قاموس المفردات العامية فى اشعار حميد

[tahmoi]

بسمك اللهم

اخونا ناصر سلامات يا زول


صباح الخير حميد ...


كوديق حميد في الشعر السوداني وسيع وعميق جدا ، يتسع للسودان كله . حميد ثقف العامية السودانية حيث خرجت من ثقافة منطقة منحنى النيل ليعرفها اهل السودان جميعا ، ويتغنوا بها . وحميد استفاد من شعراء المنطقة أمثال حاج الماحي حسونة وحدربي وغيرهم . لكن حسب اعتقادى حميد تفوق عليهم جميعا وكانت مدرسة حميد الشعرية التي نتحدث عنها ، وحقيقة الجماعة الهنا ناس نغم ، طيبان ، وماريل ، أحمد طه .. الخ مشكورين دلجولنا التقاة عشان نجي نشارك ... ونأخذ من قصيدة حميد بما يقربنا من رؤية حميد الشعرية ..
يلا نمش لي قدام

معز أحمد

[ماريل]

المشاركة الأصلية كتبت بواسطة tahmoi

بسمك اللهم

اخونا ناصر سلامات يا زول


صباح الخير حميد ...


كوديق حميد في الشعر السوداني وسيع وعميق جدا ، يتسع للسودان كله . حميد ثقف العامية السودانية حيث خرجت من ثقافة منطقة منحنى النيل ليعرفها اهل السودان جميعا ، ويتغنوا بها . وحميد استفاد من شعراء المنطقة أمثال حاج الماحي حسونة وحدربي وغيرهم . لكن حسب اعتقادى حميد تفوق عليهم جميعا وكانت مدرسة حميد الشعرية التي نتحدث عنها ، وحقيقة الجماعة الهنا ناس نغم ، طيبان ، وماريل ، أحمد طه .. الخ مشكورين دلجولنا التقاة عشان نجي نشارك ... ونأخذ من قصيدة حميد بما يقربنا من رؤية حميد الشعرية ..
يلا نمش لي قدام

معز أحمد

ولا قدام
ولا قدااااااااااااااااااااااااااااااام
نتش عين الضلام بالضؤ

شكرا(معز)غنى زخيرتك المعرفية بأشعار وأفكار (حميد)
تجعلنى فى تمام الزهو والانتشاء بحضورك هنا...
كن بخير ولك الود يسبقه الاحترام

[ناصر يوسف]

المشاركة الأصلية كتبت بواسطة نغم

كنت قايلا الاجتهاد فى تبيان المفرادت محاوله قراءة للمعانى من قراءات مختلفه
بالرغم انو مرات ما قاعد اتخيل كتير بفكر فى العيشتو عايشتو و مرات الحكوهو لى

المعانى فى قصيدة حميد
اجتهادى الخاص نعم


ولو شطحن و غبرت مجرى البوست
من دربى الم اصباعين على
واسكت اعاين
ففى القراءة برضو متعه


نغم من زوار البوست

بنتي نغم ( وبنتي فقط لإختيارك إسم إحدي بناتي)
تحية واحترام

ومالو ،،، أكتبي وأشطحي ويجي غيرك يصحح البتسميه إنتي شطحي ده وبـــــــس

يا نغم البوست ده بوست محتاج لأقلامكم كلها علي قول ست البوست العزيزة ماريل
وأنا وغيري محتاجين لمزيد من المعرفة والحفر في شعر حميد الكنا شايفنو ( مُرمز ترميز كثيف ،،، خصوصاً المفردات الموغلة في العامية )
فشنو ،،،
ما تبخلوا علينا ينوبك ثواب من ربنا ياخ

ليتني أري عودة قلمك عبر هذا المفترع التريان

[ناصر يوسف]

المشاركة الأصلية كتبت بواسطة tahmoi

بسمك اللهم

اخونا ناصر سلامات يا زول


صباح الخير حميد ...


كوديق حميد في الشعر السوداني وسيع وعميق جدا ، يتسع للسودان كله . حميد ثقف العامية السودانية حيث خرجت من ثقافة منطقة منحنى النيل ليعرفها اهل السودان جميعا ، ويتغنوا بها . وحميد استفاد من شعراء المنطقة أمثال حاج الماحي حسونة وحدربي وغيرهم . لكن حسب اعتقادى حميد تفوق عليهم جميعا وكانت مدرسة حميد الشعرية التي نتحدث عنها ، وحقيقة الجماعة الهنا ناس نغم ، طيبان ، وماريل ، أحمد طه .. الخ مشكورين دلجولنا التقاة عشان نجي نشارك ... ونأخذ من قصيدة حميد بما يقربنا من رؤية حميد الشعرية ..
يلا نمش لي قدام

معز أحمد

صدقت يا معز يا أخوي

يلا يا شباب عليكم الله تاني ما ترجعونا أي جركة لي ورا ،،،
أنا عن نفسي ما حأجي هني تاني إلا عشان أقرأ الإضافات الجاية منكم

يلا لا قِدام

[tahmoi]

بسمك اللهم
ملف صوتي لنص ست الدار القديم
( ملف صغير الحجم وصوت واضح )

[rams]http://sudanyat.org/vb/uploaded/2703_1348132137.mp3[/rams]

معز

[أبوبكر عباس]

المشاركة الأصلية كتبت بواسطة وانجا

البوست فعلا توثيقى (لقصائد حميد) وليس لتأريخ الشايقية ,,,اظن الفرق شاسع ولا اشكك فى حسن نواياك ولا اتهمك بمحاولة جرف البوست اذ لا مصلحة لك فى ذلك اجدك قارئ ممتاز مهتهم بكشف الحقائق لكنك احيانا تنحو الى ماهو ابعد من اهداف البوست مما يبعدنا عن الغرض الاساسى بلا شك,,,,

شكرا وانجا والشكر عبرك لماريل واعتذر لو سببت ليكن أي تشويش.

[طيبان]

المشاركة الأصلية كتبت بواسطة نغم

يا ود طه غايتو فى الباين لى كدى كلمة شرارة ذاتا جات من عملية شر القراصة بعد مو تنضج يشلوها يختوها فى الطبق او الصينى
و السرارة السوها باليد دى من نسوان قديرات و ماهرات يعلم الله يسوقن العجين دى بى طرف اصابعين تطلع شرارة تشبه توب الكريب من خفها و لينها ماها يابسى ولا محرقا
اما الطبطابات دى سميكه شويه و تشبه قراصة معظم الناس البعملوها فى السودان و الطبطابه دى يا حافظ تاكلا بى خدره مفروكه او باميى حااااااااره مع صحن سلطه و شطه خدرا صاحبك الجمبك ما بتعزمو ههههههههه

سلامات يا نغم ، صباحك طيّب .. ( CC لحافظ حسين )
أنا مع رأي أحمد وماريل في انو الشرّار هو نفسو الطبطاب ،ناس الضفّة الشرقية بيقولوا الطبطاب ، والغربية شائع عندهم اسم الشرّار . التدرج زي ماذكر الاخوان حسب الأقل سمكا بكون الفطير-الشرّار (الطبطاب) - القرّاصة .. القرّاصة سمكها خشم بيوت برضو . ..

ثقافة المنطقة الغذائية تعتمد على طحين القمح ( لأن القمح يزرع في البلد ،لوجود الطقس المناسب له وهو الشتاء القارس على عكس مناطق السودان الأخرى بخلاف الشمالية ) ، هناك تسود زراعة الذرة ،وتكون هي المكوّن الغذائي الأساسي .
الذرة يزرع في الشمالية برضو ، في الصيف ، ويسمّى (الصيف) كذلك ..
دقيق الذرة اسمو المريق almaraig ..
وردت في شعر حمّيد في مصابيح السمي التامني ..وطشيش ..في مقطع (نصيرة بت الجبل ) ..

طبق الدهب بي مد دقيق..
بي مد دقيق ..وإن كان مريق ..

دقيق الذرة أو المريق يكون في الغداء عادة - قبل هجوم الرغيف على هذه الوجبة -..ولا تقدّم كسرة الذرة أو العصيدة في وجبة الإفطار ..ولا وجبة العشاء ..وتقديمها في هذه الوجبات يشير لعسر في حال صاحب البيت ..غالبا ..
أرجو من عكود /الزوول/أحمد سليمان تصحيحي في هذه المعلومة ..

_

آسف يا ستّي مرات بحس إنّي لابس توب مصحّح ،في حين إنّي برضو بدقّش وهناك الكثير الغايب عليّ .أهو نتشايل ..تحياتي ..



*
في فروقات بسيطة في اللهجة بين مختلف مناطق الشايقية ،أكيد ناسنا هناك ملاحظنها ،عشت في البركل لفترة طويلة وأتذكر كنت بقول بعض الكلمات من لهجتنا الفي نوري كانوا بيستغربوا ليها ولاد البركل وأنا برضو كنت شايف بعض كلماتهم غريبة خصوصا في مسميات الأشياء .داير أقول انّو دلالات الكلمات في الشعر الشايقي ممكن تتفهم بطرق مختلفة حتى في المنطقة ذاتا .

[عكــود]

سلام يا طيبان،

كلامك صاح فيما عدا شيوع إسم الشرار عند أهل المنطقة الغربية. في القرير (منطقة غربية) لا نقول الشرار، بل الطبطاب، والبعض يقول فطير المُلاح. أول مرة أسمع بالشرار، في قصيد حميد.

نفس الإختلاف في كلمة دندهوب الوردت في قصيد حميد برضو بمعنى الراكوبة العالية لحفظ أثاث البيوت والعدّة من مياه الفيضان؛ ودي نحن بنقولّها الروشان. الدندهوب عندنا هو التلّة الصغيرة، أو المكان المرتفع قليلاً، من التراب.
برضو أول مرة أسمع إستخدامها بمعنى راكوبة حفظ الأثاث والعدّة من الفيضان، في قصيد حميد. شكراً لأزهري سيف الدين الوضّح المعنى، مدعّم بالصورة في صفحات سابقة من هذا البوست، ممكن ترجع ليها؛ إذا بتريد .

كلامك صاح، في اختلاف في بعض المسميّات بين كل منطقة وأخرى، وعندي أمثلة أخرى، بس ما عندها علاقة بالبوست ومفردات حميد.

تسلم، وبرضو راجي رقم تلفونك.

[عكــود]

سلام يا ماريل وجمعتك مباركة.

عندي إقتراح؛ بعد تفكيك قصيدة ست الدار وكل زول يقول كلامو فيها، تبدي بقصيدة تانية تفتحيلها بوست منفصل، وبعد الفراغ منّها (القصيدة التالية) نقوم بدمج البوست الجديد للبوست ده، يعني "نصاورو/نحقنو هنا" وتفتحي بوست تاني بقصيدة جديدة، وهكذا.
في النهاية، حيكون البوست ده بمثابة ملف كامل للقصائد الإتناقشت.

رايك شنو؟

[طيبان]

المشاركة الأصلية كتبت بواسطة tahmoi

بسمك اللهم
ملف صوتي لنص ست الدار القديم
( ملف صغير الحجم وصوت واضح )

[rams]http://sudanyat.org/vb/uploaded/2703_1348132137.mp3[/rams]

معز

سلام يا معز ..
ودا حميد بيلقي في القصيدة في مكان تاني ..لاحظ بعض الفروقات في النص .
[rams][/rams]

[أحمد طه]

ود الخير ودّر يوميتو
النخفور عافصلو حمارة

جيت ادُولِق لقيت الحتة دي مافي زول هبشا ....

النخفور عافصلو حمارة : الجملة مختصرة ، وهي في الأصل (عافصلو بول حمارة)، وعندنا في البلد الناس بيعتقدو إنو الزول إذا عفصلو بول حمارة بتقوملو حاجة زي (عين السمكة) في بطن كراعو و تخليهو يضلع . أها النخفور دا يعتب فشان عافصلو بول حمارة

[ماريل]

المشاركة الأصلية كتبت بواسطة عكــود

سلام يا ماريل وجمعتك مباركة.

عندي إقتراح؛ بعد تفكيك قصيدة ست الدار وكل زول يقول كلامو فيها، تبدي بقصيدة تانية تفتحيلها بوست منفصل، وبعد الفراغ منّها (القصيدة التالية) نقوم بدمج البوست الجديد للبوست ده، يعني "نصاورو/نحقنو هنا" وتفتحي بوست تاني بقصيدة جديدة، وهكذا.
في النهاية، حيكون البوست ده بمثابة ملف كامل للقصائد الإتناقشت.

رايك شنو؟

حبابك يا عمدة
قبل كم يوم طرحت الفكرة دى على اسامة معاوية لانو كده السيطرة على البوست
بقت صعبة وماقدرت امشى فى فكرتى الاساسية فقلت ليهو حقو افتح بوست تانى نتناول
فيهو القصايد بالتفكيك والتشريح ....
اسامة طبعا لانو زول محبط قال لى:
(شوفى المناسب واعمليهوا انا اصلا تانى هنا ما جاى وهناك ما جاى)
(الله يجازى الكان السبب)
يبدو انو فكرتك دى بتخلى المسالة تمشى بسهولة ونظام اكتر...كدى نجرب بعد (ست الدار نمشى على الضؤ كان المسالة سلكت خير وبركة وكان اتكوجنت نفتح بوست لكل قصيدة براها والله يعين)
تخريمة:
يا عمدة بعد الزول داك اتخارج من هنا أظن تانى مافى كوجان بيحصل والامور بتظبط
بس الله يستر ما يتوب عن توبتوا ويجينا شايت ضفاريهوا

[طيبان]

المشاركة الأصلية كتبت بواسطة أحمد طه

جيت ادُولِق لقيت الحتة دي مافي زول هبشا ....

النخفور عافصلو حمارة : الجملة مختصرة ، وهي في الأصل (عافصلو بول حمارة)، وعندنا في البلد الناس بيعتقدو إنو الزول إذا عفصلو بول حمارة بتقوملو حاجة زي (عين السمكة) في بطن كراعو و تخليهو يضلع . أها النخفور دا يعتب فشان عافصلو بول حمارة

يا أحمد كيفنك ياخي .
زي الشطحت كدة في شرحك ..
عمنا علي النخفور دا في البلد حلبي معروف - اسعل منو عبد الغفار- والحلب ناس تجارة حمير زي ماك عارف ، الأصل إنو الحمارة هي التعفص الزول ، لكن الزول يعفصا معناها مشدوه شدهة شديدي خلاص ، ودا بالضبط حال ناس البلد لما جوا الخواجات ، راجع المقطع في سياق القصيدة وأدّني رايك .
انت النخفور يعتب دي جبتها من وين ؟؟

__

معقول في دوليقك دا مالاقاك كلامي عن النخفور ، قاعد تدولق في الضلمّة ؟؟

[نغم]

المشاركة الأصلية كتبت بواسطة نغم

طيب يا بابكر لو ممكن توربنى\نا النقطة
وعلاقتها شنو بمفردة حميد عنوان البوست
عشا ننشاركك فى الحوار بى جديه - ده من جانبى
ونركز مع تفنيدك
واكون شاكرة لك

المشاركة الأصلية كتبت بواسطة طيبان

يا بابكر

بقيت يا بابكر واقف في النقطة دي كأنّك قابض علينا ذلّة ودا ما حاصل ، النص دا غير شرح الواقع السياسي كان بيعرض في واقع اجتماعي موجود في حلتنا وفي حلّتكم وفي كل الحلّال السودانية لوقت قريب وآثارو لا تزال باقية ..

الونسة الفوق دي كلّها ماها جديدة عليك ، وانت عارفا كويّس .
__

كن بخير ..

كنت اعلم علم اليقين
انو بابكر عباس ما عندو التكتح
عشان يتقاش خليهو كمان يبحت و يمسك معنى و وتكون له القدرة على تفنيده
عرفت ده من وين؟
من مجموع مداخلاته فى بوستات يفك ليهو جملة - و ما يقدر حتى يواصل فى الردود و الخللا عادتو. تقل سعادتو

نغم دى ما جات البوست ده الا فى اول مداهلة و اقتباس لبابكر(دى عشانن تكون معلومة للكل)
قاال شنو (نحن) - عملت تكويدى بالاحمر ليها عشان ادقق في ما يعنيه

و ح اكون كده وده نذرا على يا بابكر اجيك محل ما بتعرف تقول ذاتو

ومش كان مسكتا السرارة او السريه ما بتصل لشئ لانك (مصلفق) ع قول حميدنا فى قصيدة ست الدار

وبى غباء يقول طردونى - امر مضحك بل كارثى ع وزن اللغة التى تعجب بها
و احير نشوف لينا شغلة تانيه

و تكون واهم لو عايز نحرد ليك
وما اطنك عارف سودانيات بكل اقسامها هى توثقيه لمثل كتاباتك ال.....

زول مدمن تخريب بوستات مفيدة للناس
و لكم التحايات
و جمعة مباركه

[عكــود]

المشاركة الأصلية كتبت بواسطة طيبان

يا أحمد كيفنك ياخي .
زي الشطحت كدة في شرحك ..
عمنا علي النخفور دا في البلد حلبي معروف - اسعل منو عبد الغفار- والحلب ناس تجارة حمير زي ماك عارف ، الأصل إنو الحمارة هي التعفص الزول ، لكن الزول يعفصا معناها مشدوه شدهة شديدي خلاص ، ودا بالضبط حال ناس البلد لما جوا الخواجات ، راجع المقطع في سياق القصيدة وأدّني رايك .
انت النخفور يعتب دي جبتها من وين ؟؟

__

معقول في دوليقك دا مالاقاك كلامي عن النخفور ، قاعد تدولق في الضلمّة ؟؟

سلام أحمد / طيبان،

ليه ما يكون النخفور عفص الحمارة كده، ما كلو ودار يومية، كان هو كان ود الخير:

المشاركة الأصلية كتبت بواسطة الزوول

...

وظيفة جديدة تضاف للوظائف العديدة التي طالما قام بها صابراً
أخانا في الحيوانية
....
الصورة من منتديات القرير

مداخلة للزوول في بوست صور نادرة.