قاموس المفردات العامية فى اشعار حميد

[tahmoi]

بسمك اللهم
ست الدار الجواب الأول الجزء الأخير 2/2

[tahmoi]

بسمك اللهم

معليش ارجع الناس لا ورا شوية
عشان نعدل الخطوة ونصل محل اخونا أسامات

وإلا يجيبوا الغنّايين
شان الشوق بت سرّنا ترقص
الشبّال والدارة تهج

دا جواب لي المحل الدار فيهو النقاش والإنقسام

[أزهري سيف الدين]

المشاركة الأصلية كتبت بواسطة أزهري سيف الدين

(2)
صراحة بعد الوقوف عند الأبيات التالية، أنا شايف إنو (الشوق بت سرّنا) بتقبل معنى القرابة والمعنى الأخر برضو:

الدهشان حدّر طاقيتو
شان خواجي أداهو سجارة
ود الخير ودر يوميتو
وشوق شدتلها سِتة جُرارة

من مشاركة الأخ tahomi رقم 403:


يا من سحرك يا نقارة
خدم الباشا ملوك الدارة

أعتقد الحتّة دي بتدعم المعنى التاني للشوق بت سرّنا

...

[نغم]

المشاركة الأصلية كتبت بواسطة أزهري سيف الدين

من مشاركة الأخ tahomi رقم 403:


يا من سحرك يا نقارة
خدم الباشا ملوك الدارة

أعتقد الحتّة دي بتدعم المعنى التاني للشوق بت سرّنا

...

اتفق معاك يا ازهرى
قرايتى ليها
لو الباشا استبدلت بالعمدة (الباشا ما بتركب هنى و المعروف فى المنطقه العمد)
تكون خدم العمدة ملوك الدارة
والاشارة هنا للشوق واحدة من خدم العمدة وكلمة خدم ترمز الى العمل المنزلى الروتينى من طبخ و نظافة
تمرقنا من السرارة اللت ... المكجناها و من المعروف انو خدم البيت بكونن من الاهل القريبين فى منظقة الشايقيه
و الله اعلم

[نغم]

المشاركة الأصلية كتبت بواسطة tahmoi

بسمك اللهم

سلامات يا ناس

فاطني مخمخمى
علب البيرة
قالت بيها حلات شُرَارة
خواجات والحلى سكارة
لي حفيت التمر العاول
باب حوش سيدى
فتح خمارة
وبت فرحين
وشوق شدتلها ست جرارة
ود الفنجرى فوق راس بصو
وصاقع بصوا
الكجر اترصوا
الهموبتية النصرانية
تشب وتقرصو !
جعفر يرطن والخواجي
داق الكف والباشا يبشر
وعمى طريم زى عادتو مكشر
المحجوب اومالو مأشر
كفت الكمرا
وراح متعذر

عصب الحال في البال
اتدوزن
ضر يا باشا نسايمك هبن
ويا خواجة زمانك لبن
شيخنا محمد قالب حسو
طه مكفكف وحازم نصو

معز أحمد عبد القادر

فاطنى المخمخمه: فاطنى شايلا علب البيرة فى ايدينها او ماعون
حلات شرارة : شرارة تعنى القراصة الرهيفه و غالبا ما تكون بى دمعة اللت لحمه ظابطه تعنى انو الجماعة ديل استحلو البيرة بعد ما شيعو بى الشرارات السونهن


اما دى قريتا كدى
اجتهاد ساااى
فتح خمارة بت فرحين
الواو زائدى من خطا كتابه ارجح كده

المعنى جانى بعد شرح طيبات للتمر العاول البعملو منو الشربوت

و شوق بعدها شدت عشان كده جات الواو


وقفت تانى فى المحجوب
اومالو - الاماءة هى لغة الجسد اعتقد انها المقصود هنا استخدمها عشان عمو يشوفو (و لغة دى اهبى يجدوها كتيييييييييير) و يعدها قام اشر للكاميرا


وفى شان ده
قت حميد ناقل امين لمشاهد و تصاوير بيئتو والعلاقات بين اهله


تخريمتى دى لى حافظ حسين
و ما تنشدنى ليه

بس ات اكتب

[نغم]

يا اخونا
بعد ما قريت ست الدار اللت صحيفة الشاهد بى اخطائها دى وباذات فى التنوين
ومرات بضيع المعنى كلو
لكن الفايدى فى التعديلات الدخلت على النص (جديدة على نغم)

ما تخلونا نتوهدب
ونمش فى دربنا البدينا لى توثيق حميدنا

اها

البلم فى اسامة حمزة
ان شاء الله يكريهو و يجيب لنا النص

لامن كمان اسامة يجيب النص الكامل من استاذنا ازهرى

باقى ست الدار دى شيتن قوى و عظيم خالص

[طيبان]

المشاركة الأصلية كتبت بواسطة بابكر عباس

سلامات يا طيبان،
أشرح لي خلل الوزن الشعري الإتوافقتوا عليهو دا، وين؟ وخالف شنو؟

سلامات يا بابكر ..
أخطاء الوزن التي تحدثنا عنها ,نتجت عن خطأ في النقل كما أورد ناقلها معز ..وهي بالترتيب :
1-

زي الخيل وكت النقارة تفرق عن زي الخيل وكت نقارة ..ومشكور معز وضّح النقطة دي ، الألف واللام دي خلقت خلل في الوزن الشعري امتدّ للمعنى ..كدة بقت الصورة الشعرية أوضح ..ينشافوا فتارى لكن عند دق النقارة بكونوا نشاط زي الخيل ..
2-

حليلو دي واضح انو وراها في كلمة غير واضحة ..ممكن تكون (خسارة ) ، غياب الكلمة دي أخلّ بالوزن .

3-

من حظ داشر
وبت فرحين ..
كدة بت فرجين تقعد فوق في أمانة ربّها ..بدون ما تكسر الوزن الشعري ..الكلام كدة اختلف ..




__

هذا ما كان من أمر الوزن يا بابكر ..

[طيبان]

المشاركة الأصلية كتبت بواسطة اسامات

طيبان سلامات ..

بالنسبة للقصيدة كاملة اظن انها عند الاستاذ الشاعر ازهري محمد علي وسأبذل جهدي لعرضها هنا بآخر تعديل اجراه حميد فيها .
؟؟!!

.

سلام يا أسامة ..
عرفت أمس أن حميد قرأها بتعديلها الأخير ,ولمرّة واحدة بنادي بلالة في نوري قبل وفاته بفترة بسيطة ، الفكرة انّو حتى النص الأخير ،لا يلغي النصوص السابقة فقط سيتجنّب الأخطاء المتواترة في النقل ، لكن من حيث أن القصيدة اتبدّلت فاتبدلت كتير ، وحمّيد هو من فعل ذلك أوّلا ..ودا مفهوم لأنو هو قال كدة ،قال ما يعني انّو النص الشعري عندو متغيّر وغير ثابت والشواهد كثيرة ..
نمشي خطوة لي قدّام وان لمّيت في النص ألحقنا بيهو ..

__

تحياتي .

[طيبان]

المشاركة الأصلية كتبت بواسطة نغم

فاطنى المخمخمه: فاطنى شايلا علب البيرة فى ايدينها او ماعون
حلات شرارة : شرارة تعنى القراصة الرهيفه و غالبا ما تكون بى دمعة اللت لحمه ظابطه تعنى انو الجماعة ديل استحلو البيرة بعد ما شيعو بى الشرارات السونهن

سلامات يا نغم .
فاطني مخمخمي علب البيرة ..قالت بيها حلاة شرّارة ..
المعنى الأصح في رأيي انو فاطني لملمت علب البيرة ، بنيّة انّو تقطّعا وتعمل منها (قرقريبة ) لعمل الشرّار ، وياحلاة الشرّار بي قرقريبة مصنوعة من علب البيرة هذا لسان حالها ..يعني الشرّارة لا أسّع ما اتعاست ، ولا الجماعة أكلو منها .

(القرقريبة تصنع من علب الصلصة عادة ، وهذا هو النوع السائد لعواسة الفطير والشرّار ، الكسرة بتتعاس بقرقريبة من الخشب أو السعف ) ..

تحياتي .

[الزوول]

المشاركة الأصلية كتبت بواسطة طيبان

سلامات يا نغم .
فاطني مخمخمي علب البيرة ..قالت بيها حلاة شرّارة ..
المعنى الأصح في رأيي انو فاطني لملمت علب البيرة ، بنيّة انّو تقطّعا وتعمل منها (قرقريبة ) لعمل الشرّار ، وياحلاة الشرّار بي قرقريبة مصنوعة من علب البيرة هذا لسان حالها ..يعني الشرّارة لا أسّع ما اتعاست ، ولا الجماعة أكلو منها .

(القرقريبة تصنع من علب الصلصة عادة ، وهذا هو النوع السائد لعواسة الفطير والشرّار ، الكسرة بتتعاس بقرقريبة من الخشب أو السعف ) ..

تحياتي .

...
سلامات يا طيبان ونغم
اتفق مع طيبان في موضوع (فاطني مخمخمي علب البيرة)
وفي الحقيقة المعنى نفسو استعملو محمد بادي في قصيدتو اللت (سياحة في حي العمارات)
...
ماعون الوسكي الاحمر
وعلب البيرة السايدر
حتي قزازة البلدي النازف من شريان المشرق
مصو الخبث فيهم سم يعشرق
ونحن ادونا الفاضي هدية
يقعد في شمس اللة ثلاثة ايام بتطهر منو السيئة
وتمشي ام احمد تغسل بطنو وضهرو وما لازماها وصية
وتسلخ منو الدمغة الوصفت عينتو والكمية
بعضاً ينفع دلو نشال في البير ام تسعة رجال
تقدلبو بنية سمحة مع الشهلال
تسقينا حلال وزلال
والفاضي الكان مليان احزان واطرافو تسيل
يتحول كوب معقود فوق قلة تنقع وراقدة سبيل
وسبيل مسروف مكتوف بلحاية علي سيالة ورامية ضليل
الغاشي الماشي الراحل دابو ودربو طويل
الغاشي الماشي الراحل ونوخ دابو ودله الشيل
الطير الطاير فوق بلداتنا وناوي رحيل
الولد السادر فوق مشهاد البرق الشايل ودربو طويل
وعموم الناس والفرع الصايدو يباس وكلاب الحر وبنات الريل بتشيل
بتبل الريق والمويه نواحي السافل موية نيل
...

[نغم]

المشاركة الأصلية كتبت بواسطة طيبان

سلامات يا نغم .
فاطني مخمخمي علب البيرة ..قالت بيها حلاة شرّارة ..
المعنى الأصح في رأيي انو فاطني لملمت علب البيرة ، بنيّة انّو تقطّعا وتعمل منها (قرقريبة ) لعمل الشرّار ، وياحلاة الشرّار بي قرقريبة مصنوعة من علب البيرة هذا لسان حالها ..يعني الشرّارة لا أسّع ما اتعاست ، ولا الجماعة أكلو منها .

(القرقريبة تصنع من علب الصلصة عادة ، وهذا هو النوع السائد لعواسة الفطير والشرّار ، الكسرة بتتعاس بقرقريبة من الخشب أو السعف ) ..

تحياتي .

المشاركة الأصلية كتبت بواسطة الزوول

...
سلامات يا طيبان ونغم
اتفق مع طيبان في موضوع (فاطني مخمخمي علب البيرة)
وفي الحقيقة المعنى نفسو استعملو محمد بادي في قصيدتو اللت (سياحة في حي العمارات)
...
ماعون الوسكي الاحمر
وعلب البيرة السايدر
حتي قزازة البلدي النازف من شريان المشرق
مصو الخبث فيهم سم يعشرق
ونحن ادونا الفاضي هدية
يقعد في شمس اللة ثلاثة ايام بتطهر منو السيئة
وتمشي ام احمد تغسل بطنو وضهرو وما لازماها وصية
وتسلخ منو الدمغة الوصفت عينتو والكمية
بعضاً ينفع دلو نشال في البير ام تسعة رجال
تقدلبو بنية سمحة مع الشهلال
تسقينا حلال وزلال
والفاضي الكان مليان احزان واطرافو تسيل
يتحول كوب معقود فوق قلة تنقع وراقدة سبيل
وسبيل مسروف مكتوف بلحاية علي سيالة ورامية ضليل
الغاشي الماشي الراحل دابو ودربو طويل
الغاشي الماشي الراحل ونوخ دابو ودله الشيل
الطير الطاير فوق بلداتنا وناوي رحيل
الولد السادر فوق مشهاد البرق الشايل ودربو طويل
وعموم الناس والفرع الصايدو يباس وكلاب الحر وبنات الريل بتشيل
بتبل الريق والمويه نواحي السافل موية نيل
...

حبابكم أأ الزنيين

دايرى اوضح هنا انى قصدت بالجماعة الاستحلو دبل الجاء ذكرهم قبل (الحواجى- شلة العمدة او قول الكله اللتو) عشان ما اوصف فاطنى ساكت وقطع شك مانى البهبش نيتا فى شان عارفى حاشهن البيرة اماتى
وايضاح طيبان لى صنغ القرقريبى اللت الصفيح و الخشب الله يعلم عجبنى كيف
وبرضو اللت الخشب القوى يسوبا الابرى

الزول المقطع من شعر بادى باكد المعنى نمام التمام
نجى لشعر بادى باذن الواحد بعد مو نغرق فى بحر حميدنا

ا
شان نستعدل تخزينا و حفظنا للقصيدة ست الدار

[حافظ حسين]

المشاركة الأصلية كتبت بواسطة طيبان

سلامات يا نغم .
فاطني مخمخمي علب البيرة ..قالت بيها حلاة شرّارة ..
المعنى الأصح في رأيي انو فاطني لملمت علب البيرة ، بنيّة انّو تقطّعا وتعمل منها (قرقريبة ) لعمل الشرّار ، وياحلاة الشرّار بي قرقريبة مصنوعة من علب البيرة هذا لسان حالها ..يعني الشرّارة لا أسّع ما اتعاست ، ولا الجماعة أكلو منها .

(القرقريبة تصنع من علب الصلصة عادة ، وهذا هو النوع السائد لعواسة الفطير والشرّار ، الكسرة بتتعاس بقرقريبة من الخشب أو السعف ) ..

تحياتي .

هوي ما تاكلونا حنك الشرار دي شنو؟
و الله في الأول قلت بتكون الكسرة, أها لقيت الكسرة قاعدة و بتتعاس بقرقريبة الخشب....
نغم وقت بتتفاصح تعالي أشرح لينا الشرار أصلاً بعيد عنك نحن اولاد (عمارات) ساي
طبعاً الشرار دي انا متأكد زول بكون عرفها ما في بس شجاعة أدبية ما عندهم للسؤال

[tahmoi]

بسمك اللهم

الزولة ست البكان دا راحت وين ...؟!!
أسامة معاوية .. طيبان ... مشكورين علي كل التنبيهات التي نتجت من أخطاء الطباعة ...
يا سلاااااااااااااام البوست حديثو يجنن ...
طيبان ... ارجاني بنزل الجواب التاني كاملا من جريدة المشاهد
حافظ ... شُرارة جاء تفصيلها في مشاركة نغم

[ماريل]

المشاركة الأصلية كتبت بواسطة tahmoi

بسمك اللهم

الزولة ست البكان دا راحت وين ...؟!!

سلامات (المعز)
الزولة دى قاعدة ومستمتعة جدا جدا جدا بى حديثكم
ثم انى ما ست البكان ولا شئ البيت بيتكم وعامر بيكم
انا غير انى جيت (قشيت ورشيت وهيأت البكان)ما سويت شئ....
تسلموا كوووووووووووولكم من طرف بلا فرز
اسامات
طيبان
اسامة معاوية
بابكر عباس(دى من طرف لسانى ساكت كى لا اوصم بالقبيلية)
الطالب المثابر بجد واجتهاد(حافظ حسين)
الموسوعة(احمد طه)
الجميل(ازهرى سيف الدين)
الزول(الذى يظهر فى المنعطفات الخطيرة ويرجع دفتنا تانى)
العمدة(عكود)
اجمل الالحان(نغم)
وحضورك اخوى(المعز)الذى اسهم كثيرا فى دفع الدفة من جديد
لكم
لكل من مر من هنا
واسعدنى بتوقيعه
والذين مروا دون توقيع
لكم كلكم كامل الود لاينقص مقدار ذرة..........

[حافظ حسين]

الشرار الشرار يا عالم
نحن مغرودين فيها


طيبان قالوا انت الوحيد ود القري الممكن تكون تنجدني
و الله انا ما بحب القوالة لكن و الله قالها لي اسامة معاوية
سألته في وش الكتاب قال لي يا حافظ نحن ابناء مدن ... العبارات دي شوف ليها ناس طيبااااان

يا شباب الشرار دا انا مغرود فيها و يدكم معانا