لِأجل أم التيمان: الإنسان، وحالة الكتابة.

[سارة]

الاخ الكريم حسين
اتابع باهتمام
وسانتظر طرح فكرتك كاملة
شكرا لكل حرف كتبته

[حسين أحمد حسين]

[justify]

المشاركة الأصلية كتبت بواسطة جيجي

يا راقي حسين
الوجود في مجتمع محتاج لوجدان مشبع ببنود الانسانية, وشفاف ومليء بالمساحات ومسامي يسع بتنفس الجميع. ويدعوك لاحترام الاخرين, ويدعوك للسمو بكل اطراف الانسانية في تان وسلام تام.
لك الشكر

الأخت الكريمة جيجى،
ألفُ تحيةٍ وشكر، فأنتِ الراقية. وسوف أتخذ حرفك بعاليه، قاعدة ذهبية لهذا البوست.

ثنَّى اللهُ حجَّتَك.
[/justify]

[حسين أحمد حسين]

[justify]

المشاركة الأصلية كتبت بواسطة خالد غالي

تفهم شنو
الناس ديل ناويين ليهم علي نية بطالة اسألني منهم انا
الاتنين اصحابي وبعرف نواياهم كويييييس

تحياتي لك وللعزيزة ام التيمان

تحياتى خالد غالى،

أنا أكتفى الآن بلطيفة تفهمهما لكونى أُعالج فى هذه الجزئية ما يلحق إنسان أم التيمان من أذى، أما الكتابة فلها مبحث آخر.

خالص الود.[/justify]

[حسين أحمد حسين]

[justify]

المشاركة الأصلية كتبت بواسطة طيبان

سلامات يا أستاذ حسين ،،
أحييك وأحيي عبرك الأخت أم التيمان ،،وأنتظر لأقرأ كامل رؤيتك حولها كعضو عرّفنا به هذا المكان ،،واضح أن ما نعرفه عنها هو ما تخطّه من كتابات ،،وردود ،،مقروءة مع ردود أفعال الآخرين ،،الساخطة والمتتريّقة والمحبطة والزهجانة وكلّو .

أنا من محبّي طريقة أم التيمان في الكتابة ،، لست من المعجبين بكل ما تكتب ولكنّي أرى في طريقتها شيئا مختلفا ،،وما يعجبني أكثر هو إعتزازها بما تكتب ..
__

لك ولأم التيمان التحايا وخالص المحبّة ..

تحياتى د. طيبان،

أنا أيضاً ليست لى معرفة سابقة بالأخت الكريمة أم التيمان، ولم ألتقيها إلى الآن.

ولعلَّه من الطبيعى ألاَّ نهضم كلَّ ما يكتبُ كاتبٌ ما. أما الغير طبيعى فهو أن يحوِّل البعض ما لا يهضم من كتابات الكاتب، إلى مادة للسخرية والتهكم والإحتقار. بل ويشرع فى تخطيط مستقبل للكاتب بناءاً على موقفه النَّفسى من كتاباته. وتلك هى الحالقة يا دكتور، التى تحلقُ إنساننا.

خالص الود.
[/justify]

[حسين أحمد حسين]

[justify]

المشاركة الأصلية كتبت بواسطة طيبان

يا ماجد ياخي ..عيب البتسوّي فيهو دا ..ما ممكن ياخي تجي تزرع ليك مداخلة استفزازية دي هنا ،،ياخي قول أم التيمان دي مجوسيّة وموقدة نارا وبتعبد فيها ،،جيت أنا اتكلمّت عنها ونزّلت المصحف كلّو في البوست ومعاهو الصحاح بي صمّتن ،،عشان أقول رأيي تجي انت شايل بسطونتك وتقول لي الزولة دي كافرة ما تستشهد ليها بالدين ؟ يا ماجد البنكتب هنا دا هو رأي أستاذ حسين ،،يتناولوا بي طريقتو ،،عندك باقي غباين مع أم التيمان أمشي عوسا هناك في بوستك المرتبك الرميت طوبتو داك ..بلا تربّص فارغ معاك ..
سلام .

شكراً طيبان، والشكر عبرك لماجد تاج.
المعلوم.

[/justify]

[ماجد تاج]

المشاركة الأصلية كتبت بواسطة طيبان

سلامات يا أستاذ حسين ،،
أحييك وأحيي عبرك الأخت أم التيمان ،،وأنتظر لأقرأ كامل رؤيتك حولها كعضو عرّفنا به هذا المكان ،،واضح أن ما نعرفه عنها هو ما تخطّه من كتابات ،،وردود ،،مقروءة مع ردود أفعال الآخرين ،،الساخطة والمتتريّقة والمحبطة والزهجانة وكلّو .

أنا من محبّي طريقة أم التيمان في الكتابة ،، لست من المعجبين بكل ما تكتب ولكنّي أرى في طريقتها شيئا مختلفا ،،وما يعجبني أكثر هو إعتزازها بما تكتب ..
__

لك ولأم التيمان التحايا وخالص المحبّة ..

المشاركة الأصلية كتبت بواسطة طيبان

يا ماجد ياخي ..عيب البتسوّي فيهو دا ..ما ممكن ياخي تجي تزرع ليك مداخلة استفزازية زي دي هنا ،،ياخي قول أم التيمان دي مجوسيّة وموقدة نارا وبتعبد فيها ،،جيت أنا اتكلمّت عنها ونزّلت المصحف كلّو في البوست ومعاهو الصحاح بي صمّتن ،،عشان أقول رأيي تجي انت شايل بسطونتك وتقول لي الزولة دي كافرة ما تستشهد ليها بالدين ؟ يا ماجد البنكتب هنا دا هو رأي أستاذ حسين ،،يتناولوا بي طريقتو ،،عندك باقي غباين مع أم التيمان أمشي عوسا هناك في بوستك المرتبك الرميت طوبتو داك ..بلا تربّص فارغ معاك ..

___

سلام .

ـ


الرجاء بقى بسطونة عندك يا طيبان

واللا بس شان تبرر غلظتك ؟

صباح الخير يا دكتور

ح تفضل تقول عيب عيب لحدي ما نلقى تمثال لأبي لهب

مقام في الساحة الخضراء مش كدا ؟

وقبل كدا لما قلنا أنكم بتمجدوا رقة أم التيمان زعلتو

هسي انتو لما مختلفين مع كتاباتها قاع تمجدو في شنو بالضبط ؟

حسب خط البوست دا رقتها

يبقى في ذمتك العيب وين بالضبط ؟

بعدين حقو ترتفع شوية من الكلام الما بيليق بيك

غباين شنو وعبط شنو في النت كمان ؟

قول ام التيمان دي جات زي ما قلت ووقدت نار مجوسيتها هنا في المنتدى دا

أشيل معاها غبينة فوق أم كم ؟

أهي تكتب وتتحمل تبعات ما تكتبه لا غير

وما تبقى عاطفي زيادة رجاءاً

دا هو العيب ياخ





ـ

[ماجد تاج]

المشاركة الأصلية كتبت بواسطة حسين أحمد حسين

[justify]

تحياتى أخى الكريم ماجد تاج،
وأنتَ تستحلِفٌنى بعظيم، وجلَّ مالك الملك العظيم.

ولكنَّ الآيات والأحاديث يمكن أن ينتفع بها أيُّ شخص. 1 - وأراك تُضيِّقُ واسعَ المحبة بهذا التقييد.

كما أنَّ هذه الآيات والأحاديث تفضحنا نحن يا ماجد تاج، ولا تفضح أُمَّ التيمان. ولذلك ترفضها الأنا الذكية فينا، كوننا لم نتأسَّي بها.

2 - ونحنُ من سببنا الدين قبل أنْ تسبُّهُ أمَّ التيمان (هذا لو أنَّها بالفعلِ فعلتْ)، بسخريتنا منها، بتهكمنا عليها، بابتخاسِ بِضاعتها، بمخالفتنا للآية والحديث. ولقد حمَّلناها فوق ما تطيق. ندفها دفعاً نحو نقطة اللاعود، والجبالُ تستغيثُ عند هذه النقطة فتقذفُ حممَها، وما بالك بالإنسان/المرأة.

ولوائحنُا، مبلغ علمى، خُلوْ من أيِّ مادة تعالج السخرية والإحتقار والمضايقة النفسية والمضايقات الدينية، ولكن بها مادة تعاقب على سب الديانات.

3 - ولعلَّ المشرع قد ترك هذا الأمر خلوَّاً إستناداً على أنَّ كل َّ عضوٍ فى سودانيات تهذِّبُه معتقداتُهُ الدينية والفكرية وحتى الإحيائية.

ولما كان الأمر ليس كذلك، فها قد ظهرت الحاجة لمادة فى اللائحة تحرم وتجرم السخرية والإحتقار والتهكم وكل أنواع المضايقات الدينية (كسبِّ الأعلام الدينية وغيرها) والنفسية، فهلاَّ أضفناها. وهى على فكرة مضمنة فى كلِّ دساتير وقوانين العالم.

ولعلَّ الذى يبرر وجودها فى الأسافير، تسهيلها لإدارة الخلافات. فبعض الأسافير بحجم دُول. الفيس بوك بحجم الهند، عدد أعضاء سودانيزأون لاين أكثر من سكان مملكة بُتان، أو البحرين، أو قطر.

وعلى ذلك قس،
كل الود.[/justify]

ـ



الاخ حسين .. صباح الخير يا حبيب

1 ـ واسع المحبة دا في الدين عنده حد ما مطلوق على هواه كدا وما بيدخل فيه من فارق الدين .

2- وما في حد سب الدين ولا التهكم بيبرر سب الدين وحقو ما تحور الايات ولا الاحاديث

فقط لتدعم محبتك الخالصة لشخص تقول أنك ما لاقيته ولا بتتفق مع كتاباته

انت حر في مشاعرك يا أخ حسين تلطلقا وين ما أردت

لكن ما عندك حق تستخدم الايات والاحاديث في معرض تدليلك على محبتك وانسانيتك في الحتة دي تحديداً

المذكورة سبت الدين عن قناعة مش رد فعل ، ولك أن تسألها عن رأيها في الدين قبل ما تحاول تلقى ليها مبرر

أسألها عن رأيها في الدين ككل وفي الاسلام على وجه التحديد

وأهو دا بوست عاطفي وبيداعب مشاعرها بامتياز يبقى ما في تهكم ولا استفزاز

أسألها فقط ما هو رأيها في الدين وبعدها أحكم

ولو حبيت الاقتباسات من كلامها ورايها على قفا من يشيل

وعن نفسي في بوستيك دا ممكن اجيب ليك واحد واللا اتنين للاستئناس .

3 - المشرع لو ترك امر التهكم والسخرية من غير معالجة يبقى تقصير منه وممكن يتصلح لكنه لم يترك الباب مفتوح للنيل من الدين بحجة الرد على التهكم

يا حسين ما تخلط محبتك بأمور الدين ، ركز فقط على مشروعك وبالتوفيق

لكن مطلبنا ـ رجاءنا فقط ـ أن تبعد الايات والاحاديث

لأنها والله الحق ما بتنفع في المقام دا .

ولك من المحبة والود في الانسانية أرتال يا أخي .





ـ

[الجيلى أحمد]

الاخت موضوع كتابتك ترى أن الدين خنجر في صدر الانسانية

وأن الاسلام دين تطرف

وقد سبق أن لعنت الدين صراحة

وقالت أنه سبب كل المصائب

ولو عايز الاقتباسات زودناك بها

So what

[ماجد تاج]

المشاركة الأصلية كتبت بواسطة الجيلى أحمد

So what

ـ


لمنو تحديداً يا جيلي

صباح الخير بالمناسبة



ـ

[فتحي مسعد حنفي]

المشاركة الأصلية كتبت بواسطة ماجد تاج

ـ



الاخ حسين .. صباح الخير يا حبيب

1 ـ واسع المحبة دا في الدين عنده حد ما مطلوق على هواه كدا وما بيدخل فيه من فارق الدين .

2- وما في حد سب الدين ولا التهكم بيبرر سب الدين وحقو ما تحور الايات ولا الاحاديث

فقط لتدعم محبتك الخالصة لشخص تقول أنك ما لاقيته ولا بتتفق مع كتاباته

انت حر في مشاعرك يا أخ حسين تلطلقا وين ما أردت

لكن ما عندك حق تستخدم الايات والاحاديث في معرض تدليلك على محبتك وانسانيتك في الحتة دي تحديداً

المذكورة سبت الدين عن قناعة مش رد فعل ، ولك أن تسألها عن رأيها في الدين قبل ما تحاول تلقى ليها مبرر

أسألها عن رأيها في الدين ككل وفي الاسلام على وجه التحديد

وأهو دا بوست عاطفي وبيداعب مشاعرها بامتياز يبقى ما في تهكم ولا استفزاز

أسألها فقط ما هو رأيها في الدين وبعدها أحكم

ولو حبيت الاقتباسات من كلامها ورايها على قفا من يشيل

وعن نفسي في بوستيك دا ممكن اجيب ليك واحد واللا اتنين للاستئناس .

3 - المشرع لو ترك امر التهكم والسخرية من غير معالجة يبقى تقصير منه وممكن يتصلح لكنه لم يترك الباب مفتوح للنيل من الدين بحجة الرد على التهكم

يا حسين ما تخلط محبتك بأمور الدين ، ركز فقط على مشروعك وبالتوفيق

لكن مطلبنا ـ رجاءنا فقط ـ أن تبعد الايات والاحاديث

لأنها والله الحق ما بتنفع في المقام دا .

ولك من المحبة والود في الانسانية أرتال يا أخي .

ـ

انت ياماجد التعبيرات دي بوزعوها عليكم وين عشان أمشي ألحق لي رتل سكرالمحبة أرتال ومؤونة كم سنة من المودة بس تقول بصرفوها ليكم تحت اشراف ود الصادق المهدي..
ياخ ما من حقك تحجر علي زول في استعمال كلام الله والرسول صلعم..موش ممكن الزول البتقول عليهو كافر دا الآيات دي تشرح وتفتح صدرو للايمان غايتو أنا مستعد أحلف انك زمان في المدرسة كنت الألفة في الفصل وهسة بقيت زي عم اللازم النزل المعاش وعمل ليهو سبيل فيهو زيرين وكوزين لامن يجي زول يشرب يقول ليهو أشرب من الزير التاني ولامن يقبل علي الزير التاني يقول ليهو بالكوز التاني..عمنا اللازم كان تعلمجي في الجيش..يموت الزمار وصوابعينو بتلعب..

[حسين أحمد حسين]

[justify]

المشاركة الأصلية كتبت بواسطة شهرزاد

الأخ حسين أحمد حسين
ام التيمان إنسانة شفافة وبتكتب ب إحساسها الخالص
قد تفشل أحياناً في توصيل فكرتها عبر هذا الإحساس
أو قد نفشل نحن في فهم هذا الإحساس ..
وبين هذا وذاك تظل ام التيمان هي ام التيمان الزولة الحبابه , المسامحه , الشجاعة , المعتدة بنفسها وبحرفها مهما تكاثرت عليها الأقلام .
مني ليها هنا تعظيم سلام ..
في إنتظار رؤيتك اخ حسين أظنك حتفتح لينا نفاج جديد لي دواخل الشخصية دي يخلينا نشوفها بزاوية مختلفة ... أكيد أجمل .
تحياتي ,,

سلام شهرزاد،
ما يُحيرنى هو لماذا الإختلاف فى الفهم والقدرات، يكون مدعاة للسخرية والتهكم والإحتقار؟ لماذا كل هذا الأذى؟ هل هذا مقبول؟ هل هذا إنسانى؟ ولماذا هو مع أُم التيمان بالذات؟

فالمرأةُ أميرةٌ بحق وهى تكتم غيظها إزاء كل هذا التجريح،
كل الود.

[/justify]

[ماجد تاج]

المشاركة الأصلية كتبت بواسطة فتحي مسعد حنفي

انت ياماجد التعبيرات دي بوزعوها عليكم وين عشان أمشي ألحق لي رتل سكرالمحبة أرتال ومؤونة كم سنة من المودة بس تقول بصرفوها ليكم تحت اشراف ود الصادق المهدي..
ياخ ما من حقك تحجر علي زول في استعمال كلام الله والرسول صلعم..موش ممكن الزول البتقول عليهو كافر دا الآيات دي تشرح وتفتح صدرو للايمان غايتو أنا مستعد أحلف انك زمان في المدرسة كنت الألفة في الفصل وهسة بقيت زي عم اللازم النزل المعاش وعمل ليهو سبيل فيهو زيرين وكوزين لامن يجي زول يشرب يقول ليهو أشرب من الزير التاني ولامن يقبل علي الزير التاني يقول ليهو بالكوز التاني..عمنا اللازم كان تعلمجي في الجيش..يموت الزمار وصوابعينو بتلعب..

ـ



ترجيته

سألته مجرد سؤال بالله

ما فرضت ولا حجرت يا عم فتحي

راي كتبته ما شلت بندقية طلعت بيها الخلا

الحجر بتمارسوه انتو وناس طيبان ومن لف لفه

العايزين تحرموا الواحد حتى من مجرد الترجي ياخ

وأرتال من المحبة بلا عدد منا لكم يا عمنا

مع الود أكوام اكوام





ـ

[ماجد تاج]

المشاركة الأصلية كتبت بواسطة حسين أحمد حسين

[justify]
سلام شهرزاد،
ما يُحيرنى هو لماذا الإختلاف فى الفهم والقدرات، يكون مدعاة للسخرية والتهكم والإحتقار؟ لماذا كل هذا الأذى؟ هل هذا مقبول؟ هل هذا إنسانى؟ ولماذا هو مع أُم التيمان بالذات؟
فالمرأةُ أميرةٌ بحق وهى تكتم غيظها إزاء كل هذا التجريح،كل الود.
[/justify]

ـ


وسبب حظرها الاخير كان كظم الغيظ برضو ؟

الاميرة بحق دي يا استاذ حسين ـ فتحي مسعد رفعها الى ملكة بالمناسبة

لها لسان يقطر عسل في اتجاه

وحاجات تانية في اتجاه تاني

وبرضو لو عايز نرفدك باقتباسات ونماذج جاهزين

وبوستيك دا نفسه ح يشهد أمثلة بلا عد

بس تابع يا حبيب



ـ

[فتحي مسعد حنفي]

المشاركة الأصلية كتبت بواسطة ماجد تاج

ـ



ترجيته

سألته مجرد سؤال بالله

ما فرضت ولا حجرت يا عم فتحي

راي كتبته ما شلت بندقية طلعت بيها الخلا

الحجر بتمارسوه انتو وناس طيبان ومن لف لفه

العايزين تحرموا الواحد حتى من مجرد الترجي ياخ

وأرتال من المحبة بلا عدد منا لكم يا عمنا

مع الود أكوام اكوام



ـ

أمال كلامك الكتبتو لي حسين دا بتسميهو شنو كان ما حجر مع العلم أنا ما بتكلم عن الحجر الأسود
بعدين منو احنا ديلياخ حرام عليك دي أول مداخلة لي في البوست دا وصدقني بلا حليفة أمبارح كانت أول مرة أفتح البوست دا من أصلو عشان زهجت من هجوم الناس علي أم التيمان البتربطني بيها علاقة أسرية وكنت خايف أفتح البوست ألقي حسين بهاجم فيها زي الباقيين وعشان الزول دا أنا بحترمو قلت ما بدهاش خليني بعيد أحسن..
غايتو حقو انت تمشي تواصل مع النصراني ود ميلاد وتبعد من المسلمين العاصيين ومافي داعي تشربنا بالكوز العلي اليمين من الزير الفي الشمال..

[فتحي مسعد حنفي]

المشاركة الأصلية كتبت بواسطة ماجد تاج

ـ


وسبب حظرها الاخير كان كظم الغيظ برضو ؟

الاميرة بحق دي يا استاذ حسين ـ فتحي مسعد رفعها الى ملكة بالمناسبة

لها لسان يقطر عسل في اتجاه

وحاجات تانية في اتجاه تاني

وبرضو لو عايز نرفدك باقتباسات ونماذج جاهزين

وبوستيك دا نفسه ح يشهد أمثلة بلا عد

بس تابع يا حبيب
ـ

هي بالفعل في مصاف الملكات بالنسبة لي..بعدين ياخ ليه فتحي؟د.أحمد محمد زين قال ليك نفس كلامي ولا شايفني حلبي ما عندو سيد والدكتور بديري مناسب الشايقية بالمناسبة الأخت أميرة فعلا انسانة عظيمة كشخص بعيدا عن ما تكتبه والذي أختلف معها في الكثير منه وواجهتها برأيي أكثر من مرة ولكن انك لا تهدي من أحببت والله يهدي من يشاء.
أميرة دي ما بنت في طور المراهقة هي امرأة لها أبناء وبنات وكمان أحفاد وهي من بيت له تاريخ في السودان وجدها البطل ود حبوبة.وهي انسانة بسيطة للغاية وتتقبل النقد بصدر رحب ولكن نقد بدون اساءات أو تهكم والحالة التي هي فيها تسبب فيها الهجوم والاستهزاء عبر صفحات المنتدي حتي صارت تدافع عن نفسها بشراسة حتي وان أغضب كلامها من ينتقدوها فهي تتعمد اغاظتهم أكثر فأكثر..
اتركوها لحالها وسوف تجدونها انسانة مختلفة تماما عن ما تتخيلونه..