الما عارف يقول عدس ..

[معتصم الطاهر]

[COLOR=sienna [/COLOR]


نكتب و تتعدد المفردات و الاقوال .. ( verses)
و تدخل بعفوية و بقصد فى كتابتنا
الكتابة تدلل بالأمثلة و الأقوال المتداولة و المنتشرة
و بدون مرجعية ..

وقفة لملاحظة ما نكتب
لحظة انتباه ..

ثم
أخص .. البكتبن بحسن نية و براءة ..

و لبعض الأخوان الذين يكتبون ببعض البراءة ..

فى أمثال و أقوال ترمى على عواهنها و يحتاج البعض للكزة حتى ينتبه ..

خاصة البكتبو بالعامية السودانية كتير ..

[معتصم الطاهر]

.

هذه الأمثال و الأقوال تدخل دائرة خدش الحياء العام

و بعضها خدش الحياة الخاصة ..


فاجتنبوها ما استطعن/م لذلك سبيلا ..

[معتصم الطاهر]

- الما عارف يقول عدس ..


- سمعت و لا قالوا ليك ..


- بالقالوا حمد ..


- أنا حمد .. أنا الكيك ..

و سنورد المحاذير تباعا ..

[سارة]

سلامات يا هندسة لك وللحلوين حولك كل المحبة
طبعا بكون اجمل لو الناس عرفت المعنى شنو
نُصَدِقك ولكن فقط لتطمئن قلوبنا
ممكن تشرح باكواد تقرب المعنى
عشان ما يكون فى اى خدوش

[جيجي]

المشاركة الأصلية كتبت بواسطة سارة

سلامات يا هندسة لك وللحلوين حولك كل المحبة
طبعا بكون اجمل لو الناس عرفت المعنى شنو
نُصَدِقك ولكن فقط لتطمئن قلوبنا
ممكن تشرح باكواد تقرب المعنى
عشان ما يكون فى اى خدوش

يعني جنس خدوش اليومين دي
انتو جلدكم دا رهيف كدا مالو

[معتصم الطاهر]

المشاركة الأصلية كتبت بواسطة سارة

سلامات يا هندسة لك وللحلوين حولك كل المحبة
طبعا بكون اجمل لو الناس عرفت المعنى شنو
نُصَدِقك ولكن فقط لتطمئن قلوبنا
ممكن تشرح باكواد تقرب المعنى
عشان ما يكون فى اى خدوش

يا سارة سلامات

علّ الاولاد بخير

الشرح بتطلب الروى

و الروي بجيب الكلام ..

نكتب و نمسح ..!!!

[ابرا]

يعني نويت

قشة ما تعتر ليك

[معتصم الطاهر]

المشاركة الأصلية كتبت بواسطة جيجي

يعني جنس خدوش اليومين دي
انتو جلدكم دا رهيف كدا مالو

المشاركة الأصلية كتبت بواسطة سارة

سلامات يا هندسة لك وللحلوين حولك كل المحبة
طبعا بكون اجمل لو الناس عرفت المعنى شنو
نُصَدِقك ولكن فقط لتطمئن قلوبنا
ممكن تشرح باكواد تقرب المعنى
عشان ما يكون فى اى خدوش

و عليكم السلام ..

مش أخير ..

[معتصم الطاهر]

المشاركة الأصلية كتبت بواسطة زول خرافي

يعني نويت

قشة ما تعتر ليك

بقت كتيرة قلنا نوقفها

خاصة أختنا التشوت ضفارى

[معتصم الطاهر]

سمعت و لا قالو ليك ..؟

جزار أعجبته امرأة فكان كلما اشترت منه زادها
إذا طلبت لحم بقر .. أعطاها من الجيد و زادها من السنكيت
واذا اشترت ضأن زادهاكبدة و فى نفسه شيء ..
يوم راجع من السلخانة وجد رجلا يقضى حاجته و رأى ( العدة) و لفت من معه .. ما شاء الله الراجل يشرف الرجال ..
فقالوا له " دا ما راجل فلانة . زبونتك المفضلة.. " ..
ياخ .. بالله
فلما حضرت .. وزن لها من الشخت و الجلافيط
فقالت له " انت مال الليلة .. بتبايعنى كدا .. سمعت ولا قالوا ليك ؟"
قال ليها " شوف عينى دى "

[معتصم الطاهر]

أها ..


نواصل ..

[معتصم الطاهر]

بالله


و رجاء


ابعدوا من كلمة




ماســـــــورة ..


.

[مهند الخطيب]

ياباش كيفنك ؟

باقي لي الفضل من الحكايا دي هو الدلالة أكتر من الحدث ...

يعني "بالقالو حمد" بقت تعني العجز وقلة الحيلة أكتر مما بتشير الى قصة حمد الروّاسي ...
وللا كيف ؟

عمنا شوقي كان عنده بوست اسمه شيل القفة ، بيحكي فيه الحكاية والدلالة ....؟

الناس بتهمها دلالة اللغة أكتر من مرجعية اللفظ باقي لي ..

[فيصل سعد]

سلامات يا باش و بالله شوف لينا معاك التعبير دا :
"حلو انت و مسيخ السكر"

احتمال يكون من المحظورات
برضو .. و الله يسلم النيات ..

[جيجي]

المشاركة الأصلية كتبت بواسطة مهند الخطيب

الناس بتهمها دلالة اللغة أكتر من مرجعية اللفظ باقي لي ..