مبر يا باذخ ( علي قول فيصل ) تحياتنا ياخي
اقتباس:
المشاركة الأصلية كتبت بواسطة مبر محمود
نحن في نقاشنا طرحنا العلمانية وبررنا طرحنا هذا بإنها تجنبنا بلاوي كتيرة وتضمن لنا تحقيق قدر عالي من الإنضباط القانوني والعدالة الإجتماعية، وأنتم طرحتم الإسلام ولكنكم لم تبرروا إجرائياً وتفصيلياً لذلك حتى الأن. ياخي أرجو أن تقدم برنامجك الإسلامي لشكل الحكم فيما يتعلق بكافة جوانبه الإجتماعية والإقتصادية والقانونية، لأنو نحن أصلاً طرحنا العلمانية دي لعدم وجود رؤية دينية أو جهوية أو قبلية أو إثنية متفق عليها.
|
النقاش داير علي المبدأ ما علي التفاصيل، يعني لمن إنت تقول نبعد الدين بعيد بنقول ليك ما بنقدر لانو ببساطة شديدة، الكلام ده بالنسبة لينا - كمسلمين - ما محل إختيار يعني ده جزو من الدين نفسو، نتفق علي دي بعداك ندخل في التفاصيل و شكل الدولة و برنامجها و باقي الكلام ده ...
اقتباس:
المشاركة الأصلية كتبت بواسطة مبر محمود
يا صائغ قلت لكَ في إحدى مداخلاتي السابقة لا ديمقراطية بدون علمانية، وذلك ببساطة لأن الديمقراطية أصلاً جند رئيسي من أجندة النظام العلماني، فالمعروف إن الديمقراطية في تعريفها البسيط تعني "حكم الشعب" وهي بذلك ضد قناعات الإسلامويين الذين يرون إن "الحاكمية لله". يعني الديمقراطية هي مجرد أداة من أدوات توطين مفاهيم الدولة الوضعية العلمانية أو المدنية أو القانونية.
|
طيب يا مبر الزعل في شنو لمن بعض السلفيين يقولو نحن ما بنؤمن بالديمقراطية ؟! ما ياهو نفس كلامك ده .... و في نفس الوقت بعضهم خشو بيها الانتخابات و إرتضو نتائجها ... ح تقول ليهم لا ما صاح تخشو ؟!
يا عزيزي، اشكالية الحكم الأساسية في دولنا الشقيقة بتكمن في تطبيقها أكتر من منهجية الحكم نفسو ، و الكلام ده بيسري كان المنهجية الحاكمة اسلامية كانت أم غيرها ...
الشئ التاني أنا لمن أتكلم عن الاسلام في الدولة بتكلم عنو كنظام متكامل بكل قيمو الخيرة بتاعت العدل و المساوة و الأمانة .... إلخ .... القصة ما قصة جلد و قطيع يدين و خلاص .... ما ياهم الكيزان بجلدو في الناس هل ده معناتو طبقو الاسلام و الشريعة ؟ اللهم لا و إنت سيد العارفين ...
