اقتباس:
المشاركة الأصلية كتبت بواسطة قيقراوي
والله ما خليت لي وشي
--------
في الحالات الزي دي مفروض اكتب شنو يا ناس؟
مبدئياً كدي بسحب كل القلتو بهناك و اتبرأ منو .. واحد
وبعتذر
آخرتا كوم تراب
|
ـ
من فترة تلقيت ايميل فيه وصفة طبية .. سألت عن الدواء المكتوب فيها أول صيدلي قال لي ما ح تلقا الدوا دا الا في المستشفى الرئيسي ، لأنه لا يباع في الصيدليات ، عملت كم اتصال وما جاب نتيجة ، في الاخر مشيت الصيدلية الرئيسية بمستشفى حمد وسألت قالو لازم آخد موافقة من المدير ، وأنا منتظر أمام مكتب المدير مر علي
سوداني من غير ما يسلم شال الوصفة الطبية .. قال لي زولك دا اكيد في العناية المركزة ، والدوا دا حتى لو وافقو ليك على صرفه غالي جداً .. انتظر شوية .. اتحرك بالوصفة وعاد بعد فترة سلمني جزء من الحقن وقال لي أمشي رسل ديل وأنا بلحقك الباقي ، طوال اليوم واليوم الذي يليه كان بيرسلني في حركة دايمة وسط عدد من السودانيين العاملين بمجال الصيدلة في قطر من كل أطراف السودان وبقاعه ، وفروا لي كل الدوا المطلوب ـ قرابة الستة وتمانين حقنة ، عرفت في الاخر أنه قيمتها في السودان كانت اكتر من ستة مليون جنيه وقتها ، بعد ما انجزت المهمة ورسلت اخر حقنة كنت شاعر بزهو عجيب وبفخر حد الغرور لأني
سوداني وبنتمي لجنسية فيها النوعية دي من البشر
د. محمد ابراهيم كتلة من الخير يطيب كل من يقارب طريقه ، عرفت فيما بعد أن الرجل ديدنه غير مرتبط بمعرفة ولا حالة ـ متعهد بلا كلل ولا ملل بقضاء حوائج الناس ـ لكن ما هزني بالفعل أني وبرغم أنني كنت أشغل قرابة التمانية وأربعين ساعة من زمنه الا أنه لما التقيته بعد أقل من تلاتة شهور في مطار الخرطوم ما عرفني .
السودان دا بلد عجيب ياخ ،
والسودانيين ديل جنس براه والله
ـ
