لشفتيها المشّاءتين بنميمة القبلات..!!!

[أبوبكر عباس]

المشاركة الأصلية كتبت بواسطة الرشيد اسماعيل محمود

مشّاء=كثير المشي/السعي
الحمد لله بخير، عيدك سعيد

اعتقد لشفتيك المشّاءة أسلم من المشّاءتين؟؟
لانو فعل المشي في الأصل يحدث بواسطة الرجلين (مثنى)
فتقول: رجليك المشّاءة

وبرضو شبارقة موجود ممكن يحسم تنظيري دا!

[طيبان]

ماذا لو أورد مُشاهد عادي هذا النص ؟
مُشاهد لم يتم تنميطه كمقدّم خدمة لمريضة جميلة ،، جابو الدرب ،،دخل الغرفة ،وشاهد ما شاهد بطل القصّة ،،وكان للصدفة المحضة كاتبا مجيدا ووصّافا خالس ،،فكتب وكتب وكتب ،، حتى تعافت البنت الجميلة ..
هل سيتعافى النّص من أزمة الناقد - الذي بداخل الجيلي - والناقم - الذي بداخل عبدالمنعم- ؟؟

__

عيد سعيد على البنت الجميلة المحمومة ،، ثم على الواقفين عند ضفّتها بدءاً بي ،، ثم الرشيد ثم الأولى فالأولى ..

[الرشيد اسماعيل محمود]

المشاركة الأصلية كتبت بواسطة بابكر عباس

اعتقد لشفتيك المشّاءة أسلم من المشّاءتين؟؟
لانو فعل المشي في الأصل يحدث بواسطة الرجلين (مثنى)
فتقول: رجليك المشّاءة

دة لو كان الموصوف رِجْلين، والمشي زيّ الـ في الأصل والبامية ياها البامية. الأسلم من دة كلو يا بابكر، إلحاق الصفة بالموصوف، وبس
المهم:
فعل المشي الإنت قاصدو، معني مباشر وترجمة حرفية. فـ "مشّاء بالنميمة" ، مقتبس "مشّاءٌ بنميم" الآية، معني معنوي مستعار، لا يلتقي بمشي الرجلين إلا بالقدر الذي يكفي للدلالة علي الحركية المتواصلة والتواثب. غير كدة، مافي شي بلمّ الشفتين بالرجلين، كان شنو شنو داك.
إضافة للبعد الجمالي للمسألة، اللي أتمني ما يكون خافي عليك، لأنو عامل حاسم في المسألة دي.

[الرشيد اسماعيل محمود]

المشاركة الأصلية كتبت بواسطة طيبان

عيد سعيد على البنت الجميلة المحمومة ،، ثم على الواقفين عند ضفّتها بدءاً بي ،، ثم الرشيد ثم الأولى فالأولى ..

شايفك سوّيت الحالة واحدي وبقيت بقدرة قادر أوّل الصف عند ضفتها، وبديت توزّع صكوك الاصطفاف!
لكن برضو، نمرة اتنين ما كعبة، علي الاقل بتفرقني من ناس أسامة معاوية وكانديك.


كل سنة وإنت بخير يا طيبان، أمنياتنا الصادقة

[أبوبكر عباس]

المشاركة الأصلية كتبت بواسطة طيبان

هل سيتعافى النّص من أزمة الناقد - الذي بداخل الجيلي - والناقم - الذي بداخل عبدالمنعم- ؟؟

أعتقد دي، فرصة جميلة جدا لإرسال معايدة للناقد والناقم، الجيلي ونعوم، على التوالي.

ومعايدة خاصة جدا للدكتور المغمور جدا، طيبان جدا.

[طيبان]

المشاركة الأصلية كتبت بواسطة الرشيد اسماعيل محمود

شايفك سوّيت الحالة واحدي وبقيت بقدرة قادر أوّل الصف عند ضفتها، وبديت توزّع صكوك الاصطفاف!

يا الرشيد أنا من لقيتك (كراوي يعني ) فاجر الوريد الأخدر وطاعن مرّتين، قلبي أباك ،، دحين أحمد الله على الترتيب دا .
كانديك وأسامة ديل ما خاشّين في الترتيب دا أساساً ،، دي خلق تجيب سيرتا أيام التشريق

وإنت طيب يا حبيب ؟؟*



_

*
علامة الاستفهام دي قعدت هنا ساي ،، لكن كان فهمت منها سؤال جاوب

[طيبان]

المشاركة الأصلية كتبت بواسطة بابكر عباس

أعتقد دي، فرصة جميلة جدا لإرسال معايدة للناقد والناقم، الجيلي ونعوم، على التوالي.

ومعايدة خاصة جدا للدكتور المغمور جدا، طيبان جدا.

يا بابكر خذلتني تالت العيد ياخي ،، اتوقّعتك تحمّر (الناقد) رميت حَمارك فوق (داخل) ،، والله غالب جدا.

__

عيدك مبارك .

[مبر محمود]

المشاركة الأصلية كتبت بواسطة طيبان

علامة الاستفهام دي قعدت هنا ساي ،، لكن كان فهمت منها سؤال جاوب

واحد يا طيبان، قال: حتى الأن، لا أتذكر، إن كنا إنتحرنا في ليلتنا تلك أم لا!

أها يأخي، كل سنة وإنتَ طيّب، ولو فهمت من كلامي الفوق دا جواب فأسأل!

[أبوبكر عباس]

المشاركة الأصلية كتبت بواسطة طيبان

يا بابكر خذلتني تالت العيد ياخي ،، اتوقّعتك تحمّر (الناقد) رميت حَمارك فوق (داخل) ،، والله غالب جدا.
عيدك مبارك .

يا أخي، مداخلتي الحمرت فيها دواخل الجيلي ونعوم، غيرتها في اللحظة الأخيرة، وقلت: الدنيا عيد، ما في داعي الناس ديل ينشبكوا فينا.

[طيبان]

المشاركة الأصلية كتبت بواسطة مبر محمود

واحد يا طيبان، قال: حتى الأن، لا أتذكر، إن كنا إنتحرنا في ليلتنا تلك أم لا!

أها يأخي، كل سنة وإنتَ طيّب، ولو فهمت من كلامي الفوق دا جواب فأسأل!

وانت طيب يا مبر ..
هو لكن ذاكرتو كعبة كدي مالو زولك دا ؟
__

كان كمان فهمت من كلامي الفوق دا سؤال لي جوابك ،، تبقى عوجي .

[النور يوسف محمد]

المشاركة الأصلية كتبت بواسطة حسين عبدالجليل

قرأت النص و أعجبت به جدا. لماذ؟ للسبب الذي ذكره شليل , فمقياس نجاح أي عمل عندي هو مقدرة الكاتب في أن يغوص بك في العالم الذي يخلقه . هل أنت كقارئ تستثمر مشاعر كره/حب/تعاطف/أو حتي تقزز لشيئ فعله أحد شخوص النص . لو تمكن الكاتب من أن يجعلك تستثمر بعضا مشاعرك في نصه فقد نجح . يفشل الكاتب فقط عندما لاتبالي بما يحدث لما خلق من شخوص .

رواية لوليتا للكاتب الروسي الأصل نابكوف تعتبر من روائع الادب المعاصر . تدور الرواية حول الهوس المرضي/الجنسي لرجل في منتصف العمر بالفتيات القاصرات و تحديدا بعلاقته غير المشروعة بلوليتا وهي فتاة في الثالثة عشر من عمرها . الرواية عظيمة لأن الكاتب نجح نجاحا باهرا في إدخال القاري في عالم البطل المهووس .

الخلط بين شخصية الكاتب وراوي القصة - في حالة إستخدام ضمير المتكلم للراوي - هي مرحلة يجب أن نكون قد تخطيناها بمجرد حصولنا علي باسويرد للكتابة بسودانيات .

بسم الله الرحمن الرحيم

أستاذ حسين ..
التحيات الزاكيات ..

ويزعجنى أيضاً الخلط المدهش بين ماهو واقع وفضاء الخيال الذى يتيحه النص ..
هناك من يريدون النص صورة ( فوتغرافية ) يحكمه إرث وسلوك المجتمع وتنطبق على أحداثه كل نواميس الكون ..
الصدق الفنى هو بالتأكيد خلاف للصدق الذى نتعارف عليه وإليه نحتكم ..
القارئ الجيد تستوى عنده نوعية المشاعر فى صعود أحداث النص وهبوطها ..

ليس ثمة بسمة أفضل من دمعة صادقة ينتزعها الكاتب من قارئه ..

تحياتى لك وللرشيد ..

[أحمد محمد صلاح الدين]

[CENTER]وأنا –لوحتئذ- أتوه في تلافيف الرغبة، في لؤم اللحظة وشبق الحنين الغادر....

آخر لوحة ترسمها الألوان قبل بلوغها سن يأسها اللوني، آخر ضوء في عتمة الأيام ...

عيــــــــــــــــــــــــــــــــــــــــــنـــــ ــــاك مغمضتان حتي نصف جمالهما...
ها أنذا، أُمسك بـ "الدِرِب" وأبحث في الحائط عن نتوءٍ بحجم مسمارٍ أعلقه عليه ...
عيــــــــــــــــــــــــــــــــــــــــــنـــــ ــــاك مغمضتان حتي نصف جمالهما...


[media]http://www.gulfup.com/?tThcRH[/media]

[الجيلى أحمد]

سلامات اسامة ونعلك طيب..

الجيلي ازيك جدا
الحمدلله البقت في حاجة تقززك في هذه الحياة الدنيا !!!

البقزز كتير, والمابقزز هو الأكتر,
ودى كلها نظرات ذاتية لمواضيع مطروحة فى العام,
أدبية كانت أم فنية,أو أى حاجة حايمة
والطرح العام فيها بيستدعى فى احدى حلقاته الضعيفة رأى من تظن أن منظار الاتساع عندهم قد جانب الاتساع المكانى والأرضى وأصبح كونى مبصر,
يعاين النص, ليس كمادة أدوية النثر والبلاغة جيدة التدوير, بل عالم منتج من فعل الكتابة ككتابة..
أنا أحاكم النص وأكاتب عنه, وليس من مخلوق عاقل على ظهر الأرض سيكون مفتونآ باسم الكاتب واللغة ويفصل بيت جوهر ماهو موجود أمامه من جمال لغوى وبين الرسالة التى يود النص ايصالها ..
شغل الكتابة يااسامة بشتغل فى الفجة الصعبة دى(مضمون النص والكاتب)
الاتنين بتلاقو فى نقطة واحدة
وهى اخراج النص
سميها توليفة أو تقوم جارى

النص الذى أمامى ليس بقصة,
وهو يصلح برأى أن يكون خاطرة تم تدوينها ..
المحاكمة ليست أخلاقية هنا, بل نصية..
اذ أن النص تناول مشهد وعكف على تصويره ولم يطرح أى شئ سواه!

الأدهى فى الأمر
انه وبعد عبور النص لصفحات أصبح وشيكآ أن يكون المشهد الذى تم تصويره مستصاغآ, فلقد ارتمت كلمات التبجيل نحو كاتب النص, ولم تعاين النص المطروح..

أنت نفسك ياأسامة قلت مبتدرآ ردك لى:

الحالة المصورة حالة بلا أدنى شك مرضية

طيب يامواطن الفرق شنو البمنعنى ماأتقزز من عملات وجدى وفكرة النص,
والبخليك تقطع بلا شك بانو حالة مرضية؟؟

[الجيلى أحمد]

المشاركة الأصلية كتبت بواسطة شليل

أووه بنج كبير.. دي أول مرًه مما ربنا خلق سودانيات دي نختلف.. ودي حاجه كويسه بالمناسبه ، مما ممكن طوالي نكون في حالة إتفاق ..
وبمناسبة الإتفاق دي.. خليني أثبًت ليك كقارئ أخلاقياتو ما بطاله ، وذائقتو الأدبيه ما بطًاله برضو إني إتوقعت زيي زي أي مشاهد اللحظة البيفارق فيها بطل الرواية ، أخلاقيات مهنتو وبينحاز لرغباتو بإنو يكابس بت الناس دي.. ولمن توقعي ما طلع في محلو ، يبقى مافي داعي أحاكم توقعي ده أخلاقيا..
لو جينا للنص بنلقى الربكه الحصلت للبطل ده ، من تصبب عرق لكبكبه ، ما جات عن فراغ.. جات لإنو الزوله دي جميله ، ولو كانت ما جميله ما كانت أربكت حساباتو ، وكان ممكن يؤدي نبطشيتو على أكمل وجه ، وينبرم بدون مايثير حفيظة/تقزز أي زول
لكن بعيداًَ عن الواقعية دي ، في الحياه العمليه - المستشفيات إنموذجا- في واقع تاني .. في شبق بتتم السيطرة عليهو ولجمو ، وفي شبق بيتم إطلاق سراحو بشكل غرائزي جامح.. وفي حالة إنك تكون محتار بين إنك تضايرو وللا تطلقوا زي ما هو حاصل مع البطل.
الرشيد ككاتب نجح في إنو يدخلني العوالم دي ، ما وراء الستاره في المشافي والعيادات ، وماوراء النفس البشريه البتنازعها الرغبات
لكن المانجحت فيهو يابنج إنك ما قدرت تتخلص من الإنطباع الأول ، كونو الرشيد بيعمل في حقل طبي ، وبالتالي هو بطل القصة ، وجاك شعور منفر ومقزز منو.

سلامات يابنج
النص مافيهو فانتازيا,
يعنى مساحة التحرك فيهو صعبة..
دا نص وصفى ومضغوط فى عضم أى حرف انو يوصل فكرتو الممعنة فى توصيف حالة بعينها..
وبعدين يابنج ماعندك فى نص زى دا أى هامش تتخارج بيهو,
زى فكرة التصاوير بتاعت انك تجيب زول عريان وترسمو..
الفكرة دى يمكن تروق للبعض لكن فكرة النقل دى مافيها أى مساحة بتاعت تفتيش عن معنى آخر..
النص البقعدك تحرس الحاجة المنقولة بى ضبانتا دى, ماحلو ..
زى الفنان الايرانى (لاأذكر أسمه) الذى يقوم بنسخ المشاهد بشكل مطابق,
معارف الفكرة شنو فى انو تنسخ ليك شكل مطابق كعمل فنى؟؟
مجرد انك تغيب الفاتنزى والبراح المفروض انو المطالع الآخر يتحرك فيهو معناهو جوبكتا أى فكرة حايمة ودخلتها فى بطن الوزة..
ا

النص دا مقزز يابنج لأنو:
- مأدانى أى براح
- مادار أى نقاش حول مضمونو, بل على العكس, تم الاحتفاء بالمضمون ومنك انت بالذات؟؟
- نص وصفى بحت, زى قصيدة (وقبلتها تسعة وتسعين قبلة وكنت على عجل)
-تم الاهتمام باللغة والابهار..
- لايتوفر النص على بداية أو نهاية, وذلك يطبعه بصبغة المفكرات والخواطر


ياأخى فترتا
أمشى أعمل لى كباية وأجيك

[الجيلى أحمد]

لكن المانجحت فيهو يابنج إنك ما قدرت تتخلص من الإنطباع الأول ، كونو الرشيد بيعمل في حقل طبي ، وبالتالي هو بطل القصة ، وجاك شعور منفر ومقزز منو.

داى قراية ثاقبة يابنج,
ويمكن تكون مشكلة فى حد ذاتا,
فعلآ ماقدرتا أفصل بشكل جيد بين الكاتب والنص..
وطبعآ التبريرات غير منتهية,
ولسنا هنا فى مقام ذلك ..
حين ينشر النص فهو حتمآ يستدعى عندى كامل طاقة التأمل,
لهذا كنت أصر على مسألة (الأبزرفيشن), وهو ماأحاول تطبيقه بشكل مبدئى على أى نص أقوم بمطالعته, بعض الاسقاطات الأخرى تتسرب, وتلك (الأخرى) هى عظم معاناة مطالعة النصوص, ففيها يكمن اللارادى وغير مستطاع متابعته فى عمل الحواس والرقابة عليها..