طيارة جات بفوق ... قصيدة هاشم صديق

[نغم]

المشاركة الأصلية كتبت بواسطة أسامة معاوية الطيب

أنا يا الرشيد متفق معاك بإضافة تانية إنو محجوب شريف زاتو قاعد يقول كلام ساي ... في الفترة الأخيرة ... وحتى نكون موضوعيين يمكن انزال آخر تلاتة قصايد لمحجوب ونتكلم حينها .
وكثيرا ما طرحت تساؤلا عن (انتهاء صلاحية الشعراء) .

انتهاء صلاحيه الشعراء
يعنى لجنتهم بحكم العمر@
ولا الزهايمر

ما عرفت ليه تعبيرك ده وهل هو تساؤل بالجد؟

@ دى ذكرتها لانو كل الاسماء الوردت هنا لكبار السن

[نغم]

المشاركة الأصلية كتبت بواسطة رأفت ميلاد

منو القال ليك الجقة حاجة كعبة

ات مسكت فى قيس
و فطيت عكود

هو الكتبا و بعد داك اياها هى بس فى التص

[نغم]

المشاركة الأصلية كتبت بواسطة كيشو

غايتو أنا فهمي للحكاية إنو القصيدة دي خاصة جداً بهاشم صديق، يعني بينو وبين نفسو أبيات فيها قهر وتِسِخِّط خاص بيهو كبني آدم، وليست للنشر، بس شنو الخلاهو ينشرا؟ الله أعلم

المشاركة الأصلية كتبت بواسطة أسامة معاوية الطيب

لاحظ يا حبيب انو نفس الشرايح دي هي الغنت ورددت وحفظت الملحمة والملاحم اللاحقة ... وبعدين كونو تشوف انو النوع دا موجه للطبقة دي والله العظيم فيهو إساءة للشعر في رقبتو قبل ما تكون الإساءة ليهم
ياخي شعر حميد ومحجوب شريف وهاشم صديق مارق من الشرايح دي وراجع ليها ... ودا سبب تماسكو وجمالو وديمومتو !!!

فكرة القصيدة هاشم الشاعر
كتبها على نسق فكرة اغنية عائشة الفلاتيه الله لى
الاغنية زمان خاطبت الجنود فى فترة زمنيه
الان هاشم صديق بحاطب فى جنود و عامة
وهم من شرائح وبرضو مع الديمومه لشعرو
بخاطب بذات اللغة
عندى كلمات القصيدة دى مناسبة لحال قواتنا النظاميه
وبوصل بيها عصب فكرة وخلاصة احداث حقيقه نقلها باحساسو وعينه المشاهدة الراصدة لاى من الشعب
و السخريه جات لجثامة الحدث و فهم الجنديه و اصحاب البلاط
تبقى صالحة للنشر
و كما يقال

ستغنى بعد 5 سنين بصوت عائشة الفلاتيه القادمة وما غنا جبجبا
مزيكا ساااااااااى

[نغم]

المشاركة الأصلية كتبت بواسطة رأفت ميلاد

يا خالد الناس سابت الرسالة وقعدت تنتف فى الشاعر .. مع أتفاقم التام بعظمته التى كانت .. وقصائده التى تربعت فى علياء الأدب .. فى عهود الأدب والرقى .. فهو هنا يبكى عهد الإنحطاط ورخص البنى آدم ..

وصفك يا خالد للقصيدة بالحلمنيشى لا يقلل من الرسالة ولا قيمتها ولا يقلل من النص .. والشاعر المتمكن يكتب بكل الصور الشعرية لتوصيل رسالته فى كل محفل .. المنلوج فن والحلمنتيش شعر متمكن لا يكتبه من هب ودب .. والدوبيت أمكانية خارقة .. والذى يكتب فى كل هذا فإنه متمكن من الشعر كله .. وملتصق بتراب الوطن ..

الرسالة القصيدة أو القصيدة الرسالة هى التى تصل الى الجميع[/COLOR][/COLOR][/B][/SIZE]

تعرف بقولو الشباب بتمردوا على الكل
وعندهم ثورة مفاهيم و نضم فى المبادئ و الاخلاقيات

لكن فى متن هذا البوست انعكست الصورة
خليهم يا عمك ديل
شباب بتاعين احلام ورديه سااااااااااااااى
واهو
كلو بقى ساااااااااااى لامن مرقنا فى السهلا و ساقطا بالسهوله دى

الله فى

خستكا
رافت الشاب اليافع كابتن الطيارة

واسامه و قيس فى الكومر و قدام كمان الاهداء لود الخير
النور-الرشيد - خالد - شليل - كبشو- مهند - الايوبى يقعدوا ورا

امال و عكود وسارة يساسقوا بالعامود و ما تنسوا السجاير و الصعود

نلاقيكم فى الزمن الفلانى
افراج مؤقت

[خالد الأيوبي]

المشاركة الأصلية كتبت بواسطة رأفت ميلاد

سلامات يا خالد
تعرف الصورة دى والبعدها والقبلها وصف للحال بصورة ساخرةومحزنة .. تكتمل الصورة بباقى القصيدة ..



الصورة الأولى بعد كل الدمار أو (البشتنة) بلغة القصيدة .. صورة أخرى لواقع مر .. تصريحات عشوائية لأناس من المفترض مسئوليين .. والمضحك والمحزن الصورة الأولى ليست لها أعتبار فى تصريحات الحكومة .. بل عمدوا لتحاشيها ودس الكذب لتخفيفها وأخفائها .. وظهرت الحقائق .. إستباحة لإيران لأراضينا .. ضعف كامل لدولة جبروتها فى قهر مواطنينها .. كيف لهم كشف طائرات فى سماء عتمة وهم لا يعلمون بأسطول بحرى إيرانى يرسى على مينائهم ..
أصل الصورة .. المواطن مسحوق مسحوق بدون هجوم إسرائيلى .. فى بلد معدوم فيه الضمير من حكامه .. يعنى إيه كان ضربتم دانة ..
حسه البلد
مفتوح
وبقت الكرامة
جروح
ووش الخجل
محروق

يا خالد الناس سابت الرسالة وقعدت تنتف فى الشاعر .. مع أتفاقم التام بعظمته التى كانت .. وقصائده التى تربعت فى علياء الأدب .. فى عهود الأدب والرقى .. فهو هنا يبكى عهد الإنحطاط ورخص البنى آدم ..

وصفك يا خالد للقصيدة بالحلمنيشى لا يقلل من الرسالة ولا قيمتها ولا يقلل من النص .. والشاعر المتمكن يكتب بكل الصور الشعرية لتوصيل رسالته فى كل محفل .. المنلوج فن والحلمنتيش شعر متمكن لا يكتبه من هب ودب .. والدوبيت أمكانية خارقة .. والذى يكتب فى كل هذا فإنه متمكن من الشعر كله .. وملتصق بتراب الوطن ..

الرسالة القصيدة أو القصيدة الرسالة هى التى تصل الى الجميع

عزيزنا رأفت
خاسر من يقلل من قيمة هاشم صديق كشاعر و خاسر من ينكر إنفعالاته - شعرياً- بقضايا البلاد و العباد.
وأي إدعاء بأن هذه القصيدة خالية تماما من الحس الوطني ولا تحمل أي رسالة أو أنها خارج ملة الشعر لن يجد القبول منا (مثلك تماما).
لكن نقد القصيدة و تسليط الضؤ علي نقاط ضعفها حق مشروع للجميع ما دام مدعوما بالمنطق و الحجج.
ما شـفت كيف مفردة (الجقة) دي ساسقت بين محطتي الرفض و القبول لمن خسـت وبقت معصعصة ؟.
أنا شخصيا يا رأفت ما عندي مشكلة كبيرة مع إستخدام المفردة هنا – مع إحترامي و تفهمي لوجهة نظر الذين رفضوها.
كما أنني ما عندي مشكلة مع الشعر الحلمنتيشي ولا إستخدام سلاح السخرية والتهكم. بالعكس أحبذه شريطة أن يوجه هذا السلاح بدقة نحو أهدافه. وسخرية هاشم صديق في هذه القصيدة أصابت أهدافها في بعض الأبيات و عرت ضعف الحكومة و سذاجة المسئولين و تصريحاتهم. و لكن - في الجزئية التي ركزت عليها نقدي- طاشت سهام سخرية الشاعر و أصابت الضحايا أيضا - ناس حاجة السـرة و عمنا (وليد مرسال) الذي هدته الرطوبة وأجبرته علي إستخدام العكاكيز و لم يسلم منها حتي ناس القعدات.

اتطايرن دانات
واطاقشت عربات
و اتفرتقت ( قعدات )
واتكسّرت ( كاسات ) .
السرة ( بت تمانين )
في ( الجكّة )
( بت عشرين )
وادريس
وليد مرسال
كان بمشي بالعكاز
أصبح
بطل جمباز
طار فوق
ونطّ السور
سبق الجموع
جاري
زي التقول
( هايس )
دايس علي البنزين
..............

[ود المامون]

المشاركة الأصلية كتبت بواسطة أسامة معاوية الطيب

يا حبيبنا ما دام هاشم ما كتب قصيدة خلاص !!!

.. ياشيخنا تعرف .. عبارة هاشم ما كتب قصيدة ... غير مكتملة بسبب انشغالي بالرد علي الهاتف لذا سقطت باقي العبارة واليك تكملة العبارة ..

.. هاشم ما كتب قصيدة .. ولكن القصيدة تكتبه فهي تاتي عفوية دون استئذان ..

كده كيف معاك ..


..

[رأفت ميلاد]

المشاركة الأصلية كتبت بواسطة سيد احمد محمد علي المامون

.. ياشيخنا تعرف .. عبارة هاشم ما كتب قصيدة ... غير مكتملة بسبب انشغالي بالرد علي الهاتف لذا سقطت باقي العبارة واليك تكملة العبارة ..

.. هاشم ما كتب قصيدة .. ولكن القصيدة تكتبه فهي تاتي عفوية دون استئذان ..

كده كيف معاك ..


..

يا حاج أنا

تعرف يا ود المأمون قدر ما عدلت مزاجى جنيت علىّ .. هسة فى السقط والتلج ده أقوم أكوس تعرف فى الوفرة دى .. نطلع نكوس كواسة الزقاقات الضلمة داك .. بس يعلم الله فاقد كم الجلابية السترة داك

[الجيلى أحمد]

طيارة
جات بي فوق
يا حاج أنا
شاقّه السما
المطلوق
عارفه البلد
ممحوق
و ( رادارنا )
دون ( طايوق )

جميل ياعمنا الجميل
ياأخى دا قالا قالا قالا
لكن الناس تحولت عن المعنى, الى حسها الداخلى برتم القصيدة..
وذلك شئ حتمى مادامت الأذواق قائمة ..
فياصديقى اسامة
لقد ظلمت هذه القصيدة أيما ظلم..
وتلك عجائب أخرى,
أن نترك المعنى التوصيفى المجاد والسلس لندخل فى تقييم مفردة أتت فى متن نص شعرى!!

[الجيلى أحمد]

طيارة
جات بي فوق
يا حاج أنا
اتْضَرّعت
واتبخترت
زي ( جقهّ )
خاشّه السوق
يا حاج أنا

الكلام دا زى الورد (بالنسبة لى) يمكن تكون فيهو مشكلة صغيرة على مستوى الوزن
ودى جابتا كلمة (جقة) لأنها وضعت بين قوسن فى أثناء الايقاع والفهم الذى أصبح يتكابر ويكون رؤية كاملة ومشهد حتمى, يجب أن يمثل التراجيديا..
التراجيديا المضحكة دى عايزا لسعات ذهنية موجعة, وتقريبات متداولة من الحياة والحراك اليومى وكلمة ضاجة بسحر الحياة السرية للمفردات..
تلك المفردات التى لاتخون اللسان أو الطقس اليومى, ولكنها تجتهد فى اخفاء نفسها خلف تدابير الكلمات الرشيقة المتلوثة بسحر البث الاخلاقى فى مشرع الحياة الذى يجوع فيه فى المرء حد الكفر بالانسانية والاله, حتى انه يسب الدين فى الخفاء وفى الصوالين المغلقة مع نفسه او وسط أصحابه..
فمن أين أتت تلك الوظيفة اللغوية المحددة للكلمات؟
ومن اين نبع الطيف الساخر الذى ينتذع الكلمات انتذاعآ من فيض دلالاتها ويحيلها كلمة مجردة وعارية ملقية على أطراف وحواف القصائد, سهلة التأويل ومنزوعة من جزر دلالة المعنى الذى أتت فى متنه!!

طيارة
جات بي فوق
يا حاج أنا
اتْضَرّعت
واتبخترت
زي جقهّ
خاشّه السوق
يا حاج أنا

[الجيلى أحمد]

جايانا
من صهيون
يا حاج أنا
تتحدي
زي ما يكون
وأصلو البلد
ممكون
سكن الطشاش
في عيون
حِس الوطن
معدوم
الا الهوان
مضمون
يا حاج أنا

معليش ياعمنا الشاعر الجميل, فكيت الأقواس, لأانو عندى عداوة معاها فى الشعر,
لاذلت أسأل هل الأقواس هى مجرد رغبة فى الضغط على المعنى أم رغبة حشد الفكرة !! فى كل الاحوال..
فى كل الاحوال لقد قامت النونية بعكس الطشاش لدرجة تصديق رجل يبذل البصاق فى حديثه كما يفعل الصائم فى يوم حرارته تلهب الظهر بالعرق الحارق..

[زول الله]

المشاركة الأصلية كتبت بواسطة رأفت ميلاد

عليكم الله خليكم فى نصوصكم الأدبية وما تلاوزوا لينا فى حاجاتنا
منو القال ليك الجقة حاجة كعبة

المشاركة الأصلية كتبت بواسطة رأفت ميلاد

.. والكلام سلس قدامم زى موية الينابيع

قلت لي ماحاجة كعبة وكمان سلِس وينابيع؟
لكن لقيتك صنااااعي ياعمك





اقول قولي هذا واستغفر الله لي...............

[رأفت ميلاد]

[rams]http://rafatmilad.com/1980-.mp3[/rams]

[media]http://rafatmilad.com/1980-.mp3[/media]