شليل يا حبيبنا ... سلام ياخي و لعلك طيب
اقتباس:
المشاركة الأصلية كتبت بواسطة شليل
بوست ما موفق يا بروف للاتي ذكره :
- عنوان البوست ما عندو علاقة بموضوع البوست
- محاولة إجترار بوست قمت بفتحو في س.أونلاين.. أنا كقارئ ما معني بيها لأني ما عندي خلفية عن العلاقه البينك وبين هشام إذا كانت تصفية حسابات وللا غيرها
- إذا كانت عندك فكرة عن نسف بوست هشام آدم.. مش كان أفضل يا بروف إنك تورد أدلتك على وجود الخالق في بوست ( البحث عن الله )؟شان الناس المتابعين يستفيدو .. بدل ما تفتح بوست منفصل فكرتو الرئيسية التشهير بهشام آدم ؟
---
تحياتي.
|
- غايتو لو عرفت حتة عنوان البوست ما عندو علاقة بموضوع البوست مزعله الناس في شنو كنت ارتحت جدا ... المشكلة شنو يا شليل إنو العنوان ما يطابق الموضوع ؟!!
- قصة إنو البوست ده اتفتح في س.أونلاين :
1- هل يمنع إنو بوست اتفتح في س.أونلاين ما يتفتح هنا ؟ أفهم إنو زول يقول لي ياخي بوستك ده إنت فتحتو هنا قبل كده ... لكن ما بفهم إنو زول يقول لي إنت فتحت بوستك ده في س. أونلاين ما تفتحو هنا لاننا ما عارفين سبب فتحك ليه هناك شنو !!
2- إنت لو متابع س.أونلاين أو عندك فيها عضوية ما كل الناس هنا عندها عضوية أو متابعة كل ما يكتب هناك .
3- أنا بديت بالحاجات الفي بوستي في س.أونلاين و كنت مواصل عشان أضيف حاجات جديدة لكن جات قصة إعترافات هشام و بقي مافي سبب للكلام ده ... يعني البوست ده ما هو نفس البوست الفي س.أونلاين ... ممكن يكون إمتداد ليهو ..
4- بتكون قريت مداخلاتي لخالد الغالي و مبر عن سبب فتح البوست فلا داعي لتكرارها .
- البوست ما عندو علاقة عن وجود الخالق و لا مقصود بيها هداية هشام أو حتي الرد علي تساؤلاتو بالتالي مافي منطق في ايراد محتوي بوستي ده في بوست هشام .
-----------------------
بالجمبة كده : صورة بروفايلك دي أظنها لدكتور عماد الأمين رحمة الله رحمة واسعة ... و أنا الزول ده ما بعرفو ولا سمعت بيهو إلا لمن توفي قبل كم سنة، لكن قريت كلام أصحابو - بخاري ... أمجد فريد... موسي قمر بوبا ...خالد عويس ... إلخ - كانت حاجة تقطع القلب ... أول مره أكون مفجوع لوفاة زول لا بعرفو لا شفتو لا سمعت بيه ... و كونك حتي الان خاتي صورتو في بروفايلك بتقول كتير عنك و عنو ... رحمه الله رحمة واسعة و تقبله في خيار من عنده ..
