ما غريب الا الشيطان والله

[محمد مصطفي]

طبيعي انك قبل تدخل الحمام تولع النور
الما طبيعي انك تلقي النور مولع تطفيهو وتدخل الحمام
.
.
طبيعي لما تكون عايز تقعد في المرحاض تقلع بنطلونك
الما طبيعي انك تقلع قميصك وتقعد .....
.
.
طبيعي انك تدور العربية بي المفتاح
الما طبيعي انك سايق العربية وبتفتش في مفتاح العربية
.
.
طبيعي انك تتكلم بي التلفون
الما طبيعي انك بتفتش في التلفون وتقول لي الزول المعاك علي الخط تلفوني شكلو راح
.
.
طبيعي انك تمشي الشغل في ايام الاسبوع العملية والشوارع تكون زحمة
الما طبيعي انك تمشي الشغل والشوارع تكون فاضية ولما توصل تلقي الشركة قافلة وتكتشف انو اليوم عُطلة
.
.
طبيعي انك تعمل شاي لبن
الما طبيعي انك تعمل شاي روب
.
.
طبيعي انك تدقس في واحدة من الحاجات الفوق دي مرة في الشهر
الما طبيعي انها تحصل ليك في تلاتة يوم
.
.
ما غريب الا الشيطان والله

[عكــود]

المشاركة الأصلية كتبت بواسطة محمد مصطفي

طبيعي انك قبل تدخل الحمام تولع النور
الما طبيعي انك تلقي النور مولع تطفيهو وتدخل الحمام

سلام يا عريس،

دي ممكن؛ إذا قمت بالليل وما عايز النومة تطير منّك؛
تطفي النور إذا لقيتو مولّع وتقعد وإنت مغمّض عيونك.

الباقيات ديل، العوض عااااااادي ممكن يسوّي كتير منّهِن.

[تماضر حمزة]

بتاعة العربية والتلفون عادي بتحصل معاي، بس مابصل مرحلة أسأل البكلمو
بكون بفتش في جيوبي وانا بتكلم

[AMAL]

ياعريس
عندنا زمان مجنونة في كوستي اسمها القاش
كانت متعودة تدخل دكان تاجر كبير في المدينة
ويديها الفيها النصيب
اليومداك واقفة ساعة مااشتغل بيها
شغال يعد ويكلم روحو
فما كان منها الا قالت ليه
كلنا بدينا كدي
فيا شاب كلهم بدوه كدي
ولسة يما تكلم روحك






سلام عكود وطمطم

[حسين عبدالجليل]

سلام يامحمد مصطفي :

برضو طبيعي إنك تشتري سندوتش من ماكدونالد وتركب عربيتك و تسوقها و تفتش علي سندوتش الجن دا في العربية و إنت سايق و ماتلقاهو , وكل العربات في الشارع تضرب لك بوري والسواقين ياشروا لك بأياديهم و إنت تقول الوهم ديل مالهم . ولمن تصل البيت تلقي السندوتش في راس العربية .

بس يااخوي الشاي بالروب دي حالة متأخرة جدا.

[محمد مصطفي]

اقتباس:
المشاركة الأصلية كتبت بواسطة عكــود
سلام يا عريس،

دي ممكن؛ إذا قمت بالليل وما عايز النومة تطير منّك؛
تطفي النور إذا لقيتو مولّع وتقعد وإنت مغمّض عيونك.

الباقيات ديل، العوض عااااااادي ممكن يسوّي كتير منّهِن.

سلامات يا عكود ....
لكن النعسة دي الزنقة دي كلها طيرتا عشان تطفي ليها النور
العوض ده بذكرني بي الروميت بتاعي زمان اسمو خيرالله
اي حاجة غلط بتتعمل في البيت معناها ده خير الله السواها
حكمة الله هو شغال 16 ساعة في اليوم ... 6 يوم في الاسبوع
ويوم اجازتو بقضي مع اختو واولادا

[محمد مصطفي]

اقتباس:
المشاركة الأصلية كتبت بواسطة تماضر حمزة
بتاعة العربية والتلفون عادي بتحصل معاي، بس مابصل مرحلة أسأل البكلمو
بكون بفتش في جيوبي وانا بتكلم

تمادور ازيك
غايتو اظني قريت ليك مداخلة ذات بوست ما
الطبيعي انك تصوم في رمضان ...
الما طبيعي انك تشرب لمن تروي وتقول رزق ساقه الله لي
لكن عموماً النساء اكثر تركيز من الرجال
وشاعرية

[محمد مصطفي]

اقتباس:
المشاركة الأصلية كتبت بواسطة AMAL

ياعريس
عندنا زمان مجنونة في كوستي اسمها القاش
كانت متعودة تدخل دكان تاجر كبير في المدينة
ويديها الفيها النصيب
اليومداك واقفة ساعة مااشتغل بيها
شغال يعد ويكلم روحو
فما كان منها الا قالت ليه
كلنا بدينا كدي
فيا شاب كلهم بدوه كدي
ولسة يما تكلم روحك






سلام عكود وطمطم

سلامات يا بت الشيخ
ياخ حكاية اكلم روحي دي عادي ليها عشرة سنة
ياخ انا مرات بكون بحكي للمقعد الجنبي موضوع كامل عديل كده
ومرات بعرف رأي المقعد من نظراتو
هي المقاعد دي شنو غير تتخيل فيها اجعص تخين وتختو فيها وتكلمو
ياخ انا عادي بخت فيهو عمر البشير ده وبكلمو
لكن ما بسمع الكلام نسوي ليهو شنو

[محمد مصطفي]

اقتباس:
المشاركة الأصلية كتبت بواسطة حسين عبدالجليل
سلام يامحمد مصطفي :

برضو طبيعي إنك تشتري سندوتش من ماكدونالد وتركب عربيتك و تسوقها و تفتش علي سندوتش الجن دا في العربية و إنت سايق و ماتلقاهو , وكل العربات في الشارع تضرب لك بوري والسواقين ياشروا لك بأياديهم و إنت تقول الوهم ديل مالهم . ولمن تصل البيت تلقي السندوتش في راس العربية .

بس يااخوي الشاي بالروب دي حالة متأخرة جدا.

مراحب يا حسين
تعرف وانا جديد عهد بشغل الاسبيرات في فيرجينيا
اليوم داك شاحن ليك البوكسي ده فوق ومربطو وطاير ليك بالهاي واي
شي بنابر وشئ هوود وشئ فنادر
شوية كده واي زول جاي ماشي جنبي اضرب لي في البوري
انا قلت الناس دي جنت ولا شنو ... انا مالي اسي ما ماشي عديل
بعد شوية اعاين ليك بالمراية يمين الله ما القي ليك الا بطارية وعجل حديد
غايتو شيك اسبوعين راح ساي
.
الروب ده طبعاً انا بحبو جداً اها وباقتو زي باقة الحليب
ياخ قومة ستة صباحاً دي حارة شديد

[الرشيد اسماعيل محمود]

الروب ده طبعاً انا بحبو جداً
م. مصطفي

يعني بعدين عادي ممكن تقول الروب!
غايتو بقيت ما بتطمِّن أبداً. قلنا نشوف آخرك، بديت تهضرب، ولسع ساعة الحقيقة ما دقت!

كيفك؟