عبد المنعم سلام .....
اقتباس:
يا مهند
ان وظيفة اي نص ادبي
ينبغي ان تسمؤ بنا ،
تترفع عن شواذ السلوك ، وشواذ المواقف ، وشواذ الرؤية ايضا ،
الادب يعكس الواقع بقويمه ومعوجه نعم ولكنه يلمسها لمسا خفيفا
ويستخدم اللغة ليمسؤ بنا لا ليجرنا
لواقع شاذ ومرفوض
|
المقتبس ده ممكن نسميهو رايك لو قايلو ومخلي لي مجال اعارضو لكن كمان يامنعم لو كاتبو بالقطعية دي كأنو حقيقة مطلقة فاعفيني وبقول ليك انو كلام مطلوق ساي ،
من وين وصلت لقطعية انو النص مفروض يسمو بي كمتلقي؟؟
وشنو هي الحاجات المحددة المتفقة عليها البشرية البتخلي الشي الفلاني في الادب بيسمو بيهو والشي الفتكاني بيحط من قدرو ؟؟!
ده فيما يخص الجزء الاول في مداخلتك ....
الجزء التاني ده :
اقتباس:
اما عودة الرشيد من عدمها هذا امر لا يهم من قريب او من بعيد
فهذا منتدى حر وديمقراطي
العاوز يقعد حبابو عشرة والعاوز يفوت دربو اخدر كما قال طيبان
المنتديات دي قطعة من الحياة اليومية زي السوق
لن تتاثر بغياب احدهم ولا حتى حضوره ،
المنتدى استمر في اداء دوره الثقافي والسياسي والانساني والاجتماعي
في غياب الرشيد ،
وفي حضوره الان لن يتغير شيء،
فبالله فكونا من الاحتفاء الزايد هذا
لان المحصلة بعده ،
للشان العام ، لامر المنتدى الكلي ،
لن تتغير كثيرا...
|
غايتو ياصديق ماعارف اقول ليك شنو!!!!
انت مش قلت انو ده منتدى ديمقراطي؟؟ يبقى انا عندي حق الاحتفاء بقدوم الرشيد اسماعيل .. وانت كمان عندك الحق في انك تقول ليهو ياريتك ماجيت ، انا مرتكز في احتفائي على معرفتي بيه وانت مرتكز في رفضك ليهو على كراهيتك ..
كلام انو المنتدى ماعارف استمر في اداء دورو و........ الخ ده كللللللللللللو يامنعم ماف زول غالطك فيهو ، منو فينا الوقف دق صدرو قال الرشيد كان ماجا المنتدى ماببقى؟؟
الرشيد انا ماحصل ناديتو لجية هنا ولاهو ولا عضو غيره ... لانها حرية شخصية في الحضور ... لمن هو يتخذ قرار الجيّة ده انت ماتمنعني اقالدو وانا مابمنعك تسب ليهو دين....
مداخلتك غريبة يامنعم ياخ!!!!!!!
