ناس البلد
وصاحب المصنع العرفنا من القاء حميدنا انو خليجى
تعرف ده حقائق بس
هو نقل المشاهد كما هى لتك الحقبه ما نفصل عن احساسو فى تلك الفترة البعبر بيهو عن تفاعلو مع احداثها - و لا يمكن نجردو من تفكيرو بس عشان نفكر ان الخيال الفسيح بضيق
ما يضيق و يفصلو بمقاس عبدالخالق و الشفيع
القصة وين ما عرفتا
لكن عموما ده بفتح خيط تانى يتعمل بيها وقفة تانى مع فكر حميد عشان ما ندغمس البوست
اصلو ماريل ادتنى هرشه

علا انا بكتب بس
حتى لو ما مرتبه
لكن بقول البفكر فيهو و بقرأ من الشعر الخالد
ما يخلونا نجتهد الرسول فيك يا ست البوست

[بدر الطائف]

المشاركة الأصلية كتبت بواسطة طيبان

عودة لموضوع بت سرّنا ، أمس كنت بنضم مع الصديق /هاشم محمد موسى ، هاشم دا ود أخت حمّيد ،ودا ما المهم ،المهم انّو حافظ أغلب أشعار حمّيد ومعاصر لي عدد كبير من قصايدو وحاضر زمان وحيها ،وبيناتهم نقاشات طويلة بحكم القرابة والإهتمام من جانب ودالأخت ،سألتو عن (الشوق بت سرّنا)،أوّلا قطع لي الشك بي انّها (الشوق ) وليست (الشول ) أبداً ، قلت ليهو هل حصل ناقشت حمّيد في ما يعني بي (بت سرّنا) أو سمعت ليهو توضيح ؟ قال لي : لا .. ماحصل ، هاشم برضو بيقول انو حمّيد ممكن يكون قاصد قريبتنا وممكن يكون قاصد انّو الشوق دي من بواقي (الرقيق) حسب السائد في الزمان داك ،وهذا بالتأكيد ليس خصماً على حمّيد ،فحمّيد ناقل للواقع بكل تفاصيلو وليس مطالبا بتنقية المفاهيم ، وهذه أمانة منه ، أعتقد انّو دا رايك برضو ..

__

تحياتي .

طيبان والجميع تحياتى.
عارف يا طيبان كلمة سرنا دى شائعه عند كبارنا من جهة الوالده.
وبما انه الكلمه غير واضحه المعنى اذكر مرة وانا صغير السن سالت حبوبتى (الله يرحمه) عندما كانت تحكى عن بعض الاهل وجابت كلمة سرنا سالتها يا حبوبه سرنا يعنى شنو فكانت اجابه واضحه وبسيطه انه السرراه هى القرابه البعيده يعنى فى قرابه مع الناس ديل لكن بعيده وصعب انك تربطه بتسلل بتاع انساب محدد.ومازال هذا التفسير رازخ فى ذهنى رغم طول الفترة.
جهجتو كفارتنا ياخ.

[نغم]

المشاركة الأصلية كتبت بواسطة ماريل
نغم ازيك
اضبطى ايقاعك وبطلى النشاز البتعملى فيهو ده(وش خاتى ايدينو قداموا رهبة من هجماتك)
مداخلة حافظ تحدثت عن الجزئية دى من النص:
( بت ام زين جابتلها بت********ستة ولاد حتان البت)يعنى مداخلة حافظ ما عندها علاقة ب(الستة خرفن والتيس الانصفن)
يا نغم لو ركزتى معانا اكيد حتمتعينا شديد
بس جهجهتك دى ماها زينة وبتجهجه الامة
الهنا دى كلها.......
كونى طيبة يختى
مستمتعة بى وجودك
بس ساعدينا بالتركيز طلبتك بالله

سجمى - سجمى
اكان كدى يا حافظ عضرى ليك اللحظة دى ذاتو ما تقبلو
لو ماريل كتبت كدى

يا بت سلامة النضر
كدى اقرى شوفى السبعه الجمعا دى جات من وين؟
المعنى بقيت اكتب كتر
لا لا و الله مركزه و عيونى منفجله شان البوست ده اصو استفزانى قبل ما اجتهد ههههه

خلى الامه ال تجهجه لو ما فكرت كتير اخير لها الجهجه
يا حافظ ات كتبت شنو
فى التيس و الخروف
و ظنك على حميدنا احتقار المرأة بالربط بالتيس و الخروف و الاحزاب
المساله جاطت
علا عيونى هى البتقرا و عقلى بحكو
من دربى ده


الحاله قايلى مخصماك من زمن شبكتى فى بابكر
ات ما تخلينى بس و التركيز فى القلب هههههههههههههه

بقنب بس بعد تعزمينى جبنه شان ما افتل تانى

[نغم]

المشاركة الأصلية كتبت بواسطة اسامات

ماريل سلامات .. -

انا شايف الوقفة في بعض النقاش الحاصل هنا ماعندها معني خلاف انها انجراف وراء نوايا سواقة البوست في اتجاه اخر .. او هكذا يخيل لي ..!!
الفكرة من بداية البوست كانت واضحة ، الان اي زول عاوز يفتحلو نفاج نقاش جانبي وطرح اراء ده ما محلها ..
اصرار البعض علي مناقشة مواضيع اخري بخلاف موضوع البوست ده عناد ومحاولة لفتلو فتل مع سبق الاصرار .. وكمان الترصـّد
يا سوقي البوست ده بالطريقة البدأ بيها يا خلينا نشوفلنا شغلة تانية ..
ما تعتقدي اعتقاد جميل في كل المكتوب هنا ..
.


اواخر القصيد الاولي ..
وين طيبان ؟

نحنا نُصاحاً زي واطاتنا
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بالحيل
العضمين الروكة إنزرعن
اوعك تشفق من تالانا
ولا نبقالك مشغولية
زيّك واحد مستورين وما ناسين المسئولية
المحجوب ينشد من خبرك
شافعو محسّب من يومين
التومات طيبات ونصاح
إلا هُباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
وداعة الله
أوعى البشغل والعربات
والحيكومة السمها فاير

أم أولادك ست الدار بت أحمد جابر

نحن زمان شن قلنا

معاك يا اسامات
و مانى دايرة امرق من ست الدار دى
و القزف البى الزانه ده ماهو يلنا
كدى النبحت

القراص: دى الحشرات فى اعتقادى انو الرمزيه هنا لناس الامن لانو فى الحقبه ديك اشتهرت القرص بالزرديه (دى حسب راوية المعتقلين فى الزمن داك و منهم قربن لى )
العضمين الروكة: الحوضين للزراعة بيشتغلو فيهن روكة يعنى الاخوان فى الاسرة الواحدة او الاسرة الكبيرة من ابناء العمومه و كدى يقومو يرمو شتلم روكى مع بعض وكل منصرفات الزراعة و الحش و الحصاد و التعبيئة تكون روكه و بعد داك الننفع بيهو كلنا - برضو العيش روكه يعنى التكل واحد يسوىن الاكل و يكفى اكان 10- 20 او يزيد ام راشد يبدو انها قاعدى فى البيت الكبير ضل الزين
تشفق: الشفقه الواحده دى او تقلق و خصوصن هو الفى البندر بفكر فى حالم و مدراسم
تالانا: يعنى الاسرة والبعيد بكون البلد و الزرع و البيوت و ناسو الطيبن جايه من اصل كلمة التالى و الضمير ليهم
نبقالك : نبقى ليك مشغوليه
ينشد: يسأل من خبرك و حالك
محسب: مصاب بالحصبه المرض و لاحظو قلب الصاد سين و كدى
بالخصم: من المرتب بعد الاذن بالسفر لى يوم ودى حاله الناس الزمان كان بتسافر لى اهلها و يديم الاذن و تسريح السفر وان سهلت يقطعولم التذاكر جاء زمن نميرى قال ليك الا خصم عديل
هباش: الشفع حركتم كتيرى و يوصفو بانهم يبهبشو اى شى طبعن عشان يعرف وهو جنسو شنو؟
العارضى : العوارض بلكتنا وهو ما يحول دون تحقيق ما تريد

البشغل و العربات و الحيكومه السمها فاير
دى تجسيد لحاله ديك والمشهد ده بخلى كلو زول يحلق فى فضائو

دى ترجمه يا اسامات
لكن الاسقاطات و التفيد
دايرلو رواقه

.

.