الأدلة القاطعة علي وجود الله ... لعناية هشام ادم ...

[مسيكين]

المشاركة الأصلية كتبت بواسطة أمين محمد سليمان

و أنا والله الذي لا إله إلا هو سعيد أيما سعادة بكلامك ده، لانو دي الخطوة الاولي في الطريق الصحيح، و الكلام ده ليك إنت و لفائدتك إنت ...
و باعتباري خبير أجبني في كتابتك ، قلت مرارا لناس قراب مني - ما متذكر لو قلت الكلام ده لخضر حسين ولا لا - إنو هذا الهشام كتاب بالجد و عندو أسلوب رايع و خيال ممكن يخليهو يبقي كاتب كبير ما عارفو مالو مصر علي قصة السرقة دي ...
المهم يا سيد ، أنا هسي سعيد بكلامك ده من قرايتو الأولي ... اديها قهوة و أجي اقراهو تاني و أرد علي الناس السافه من أمس دي !!
كن بخير ياخي !

يا بروف بطل الإنسحابات التكتيكية و واصل في بحوثك كخبير أجنبي،
الزول ده لو إنت ما عصرتو ما كان إعتذر من الأساس، السرقات دي
ليها كم سنة ، مالو ما اعتذر من زمان !!!
هذا إعتذار من لا يستطيع المكابرة ، يعني زول إنت حشرتو في الزاوية
و خلاص ما في أي مهرب ، ح يقول شنو يعني ؟؟؟
جعل الله عملك هذا في ميزان صدقاتك

[أمين محمد سليمان]

المشاركة الأصلية كتبت بواسطة حسين عبدالجليل

الآن وفي هذه اللحظة تماما أصبحوا سبعة . لذا لزم التنويه .

يا عم حسين ...
أنا نمرة تمنية بعد بوستو الأخير

[أمين محمد سليمان]

المشاركة الأصلية كتبت بواسطة بابكر عباس

سلام بروف
دقبقة يا بروف قبل تمشي لقدام، بخصوص دليلك الأول:
هل الفكرة كلها تدور حول انو هشام لم يشر للمراجع في نهاية بحثه؟

حسب قراءتي، البوست كانت فكرتو إعطاء القراء فكرة مبسطة عن الفلسفة من عدة مصادر (زي الحصة المدرسية) وباقي لي لم يتم، حتى انو في يداية اليوست قال:

في تنبيه من طه لهشام بخصوص المرجع

غايتو يا بكة ... بعد بوست هشام ده لا يسعني إلا أقول ليك : حننتني !!

[أمين محمد سليمان]

المشاركة الأصلية كتبت بواسطة عبدالله علي موسى

نقاط مبعثرة:

كيف عرف الرجل البسيط محمد صلى الله عليه وسلم بالنجم الثاقب "Pulsar Star, Knocking Star" والطارق الذي اكتشفت ناسا حديثاً أن صوته كما الطرق تماماً و يمكن سماعه في الرابط الأول.

حبيبنا عبدالله علي موسى
شكرا ياخي علي نقاطك العلمية دي ... و غايتو الرسول صلي الله عليه و سلم ده... بي دي بس... كان ما نبي نبي !

[أمين محمد سليمان]

المشاركة الأصلية كتبت بواسطة أسامة بابكر

متعة لكن غايتو يابروف اقع فيك العدو ...

يا عم أسامة ... الحاصل هنا، أنا ما عندي بيه دخل .... ذلك كسبه و ما عملت يداه !!

[أمين محمد سليمان]

المشاركة الأصلية كتبت بواسطة ابو ابراهيم

غايتو يابروف ربنا اديك العافية
اموما انا ماشى اجاسف السفة من اول جديد

تانى يالبروف الجنة دة دايرلو عتالة اردموا بس ورواعية زي حلاتنا ديل
يدوحو بيه من وادى لى خور عشان يطير حنكشة الالحاد الطاشة فوق دقنسو دة
قال انبياء كذابين !!
والله مافى
شغل الحنكشة والغرف المكندشة دة ما بوصلوا لى الله gap
زول مع نفسوا ما امين حا اعرف الله كيف

فهل ياترى سيجزيه فولتير عن هذه الفلترة الفترانة خير اللفحى

أبو إبراهيم يا حبيبنا ... إلحاد هشام ما عندو علاقة بسرقاتو الأدبية دي .. نسال الله لنا و له الهداية ...

[أمين محمد سليمان]

المشاركة الأصلية كتبت بواسطة ZEIN ABDALLA

سلام امين
يعنى نفهم من كدة انو هشام آدم زول (حرامى) وسرق الآراء الفلسفية
من فلاسفة آخرين وعشان كده كتاباته لا يعتد بها وقد سخرك الله ان
ان تكشف لنا هذه السرقة (الفضيحة) هو دليل على وجود
الله



/

و عليكم السلام زين الزين ...

قلت أربعة حاجات :

- هشام آدم زول (حرامى) وسرق الآراء الفلسفية من فلاسفة آخرين
- عشان كده كتاباته لا يعتد بها
- وقد سخرك الله ان ان تكشف لنا هذه السرقة (الفضيحة)
- و هو دليل على وجود الله

التلاتة الأوائل صاح لكن الرابعة ما صاح !

[أمين محمد سليمان]

المشاركة الأصلية كتبت بواسطة بدر الطائف

لغاية هنا ومضمون البوست بيشير الى وجود ادلة قاطعة لسرقات (هشام ادم).

كلام سليم يا بدرنا ...

[أمين محمد سليمان]

المشاركة الأصلية كتبت بواسطة بابكر عباس

صحي يا بدر موضوع السرقة الأدبية قائم وقد أثبته أمين سابقا ببوست جعيص بسودانيز أون لاين، وكان ممكن يكتفي برابط لذلك البوست حتى يتمكن القراء هنا من متابعته.
السؤال يا بروف:
- هل هناك تشابه بين موقفك هنا من هشام آدم، وموقف* بشرى الفاضل من محسن خالد في بوست العاشر من صفر؟

- الرسالة الداير توصلها لينا شنو يا أمين -غير فضخ السرقات- من ملاحقتك لهشام؟ دايرنا نقاطعو في الحوار مثلا؟

* موقف بشرى حسب قرايتك ليهو.

مافي أي شبه بين ما يحدث هنا و ما حدث مع محسن ..
الرسالة الكنت داير أوصلها لهشام إنو قلة الأدب و استفزاز الناس - و ده ح أشرحو لاحقا - مافي داعي ليهو... بالذات لمن تكون في عضمتك زول ما أمين !
موقفي من بشري ما زال إنو إستغل الحاجة الحصلت لمحسن في تصفية حسابات شخصية معاهو و عملها بطريقة سافرة جدا خلتني ما أحترمو خالص ... بشري الفاضل من بوست لبوست تلميحا وتصريحا : محسن عيان و delusional و يفتش في تلفونات وايميلات أصحاب محسن عشان يعالجو ... و الطريقة الكان بكرر و يردد بيها الكلام ده و يربطها بشخصية محسن الفي نظرو زول عاجبهو روحو ما أدتني فرقة أحسن بيه الظن كلو كلو ... ياخي الكتبو بشري الفاضل في موضوع محسن بكون أكتر من الكتبو في الربع الفات كلو !!
فيا يا بكة يا عزيزي : بشري الفاضل و أي زول من حقو يشوف شوفو كان في موضوع محسن كان غيرو ... بنفس القدر عندي الحق أقيم شوفهم ده من جهة شوفي أنا !

[أمين محمد سليمان]

المشاركة الأصلية كتبت بواسطة اشرف السر

يا بروف

حرم حقتي فضت

سفة يا ناس

أبو الشوش يا حبيبنا ..
والله حقو الزول يفتح ليك بوست زي ده إنت ذاتك ... جايب بوستي من سودانيزأونلاين و ما كتبت حقوق النشر محفوظة ولا جبت موافقة كتابية مني لنقل البوست !!

[أمين محمد سليمان]

المشاركة الأصلية كتبت بواسطة خالد غالي

ما اتى به البروف امين لايمكن ان يكون دليلا على وجود الله باي حال من الاحوال

ده كلام سليم يا عم خالد !

[أمين محمد سليمان]

المشاركة الأصلية كتبت بواسطة الرشيد اسماعيل محمود

سلام يا زين،،
ما أعتقد إنو دة قصد البروف، لأنو ببساطة:
لو زول طوالي قاعد يقول "ليك يا زين ياخي القهوة دي بتحميك النوم بالليل"، بعد فترة إكتشفت إنو الزول دة قاعد يسرق، بعديها جا يوم وقال ليك "يا زين ياخي قلت ليك القهوة دي بتحميك النوم بالليل".
هل بكون من المنطق تقول ليهو: ياخي إنت ذاتك حرامي، وعشان كدة دة دليل إنو القهوة ما بتحميني النوم ولا شي.

فرق، صاح؟

مباااالغة يا رشيد !!
انتو البتاع ده بتجيبو من وين ؟!

[أمين محمد سليمان]

المشاركة الأصلية كتبت بواسطة Ishraga Hamid

سلام يا امين

مازال الوجود واسئلته سببا اساسيا لحالات العصف الذهنى التى بدأت منذ ان تلقيت اول دروس ادبيات الحزب الشيوعى عن المادية الجدلية والمادية التاريخية ومازال مُناقشى زمانها فى العام 1986 يتذكر بان سألته مالايقل عن مائة وثلاثين سؤالا عن وجود الله
كنت ادرس فى الجامعة الاسلامية حينها وكان رأسى يطق بالحشو المؤدلج للدين.
مازالت اسئلة الوجود تنهكنى بل جدواه..
لماذا كل هذا العناء والركض وراء الحياة اذا كنا فعلا سوف نموت يوما؟
التفكير فى هذا الامر اصابنى مرتين فى حياتى النصف قرنية بحالات اكتئاب

تداخل الليل والنهار وانسلالهما من بعض
البحار والغموض الذى يكتنفها
ويكتنف النفس البشرية
وجودى فى اوربا لسنوات فاقت العشرين
تفاصيل كثيرة واسئلة اكثر دقة عن الوجود
عذابات قادتنى الى يقين داخلى ان الله موجود
موجود فى قلبى فلماذا ابحث عنه
الله هو اليقين, اليقين الذى يملؤنى كلما اصاب ذهنى العصف.

لذا كان تداخلى وربما هى المرة الاولى التى اتداخل فيها معك واقرأ غالبا ماتكتبه
لكنك قلت ان هذا لن يفيد عصفى الذهنى!! تمنيت ان اصل لهذه النتيجة وحدى..

و عليكم السلام يا دكتورة

أنا قلت ليك بوستي ده ما ح يفيد عصفك الذهني عن وجود الله، لانو أنا عارفو إنو ما عندو علاقة عن وجود الله كما في العنوان ... ده كان القصد و لك العتبي لو فهمتيهو باي شكل سالب ...
بالنسبة لقصة وجود الله ... في تقديري إنو الدليل علي وجود الله في داخل نفس أي بني آدم ، ما بحتاج زول يقنعك لانو طالما عندك القدرة علي التفكير كان فكرتي في أي شئ ... أي شئ ... ح يوصلك ليهو !
مره تانية تقبلي خالص إعتذاري ...

[فتحي مسعد حنفي]

المشاركة الأصلية كتبت بواسطة أمين محمد سليمان

مباااالغة يا رشيد !!
انتو البتاع ده بتجيبو من وين ؟!

كدي سيبك من بشري وأشرف ومحسن ووريني شنو حكايتك مع تعبير مبالغة الفاكيهو فينا دا.To live in the USA doesn't give you the right to exaggerate..دا كلام هزار ساكت..

[أمين محمد سليمان]

المشاركة الأصلية كتبت بواسطة حسين عبدالجليل

أنا سفتي نمت بيها وقمت بيها ولقيت راسي مبلول , فماذا أفعل يارعاك الله ؟

الان و الان فقط يا عم حسين يمكن أن تتف السفة !!
باسمي و باسم التيم العامل في البوست داير أشكرك علي اخلاصك و تفانيك في السف و المقارنة !!