صور نادرة جداً ...

[شبارقة]

الصورة دي في سجن بيقولوا كان إسمو سجن الساير .. والسجن ده إتبنى في عهد الخليفة ود تورشين .. هو سجن النساء بأم درمان حاليا ً... قال ليك كان سجن مخيف جدا ً لو جيت ماري بي جنبو سااااي الجماعة أمات سيطان عنج ديل بيلحـّقوك سوط سوطين

المشاركة الأصلية كتبت بواسطة الجيلى أحمد

ياأخى يضحك مساك

والله سيطان العنج الشفناهن ديل طـفـّشن الضحك مننا مرة واحدة ...

أنا غايتو محيرني عمك البجر في السبحة ده !! شكلو الدور جايي عليهو

[aboomer]

المشاركة الأصلية كتبت بواسطة الزوول

...

...

محمد وردي والشحرورة صباح

بس ما عرفت البقية الفي الصورة
...

الموسيقار على ميرغنى
والاستاذ على شمو

[كيشو]

المشاركة الأصلية كتبت بواسطة الجيلى أحمد

ياكيشو,
صاحبكم دا كارثة ياأخى

[justify]يازول دا كارثة من زماااان
تعرف يا الجيلي بعد الجامعة تفرقت بنا السبل، وكنت دائم السؤال عن عاصم؛ وفي بالي ابتسامة كدا كنت راصدا ليهو، المهم بعد ربع قرن لميت فيهو وأول حاجة سألتو عنها كانت ابتسامتو ديك
هسه كبرنا وعقلنا كلنا وبقينا مساكيين نضحك ساكت، والبوستات دي بتجيب التجليات مافي شك، والزوول سيد البوست دا برضو بي محنو بس لابد بيها عكود [/justify]

[كيشو]

المشاركة الأصلية كتبت بواسطة شبارقة

يا زول كيشو يوم الجمعة ما بيجي بي هنا ... عشان كده أنا الليلة زي عمك فتحي .. متجلي

الجمعة خلاص فاتت، نحنا هسه في ليلة السبت وجينا نشوفكم

[كيشو]

المشاركة الأصلية كتبت بواسطة شبارقة

الصورة دي في سجن بيقولوا كان إسمو سجن الساير .. والسجن ده إتبنى في عهد الخليفة ود تورشين .. هو سجن النساء بأم درمان حاليا ً... قال ليك كان سجن مخيف جدا ً لو جيت ماري بي جنبو سااااي الجماعة أمات سيطان عنج ديل بيلحـّقوك سوط سوطين




والله سيطان العنج الشفناهن ديل طـفـّشن الضحك مننا مرة واحدة ...

أنا غايتو محيرني عمك البجر في السبحة ده !! شكلو الدور جايي عليهو

[justify]كدي يا جماعة اتخيلو واحد بتاع منظمات مجتمع مدني وحقوق إنسان من الفترة ديك وشاف الجلد دا كان حيكون قال شنو؟[/justify]

[سمراء]

[سمراء]

معقولة بس !!
وثيقة عجيبة والله ...ونعم الامانة !

[رأفت ميلاد]

سانت جيمس الشفناهو ما قدر ده لا حتى ربعو .. يا الناس ديل بترقص فى الشارع يا المنطقة دى أُعيد تخطيطتا تماماً ..

غايتو يا أنتيمة عندك جنس نكيت

[شبارقة]

المشاركة الأصلية كتبت بواسطة رأفت ميلاد

سانت جيمس الشفناهو ما قدر ده لا حتى ربعو .. يا الناس ديل بترقص فى الشارع يا المنطقة دى أُعيد تخطيطتا تماماً ..

ترقص في الشارع كيف يا عمك ؟ هي البلد كانت سايبة ولّ سايبة

يا عمك سان جيمس ده كان كبير ولكن بدأ يتناقص شوية شوية مع دخول الإسلام .. هسه إختفى خالص خالص

[سمراء]

المشاركة الأصلية كتبت بواسطة رأفت ميلاد

سانت جيمس الشفناهو ما قدر ده لا حتى ربعو .. يا الناس ديل بترقص فى الشارع يا المنطقة دى أُعيد تخطيطتا تماماً ..

غايتو يا أنتيمة عندك جنس نكيت

يا انتيمو دا كان اسمو ملهي و مرقص سان جيمس
انت ماتأرف ياخ
دى ماقال ليك شبارقة ( قبل الاسلام )

يعنى داير تنكر انك كنت بتساهر هناك لجدوووود الصباح
والله لو دققنا شوية يمكن نلقاك طابق

[رأفت ميلاد]

المشاركة الأصلية كتبت بواسطة شبارقة

ترقص في الشارع كيف يا عمك ؟ هي البلد كانت سايبة ولّ سايبة

يا عمك سان جيمس ده كان كبير ولكن بدأ يتناقص شوية شوية مع دخول الإسلام .. هسه إختفى خالص خالص

المشاركة الأصلية كتبت بواسطة سمراء

يا انتيمو دا كان اسمو ملهي و مرقص سان جيمس
انت ماتأرف ياخ
دى ماقال ليك شبارقة ( قبل الاسلام )

يعنى داير تنكر انك كنت بتساهر هناك لجدوووود الصباح
والله لو دققنا شوية يمكن نلقاك طابق

الشغلانية دى زى مية فى المية يا أنتيما فى الشارع وما تشتغلى بى شبارقة دة هو ود بتين .. وأظن الشغلانية حفلة عرس أو مناسبة .. والدليل على كدة اللافتات ودى كانت على الشارع ما بي جوة وكمان طريقة تركيب اللمبات
وبعدين ملاحظة شبارقة بأنو السودانيين محسوبين على اليد برضو ما صاح .. ما شايف خواجات (إنجليز) .. الناس ديل سودانية مخلوطين بى جاليات زى الأقاريق والشوام والأقباط وأهل ناس فتحى .. الحتت دى بتاعة صفوة الزمن داك .. المصيبة شبارقة بكون كايس زول لابس طاقية وعمة .. السهرات هنا مشروطة بى الفل سوت .. والصورة أأكد ليك بعد الأستقلال بس ورثة الخواجات كانت قاعدة
سانت جيمس مؤخراّ بقى موبوء بـ(الطاعمين) ووكر ليهم وسابوهو أولا الناس .. آخر مرة دخلتو آخر الليل وبنفتش فى عشاء .. وقامت شكلة ودونا كلنا الحراسة بتاعة البرلمان

هسة يا أنتيمة والأسلام بدا يطلع تانى يا ربى برجعوا لينا سان جيمس

[أحمد طه]

حسنُ الحضارةِ مجلوبٌ بتطريةٍ -- و في البداوةِ حسنٌ غيرُ مجلوبِ

[عبدالمنعم الطيب حسن]

المشاركة الأصلية كتبت بواسطة أحمد طه

حسنُ الحضارةِ مجلوبٌ بتطريةٍ -- و في البداوةِ حسنٌ غيرُ مجلوبِ

افدي ظباة فلاةٍ ما عرِفْنَ بها --مضغِ الكلامِ ولا صبغِ الحواجيبِ
................
الشكر موصول للاستاذ احمد طه لجلب المتنبيء هذا العملاق هنا
وللزوول وعاصم شبارقة وكيشو وكل من مر من هنا ....

[حسين عبدالجليل]

المشاركة الأصلية كتبت بواسطة شبارقة

الصورة دي في سجن بيقولوا كان إسمو سجن الساير .. والسجن ده إتبنى في عهد الخليفة ود تورشين .. هو سجن النساء بأم درمان حاليا ً... قال ليك كان سجن مخيف جدا ً لو جيت ماري بي جنبو سااااي الجماعة أمات سيطان عنج ديل بيلحـّقوك سوط سوطين




والله سيطان العنج الشفناهن ديل طـفـّشن الضحك مننا مرة واحدة ...

أنا غايتو محيرني عمك البجر في السبحة ده !! شكلو الدور جايي عليهو

بوست رائع .

بما إنو المنفذين لعقوبة الجلد يلبسوا جبة الأنصار المرقعة لذا أعتقد أن هذه الصورة غير حقيقية لانها لو حقيقية معناها إنو الانصار أيام الدولة المهدية كان عندهم كاميرات أو كانوا بيسمحوا لاجانب بتصويرهم .

أغلب الظن أن الصورة أخذت في بداية الحكم الإنجليزي وكانوا حينها يعيدوا تمثيل و تصوير بعض ماحدث في زمن المهدية , مثل مافعل سلاطين باشا بأخذ صورة له وهو في زي الانصار و مثل مافعل بعض القساوسة الذين أسروا حين فتح المهدي مدينة الابيض و بعد إحتلال الخرطوم من قبل جيش كتشنر تم تصوير طريقة سجنهم بأن البسوهم المرقع و وضعوا الأغلال في أياديهم و أقدامهم .

الإحتمال الثاني أن تكون هذه لوحة مرسومة و ليست صورة فوتوغرافية .

[احمد زين]

بالله يا عم فتحي تعال اعصف لينا زهنك هنا