المَوقِف السياسي

[أبوبكر عباس]

المشاركة الأصلية كتبت بواسطة azzam_farah

[RIGHT]
لا يجوز أن يكون لنا مع دَولة الجنوب أي عِلاقات البتة.. سَوف نقَوِض "الحُرِيات الأربعة" التي ]

عليك الله يا عزام، هل عندك أي دراية بحاجة أهلنا مربيي الأبقار المحتاجين لعبور الحدود لدولة الجنوب ومعهم ملايين الأبقار؟ حرية التنقل دي وحدها يقوم حولها نظام إقتصادي وإجتماعي لملايين الناس، نوع رفضك دا، انت وناس منبر السلام، للإتفاق دا، يعتبر غير مسؤول بدون طرح بديل إقتصادي لهؤلاء الناس.

[azzam_farah]

عليك الله يا عزام، هل عندك أي دراية بحاجة أهلنا مربيي الأبقار المحتاجين لعبور الحدود لدولة الجنوب ومعهم ملايين الأبقار؟ حرية التنقل دي وحدها يقوم حولها نظام إقتصادي وإجتماعي لملايين الناس، نوع رفضك دا، انت وناس منبر السلام، للإتفاق دا، يعتبر غير مسؤول بدون طرح بديل إقتصادي لهؤلاء الناس.

...أهلنا مربيي الأبقار...

أهلك ديل ياهُم المسيرِية ما غيرُم، يعني منطِقة النِزاع (أراضي الرعي) بين المسيرِية ودينكا نقوك.. طَيِب.. المِسيرِية، هُم قبيلة عربية مِن قبائِل السودان، والعرب في السودان عمرو كم؟ خلينا نقول عمرهُم في سودان السجم ده 1400 سنة (إتفاقِية البقط عام 652م) الـ1400 ديل فيهِن 14 مية! يعني لو جُدودي بِعمِرو لعُمر 100 سنة، يبقى الـ1400 سنة فوقا 14 جَد مِن جُدودي [أنا: عزام حسن فرح محمد عبدالحميد (حاج) خليل خالِد حامِد].. [هُنا ننتقِل بِعَونٍ مِن الله تعالى إلى المشهد التالي] الحلفاويين.. قبيلة مِن قبائِل السودان الأصلِية، وجودُم ليهو 5 ألف سنة مِن ميلاد السَيِد المسيح.. تم إغراق منطقتهُم ذات الكنز الأثري، لِلصالِح العام -بِغض النظر مِن صِحة فعل حكومة إبراهيم عبود- طَيِب السؤال: ليه تم تمرير جريمة إغراق حضارة عمْرها 5 ألف سنة، وكنْكشو في أراضي بترعي فوقا 10 مليون رأس بقر لقبيلة المسيرِية!

حاجة مِن إتْنين يا الصالِح العام يِساوي بين الحلفاويين والمسيرِية، يا كمان، نقِد السد العالي ونحارِب دَولة الجنوب.

أنا ما بقول إنو ما يِكون في مصالِح بَين السودان ودَولة جنوب السودان، أنا بقول ما تصل لِدرجة "الحُرِيات الأربعة"، يعني نيفاشا عملت شنو لو الجنوبي بِحِق ليهو يُقيم ويسكن ويتملك ويعمل في السودان، هو قُبال نيفاشا أكان بِسوي شنو غير ديل؟! يعني الجنوب شال بترولو وخلا لينا ناسو؟!

[زول الله]

المشاركة الأصلية كتبت بواسطة azzam_farah

نيفاشا عملت شنو لو الجنوبي بِحِق ليهو يُقيم ويسكن ويتملك ويعمل في السودان
هو قُبال نيفاشا أكان بِسوي شنو غير ديل؟!
يعني الجنوب شال بترولو وخلا لينا ناسو؟!

ياخ ينصر ديييييييينك عدلا وقلبا قول آآآمين






اقول قولي هذا واستغفر الله لي..............

[طارق صديق كانديك]

أتمنى تكون بخير أخي عزام فرح

[يحي عثمان عيسي]

الحبيب عزام

الموقف السياسي اليوم
هل نضب المعين
لك التحية اينما كنت حتي في هجليج او على تخومها

[azzam_farah]

إنت ما بتعرف صديقك من عدوك.. في شأن إتفاقية عنْتبي

في مقال تحت عنوان: [لماذا يتعَين على السودان الانضمام إلى اتفاقية عنتبي لحوض النيل] بصحيفة [القرار] السودانية عدد يوم الثلاثاء 30 إكتوبر 2012م بصفحة الرأي رقم [6]، لَخَص دكتور سلمان محمد أحمد سلمان (باحث سوداني مقيم في واشنطن) نقاط الخلاف الثلاث حَول اتفاقية عنتبي من قبل مصر وتبعها حكومة الخُرطوم بعوارا لا تستطيع الحكومات بلوغها إلا بعَون من الله تعالى، كما بَين د. سلمان الأسباب المنطقية لضرورة تَوقيع السودان على اتفاقية عنتبي:

نقاط الخلاف (نقل دون تصرف عدا ما مَيزته باللَون الأحمر للإنتباة):
أولاً مسألة الأمن المائي: تتناول المادة 14 مسألة الأمن المائي والذي عرفته الاتفاقية بأنه يشمل حق كل دول حوض النيل في المياه من أجل الصحة والزراعة والإنتاج والبيئة. وقد كانت هذه المادة السبب الرئيسي لانهيار المفاوضات، إذ تصرُ مصر والسودان على أن استعمالات وحقوقهما القائمة والمشار إليها في اتفاقية مياه النيل لعام 1959 والتي توزع كل مياه النيل بينهما (55,5 مليار متر مكعب لمصر، 18,5 للسودان) غير قابلة للتفاوض وخطاً أحمر لا يمكن عبوره وتُمثل الأمن المائي لهما ويجب تضمين هذه الاستعمالات والحقوق القائمة في الاتفاقية. وترفض الدول الاخرى هذا وتصر على أن لها حقوقا في مياه النيل تحت نظرية الانتفاع المنصف والمعقول وأنه يجب على مصر والسودان الاعتراف بهذه الحقوق والتفاوض حولها.

ثانياً مسألة الإخطار المسبق: تطالب مصر والسودان بتضمين مواد مفصلة في الاتفاقية لمسألة الإخطار المسبق لكل دول الحوض عن المشاريع التي تنوي أية دولة إقامتها على نهر النيل. وترفض الدول الأخرى هذه المسألة لإنها تتخوف أن يُفسر الإخطار على أنه يعطي مصر والسودان حق النقيض.

ثالثاً كيفية تعديل الاتفاقية: تطالب مصر والسودان أن يكون تعديل الاتفاقية بالإجماع أو الأغلبية على أن تشمل هذه الأغلبية مصر والسودان. وترى الدول الأخرى أن يكون تعديل الاتفاقية بالأغلبية العادية شملت أم لم تشمل مصر أو السودان.



ـــــــــــــــــــــــ
هامش:
- برزت فكرة مبادرة حوض النيل في عام 1997م وأخذت شكلها الرسمي في 22 فبراير عام 1999م.
- تَتكَون اتفاقية عنتبي من [44] مادة موزعة على ديباجة وستة أبواب، بالإضافة إلى ملحق فض النزاعات.
- الدول المُوقعة على اتفاقية عنتبي هي: أثيوبيا/تنزانيا/يوغندا/كينيا/روندا/بورندي.
- الدول التي لم تَوقع على اتفاقية عنتبي حتى تاريخه: السودان/مصر/الكونغو/جنوب السودان.
- تحتاج اتفاقية عنتبي إلى تصديق ست دول لتدخل حَيز التنفيذ.

[أبوبكر عباس]

سلام يا أخونا زمان وسعيدين بعودتك يا شفيف.
على الرابط مقال لدكتور المفتي أحد المفاوضين ضمن وفد السودان. أرجو يا عزام، لو كنت متابع للسجال بينهما أن تشرح لي نقطة الخلاف الأساسية بينهما.

[azzam_farah]

جاء في صدر صحيفة الإنتباهة السودانية، عدد يوم الثلاثاء 13 نوفمبر 2012م:[تسلمت وزارة النفط العينة النفطية الأولى التي تم استخراجها من حقل النجمة جنوب بمربع "17" الذي تعمل به شركة إستار أويل لعمليات البترول، وقال وزير النفط د. عوض الجاز إن الحقل سوف يدخل دائرة الإنتاج الفعلي بنهاية العام الجاري.] (إنتهى)
ــــــــــــــــــــــ
خلونا نتفق إنو الغفلة صفة شائعة في مؤازري عهد الإنقاذ (راعي ورعية) والإسْتغفال بيُمارس فينا يوماتي عادي، يعني مغفل بستغفل فينا.. شوفو مثلاً الخبر أعلاه وكمية الإستغفال الفوقو، قال ليك: :[(...) تم استخراجها من حقل النجمة جنوب بمربع "17" (...)]. طبعا الخبر مُفرح ومبهج وود ناس، بس المفروض من صحيفة خال البشير –الإنتباهة- قبل ما تَورمنا تورينا وين بيقع حقل {النجمة جنوب} ووين {مربع 17} ده، ولا المفروض نحنا نعرف برانا كَدي ها الأماكن.

[يحي عثمان عيسي]

الحبيب عزام ود فرح
مشتاقون

جاء الخبر في يوم الثلاثاء 13/11
وفي يوم الاربعاء 14/11 الجماهير تحتشد لاستقبال العائد
وغفلة في13 وغفلة في 14

[azzam_farah]

سُئل الرئيس ريغان قبل مغادرته النهائية للبيت الأبيض، عن "السياسة" فقال:[لا تختلف كثيرًا عن المهنة الأولي]*

تذكرت وصف الرئيس ريغان للسياسة، أثناء قراءتي لعمود دكتور/ عبدالماجد عبدالقادر الذي جاء تحت عنوان "الاعتصام في الميادين عندكم سندوتشاتو" في عموده "ثالثة الأثافي" بصحيفة الإنتباهة عدد يوم الجمعة 16 نوفمبر 2012م التالي:
[(...) وأهلنا في المعارضة ذهبوا هذه المرة إلى لندن.. وهناك اجتمع السيد الصادق مع عرمان واجتمع "الصادق وعرمان" مع د. "علي" وللذين لا يعرفون او الذين نسوا بمرور الزمن فإن الصادق المهدي كان رئيساً للوزراء عندما "قلب" ناس الإنقاذ الحكومة في الثمانينيات.. وكان رئيس الوزراء عندما بلغ عمره الثلاثين عاماً بيوم واحد واخليت له دائرة "قسراً" من الدوائر "الصماء" لكي يفوز فيها ويصير رئيساً للوزراء في خمسينيات القرن الماضي.. وعلي الحاج دكتور نساء وولادة كان أحد قادة الإنقاذ الذين قلبوا الحكومة على رأس الصادق المهدي.. أما عرمان فهو بتاع قرنق الذي فر من البلاد في الثمانينيات بعد حادث مقتل الطلبة الجامعيين المشهور عندما كان د. علي حاكماً وانضم إلى جيش الجنوبيين الذين قاتل الصادق المهدي وقاتل ناس علي الحاج ولا يزال يقاتل الإنقاذ ويقول إنه قطاع الشمال وممثل الجنوبيين لتحرير السودان من المندكورو.. وكل من الصادق المهدي ودكتور علي الحاج الاثنين من المندكورو في تصنيف الجنوبيين ياسر عرمان ذاتو مندكورو ولكن زواجه من جنوبية ربما يجعله نصف مندكورو. والمهم أن الثالوث اجتمع في لندن وهي عاصمة الدولة الاستعمارية التي غابت عنها الشمس وحاربها الإمام المهدي وهزم جيوشها وقتل مندوبها غردون باشا في القصر الجمهوري.. وهي الدولة التي تسعى لإعادة استعمار السودان حكومة وشعباً وموارد.. اجتمع "الناس ديل" في الدول الاستعمارية واتفقوا على إسقاط النظام وبهذا يكون حزب الأمة هو الحزب الذي يتمدد مثل الزئبق لكي يمارس كل حاجة في أي حاجة وأي وقت وبأي طريقة.. فرئيسه الصادق زعيم المعارضة "برة وجوة" ونصرالدين الهادي ممثله في الجبهة الثورية.. ولديه ممثل في تجمع جوبا ولديه ممثلة معارضة في الشارع وابن الصادق مساعد لرئيس الجمهورية التي ينوي الصادق ان "يقعد لها"** في الميادين (...)]

ـــــــــــــــــــــــــــــــ

* المهنة الأولى في العالم هي "الدعارة".
** اقترح الصادق المهدي أن يقعدوا الناس في الميادين تعبيرًا عن الإحتجاج.

[azzam_farah]

بابكر عباس
يحيى عثمان عيسى

كيف حالكم يا ناس؟ علكم طيبين

بابكُر:

أن تشرح لي نقطة الخلاف الأساسية بينهما

المفتي البيعكس رأي الحكومة، شايف إنو إعادة تقسيم مياة النيل فوقو ظلم للأجيال القادمة
د. سلمان البيعكس رأي العلم + المنطق، بقول الحلب أخير نهملُمْ تااااب أنا أخوك

ـــــــــــــــــــــــــــــــــــــــــــــ

يحيى ليحيا:

الجماهير تحتشد لاستقبال العائد

وبهذا الإحْتشاد تسقط مأثورة صالح: [من أين أتوا هؤلاء]

[أسامة معاوية الطيب]

المشاركة الأصلية كتبت بواسطة azzam_farah

سُئل الرئيس ريغان قبل مغادرته النهائية للبيت الأبيض، عن "السياسة" فقال:[لا تختلف كثيرًا عن المهنة الأولي]*

تذكرت وصف الرئيس ريغان للسياسة، أثناء قراءتي لعمود دكتور/ عبدالماجد عبدالقادر الذي جاء تحت عنوان "الاعتصام في الميادين عندكم سندوتشاتو" في عموده "ثالثة الأثافي" بصحيفة الإنتباهة عدد يوم الجمعة 16 نوفمبر 2012م التالي:
[(...) وأهلنا في المعارضة ذهبوا هذه المرة إلى لندن.. وهناك اجتمع السيد الصادق مع عرمان واجتمع "الصادق وعرمان" مع د. "علي" وللذين لا يعرفون او الذين نسوا بمرور الزمن فإن الصادق المهدي كان رئيساً للوزراء عندما "قلب" ناس الإنقاذ الحكومة في الثمانينيات.. وكان رئيس الوزراء عندما بلغ عمره الثلاثين عاماً بيوم واحد واخليت له دائرة "قسراً" من الدوائر "الصماء" لكي يفوز فيها ويصير رئيساً للوزراء في خمسينيات القرن الماضي.. وعلي الحاج دكتور نساء وولادة كان أحد قادة الإنقاذ الذين قلبوا الحكومة على رأس الصادق المهدي.. أما عرمان فهو بتاع قرنق الذي فر من البلاد في الثمانينيات بعد حادث مقتل الطلبة الجامعيين المشهور عندما كان د. علي حاكماً وانضم إلى جيش الجنوبيين الذين قاتل الصادق المهدي وقاتل ناس علي الحاج ولا يزال يقاتل الإنقاذ ويقول إنه قطاع الشمال وممثل الجنوبيين لتحرير السودان من المندكورو.. وكل من الصادق المهدي ودكتور علي الحاج الاثنين من المندكورو في تصنيف الجنوبيين ياسر عرمان ذاتو مندكورو ولكن زواجه من جنوبية ربما يجعله نصف مندكورو. والمهم أن الثالوث اجتمع في لندن وهي عاصمة الدولة الاستعمارية التي غابت عنها الشمس وحاربها الإمام المهدي وهزم جيوشها وقتل مندوبها غردون باشا في القصر الجمهوري.. وهي الدولة التي تسعى لإعادة استعمار السودان حكومة وشعباً وموارد.. اجتمع "الناس ديل" في الدول الاستعمارية واتفقوا على إسقاط النظام وبهذا يكون حزب الأمة هو الحزب الذي يتمدد مثل الزئبق لكي يمارس كل حاجة في أي حاجة وأي وقت وبأي طريقة.. فرئيسه الصادق زعيم المعارضة "برة وجوة" ونصرالدين الهادي ممثله في الجبهة الثورية.. ولديه ممثل في تجمع جوبا ولديه ممثلة معارضة في الشارع وابن الصادق مساعد لرئيس الجمهورية التي ينوي الصادق ان "يقعد لها"** في الميادين (...)]

ـــــــــــــــــــــــــــــــ

* المهنة الأولى في العالم هي "الدعارة".
** اقترح الصادق المهدي أن يقعدوا الناس في الميادين تعبيرًا عن الإحتجاج.

حبيبنا عزام كل عام وأنت بخير ..
اعتقد أن ريغان يقصد مهنته هو الأولى ... أي التمثيل ...
عشان ما تقفل علينا باب التفكير لاحقا

[azzam_farah]

أسامة معاوية الطيب
كيف حالك؟ علك طَيب

عتقد أن ريغان يقصد مهنته هو الأولى ... أي التمثيل ..

يجوز.. وعلمي لَيس هو بالفصل ومرجعي يُجرح ويُرد زي الما حصل حاجة.. بس الثابت أن "الدعارة" مهنة قديمة، وترجيحي لمقصد ريغان كان بناءًا على المنازعات التي حدثت له أثناء حكمه وإسلوبه الساخر والموجع في الإجابات.. المهم كلو وارد.. بس كلام ريغان لو هو "الشعور" حيكون المفارقة في نص دكتور/ عبدالماجد عبدالقادر هو "بؤرة الشعور"

ما حقو تتضيع ما يجب أن يُراعى (النص المنقول) وتكنكش فيما ما هو دونه (مقصد كلام ريغان) فإن للنص حكمة قد تفلت منك إن لم تهتم

[رأفت ميلاد]

المشاركة الأصلية كتبت بواسطة azzam_farah

أهلك ديل ياهُم المسيرِية ما غيرُم، يعني منطِقة النِزاع (أراضي الرعي) بين المسيرِية ودينكا نقوك.. طَيِب.. المِسيرِية، هُم قبيلة عربية مِن قبائِل السودان، والعرب في السودان عمرو كم؟ خلينا نقول عمرهُم في سودان السجم ده 1400 سنة (إتفاقِية البقط عام 652م) الـ1400 ديل فيهِن 14 مية! يعني لو جُدودي بِعمِرو لعُمر 100 سنة، يبقى الـ1400 سنة فوقا 14 جَد مِن جُدودي [أنا: عزام حسن فرح محمد عبدالحميد (حاج) خليل خالِد حامِد].. [هُنا ننتقِل بِعَونٍ مِن الله تعالى إلى المشهد التالي] الحلفاويين.. قبيلة مِن قبائِل السودان الأصلِية، وجودُم ليهو 5 ألف سنة مِن ميلاد السَيِد المسيح.. تم إغراق منطقتهُم ذات الكنز الأثري، لِلصالِح العام -بِغض النظر مِن صِحة فعل حكومة إبراهيم عبود- طَيِب السؤال: ليه تم تمرير جريمة إغراق حضارة عمْرها 5 ألف سنة، وكنْكشو في أراضي بترعي فوقا 10 مليون رأس بقر لقبيلة المسيرِية!

حاجة مِن إتْنين يا الصالِح العام يِساوي بين الحلفاويين والمسيرِية، يا كمان، نقِد السد العالي ونحارِب دَولة الجنوب.

أنا ما بقول إنو ما يِكون في مصالِح بَين السودان ودَولة جنوب السودان، أنا بقول ما تصل لِدرجة "الحُرِيات الأربعة"، يعني نيفاشا عملت شنو لو الجنوبي بِحِق ليهو يُقيم ويسكن ويتملك ويعمل في السودان، هو قُبال نيفاشا أكان بِسوي شنو غير ديل؟! يعني الجنوب شال بترولو وخلا لينا ناسو؟!

يا عزام حسن فرح محمد عبدالحميد (حاج) خليل خالِد حامِد طولت الغيبة وكل سنة وأنت طيب

ياخ حساباتك الفوق دى ضعيفة خلاس .. راسخ فى راسك حسابات الخلاوى وقعدات المرايس لامن ينظروا بمزاج وكلها منظرة على ست الراكوبة وكل واحد قافل عليها بطريقتو ..

هسة أسمك الطويل الخاتيه ده .. كدى واصل لينا فيهو لامن تصل لأول جد نوبى نصرانى .. بتقدر
ياخ الأربعتاشر جد الزول ما بحتاجم عشان يتملك أرضو .. ده شغل جايط شديد .. ما بزكّى أصالة النوبة .. دى ياها قولة يا عب ويا حلبى ويا مندكورو .. دوبيت مرايس ساكت

خليك فى الواقع ياخ .. ناس الجيل التالت بطلعوا مظاهرات ويفردوا صدرهم للرصاص فداء للوطن الرضعوا منو .. أوباما بقى رئيس أمريكا مرتين .. أنتى لسة فى جدى وجدك .. حلفا دى لامن غرقوها حرقت كبد ناس من حلفا لى نيمولى بالقديم

[أحمد طه]

أنا ما بقول إنو ما يِكون في مصالِح بَين السودان ودَولة جنوب السودان، أنا بقول ما تصل لِدرجة "الحُرِيات الأربعة"، يعني نيفاشا عملت شنو لو الجنوبي بِحِق ليهو يُقيم ويسكن ويتملك ويعمل في السودان، هو قُبال نيفاشا أكان بِسوي شنو غير ديل؟! يعني الجنوب شال بترولو وخلا لينا ناسو؟!