*** مصطلحات عامّية سودانية ***

[شبارقة]

المشاركة الأصلية كتبت بواسطة فيصل سعد

مرحبا بالاحباب جميعا هاهنا و شكرا للسرد و الاضافات
و اثراء البوست بالجديد و مداخلاتكم الثرة ..
ابقوا طيبين ..

لو عارفنك بتجي كان فتحنا باب بيتك ده من زمان
وينك يا ود سعد ؟ مطول الغيبة والله .. الزمن غير ملامحك وإنتا ما ياكا إنت
مشتاقين لأيام جميلة أمضيناها في هذا البوست.
أرقد عافية.

[ابوبكر حسن]

ياناس سلامات
كنت عايز اسال عن معنى ، لكن قلت لى نفسى يازول سؤالك دا سؤال اليابا والتابا ؛
اها قمت خليتو ،

اليابا والتابا دى شنو ؟؟

[جانيت]

اقتباس:
المشاركة الأصلية كتبت بواسطة بكرى مبلول
ياناس سلامات
كنت عايز اسال عن معنى ، لكن قلت لى نفسى يازول سؤالك دا سؤال اليابا والتابا ؛
اها قمت خليتو ،

اليابا والتابا دى شنو ؟؟



خخخخخخخخ
بكري يبدو انك حنكوش الياب دي بمعنى يأبى او بالسوداني المفرجخ يابى الشي
التابا يعني برضو تابا الشي من الابيان ول يكتبوها كيف دي يعني انت تابى ويابو ليك فخمت




انا البوست ده بتكيف ليو شديد وبحب استمتع بالحناكيش البيجو يسالو فيو

[جيجي]

المشاركة الأصلية كتبت بواسطة جانيت

اقتباس:
المشاركة الأصلية كتبت بواسطة بكرى مبلول
ياناس سلامات
كنت عايز اسال عن معنى ، لكن قلت لى نفسى يازول سؤالك دا سؤال اليابا والتابا ؛
اها قمت خليتو ،

اليابا والتابا دى شنو ؟؟



خخخخخخخخ
بكري يبدو انك حنكوش الياب دي بمعنى يأبى او بالسوداني المفرجخ يابى الشي
التابا يعني برضو تابا الشي من الابيان ول يكتبوها كيف دي يعني انت تابى ويابو ليك فخمت




انا البوست ده بتكيف ليو شديد وبحب استمتع بالحناكيش البيجو يسالو فيو

والله لقيتك مثقفة شديد يا صاحبتي

[شبارقة]

المشاركة الأصلية كتبت بواسطة بكرى مبلول

اليابا والتابا دى شنو ؟؟

المشاركة الأصلية كتبت بواسطة جانيت

الياب دي بمعنى يأبى او بالسوداني المفرجخ يابى الشي
التابا يعني برضو تابا الشي من الابيان

مرحبا يا شباب

اليابا والتابا ... مر ذكرها فيما مضى من أيام خوالي عبر هذا البوست الأنيق

الأخت جانيت ما قصـّرت وكلاما صحيح ... يأبى الرجل وتأبى المرأة (كناية عن الشئ المرفوض)

مثال :
واحد دخل على حبوبتو وعصر ليها قرشين (مبلغ بسيط)... أها يقوموا الجماعة يشاغلو الحبوبة ويقولو ليها : بختك ... بحبحك وبسطك .. تقوم تقول ليهم : شن البحبحة وشن الإنبساطة .. مَـدَة اليابا والتابا

[قيس شحاتة]

يقول الحردلو في إحدى أجمل لوحاته الشعرية:
الشم خوخت بردن ليالي الحرة
والبراق برق من منة جاب القرة
شوف عيني الصقير بجناحو كفت الفرة
تلقاها ام خدود الليلة مرقت برة!
---
أستاذنا شبارقة، بعد تستمتع باللوحة ذات المشاهد الأربعة البديعة، أرجو ان تفيدنا، أفادك الله، بما تعلم عن معنى (الشم خوخت). والسؤال مبذول لكل ذي معرفة بمعاني مفردات البطانة الثرة.

[شبارقة]

المشاركة الأصلية كتبت بواسطة قيس الصديق شحاته

أرجو ان تفيدنا، أفادك الله، بما تعلم عن معنى (الشم خوخت). والسؤال مبذول لكل ذي معرفة بمعاني مفردات البطانة الثرة.

مرحبا ً أخي قيس وشكرا ً لك

الشم يقصد بها الشمس كما هو معلوم عند بعض أهلنا بالبطانة

خوخت يقال مشتقة من ثمرة الخوخ .. يقصد بأن الشمس أصبح لونها زي لون الخوخ وهي كناية عن شفق المغارب وإنخفاض درجة الحرارة.

البــراق برق من مينا جاب القرة ... (مينا) هي منطقة تقع إلى الجنوب من منطقة الفاو وتسمى (أب رخم) .

والله أعلم .

[هند محمد]

اقتباس:
المشاركة الأصلية كتبت بواسطة إيمان صالح
ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري




------------------------------------

أيمان صالح سلام ليك صديقة
كل سنة وانتي طيبة
سعيدة اني لقيتك هنا ^_^



وسلام لاهل البوست وضيوفه

[ابوبكر حسن]

المشاركة الأصلية كتبت بواسطة جانيت

اقتباس:
المشاركة الأصلية كتبت بواسطة بكرى مبلول
ياناس سلامات
كنت عايز اسال عن معنى ، لكن قلت لى نفسى يازول سؤالك دا سؤال اليابا والتابا ؛
اها قمت خليتو ،

اليابا والتابا دى شنو ؟؟



خخخخخخخخ
بكري يبدو انك حنكوش الياب دي بمعنى يأبى او بالسوداني المفرجخ يابى الشي
التابا يعني برضو تابا الشي من الابيان ول يكتبوها كيف دي يعني انت تابى ويابو ليك فخمت




انا البوست ده بتكيف ليو شديد وبحب استمتع بالحناكيش البيجو يسالو فيو

جانيت كل سنه وانتى طيبه

اى انا باكل الفته بى الملعقه ,, وما بعرف فوق المغتى ويابس يعنى شنو ,, وبخاف من الكديسه ،،، بس برضو ما حنكوش لى الدرجه دى

فعلا سؤالى سؤال اليابا والتابا
دايما المقولات دي عندها قصه وجات بى سبب
اها انا حابى اعرفها جات من وين ؟؟

[شبارقة]

سلام يا شباب

هناك مقولة (نسائية) دارجة مشهورة كثر تداولها في الأيام الأخيرة في هذا المنتدى .. ألا وهي :

ما بريدك وما بحمل براك ...
شنو يعني ما بحمل براك؟
هل الصحيح براك أم بلاك ؟ (بلاك من البلوى)
أعتقد أن الصحيح هو : ما بحمل بلاك

المعنى : أنا ما بريدك وبالرغم من ذلك ما برضى لك المكروه.

رأئكم شنو ؟

[جيجي]

طبعا انا سمعتها وفسرتها على حسب الموضع البتتقال فيه
يعني هو دايما بتقال لما تكون مجبور على حاجة مابتقدر تستغنى عنها
عليه انا ارشح براك بمعنى من غيرك حسب الاصطلاح
واتخيل لوبقت بلاك بختل المراد به

[شبارقة]

المشاركة الأصلية كتبت بواسطة جيجي

يعني هو دايما بتقال لما تكون مجبور على حاجة مابتقدر تستغنى عنها
عليه انا ارشح براك بمعنى من غيرك حسب الاصطلاح

الوقوف عند موضع كلمتي (بحمل) و (براك) في سياق المثل

ما المقصود بـ ما بحمل براك؟

[آيات]

المشاركة الأصلية كتبت بواسطة شبارقة

الوقوف عند موضع كلمتي (بحمل) و (براك) في سياق المثل

ما المقصود بـ ما بحمل براك؟

أهلاً أخ شبارقة

المقصود لاأستطيع بدونك
لكن في المثل تقال ( بلاك) وليس (براك)
وبلاك هنا تعني ..غيرك
ويوجد مثل بقول (بلاك الدنيا خربانة)

[شبارقة]

المشاركة الأصلية كتبت بواسطة شبارقة

هل الصحيح براك أم بلاك ؟
أعتقد أن الصحيح هو : ما بحمل بلاك

المشاركة الأصلية كتبت بواسطة آيات

لكن في المثل تقال ( بلاك) وليس (براك)
وبلاك هنا تعني ..غيرك

شكرا ً يا آيات

طيب ممكن تفسري لينا المثل (ما بريدك وما بحمل بلاك) كلمة كلمة ... ومتى يقال؟

[جيجي]

المشاركة الأصلية كتبت بواسطة شبارقة

شكرا ً يا آيات

طيب ممكن تفسري لينا المثل (ما بريدك وما بحمل بلاك) كلمة كلمة ... ومتى يقال؟

طيب نحاول معاكم
ما بريدك-- مابحبك
ما بحمل-مابستحمل
بلاك او براك وانا احسب انها تختلف حسب اللهجات المحلية لسكان المناطق المختلف لكن المعني واحد وهو--من غيرك
يبقى لابحبك ولا بستحمل اكون من غيرك
وتضرب لما تكون مجبور على الحاجة
زي الغربة كدا