الأدلة القاطعة علي وجود الله ... لعناية هشام ادم ...

[أمين محمد سليمان]

و الدليل الأخير علي وجود الله ده قصتو طريفة جدا، لانو أنا أكتشفتو بالانجليزي و قدر ما فتشت ترجمتو بالعربي ما لقيتها، لحدي ما أخونا عثمان رضوان لقاها و نزلها في بوست منفصل :

كان سافين لحدي هسي، تفو بالله و سفو من أول جديد لانو المقارنة ما فيها كلمات متغيرات ولا سطر فوق لتغيير المعالم : هشام كان أمين جدا و سرق فولتير باخلاص فجزاه الله عن فولتير خير الجزاء :

[أسامة بابكر]

متعة لكن غايتو يابروف اقع فيك العدو ...

[ابو ابراهيم]

المشاركة الأصلية كتبت بواسطة أمين محمد سليمان

و الدليل الأخير علي وجود الله ده قصتو طريفة جدا، لانو أنا أكتشفتو بالانجليزي و قدر ما فتشت ترجمتو بالعربي ما لقيتها، لحدي ما أخونا عثمان رضوان لقاها و نزلها في بوست منفصل :

كان سافين لحدي هسي، تفو بالله و سفو من أول جديد لانو المقارنة ما فيها كلمات متغيرات ولا سطر فوق لتغيير المعالم : هشام كان أمين جدا و سرق فولتير باخلاص فجزاه الله عن فولتير خير الجزاء :

غايتو يابروف ربنا اديك العافية
اموما انا ماشى اجاسف السفة من اول جديد

تانى يالبروف الجنة دة دايرلو عتالة اردموا بس ورواعية زي حلاتنا ديل
يدوحو بيه من وادى لى خور عشان يطير حنكشة الالحاد الطاشة فوق دقنسو دة
قال انبياء كذابين !!
والله مافى
شغل الحنكشة والغرف المكندشة دة ما بوصلوا لى الله gap
زول مع نفسوا ما امين حا اعرف الله كيف

فهل ياترى سيجزيه فولتير عن هذه الفلترة الفترانة خير اللفحى

[ZEIN ABDALLA]

سلام امين
يعنى نفهم من كدة انو هشام آدم زول (حرامى) وسرق الآراء الفلسفية
من فلاسفة آخرين وعشان كده كتاباته لا يعتد بها وقد سخرك الله ان
ان تكشف لنا هذه السرقة (الفضيحة) هو دليل على وجود
الله




/

[هشام آدم]

الأخ: أمين محمد سليمان

لو كنتُ أعرف أن هذا سيكون موضوعك الذي وعدتَ به، لقلتُ لك: "انتظرني" ... ولكن وحتى بعد هذا أقولها لك بمحبّة صادقة: "انتظرني"

[بدر الطائف]

لغاية هنا ومضمون البوست بيشير الى وجود ادلة قاطعة لسرقات (هشام ادم).

[أبوبكر عباس]

المشاركة الأصلية كتبت بواسطة بدر الطائف

لغاية هنا ومضمون البوست بيشير الى وجود ادلة قاطعة لسرقات (هشام ادم).

صحي يا بدر موضوع السرقة الأدبية قائم وقد أثبته أمين سابقا ببوست جعيص بسودانيز أون لاين، وكان ممكن يكتفي برابط لذلك البوست حتى يتمكن القراء هنا من متابعته.
السؤال يا بروف:
- هل هناك تشابه بين موقفك هنا من هشام آدم، وموقف* بشرى الفاضل من محسن خالد في بوست العاشر من صفر؟

- الرسالة الداير توصلها لينا شنو يا أمين -غير فضخ السرقات- من ملاحقتك لهشام؟ دايرنا نقاطعو في الحوار مثلا؟

* موقف بشرى حسب قرايتك ليهو.

[اشرف السر]

يا بروف

حرم حقتي فضت

سفة يا ناس

[خالد غالي]

ما اتى به البروف امين لايمكن ان يكون دليلا على وجود الله باي حال من الاحوال





كامل التضامن مع الاخ هشام آدم في هذه الحالة

[الرشيد اسماعيل محمود]

المشاركة الأصلية كتبت بواسطة ZEIN ABDALLA

سلام امين
يعنى نفهم من كدة انو هشام آدم زول (حرامى) وسرق الآراء الفلسفية
من فلاسفة آخرين وعشان كده كتاباته لا يعتد بها وقد سخرك الله ان
ان تكشف لنا هذه السرقة (الفضيحة) هو دليل على وجود
الله
/

سلام يا زين،،
ما أعتقد إنو دة قصد البروف، لأنو ببساطة:
لو زول طوالي قاعد يقول "ليك يا زين ياخي القهوة دي بتحميك النوم بالليل"، بعد فترة إكتشفت إنو الزول دة قاعد يسرق، بعديها جا يوم وقال ليك "يا زين ياخي قلت ليك القهوة دي بتحميك النوم بالليل".
هل بكون من المنطق تقول ليهو: ياخي إنت ذاتك حرامي، وعشان كدة دة دليل إنو القهوة ما بتحميني النوم ولا شي.

فرق، صاح؟

[بدر الطائف]

المشاركة الأصلية كتبت بواسطة الرشيد اسماعيل محمود

سلام يا زين،،
ما أعتقد إنو دة قصد البروف، لأنو ببساطة:
لو زول طوالي قاعد يقول "ليك يا زين ياخي القهوة دي بتحميك النوم بالليل"، بعد فترة إكتشفت إنو الزول دة قاعد يسرق، بعديها جا يوم وقال ليك "يا زين ياخي قلت ليك القهوة دي بتحميك النوم بالليل".
هل بكون من المنطق تقول ليهو: ياخي إنت ذاتك حرامي، وعشان كدة دة دليل إنو القهوة ما بتحميني النوم ولا شي.

فرق، صاح؟

الرشيد يا حبيب.
(هشام) ملحد كافر ولا ذنب بعد الكفر.
وهل يضر الشاه سلخها بعد ذبحها.

[Ishraga Hamid]

المشاركة الأصلية كتبت بواسطة أمين محمد سليمان

المشكلة إنو الأدلة دي صنع خصيصا لهشام أدم ... و ده ما أظنو ح يهدئ ليك عصفك الذهني !!

سلام يا امين

مازال الوجود واسئلته سببا اساسيا لحالات العصف الذهنى التى بدأت منذ ان تلقيت اول دروس ادبيات الحزب الشيوعى عن المادية الجدلية والمادية التاريخية ومازال مُناقشى زمانها فى العام 1986 يتذكر بان سألته مالايقل عن مائة وثلاثين سؤالا عن وجود الله
كنت ادرس فى الجامعة الاسلامية حينها وكان رأسى يطق بالحشو المؤدلج للدين.
مازالت اسئلة الوجود تنهكنى بل جدواه..
لماذا كل هذا العناء والركض وراء الحياة اذا كنا فعلا سوف نموت يوما؟
التفكير فى هذا الامر اصابنى مرتين فى حياتى النصف قرنية بحالات اكتئاب

تداخل الليل والنهار وانسلالهما من بعض
البحار والغموض الذى يكتنفها
ويكتنف النفس البشرية
وجودى فى اوربا لسنوات فاقت العشرين
تفاصيل كثيرة واسئلة اكثر دقة عن الوجود
عذابات قادتنى الى يقين داخلى ان الله موجود
موجود فى قلبى فلماذا ابحث عنه
الله هو اليقين, اليقين الذى يملؤنى كلما اصاب ذهنى العصف.

لذا كان تداخلى وربما هى المرة الاولى التى اتداخل فيها معك واقرأ غالبا ماتكتبه
لكنك قلت ان هذا لن يفيد عصفى الذهنى!! تمنيت ان اصل لهذه النتيجة وحدى..

[هشام آدم]

صديقتي الدكتورة إشراقة
تحيّاتي

ابنة أختي (هديل) نُسمّيها تحببّا (لُولّة) اشترت أُمها علبة سُكّر على شكل قوالب. هي لم تكن قوالب في الحقيقة، وإنما على شكل حيوانات صغيرة: دببة باندا، طيور، أسماك ... وغيرها. فأحبتها كثيرًا. ولكنها غضبت من أمها عندما وضعت بعضًا منها في قدر ماء يغلي لتُحضّر وصفة ما. راحت تبكي وهي تنظر إلى قطع الألعاب السُكّرية وهي تذوب في الماء المغلي، ولم تهدأ إلا عندما أوهمتها أمها بأن هذه الألعاب ستعود كما كانت إن هي وضعت الماء في الثلاجة ليجمد.

العلم لا يُجامل، ولا يعترف بالعواطف، وكذلك العقل. أبحثي عن الله بقلبك، فإنك بالتأكيد ستجدينه.

مودتي

[رشا]

المشاركة الأصلية كتبت بواسطة Ishraga Hamid

عذابات قادتنى الى يقين داخلى ان الله موجود
موجود فى قلبى فلماذا ابحث عنه
الله هو اليقين, اليقين الذى يملؤنى كلما اصاب ذهنى العصف.

تحياتي اشراقة حامد
لابد أن هذا الاستنتاج دليل علي العجز في الوصول الي الله أكثر من كونه اجابة مقنعة للتدليل علي "وجود اله" والا فكيف يكون الله هواليقين؟
اما أن الله موجود أو غير موجود و الأصح هو ماقاله هشام ادم أن ليس بامكان أحد "اثبات" وجود اله أو "نفيه" فقط علينا أن ننأي بأنفسنا عن الحيرة
تحياتي

[عبدالله علي موسى]

المشاركة الأصلية كتبت بواسطة هشام آدم

صديقتي الدكتورة إشراقة
تحيّاتي

العلم لا يُجامل، ولا يعترف بالعواطف، وكذلك العقل. أبحثي عن الله بقلبك، فإنك بالتأكيد ستجدينه.

مودتي

أخ هشام هل أنت متأكد أن العلم والعقل لا يوصلان لله ؟ الشواهد تقول غير ذلك. كتبت مشاركة هنا في هذا ظناً مني أن الهدف فعلاً هو إدراج أدلة قطعية لوجود الله..