اقتباس:
المشاركة الأصلية كتبت بواسطة مسيكين
يا بروف بطل الإنسحابات التكتيكية و واصل في بحوثك كخبير أجنبي،
الزول ده لو إنت ما عصرتو ما كان إعتذر من الأساس، السرقات دي
ليها كم سنة ، مالو ما اعتذر من زمان !!!
هذا إعتذار من لا يستطيع المكابرة ، يعني زول إنت حشرتو في الزاوية
و خلاص ما في أي مهرب ، ح يقول شنو يعني ؟؟؟
جعل الله عملك هذا في ميزان صدقاتك 
|
يا عم مسيكين .... لا أنا ولا إنت ولا أي زول بقدر يعرف نية هشام من إعتذارو ... لكن الله ده عرفو بالعقل ... هشام طارح نفسو أديب و روائي لمن يجي يكتب إنو سرق روايات و مقالات فهو يعلم تماما حجم الضرر لكن أنا متاكد جدا إنو نام أكثر سعادة اليوم من أي يوم مضي !
بالنسبة لكشف سرقاتو فيمكن فعلا تكون ساعدتو to come clean لكن ما بقدر أجزم انها كانت السبب، و لاحظ معاي إنو في حاجات اعلنها ما كان ممكن زول يعرفها و أنا عندي حاجتين كنت ح أنشرهم هنا، هو نشرهم رغم انهم ما موجودين في بوستي في س. أون لاين ... فياخي ما عندنا سكة غير ما نحسن بيه الظن و نساعدو يجتاز المحنة دي ...
لو في حاجة مطلوبه من هشام ... إنو لمن يحاور الناس في الحادو الطالع بيه مداعي ده ... ينتبه not to step on a rusty nail و هو سوداني و كان مسلم و عارف الحتات البتجيب كثافة الناس في المحلات دي !!
