الكتابة و المخاطبة لمجلس الإدارة ..

[معتصم الطاهر]

انتو البوست دا حقى أنا ولا حق كيشو

الكتب النعيين مجلس الادارة و/ أم الأمين العام

مهند بخاطبنا باسم مهند .. و بلغة مهند ..
وبروح الامين العام ..

ياخ دايما فى مستوى التوقع ..

[معتصم الطاهر]

اقتباس:
المشاركة الأصلية كتبت بواسطة فيصل سعد

اتفق مع معتصم في انه يكون في معيار استاندرد لجودة الخطاب و التحرير عندما يصدر من جهات سودانيات الرسمية بكل مستوياتها .. و اختلف معه في بعض غلظة استعمال "يسوى عندنا الف" و لا داعي للمقارنة و ايهما اكثر شهرة و المقام مقام حزن و رحيل .. وسعوا ماعون المحبة و لتتباين الآراء حتى مطلع الفجر ..

انا لا احاكم نوايا معتصم و لا اتشكك فيه قيد انملة .. و لكن هذا البوست يمكنه ان يكون حمال اوجه .. كل شخص له رؤيته و وجه نظره و رأيه .. لكن انا لو في محل معتصم كرئيس مجلس ادارة سابق كنت حألز الموضوع دا برسالة داخلية قبل الكتابة في منتدى الحوار ..

وافر التحايا و الود
و التقدير للجميع ..

اقتباس:
المشاركة الأصلية كتبت بواسطة فيصل سعد

انا مقتنع و جازم بان جميع اعضاء المجلس الجديد لهم التحايا; اناس جديرون و على قدر عالي من المسؤولية و المهنية و الحكمة .. و قدموا انفسهم لمواصلة البذل و العطاء و ننتظر منهم الكثير .. و في نفس الوقت اشفق عليهم من كثرة النقة و التصيد و الاستهداف .. و اعلم و هم يعلمون ان هنالك من يتمنى لهم الخطأ و عدم التوفيق .. و اخاف اكثر بان الملامة لاجل اللوم فقط; و العتاب ان لم يكن راكزا و مؤسسا ; و اذا ما بني على القيل و القال فلن يجد قبولا و رضا و استحسان .. و صراحة ما لا ارضاه لنفسي لا ارضاه لغيري; هكذا يكون العدل و الانصاف .. احتمال يا معتصم; مجرد احتمال; انه المجلس كجسم اداري لم يجتمع و يصدر قرار بعنواني البوستين; و احتمال في ملابسات و ظروف الحدثين الاليمين تصرف عضو مجلس و كتب بوستين التعزية منفردا .. ربما ياتيك اليوم او غدا الخبر اليقين بتوضيح شاف او اعتذار مستحق; عشان كدا مفروض يا معتصم ناجل الخلاصة قليلا حتى نسمع راي المجلس رسميا في كل ما حدث ..

اما نقطتك الثانية بخصوص شعار الدورة نجيها في وكتها بمزاج .. و ارجو ان تدينا اي نقاط اخرى عندك للمناقشة عشان يكون هذا البوست شاملا و كاملا للنقد البناء و الشفافية و الانتقاد العلني كما ذكرت سابقا و ايدك مهند كعضو و امين عام و عضو مجلس ..

و لكم اطيب التحايا

..


فيصل يا حبيب

مجلس الإدارة بأمانتو و صمّــتو ..

لو لم يتفهموا أن النقد هو جزء من دعمهم فلا خير فينا ..

هذا المجلس لن يكون حساسا تجاه النقد ..


و حيب قول حجة آمنة ( زوزيتا) ..
أقول ليك سر ..
( ولن يكون تجاه النقد البياخد شكل تاني) ..

[رأفت ميلاد]

المشاركة الأصلية كتبت بواسطة معتصم الطاهر

فيصل يا حبيب

مجلس الإدارة بأمانتو و صمّــتو ..

لو لم يتفهموا أن النقد هو جزء من دعمهم فلا خير فينا ..

هذا المجلس لن يكون حساسا تجاه النقد ..


و حيب قول حجة آمنة ( زوزيتا) ..
أقول ليك سر ..
( ولن يكون تجاه النقد البياخد شكل تاني) ..

يا معتصم طبعاً أنا رأفت ميلاد

ما أعتقد فى صمت أو ضيق ولا فى حاجة بتستدعى الحاجات دى
كدى خلى المجلس أجتمع وليك علىّ نشوف الموضوع مرفق كل توصيات البوست ده وأنتقاداته وأكيد أكيد يكون كل خير .. غالباً يكون ده أسباب الصمت .. مافى زول قادر يتكلم بأسم زول

وأنا معاك النقد هو أساس النجاح

ما تنسى أنا لسة رأفت ميلاد

[رأفت ميلاد]

تعرف (صمّتو) أنا قريتا صمتو وجيت ناطى .. لكن ما فرقت كلامى ياهو كلامى

الكلام واضح ولكن ما ملح لدعوة لأجتماع عاجل .. ولّ شنو

[أسعد]

المشاركة الأصلية كتبت بواسطة كيشو

لازم تتوقع جيتي هنا، وبالمناسبة أنا لاحظت الاختلاف وصورتو عندي بمجرد حدوثه، ولكنني تريثت وفكرت في طريقة التعامل مع الأمر وما فيه من حساسية قد تطغى على الموضوعية
الأهم عندي كان استخدام المجلس لكلمة "شعبنا"، هذا التعبير كأنه يرسل إشارة إلى ماهية "سودانيات"، هل سودانيات حزب؟ أم منظمة مجتمع مدني؟ أم ماذا؟ أنا عصام دا عضو في سودانيات لأكتب وأتواصل مع زملائي الأعضاء، ولكنني لست محصوراً في"سودانيات" حتى تعتبرني (شعبها) ، ولا أقبل أن يزج بي مجلس الإدارة في دروب لا أعرف كيف أتعامل معها، مجلس الإدارة لم يُنتخب لهذا

مولانا الما منظور ينسانا
بتذكر في مرة حكى لينا النور ايام فترة عمله بالبوليس
قال كنت حصلت حالة طواريء -على ما اظن- مما استدعى وجود الضباط بمراكزهم 24 ساعة
فقاموا اشتروا سراير وختوها في المراكز دي وبقوا يبيتو فيها
اها من دييييك وعيييييك وبقت السراير شي اساسي في اي مركز شرطة
اسي لو خشيت اي مركز شرطة ح تلقى في سرير سريرين قاعدات
مع انو مافي حالة طواريء ^_^

القصة كانت في اطار حديثنا عن نمطية الشخصية السودانية
اها يا اخوي ما تلوم ناس مهند ديل
فانهم سودانيين يحملون النمطية في حدقات العيون
بكونوا جوا موتورين باللغة الخطابية السياسية
وجلطوها لينا في نعي محمود رحمه الله رحمة واسعة





مع تحيات أسعد
مقيم سااااي ^_^

[معتصم الطاهر]

اقتباس:
المشاركة الأصلية كتبت بواسطة رأفت ميلاد

يا معتصم طبعاً أنا رأفت ميلاد

ما أعتقد فى صمت أو ضيق ولا فى حاجة بتستدعى الحاجات دى
كدى خلى المجلس أجتمع وليك علىّ نشوف الموضوع مرفق كل توصيات البوست ده وأنتقاداته وأكيد أكيد يكون كل خير .. غالباً يكون ده أسباب الصمت .. مافى زول قادر يتكلم بأسم زول

وأنا معاك النقد هو أساس النجاح

ما تنسى أنا لسة رأفت ميلاد

رأفت سلامات

ياخ شكلتها ( صمّتو ) من صمّة ..
يعنى كلو ..

وواثق انك رأفت و ستظل ..

و كذا كل من في هذا المجلس ..

[معتصم الطاهر]

اقتباس:
المشاركة الأصلية كتبت بواسطة رأفت ميلاد

تعرف (صمّتو) أنا قريتا صمتو وجيت ناطى .. لكن ما فرقت كلامى ياهو كلامى

الكلام واضح ولكن ما ملح لدعوة لأجتماع عاجل .. ولّ شنو

أنا ما قريت دى برضو

أنا

الشغل دا ما داير اجتماع عاجل ولا حاجة ..
ياخ فى الاجتماع الدورى ناقشو أو فى يوميات مجلس الادارة أو يوميات الأمين العام ختوها آراء لامن يبقى عليها
انتو حتجتمعوا لكل بوست أو توصية ..
لا.. ولا ننتظر ذلك منكم

..

[رأفت ميلاد]

المشاركة الأصلية كتبت بواسطة معتصم الطاهر

أنا ما قريت دى برضو

أنا

الشغل دا ما داير اجتماع عاجل ولا حاجة ..
ياخ فى الاجتماع الدورى ناقشو أو فى يوميات مجلس الادارة أو يوميات الأمين العام ختوها آراء لامن يبقى عليها
انتو حتجتمعوا لكل بوست أو توصية ..
لا.. ولا ننتظر ذلك منكم

..

إنشاءالله ما يموت زول تانى للوكت داك

[كيشو]

المشاركة الأصلية كتبت بواسطة رأفت ميلاد

إنشاءالله ما يموت زول تانى للوكت داك

والله كنت جاي أكتبا
حقو لو ﻻ قدر الله واحتجتو لي نعي يقوم الزول البكتب يعمل قرعة بين النعيين، والقرعة تكون بين خيارين اﻷول أبو (شعبنا) والتاني (سادة)

[كيشو]

المشاركة الأصلية كتبت بواسطة أسعد

مولانا الما منظور ينسانا
بتذكر في مرة حكى لينا النور ايام فترة عمله بالبوليس
قال كنت حصلت حالة طواريء -على ما اظن- مما استدعى وجود الضباط بمراكزهم 24 ساعة
فقاموا اشتروا سراير وختوها في المراكز دي وبقوا يبيتو فيها
اها من دييييك وعيييييك وبقت السراير شي اساسي في اي مركز شرطة
اسي لو خشيت اي مركز شرطة ح تلقى في سرير سريرين قاعدات
مع انو مافي حالة طواريء ^_^

القصة كانت في اطار حديثنا عن نمطية الشخصية السودانية
اها يا اخوي ما تلوم ناس مهند ديل
فانهم سودانيين يحملون النمطية في حدقات العيون
بكونوا جوا موتورين باللغة الخطابية السياسية
وجلطوها لينا في نعي محمود رحمه الله رحمة واسعة





مع تحيات أسعد
مقيم سااااي ^_^

هههههههههههههه

[كيشو]

المشاركة الأصلية كتبت بواسطة معتصم الطاهر

انتو البوست دا حقى أنا ولا حق كيشو

الكتب النعيين مجلس الادارة و/ أم الأمين العام

مهند بخاطبنا باسم مهند .. و بلغة مهند ..
وبروح الامين العام ..

ياخ دايما فى مستوى التوقع ..

ما شفت مهند قال شنو؟
الود ود سوق؛ عارف البوستات البتجيبني

[لنا جعفر]

أمسية سعيدة للجميع
الخيوط المستفسرة والمتسائلة بمحبة وحرص
زي ديل قطع شك عون كبير لينا
ومحاولة جادة لغسل وترميم مدارج الإقلاع...
وصدق النوايا بيوضح من طريقة الطرح والقرايات من كل الزوايا
الشي اللي اتسلل لي من الكلام فهمت منو انه جزو من الناس هنا
أقرب لي انه مجلس الإدارة يضع صيغ ثابتة للنعي وتأكيداً للتهنئات ؟؟
انا بعتقد انه الناس سواسية أمام القانون بس...
لكن ما ممكن نكون مطالبين بعدالة حتى في احساسنا تجاه الخلق حتى الما مؤثرين على حيواتنا
وما ممكن نكون مطالبين بعدالة تجاه ذوات بنقدرها ونقدر اسهامها في
حياة الشعب وتطور ذائقاته لكن لاهي قريبة مننا ولا عبرت عننا..
بنفس قرب آخرين كنا بنشعرهم امتداد حسنا .
كاتب النعي ممكن يكون مابيعرف أحمد شبك
لكن بعتقد انه قام بدوره تجاه محبي المرحوم شبك..
بعد دوره ده ما منطقي كاتب البوست والمتفقين معاهو
يشيلو مسطرة ويكونو مهتمين بقياس دقيق لكم المشاعر الاتدفقت هنا وهناك
ويرصدو حتى دوافعو في اختيار الكلمات...
محمود عبد العزيز عاملتو أقنية التلفزيون والجرايد ومواقع التواصل
بشكل مختلف عن فنانين كتار جداً مروا بتجربة الموت زاتا...
الجهات العملت كده والمواطن العادي استوعبو الحاصل ده
في لإطار بسيط ومهضوم للجميع..
الإطار ده بيقول انه الوجود ده متدرج اصلاً
والعدالة بتتعلق بقيم مرتبطة بالعدالة القانونية والدستورية
لكن لايمكن نربط العدالة بنوازع طبيعية ومفهومة...زي احاسيسنا
يعني النبي محمد البشرية استوعبت منو يكون عندو عدد من الزوجات
لكنه بيفضل واحدة...وخاطب الرب قال ليهو انا مقسم واجباتي
بالعدل لكن ماتلومني في قلبي البتقلبو انت كيف تشاء..
يللا على مستوى نبي انت بتقبل خطاب زي ده وترفضو على مستوى
مجلس إدارة قام بواجبو تجاه الفقيد احمد شبك؟؟
العدالة هنا انه مجلس الإدارة قدم نعي لكلا الفقيدين
لكن قدرات وطريقة محمود جعلتو متفرد ومنفرد بحزننا ووجعنا اكتر
وممكن عشان كده نعيو جا أوجع...
محمود عليه الرحمة أقرب وجدانياً لجماهير غالبة من السودانيين
ووفاتو ومرضو شكلو استفتاء على شعبيتو...
وده لاتنكره عين ...
مجلس الإدارة عضويتو بشر وبيتاثرو بكامل المناخ الخارجي
الفارض نفسو....لكن مجلس الإدارة مافرط في نعي فنان
يمكن كاتب التعزية يكون ما سمع اصلا عنو...
مقابل وفاة محمود اللي ملاء الدنيا وشغل الناس...
دي مقاربة جايرة ...ودعوة لتحنيط احساسنا داخل نصوص
تشبه اورنيك 8 وأورنيك 12
ثم انه جماهير شعبنا دي بتعني الشعب السوداني اللي فقد بموت محمود
فنان عندو مساهمتو الأجتماعية والفنية الفارقة جداً
نحن بننعي محمود لي جماهيرو الما بيخلى منها بيت
جماهير اجبرت السُلطة انها تحرص ع الظهور معاهو
رغم المنفستو الدينو-هوسي حقها...
بصمة محمود مختلفة والتاثر بظروف رحيلو بتفرض
طقوس حزن مغايرة.....
ثم انه انا لو كنت في مكان كاتب النعي والشارحاهو ده كان موقفي
كنت ح احس بتمام النفاق وانا بنعى زول حجمو جواي اقل
من محمود بنفس عبارات موجوعة جات تقديراً
لأثر وحجم ومساهمة جماهيرية محمود...
لكا مقام مقال ....
وظلم للجميع انه انا اتبنى معيار واحد اقيس بيهو
القطن والسمسم....
آخر شي بحب التأكيد عليهو هو انه مجلس الإدارة مافوق النقد
ومجلس الإدارة راعي شفافية ويفترض يقبل بكل منتوجا بمحبة وسعة افق وصدر
------
تحياتي ومحبتي للجميع

[معتصم الطاهر]

كأني كتبت بوست لأنعم بمداخلة زي دي

[خضر حسين خليل]

يا معتصم قرأتك علي عجل ـ قرأت ردك وسأعود علي مهل ـ أخوك مشغول ومتورك في المعايش أكتر من يهود بني قينقاع .
فإنتظرني

احترامي

[معتصم الطاهر]

خضر سلام ..

ياخ اقراني على مهل
أقرانى أنا عندى "هل .."