اقتباس:
المشاركة الأصلية كتبت بواسطة بابكر عباس
تحياتي يا أمين،
عليك الله، يا أمين، أشركنا في الشئ الشفتو في البوست دا، وخلاك تظن هذا الظن القوي وتسمي كلام محسن دا، بالفتوحات الربانية؟
التحيات الطيبات يا بابكر ياخي و لعلك بخير ....
أخونا محمد قرشي عباس* هو من لفت نظري لهذا البوست ... بديت قرايتو و محسن already خلص كلامو و البوست في صفحة كم و خمسين ..... يوم و نص ما طلعت من البيت و اجازتي في السودان كلها تسعة يوم ... قابلت محسن بعدها و ناقشتو في بعض المسائل بخصوص البوست .... بعدها الرؤية اتضحت لي كثيرا .... عدت لحيث أقيم و قريت البوست مرة ثانية بترو و بمهلة و خلصت لما خلصت إليه ....
و بغض النظر عن مصدر ما جاء به محسن ... الحقيقة التي لا جدال حولها أن ما جاء به لم يسبقه عليه أحد من العالمين .... الرجل بذل علمه .... بينه و وضحه للناس بصبر بالغ و بتفاصيل مدهشة و بلغة لا يقدر عليها إلا هذا المحسن ... و لانو ما معصوم ولا الناس مطالبة بتصديق كلامو مجردا .... يحتاج محسن أن يثبت للناس صحة ما جاء به .... عشان كده قلنا الزول ده عمل العليه ... الباقي علينا نحن .... نحن من يجب أن يسعي لدفع هذا العمل ...
أصحاب و معارف نيوتن و انشتاين و غاندي و مارتن لوثر كينج و بيل جيتس ما كانو عارفين انهم علي علاقة بناس ح يغيرو وجه البشرية !!
----------------
شكرا يا سناء علي الدعم و المؤازرة ...
تخيلي أن يجد محسن فريق من المتخصصين و تمويل ليتفرغ لاثبات ما جاء به ....
--------------
* محمد قرشي عباس من قلائل من يجوز شد الرحال لهم في السودان الشقيق ...
