اديك سر خليك قريب .. إلى حاجة أمنه

[جيجي]

المشاركة الأصلية كتبت بواسطة عبدالله وداعه الامين

في ناس كتيرة يا حجوج بتنقل وما بتشير لي المصدر
بس ديل احسن من البنقلوا ويوحوا لي الناس هم اصحاب النص
مرة نزلت نص وكان فيهو خطأ مطبعي لاني عادة بكتب في الكيبورد وبعمل ارسال من غير ما انتبه او اراجع .. اها واحد صاحبنا لفح النص بي غلطو gap ولما انتبه
واحد من الناس الردت عليهو وقال ليهو افتكر انو دا غلط مرجعي وانت قاصد كدا رد وقال ليهو فعلا انا قصدن كدا ودا غلط مطبعي وان شاء الله المرة الجاية انتبه وشكرا لي التنبيه

هسه في الرابط التحت دا شوفي البت الاسمها اريج في المداخلة رقم 6 ياخ حتى توقيعها هو توقيعي بتاع منتديات عكس الريح وهو اصلا من نص من نصوصي gap

مش امكن اسمك عبدالله
وبدلعوك اريج

[مها عبدالمنعم]

بري ياوداعه ماشمتانه عارف ليه
اشان مرات بتاورني نفسي اسرق نصك داك بتاع اتحدي ياخ يستاهل ينسرق

[عبدالله وداعه الامين]

المشاركة الأصلية كتبت بواسطة جيجي

مش امكن اسمك عبدالله
وبدلعوك اريج

ياخ والله لقيت عندي كترة اسامي يا دبل جي
اريج وموزة وبطة وسمندل وعوض ودنقلاوي وايييييك انسي

كلو وارد ياخ

[عبدالله وداعه الامين]

المشاركة الأصلية كتبت بواسطة مها عبدالمنعم

بري ياوداعه ماشمتانه عارف ليه
اشان مرات بتاورني نفسي اسرق نصك داك بتاع اتحدي ياخ يستاهل ينسرق

انتي يديك خفيفة يا مهوية ابرا منك ياخ

[عبدالله وداعه الامين]

المشاركة الأصلية كتبت بواسطة حجة امنة

يا عوبد

يا مان أعمل حسابك الزولة دي داخلة بي خطة (كديسة في نطاك)gap
أولاً شي طلعت شاعرة النوع البيقرا القصيدة مرة واحدة بعد كم شهر القصيدة بيطلعو بيها كولن

دي ما كانت مشكلتي الكبيرة، يا مان ماريل سنة 98 لمن كلاب الأمن كتلو ( محمد عبدالسلام) كانت بتقرا في الأساس!!gap
وااااي

يا عوبد 98 إنتا كنت خلاس وثقت علاقتك مع الملكة الام و بقيتو كدا( الاصبعين جنب بعض، حقة حديث الرسول) ،فضحتنا بي صلعتك ديgap

ماريلوف يأخي سعيدة أيما سعادة بهذا الكشف الجديد


كطع شك لي عودة

والله انتي فعلا عفنة وما عندك عشرة gap
ياخ هسه انا يبقو علي سرقة وصلعة؟


شكيتك لي الله
وبعدين كلو ولا ماريل دي
جري لاين وخليك بهاينgap

[حجة امنة]

المشاركة الأصلية كتبت بواسطة جيجي

امونة
غايتوا انا بنتهز فرصة كلمة هنا دي وبحشر الفيديو دا المليان الفاظ غير لائقة على حسب المذيع

[flash=http://www.youtube.com/embed/1ugohuSxEHQ?feature=player_detailpage]WIDTH=350 HEIGHT=400[/flash]

الليلة الهندي كان فصلني من مجلس الشيوخ بتاعو دا بتكوني إتي السبب يا جي جيgap

gap

الليلة دي ليلة مبروكة و الله، يوم الإكتشافات الخطيرة
ماريل طلعت من (شعراء بلادي) يا رقاااالةgap
و كمان إكتشفت المصري التافه دا!!

[جيجي]

المشاركة الأصلية كتبت بواسطة عبدالله وداعه الامين

ياخ والله لقيت عندي كترة اسامي يا دبل جي
اريج وموزة وبطة وسمندل وعوض ودنقلاوي وايييييك انسي

كلو وارد ياخ

عليك الله في اجمل من انك تكون ناس كتار
اقصد انه توزع مشاعر ويكون عندك ناس محتفين بيها بالشكل دا
ياخ انا والله حدت ما بحتفي بي مشاعري بتمنى انه الناس كلها تحس بيها وتسرقها وتعتبرها حقتها لكن تقول شنو من عوراتهم
ههههههههههه
ياخ انا والله لو في محلكم اشكرهم كونوا انهم حسوا باحسايسكم جواهم

[ماريل]

المشاركة الأصلية كتبت بواسطة حجة امنة

يا عوبد

يا مان أعمل حسابك الزولة دي داخلة بي خطة (كديسة في نطاك)gap
أولاً شي طلعت شاعرة النوع البيقرا القصيدة مرة واحدة بعد كم شهر القصيدة بيطلعو بيها كولن

دي ما كانت مشكلتي الكبيرة، يا مان ماريل سنة 98 لمن كلاب الأمن كتلو ( محمد عبدالسلام) كانت بتقرا في الأساس!!gap
وااااي

يا عوبد 98 إنتا كنت خلاس وثقت علاقتك مع الملكة الام و بقيتو كدا( الاصبعين جنب بعض، حقة حديث الرسول) ،فضحتنا بي صلعتك ديgap

ماريلوف يأخي سعيدة أيما سعادة بهذا الكشف الجديد


كطع شك لي عودة

حجوج صحبتى (دى قشرة ليك وليست لى انا نأنى انا زاتى طلعت شاعرة زوجة شاعر)
اولا عايزة اصحح ليك معلومتيين يا (لفحن جرن انتى)98 كنت فى الثانوى والقصيدة ما
قريتا مرة وحدة وطلعو بيها الكولن.. زينوبة دى بالذات كانت(مشهورة زيك كده)فى مجمع
شمبات لكنى لقيتا شايتنها كولن بعد كذا سنين فى مجمع الوسط...ورثاء محمد عبد السلام
بعد قريتا لى ناس حزب الامة فى الركن حقهم اذكر الكادر الخطابى حقهم اسمو محمد
عبد الرسول الشهير بى (بيبيتو)جاء شالا منى وكم نفر كده برضو شالوها كانت صغيرة
وليدة اللحظة فاعجب بيها جمهور غفير (انا زاتى كنت صغيرة ومعجب بى جمهور غفير)
المهم يا صحبتى انا شكلى ماشه فوق درب الشهرة عليه تعالى اتصورى معاى وكده قبل
ما افترى واتعنطز عليك يا (سحبتى) بعدين انا متفوقة عليك يا حجوج انتى بتكتبى شعر
فقط لكن انا بكتب وبكتبو فوقى

[عبدالله وداعه الامين]

المشاركة الأصلية كتبت بواسطة ماريل

حجوج صحبتى (دى قشرة ليك وليست لى انا نأنى انا زاتى طلعت شاعرة زوجة شاعر)
اولا عايزة اصحح ليك معلومتيين يا (لفحن جرن انتى)98 كنت فى الثانوى والقصيدة ما
قريتا مرة وحدة وطلعو بيها الكولن.. زينوبة دى بالذات كانت(مشهورة زيك كده)فى مجمع
شمبات لكنى لقيتا شايتنها كولن بعد كذا سنين فى مجمع الوسط...ورثاء محمد عبد السلام
بعد قريتا لى ناس حزب الامة فى الركن حقهم اذكر الكادر الخطابى حقهم اسمو محمد
عبد الرسول الشهير بى (بيبيتو)جاء شالا منى وكم نفر كده برضو شالوها كانت صغيرة
وليدة اللحظة فاعجب بيها جمهور غفير (انا زاتى كنت صغيرة ومعجب بى جمهور غفير)
المهم يا صحبتى انا شكلى ماشه فوق درب الشهرة عليه تعالى اتصورى معاى وكده قبل
ما افترى واتعنطز عليك يا (سحبتى) بعدين انا متفوقة عليك يا حجوج انتى بتكتبى شعر
فقط لكن انا بكتب وبكتبو فوقى

هيييييي يكا

عجبني لي المرقوتgap

[عبدالله وداعه الامين]

المشاركة الأصلية كتبت بواسطة جيجي

عليك الله في اجمل من انك تكون ناس كتار
اقصد انه توزع مشاعر ويكون عندك ناس محتفين بيها بالشكل دا
ياخ انا والله حدت ما بحتفي بي مشاعري بتمنى انه الناس كلها تحس بيها وتسرقها وتعتبرها حقتها لكن تقول شنو من عوراتهم
ههههههههههه
ياخ انا والله لو في محلكم اشكرهم كونوا انهم حسوا باحسايسكم جواهم

يا وهم هسه هو الزعلان منو؟

انا زمان كنت بسك الحرامية ديل لي البيت وهسه بقيت عاقل
بقرا زيهم وبضحك وزي ما قلتي اهو بقينا مشهورين زي حاجة امنة وماريل

[حجة امنة]

خير خير يا ماريل شاعرة الكولن الصغيرة البيكتبو فيها المعجبين الشعر gapو عبدالله وداعة الشهير بي (أريج)

حسع انا من لقب (شعراء من بلادي) بقيت (المارقوت)
حقو الواحد يعمل مارقوت من الموضوع دا قبل ما القصة تتطور أكتر من كداgap

ماريل في حاجة فايته عليك يا صحبتي(الزول يلحق يجيه نفسو يا قول أسامة معاوية) يا مانة لاحظي حاجة مهمة، لمن قصيدتك دقوها في الكولن، طوالي بقيتي في نفس ذات السرج مع حميد رحمة الله عليه و عاطف خيري و هاكذا شعراء، برا عبدالله وداعة بلا آمنة بلا لمةgap

[جيجي]

المشاركة الأصلية كتبت بواسطة حجة امنة

الليلة الهندي كان فصلني من مجلس الشيوخ بتاعو دا بتكوني إتي السبب يا جي جيgap

gap

الليلة دي ليلة مبروكة و الله، يوم الإكتشافات الخطيرة
ماريل طلعت من (شعراء بلادي) يا رقاااالةgap
و كمان إكتشفت المصري التافه دا!!

معناتها حارفدك قريب
وترجع للكفالة القالت عليها البت المانصيحة امونة

انت مش المنتدى دا بقى اكتر حرية
ووعد الحر دين عليه
وتيييب

[scaptionoz]

المشاركة الأصلية كتبت بواسطة حجة امنة

دا قعاد النت الكتير، تلقاك كنت قاعد في الفيس بوك و جاتك دقسه gap

كدي بلاهي وري أخوانك و أخواتك ديل الحصل بالضبط شنو، عشان ما واحد فيهم تحصل عليو الحكاية دي، يعني الأعراض شنو؟!
بتكون قاعد فجاتنلي كدا بتفقد مشاعرك ولا الحكاية دي بتحصل بالتدريج!!!

بتكون قاعدة معاكا وهى مافيشة,,,, وتقعد تمسك اللوعة وترسم فى الريشة وتشوّف حتات ما شايفة لو كانت ناشفة او كانت عايفة...اها ما اطوّل علىّ, تقوم تمرق تووووووووووش لافحة توب المسكنة وحفيانة وتكركب باب الدهشة والمفتاح فى ايدة, واكيييييييييد عارفاك بالجد جد بتريدة, لكن بتسمع حس جاييك من بررررررررررررررررة زى التقول الحب من قلبك فرّ,,,وجُر جرة وارمى الهم بايظ وخرخر لممن يتلمو عليكا الناس زى هايص,,وتسمع من بعض جسارة ونص الباقى ياااخ كفارة,, وطفلة صغيرة لامع يوم بكرة فى ايدة تسال دغرررررررررررى:
سرقوك شنو؟!!!!
وتشوف كل الناس فيها حرامى
وزولتك لسسع تلكلك فى ديك الوكرة

عرفتى؟

[scaptionoz]

إنتو يا عبدوش وحاجة آمنة:
مش ممكن ناس تسرق ادب عشان تربى يتامى
او
مكرضمة فيها امانة وكايسة حجامة؟!
إمكن ياااااااخ

(شاعر تنزانى)

[عبدالله وداعه الامين]

المشاركة الأصلية كتبت بواسطة scaptionoz

إنتو يا عبدوش وحاجة آمنة:
مش ممكن ناس تسرق ادب عشان تربى يتامى
او
مكرضمة فيها امانة وكايسة حجامة؟!
إمكن ياااااااخ

(شاعر تنزانى)

تشعر بي مرض الجداد انت
تنزاك شنو وتنزاني شنو

ما هو نوعك انت دا الجنو لفحي
يلفح التمساح اللفح اشتر قول امين