Weekend

[حسين عبدالجليل]

أخوي شليل:
بصفتي زول غير فنان خالس , بأستمتع جدا عندما أقرأ لفنان, يجيد الكتابة, و يتحدث عن أعمال فنية . مثل هذا الحديث يتيح لنا , معشر غير الفنانين, النظرللآشياء و لو للحظات بعيون الفنان .

بوست رائع وأعمل حسابك من فتالين البوستات الما فنانين , قاتلهم الله .

[مي هاشم]

متابعة يا شليل..
وبجي بالمهلة بإذن الله

[معتصم الطاهر]

فراءة نقدية

فنية

من فنان

لفنان كبير ..

[أزهري سيف الدين]

شكرًا جزيلاً يا شليل على الجهد المقدّر دا
ودّيتنا المعرض بدون حق تذاكر وسكن
أكمّل باقي مقاطع اليوتيوب بكرة وأجيك برواقة إن شاء الله
يا ريت "الطائر الخُداري" تكون من ضمن اللوحات المعروضة، بفتّش فيها لي زمن طويل

عندي بعض اللوحات بحاول أرفعا

شكرًا ليك تاني

...

[النور يوسف محمد]

بسم الله الرحمن الرحيم

تسجيل إعجاب شديد بهذه القراءة ..
وكأنى بها قراءة على عجل ، يعنى يا شليل لو (قعدتا ) ليها
ونزلتا لينا الصور دى كل على حده ينوبك ثواب ..
على الأقل كما قال حسين نحن الساااهى ديل بنستفيد بلا شك ..

رؤى جميله ونظرات نافذه ... شكراً كتير ..

[الفاتح]

المشاركة الأصلية كتبت بواسطة طارق صديق كانديك

شغل جميل يا بنج، ملاحظتي حول التسجيل الأول انو اللمحة على كل صورة سريعة يادوب الواحد يبدأ يلمح تتغير الصورة للبعدها.

ربما عامل الوقت كان السبب، ياريت لو كانت في صور ثابتة إذ بغيرها يصبح التأمل في اللوحة في غاية الصعوبة إن لم يكن مستحيلاً

وتحت الظروف دي ماعندي غير أعتمد قرايتك

تحياتي

ثبًتها يابنج.. ماشايف حامد بريمه كان بيثبًت الكور كيف..
في الحقيقة أنا في البداية كنت عايز أنزل الشغل ده بكاميرا ، لكن لاحظت زحمة اللمبات الفي المعرض أثرت في إلتقاط الصور ، مهما تغير وضعك وتتلولو بتلقى ال reflection بيكون موجود في الصورة.. أعدك الويك إند الجايي أنزلهم واحده واحده والدنيا ضحى.
تحياتي

[الفاتح]

المشاركة الأصلية كتبت بواسطة ام التيمان

يا شليل ممكن الشعر يشكل لنا لوحة

هناك برتقال معلق على اغصان الشجر
هنالك نجوم معلقة فى سماء الليل
هناك امرأة معلقة على جذع شجرة
قطفت برتقالة
لها نصف يد
فسقطت عنها البرتقالة

سلام

سلام يا أم التيمان..
عندي رغبة أعمل بيان بالعمل لنصك ده ، لكن لسه الشياطين الفي راسي ما كثُفت لي من تصوير البرتقاله ال (لها نصف يد )..
يُرجى عدم الشرح..
أعدك قبل نهاية اليوم ده . بمحاولة متواضعه/ ما محترفة ، لزول ترجم نصك ، للوحه ..

[الفاتح]

المشاركة الأصلية كتبت بواسطة حجة امنة

شليل
الأخبار و الأخلاق؟!

السنة الفاتت زي المواعيد دي كنت في زيارة لبيت الأستاذ إبراهيم الصلحي في أوكسفورد مع الصديقة الإعلامية سارة فضل، لتصوير حلقة لصالح قناة الشروق، الراجل كان عيان بسبب البرد، لكن و الله إستقبلنا إستقبال مفرح و خص قناة الشروق بي زيارة للمرسم و صور للوحات جديدة كان بيجهز فيها عشان تترحل لي أمريكا بي طيارة خاصة ، الحلقة مبزول فيها جهد خرافي ، إعداد و إخراج و تقديم سارة فضل بخيت ، لكن لحد حسع ماإتعرضت !! أتوقع و أتمنى تتعرض في العيد الجاي دا.

الأخلاق والأخبار مُناسبه.. مرًات قصيرة تيله ، ومرًات طويلة تيله.. ..عسى أن يجدك مكتوبي هذا طويلة تيله على الدوام ..
مؤسف التأخر الغير مبرر ده ، بتمنى معاك إنو تقدًم في أقرب فرصة ، عشان المشاهد السوداني يزح (القضا) اللابت في عينو من تأثير البرامج المعًاطه ، ويفرك عينو مرًه تاني لمشاهد أكبر براحاً..
ليك وللأستاذة ساره فضل الله التحيه

[سمراء]

شلو الحبيب
بتكيف جدا جدا لمن " تنغمس" فى معرض ورسومات
بالجد بحسك ريشة ، والوانك روحك الغزيرة بالمتعة
عارف عندى هواية مراقبة رسام يرسم والموديل جواهو
تلقى عايش فى عالم منفصل من حركات عيونو واطرافو واخساسو
بمارس هوايتى دى فى نهاية كل عام فى جامعة السودان مع اعمال التخرج
نحت ـ، رسم ، خزف ..الخ
متعة ودهشة مابعدهم ..

كسرة / الميتين تيوب ده ماظاهر عندنا ياخ
حقو تجدع لى انا زاتى تلفونك

[ام التيمان]

شليل هذه الصور التقطتها من حديقة المنزل
ممكن تنفع شكل لوحات؟

[AMAL]

ويلكم باك يابنج
واهلا بمي الحبيبة
نورتو يافنانين

[الفاتح]

يا شليل ممكن الشعر يشكل لنا لوحة
اقتباس:
هناك برتقال معلق على اغصان الشجر
هنالك نجوم معلقة فى سماء الليل
هناك امرأة معلقة على جذع شجرة
قطفت برتقالة
لها نصف يد
فسقطت عنها البرتقالة

سلام
دي التخيل الأول الطلعت بيهو لحدي هسي .. ولسه ماوصلت مرحلة نصف يد..



أثناء ماكنت سارح مع غنم إبليسي ، إكتشفت إنو جدو ولدي بيشف مني.. دي المعروضات بتاعتو :



وده الإطار العام الحأحوم حوالينو بعد مانزل في ال canvas
أعدك بمجرد ما ينجض الشغل ده ، أعرضو هنا..

[الفاتح]

سلام يا شليل ومتابعك من قولة تيت.
بوست ممتاز وتحليل ممتع، وأكيد بيجر آخرين مهتمين بالرسم ويثروا النقاش (مي هاشم مثالاً)، وكل سنة وهي طيبة؛ باقي الليلة عيد ميلادها.

بتعرف كيف تقضي الويكند بتاعك بعيد عن الإستدعاءات المربكة.

برضك بعد ما تخلّص من حديثك عن المعرض، لا تنسى تتحفنا ببعض لوحاتك (جديدها وقديمها).

أبقى طيّب.

هوني ياوجيه.. في داعي تشرًك لي بالفنانين الأصليين ! أها مي جات تاوقت ، وحتجي تردمني ردم أكاديمي ، تطلًع عيني دي فيها قضا..
مرحب بيك يا فنانه يا جميله ، وكل سنه وإنتي طيبه.. تعالي ومعك آخرون ، نعاين بعيونكم شويًَه..

---
شغال لي في فكرة متمرده عن الموناليزا..
فكرة إنو الموناليزا زاتها زهجت من إنو الناس يكشفو ليها من أي زاويه يلقوها تعاين ليهم..
فعندي رغبه أخليها تتمغًى شويه ، وتدلدل كرعينا برًه إطار اللوحه / الشوف الواحد ده ليها..
توجد الفكرة في حزية (فاكهة أم التيمان )..
+ يوجد شوق.

[الفاتح]

حسين أخوي..
أخوك لافنان لا الله قال.. ممكن تقول عليو زول بيهتم بالتفاصيل + بيحب يشخبت.

اقتباس:
المشاركة الأصلية كتبت بواسطة حسين عبدالجليل
أخوي شليل:
بصفتي زول غير فنان خالس , بأستمتع جدا عندما أقرأ لفنان, يجيد الكتابة, و يتحدث عن أعمال فنية . مثل هذا الحديث يتيح لنا , معشر غير الفنانين, النظرللآشياء و لو للحظات بعيون الفنان .

بوست رائع وأعمل حسابك من فتالين البوستات الما فنانين , قاتلهم الله .

[الفاتح]

ميتين الفيرفوكس على ال fire alarm.. غالبني أعمل إقتباسات.. شغال كوبي بيست ساي.