المرأة السودانية عبر التاريخ

[ماريل]

فاطمة بت جابر:
وهى ايضا من رائدات التعليم فى السودان خاصة السودان الشمالى ...وهى من مواليد جزيرة ترج بمحافظة مروى
وترج جزيرة تقع بالقرب من نورى ...السيدة فاطمة بت جابر هى شقيقة اولاد جابر المعروفيين والذى ذكرهم
حاج الماحى المادح المشهور فى مدحته (التمساح)فقد قال:
يا اولاد جابر بى عجميكم قوموا السبعة واكربوا سريكم
نادوا ابرابعة وخلوا يجيكم كتل الدود مو قاسى عليكم

واولاد جابر معروف عنهم العلم والورع وقد اخذت عنهم اختهم السيدة فاطمة هذا الولع بالعلم بل ايضا ساهمت
فى نشر العلم واسست خلاوى للقرآن واسهمت فى تعليم الفتيات واهتمت بهن وتعتبر السيدة فاطمة بت جابر
من اهم رائدات التعليم فى تاريخ السودان

[الفاتح]

عندي حوار بين سبيله فضل ومستر هيج مفتش مركز أتبره ، عايز أنزلو هنا إثراء للبوست لكن مركز تحميل الملفات مصرًج.

[Ishraga Hamid]

up for more reading

[ماريل]

المشاركة الأصلية كتبت بواسطة شليل

عندي حوار بين سبيله فضل ومستر هيج مفتش مركز أتبره ، عايز أنزلو هنا إثراء للبوست لكن مركز تحميل الملفات مصرًج.

يا شاب كدى باصر لينا القصة دى مع العوض ضرورى الحوار ده نشوفوا
منتظراك يا شليل وكتر خيرك .........

[أبو دعد]

من المواضيع الجديرة بالمشاركة و المتابعة و تهم كل شخص
تحى التراث الذى اندثر
و كثير من النساء كان لهن دور غير مجرى التاريخ اثناء منعطفات حرجة
و اذكر هنا على سبيل المثال رابعة الكنانية التى قطعت الفيافى فى ظلمة الليل و عبر العتامير لتوصل رسالة للامام المهدى عن تحركات جيش العدو


اتمنى من الاخت ماريل ان تستصحب معها اشعار بعض النساء امثال مهيرة بت عبود و شقيقة عبد القادر ود حبوبة و فاطمة بت المك و بنونة بت الشيخ و غيرهن

[الفاتح]

المشاركة الأصلية كتبت بواسطة ماريل

يا شاب كدى باصر لينا القصة دى مع العوض ضرورى الحوار ده نشوفوا
منتظراك يا شليل وكتر خيرك .........

مركز تحميل الملفات لسع معطوب ..
عموما .. القصة بتتناول صمود نسوان أتبره ضد غطرسه الإستعمار الإنجليزي..
بطلة القصة واحده إسمها سبيله فضل ، هي واحده من عشرات النسوان إللي إحتفن بإطلاق سراح سليمان موسى ، النقابي إللي إلقي عليو القبض بدعاوى تأليب المواطنين في حين إنو كان بيدعو لتحسين بيئة العمال بتاعين السكة حديدي.. أها سبيله دي حشدت كم نسوان وإستقبلو القيادي ده جمب نهر أتبرا ، وزفوهو بالطبول والزغاريد وعمدوهو بطل من أبطال أتبرا..
بعد كم يوم إستدعاها مستر هيج مفتش أتبرا ، عشان يقصقص جنحينا..
- يا سبيله بالجد إنتي عملتي حفله لمن فكينا سراح سليمان موسى ووزعتي الليموناضه
- أيوه إنت مالك
- أنا مبسوط وعايزك تعملي حفله تاني لزعيم كبير ، بديك فيها 100 جنيه
- ده منو كمان كده كمان؟
- حاكم السودان
- إنت والحاكم العام على صرمتي دي.. ورفعت شبشبا في وش المفتش العام
إللي أمر بإيداعا السجن لفترة 3 شهور

[الفاتح]

مصدر القصة دي : ذاكرة العمل النقابي ل د/ الزيلعي
على لسان قريبنا الرشيد مهدي

[ماريل]

بنونة بت المك نمر:
هى بنونة بت المك نمر ملك الجعليين المشهور والذى اشتهرت قصته مع اسماعيل ابن محمد على باشا التركى
الذى غزا السودان بحثا عن الذهب ...والقصة المشهورة حول حرق المك نمر لاسماعيل بسبب ضرب اسماعيل
للمك نمر على وجهه بالغليون هى قصة زائفة فى تاريخ السودان والحقيقة كما اظن هى ما ذكرها (ماك مايكل)
فى كتابه(تاريخ العرب فى السودان)فقد قال ان المك نمر عزم على الخضوع للاتراك والوم لهم واتى بالجوارى
كى يتمتع بهن اسماعيل وجنوده لكن اسماعيل الذى كان قد لمح بنونة فاثارت اعجابه لجمالها وقوة شخصيتها
طلب من المك نمر ان ياتيه ب بنونة فغضب نمر غضبته الشهيرة التى ادت به الى احراق اسماعيل وجنوده
المهم فى الامر ان بنونة كانت شاعرة وفارسة وهى كتبت اجمل واقوى اغانى التراث السودانى مثل اغنية
(ماهو الفافنوس)التى تغنى بها الكابلى وهى فى راى من اجمل واقوى اغانى الحماسة التى سمعتها اطلاقا
والاغنية كتبتها بنونة فى رثاء شقيقها عمارة التى توفى فى سرير المرض وقد كانت تتمنى له بنونة ان يموت
فارسا فى ساحات القتال البعض قال ان عمارة مات بمرض الجرب والبعض قال انه مات متاثرا ببعض الجراح
التى اصابته جراء الحرب التى خاضها ضد الاتراك ولم يثينه العفو الذى اصدره الخديوى سعيد باشا عن كل من
حمل السلاح ضد الاتراك ...المهم ان عمارة مات بعيدا عن ساحة الحرب فبكته اخته الشاعرة والفارسة العظيمة بنونة
باشهر واعظم واجمل قصيدة حماسة سمعتها فى حياتى..........

[ماريل]

(ماهو الفافنوس)
قصيدة بنونة بت المك فى رثاء شقيقها عمارة ود المك نمر بصوت الكابلى:



http://www.youtube.com/watch?v=zwlpXP3Lmq8

[ماريل]

ماهو الفافنوس للشاعرة الفذة بنونة بت المك نمر [B]
ماهو الفافنوس ماهو الغليد البوص


ود المك عريس خيلا بجن عرقوس

أحيّ علي سيفه البحد الروس

.............................

ما دايرالك الميته أم رمادا شح

دايراك يوم لُقى بدميك تتوشّح


الميت مسولب والعجاج يكتح

أحيّ علي سيفه البسوي التح

..............................

إن وردن بجيك في أول الواردات


مرنا مو نشيط إن قبّلن شاردات


أسد بيشه المكرمد قمزاته متطابقات

وبرضع في ضرايع العنّز الفاردات

............................


كوفيتك الخوده أم عصا بولاد



ودرعك في أم لهيب زي الشمس وقّاد


وسيفك من سقايته إستعجب الحدّاد


وقارحك غير شكال ما بقربه الشدّاد

............................

يا جرعة عقود السم

يا مقنع بنات جعل العزاز من جم


الخيل عركسن ما قال عدادهن


كم فرتاق حافلن ملاي سروجهن دم

.........................[

/B]

[ماريل]

المشاركة الأصلية كتبت بواسطة أبو دعد

من المواضيع الجديرة بالمشاركة و المتابعة و تهم كل شخص تحى التراث الذى اندثر و كثير من النساء كان لهن دور غير مجرى التاريخ اثناء منعطفات حرجة و اذكر هنا على سبيل المثال رابعة الكنانية التى قطعت الفيافى فى ظلمة الليل و عبر العتامير لتوصل رسالة للامام المهدى عن تحركات جيش العدو اتمنى من الاخت ماريل ان تستصحب معها اشعار بعض النساء امثال مهيرة بت عبود و شقيقة عبد القادر ود حبوبة و فاطمة بت المك و بنونة بت الشيخ و غيرهن

سلامات يا ابو دعد والله انا بكتب عن بنونة وما شفت مشاركتك دى
ياخ انا بنونة ومهيرة ديل ح اكتب عنهن لمان تستغيثوا ويستاهلن
عظمة وفراسة وفروسية وشاعرات عظيمات ليك التحية يا سيدى
وجاياك بالباقيات ورابحة الكنانية بت فشودة برضو جاياك ليها
كن بخير ولك مودة عظيمة لو تعلم (ايهاب كلمك؟؟)

[ماريل]

المشاركة الأصلية كتبت بواسطة شليل

مركز تحميل الملفات لسع معطوب .. عموما .. القصة بتتناول صمود نسوان أتبره ضد غطرسه الإستعمار الإنجليزي.. بطلة القصة واحده إسمها سبيله فضل ، هي واحده من عشرات النسوان إللي إحتفن بإطلاق سراح سليمان موسى ، النقابي إللي إلقي عليو القبض بدعاوى تأليب المواطنين في حين إنو كان بيدعو لتحسين بيئة العمال بتاعين السكة حديدي.. أها سبيله دي حشدت كم نسوان وإستقبلو القيادي ده جمب نهر أتبرا ، وزفوهو بالطبول والزغاريد وعمدوهو بطل من أبطال أتبرا.. بعد كم يوم إستدعاها مستر هيج مفتش أتبرا ، عشان يقصقص جنحينا.. - يا سبيله بالجد إنتي عملتي حفله لمن فكينا سراح سليمان موسى ووزعتي الليموناضه - أيوه إنت مالك - أنا مبسوط وعايزك تعملي حفله تاني لزعيم كبير ، بديك فيها 100 جنيه - ده منو كمان كده كمان؟ - حاكم السودان - إنت والحاكم العام على صرمتي دي.. ورفعت شبشبا في وش المفتش العام إللي أمر بإيداعا السجن لفترة 3 شهور

شكرا شكرا يا شاب ذكرتنى القصة دى العملاقة حواء الطقطاقة لها الرحمة
فقد كانت تسفه الانجليزى بكل قوة قلب وكم تعرضت للسجن والاعتقالات
التحية للمرأة السودانية عبر تاريخنا المنسى والمتناسى عمدا..........

[ماريل]

اسد الكداد الزام
نظم:رقية محمد امام

فى رثاء شقيقها البطل(عبد القادر محمد امام الشهير بعبد القادر ود حبوبة)


http://www.youtube.com/watch?v=iACosqgyxpo

[ماريل]

اسد الكداد
نظم: رقية محمد امام

بـتــريــد الــلــطــام اســــــد الـــكـــداد الــــــزام
هــزيـــت الــبــلــد مــــــن الــيــمــن لــلــشــام
ســــــيــــــفـــــــك لــــلـــــفـــــقـــــر قــــــــــــــــــــلام
تــيّــم فـــــى الـتــقــر انــصـــارو مـنـزربـيــن
بالصـفـا واليـقـيـن حقـيـقـة انـصــار ديـــن
بـالـحــرب ام طـبـائــق قـابـلــوا المـسـكـيـن
فــى وش المـكـن رقــدوا التـقـول نايـمـيـن
تــــيّــــم فــــــــى الـتـقــرانــصــاروا زاربــــنـــــوا
بــعــهــدوا الـقــبــيــل بـعــيــســى تـاهــمــنــوا
اتــلــمــوا الــعــمــد لــيــهــم نـــقــــر ســـنــــوا
الــهــوج والــشــرق طــــار الـمــنــام مــنـــوا
تـيّــم فـــى الـتـقـر قــــال الـعـمـيـر لـلـســوم
القـوى والضعيـف مـن عينـو طـار الـنـوم
الكـفـرة النـجـوس مــا بـخـتـوا مـــن الـلــوم
حـجــرت الـــدرب خـلـيـت جـمـالــم تــحــوم
الاســــد الـنـتــر وقــــال الــديــن مـنــصــور
لــمــولـــوا الاورط جــابـــوهـــم بــالــبــابــور
الـعـمـد الـكـبـار كـلامـهــم بــقــى مــدحــور
كـــم فـقـشـت مـديــر وكــرمــت بـالـمـامـور
الاســـــد الـنــتــر بــــــى جــيــهــة الابـــقـــار
لـمـولـو الاورط شـايـلـيـن ســــلاح الــنــار
ود حــبــوبــة قـــــــام ورتـــــــب الانـــصــــار
فـــى كتـفـيـة ديــــك كــــم شـبـعــن صــقــار
الاعـــــلان صـــــدر واتـلــمــت الـمـخــلــوق
بى عينى بشوف اب رسـوة طامـح فـوق
كـــان جـــات بـالـمـراد واليـمـيـن مـطـلــوق
ما كان بنشنق ود اب كريق فى السوق
بـتـكـلـم بــقــول بــوريـــك مــيـــن حـســبــوا
نـايـبـو السـنـيـن مــنّــو الــرجــال حـسـبــو
الاعــــــلان صـــــــدر واتــلــمـــت الـــحــــلال
نـصـبـولـو الــســلاح واتـكــرنــف الـخــيــال
قـــــدر الله الـحــصــل و الـــزمـــان مـــيـــال
منسـول مـن ابـوك مـاك ود حــرام دجــال
ما كان بنشنق ود اب كريق فى السوق
بـتـكـلـم بــقــول بــوريـــك مــيـــن حـســبــوا
نـايـبـو السـنـيـن مــنّــو الــرجــال حـسـبــو
الاعــــــلان صـــــــدر واتــلــمـــت الـــحــــلال
نـصـبـولـو الــســلاح واتـكــرنــف الـخــيــال
قـــــدر الله الـحــصــل و الـــزمـــان مـــيـــال
منسـول مـن ابـوك مـاك ود حــرام دجــال

[ماريل]

رقية محمد امام:

هى ابنة الشيخ محمد امام ناظر الحلاويين وقد اوجعها ايما وجع اعدام شقيقها البطل عبد القادر ود حبوبة
فنظمت قصديتها العصماء هذى وهى تحول شجنها الى قصيد تصف فيه بطولة شقيقها واعوانه الذين ضربوا
اجمل البطولات ...ود حبوبة الذى اعدم عام1908 فى سوق الحلاويين ودفن بقريته هناك
ود حبوبة ايضا عرف بنظم لشعر المديح والناظر محمد امام ايضا كان شاعرا مادحا للرسول(ص)
فلا عجب ان تكون رقية امام شاعرة متمكنة تحول شجنها الى قصيد بهذه القوة والجمال