لشفتيها المشّاءتين بنميمة القبلات..!!!

[الجيلى أحمد]

سلامات يابنج
فى العمل الفنى والأدبى, هنالك تيمة خفية, تتعلق بالطاقة الذاتية للنصوص والأعمال,
حاجة كدا زى شغل الطاقة الذرية, ودا البدى أى عمل فنى امكانية مكوثه فى عقل وتفكير المطالع, أو أن يتم العبور عليه شأنه شأن أى شئ آخر غير مثير لرغبة التأمل الدقيق والمتمعن
عمك برضو عند شغل جميل اسمو Starry Night
فيهو اينرجى وطاقة محيرة, تخليك زى البالع xtc..

الاينرجى دا بفقدو فى أعمال أيمن, زى مافقدتو فى شغل الرشيد الآخير دا

[الجيلى أحمد]

الطاقة الذاتية دى برضو متوفرة بشكل تكثيفى مزهل فى غناء الشايقية ورميات الايقاع فى الغرب, لاحظ يابنج انو التكرار فى بعض الايقاعات أثناء الجملة الغنائية فى غرب السودان لم تلغى أبدآ الطاقة المتجددة للعمل التراثى والفنى,
أذكر فى صباى مقطع مدهش سمعته فى غرب السودان
تقول فيه النساء:
رسلو الدكان
كشح البن وحير النسوان..
ويتداخل بعد هذا المقطع أصوات الرجال والصبية
فى تكرار للمقطع الأوسط
كشح البن
كشح البن
كشح البن
وهذا التكرار الذى قد يستمر لعشرات الدقائق, لايصيب فكرة التطريب أو ينتقص منها,
ففى جانب يقوم الرتم المتصاعد بتذكية طاقة النص..
عمل كهذا وبرغم بساطته يمكنه اشعال طاقة التلقى , وفتح البراح كاملآ لتعيش داخل العمل الفنى وخارجة حسب رغبتك,
وذلك بسبب الطاقة الذاتية النابعة منه..

المهم ياصاحبى,
انو المسألة دى فعلآ بتتعلق بزوايا الشوف,
وليس من قانون ما يحكمها

[أبوبكر عباس]

والله، ربنا دا، عندو حاقات!

[الجيلى أحمد]

abstract

يابنج,
لو فى فرقة عليك الله غوص فى مسألة الابستراكت دى,
لأتها فى مفهوم التواصل مهمة جدآ..
قريتا فى تعليقك بحسابها مدرسة فنية,
لكن معلوماتى عنها فقيرة جدآ

_____________
بابكر عباس,
ياأخى هسه دى مداخلة؟

[الفاتح]

المشاركة الأصلية كتبت بواسطة الجيلى أحمد
الحاجة التانية والمهمة يابنج,
انو اخوك عندو عين ونظرة للرشيد مختلفة,
الود دا مبدع يابنج, لكن ساجن روحو شديد,
الرشيد ككاتب بتوفر على العبارة المدهشة والمختلفة, ومقدرة لغوية مزهلة
وكمان عندو العين البتلتقط التفاصيل, ويمكن يكثف ليك المشهد لمن تحس انك جواهو,
لكن شغلو دا عايز منو اجتهاد عشان يتطور أكتر, وواحدة منالمهام الممكن أبذلا ليهو كمطالع, انو ماأشتغل على وتر التقريظ المتواصل لأعمالو..
يعنى حكاية انو أجى أقول ليهو يارائع, يشمها قدحة, والكلا برضو لمهند والسلفى, أها ياشباب أكربو لينا شغلكم, لأنو الشباب الموهوبين ديل, ساجنين روحهم ومقدراتهم الفنية المزهلة دى

معاك يابنج في ضرورة إنو الناس تفلفل النص وتشوف العجبا شنو من الما عجبا.. لكن ما ي أدواتنا القدر لحاف معرفتنا بالنقد نسوي شنو.. نمد كرعيننا وللا نخلفهم !.. بعدين ما تنسى إنو عالم سودانيات الإفتراضي ده ، عالم من التواصل والمحبه ، جزو من عالمنا الحقيقي بتاع المطايبه والمقالده والسلام.
وعليكم السلام والرحمه.

[الفاتح]

المشاركة الأصلية كتبت بواسطة الجيلى أحمد
سلامات يابنج
فى العمل الفنى والأدبى, هنالك تيمة خفية, تتعلق بالطاقة الذاتية للنصوص والأعمال,
حاجة كدا زى شغل الطاقة الذرية, ودا البدى أى عمل فنى امكانية مكوثه فى عقل وتفكير المطالع, أو أن يتم العبور عليه شأنه شأن أى شئ آخر غير مثير لرغبة التأمل الدقيق والمتمعن
عمك برضو عند شغل جميل اسمو Starry Night
فيهو اينرجى وطاقة محيرة, تخليك زى البالع xtc..

الاينرجى دا بفقدو فى أعمال أيمن, زى مافقدتو فى شغل الرشيد الآخير دا

بجيك يابنج لشغل الEnergy وال Abstract بكره ، جدو ولدي خرمان ل Pingu من قبيل بيتململ جمبي وما مخليني أركًز.

[الفاتح]

ال Energy يابنج بتغذيهو لمن تكون متهيئ لإنك تدخل في عوالم الصوره.. وإذا إتماهيت مع التهيوءة ، طاقتك في إكتشاف مواطن اللوحه بتتعاظم .. مع عدم إغفال أمزجة المتلقي ، وإلمامو المعرفي ، ومقدرتو على إنو يلقى مفتاح اللوحه من قولة تيت ويربطها مع العناصر التانيه .. ومع عدم إغفال تأثير الألون البارده ( أبيض ، أصفر ، وردي ، إلخ ) على نفسية المتلقي والشعور الطيب البيمنحو ليهو ، والألون الحاره ( أسود ، أحمر غاني ، أزرق غامض ، إلخ ) والشعور ب الرحيل/ الثورة/ الخيانة/ الموت/ الغموض/ إلخ...
الAbstratc دي مواحده من المدارس الفنيه البتشتغل ب إنها تجرًد / تعرًي الحاجه المألوفه وتظهرها ليك بشكل مغاير للشوف اليوماتي بتاعك.. بتحرًك روح الصنم القدامك يابنج وبتدب فيهو الروح..
ساهل جدا يابنج إنك ترسم بورتريه زول.. مسأله بتاعة أبعاد وحركة يد وظلال ، لكن صعب جداً إنك تجرًد الزول ده ، وتشتغل على إحساسو.. بمعنى إنك ترسم غضب ، حب ، نزوه ، فرح ، تمرًد ، إلخ..
يوم من الأيام .. أخوك كان قرفان للدين.. ملان ب F**k off.. الحركه الرديئة بتاعه تخت يدك اليمين في معصم يدًك الشمال ديك.. فجاتني رغبة أرسم السباب ده ، وبالفعل رسمت عدد واحد Ass ديناري.. إنتشيت بإني قدرت سيطرت على قرفتي ب(بتجريدي) لغضبي.. أها بعد كم يوم جرًدت ليك الAss ده ولفيتو بهناك.. نظام أنثى ماداك قفاها.. ده تجريد لمفهوم (الجنس) الدنيا كانت بدر وكده يا حفصه.. تاني بعد فترة شلت spray وبخيت ليك حنان اللوحه ، وكفيتها ليك إلى حين إشعار آخر..
التحول الفي أمزجتي ده ، ده نتاج لEnergy (التدميرية / الرغبة ) ، وكل ما تجيني فكره إني أجرًد لي فكره ، بجرًد ليك حنانها..

---
* اللوحه في البيت ، بعدك بإني أرفعها إذا لقيت لي طريقه ، لكن ناس المنتدى ديل إحتمال يرفعوني في التلات 999