منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار مسلسل (زول تانى جدا ) هدية للاخ ناصر يوسف اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 2 من 4 < 1 2 3 > Last » أدوات الموضوع انواع عرض الموضوع 06-02-2013, 05:48 PM #[16] محمد عبد الله حرسم :: كــاتب نشــط:: وبعد الدعايات جمال تظهر من بعيد وسط جبال ورهاب وبعض شجيرات متفرقة ادروب يتلبد وفى يده عصاية فى شكل قوس ومن شجرة الى اخرى ومرة بعد مرة يخرج الخلال من راسه ثم يعيده ويتضح انه يتابع ارنب يجرى خلف الارنب ثم يرمى العصاية بطريقة معروفة عند اهل ادروب الارنب جارى والعصاية فى الهواء وادروب اعرج عينيه فى العصاية مرة وفى الارنب مرة ويحرك جسده لليمين مرة ولليسار مرة ثم صورة قطار داخل الى المحطة من بعيد القطار يهدىء سرعته وآدم يهدىء سرعته القطار يستلم التابلت وآدم جزلا الارنب فى قبضته يغنى اغنية هدندوية والى اللقاء غدا محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 06-02-2013, 05:51 PM #[17] محمد عبد الله حرسم :: كــاتب نشــط:: بدون شعار المسلسل ........... بدون دعايات ............ موسيقة حزينة..............ودقات قلب زى بتاعة العمليات .......... بدأ ينهار .......... وتنهار دواخله ............ وبدأ صباح آخر ... ودخل بحث جديد ودوامة خرب ... اوغاب نهار آخر وجاء ليل آخر وعذاب آخر وليس سوى نجاة ............ ويلا ننزل موسيقى الشعار ... الكاميرا تدور ........ المكان : المستشفى الزمان :الصباح الامرد وكان الطقس جميلا ...... آدم فى سيارته ............ المسجل يغنى : فى الليلة ديك لا هان على ارضى واسامحك .......... وهو يدندن فى حالة تفكير ....... من الغلطان فيهم .... هى تبحث عنه لكن ظروفها اجبرتها على الزواج من غيره ...... هو يبحث عنها لكنه لم يستطع ان يفعل شىء...... عاجزون امام ظروفنا .......... الم يكن من الممكن ان يدخل اليها ويخطفها من بين الجميع ويهرب بها الى اى مكان ...... ويقول فى نفسه : الفى البر عوام ........ وبين هو كذلك اذا بالليموزين يقف ....... هى تنزل ........ انها هى ......... هى ..... نزل من سيارته ....... جرى اليها . .. كأنه قج نسى شيئا ما معها ......... فوجئت تماما بشخص يسلم عليها سلاما حارا ....... هى حتى لا تتذكر اين رات هذا الوجه ........ حمل عنها الكرسى المتحرك .......وهى فى حالة ذهول ....... فتح الكرسى ...... وفتح لأبيها الباب ... ومد يده يساعده ... لم يرفض الأب سلامه الحار ....... ولا حرارته .....كانه يعرف هذا الوجه .... كأنه رآه من قبل ...هل يسأله الآن .... يتردد قليلا ثم يقرر ان يؤجل السؤال لوقت آخر .... حاولت ان تجر منه الكرس التحرك ... يرفض فى حركة حاسمة .... يبتسم لها ابوها .... تترك له الكرسى .......... يقود الكرسى وطوال هذه الفترة لم يتوقف فمه من السلام والتحية ........ والأمانى بالشفاء ....... دخلو الى المستشفى ....... ذهب بهم الى عيادة الطبيب .......... واخذ النمرة ............ وعاد اليهم واعطاه الرقم ...... وفجأة سأله الاب : يا ولدى ما عرفتك ؟ = والله يا عمى الحقيقة انت ما حتعرفنى ...... - ما حأعرفك كمان كيفن ؟ انت القاعد تعملو دا ما عملتة زول ما بعرفو . =والله يا عمى ب.....( يتردد .... ثم يتلعثم ... ويتصبب العرق من جسده ..ماذا يقول له ... كيف ولماذا اقتحم عليهم هكذا ... من يفعل هذا ...) والله يا عمى الحقيقة .... انا كنت هنا قبل اسبوع كدا ... وكنا قاعدين جنب بعض ....( اهو كدا ... الحقيقة وبس ... هى اقصر الطرق ..) وقعدنا نتونس. وبصراحة انا شفت فيك ريحة ابوى ... ابوى بشبهك ... والا انت بتشبهو ما بعرف ....فلما سألتك عنك اولاد قلت لى خلفتك كلها بنات فقررت اكون انا ولدك ... وعشان كدا ... كل انا كنت بجى هنا .... وانتو ما جيتو ... - اصلو نحن الدكتور ادانا مراجعة بعد اسبوع ... وقدر انا احاول اتذكر ما قدرت .. لكن يا ولدى على اى حال جزاك الله خير .... = ياعمى نحن فى غربة ولو ما ساعدنا بعض مافينا فايدة .... (الكاميرا داخل نجاة .... تحاول ان تبرر لهذا الشاب اقتحام حياتهم هكذا ... هى متعادلة تحاول ان تعاديه لكنها لم تستطع ..... = انت يا حاج بتك دى بتقرأ ..؟ - (بريبة ) لا ... ( الكاميرا تتجول داخل آدم ..... اول خطوة صاح ..بختك .... ياربى هى كمان حست بالانا حسيتو دا ؟... يحاول ان يختلس اليها النظر ... هذا البلدوزر الذى هز كيانه هكذا دون سابق انذار ..... اللممرضة تنادى الاب .... نجاة تستأذنه وتقود الكرسى لداخل العيادة ... هو ينتظر فى الخارج ..... تمر الدقائق بطيئة جدا عليه ... جواله يرن هو لا يسمع الا همسها لأبيها ... الا عطرها ... الا مشيتها ... الا عينيها ... دخلته هذه البنت بعنف .... لم يعى الا والاب يقول له : طيب يا ولدى ..جزالك عند الله خير ... قام بسرعة الصاروخ ولكزها واستلم الكرسى ... = يا ابوى انا قلت ليك انا ولدك الما ولدته .... لا يدع فرصة لا للاب ولا لها ........... يقود الكرسى لخارج العيادة ......... هى مستسلمة تمشى من خلفهم ....... حوار ما يدور بينه وبين والدها ............ يخرج ادم للصيدلية ويعود بسرعة ..... ثم الى الخارج ويقول لها : دقيقة اجيب السيارة من الموقف ... ونواصل محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 06-02-2013, 05:51 PM #[18] محمد عبد الله حرسم :: كــاتب نشــط:: وجرى مسرعا نحو سيارته ............. لم يحس ... كيف فتح الباب ولا كيف اوقف السيارة بقربها هى .... لا يرى الأب .... فقط هو يراها هى ............ وركب الجميع ......... وتحركت السيارة .......... وسؤال من هنا وسؤال من هناك ............... وضحكة من هنا وضحكة من هناك ............ كأنهم يعرفون بعضهم من سنين ................. لم يسأل عن مكان سكنهم ...... ولم يكلف احد ان يدل آدم مكان سكنهم ....... يلف الشوارع وهو فى قمة سعادته .......... وهى فى قمة تعجبها وتساؤلها ...... وهو .............. يحمد الله ان قيض له مثل هذا الشاب الطيب ........... والسيارة تسير ............وتلف ....... وتدور ............. الكاميرا ........ والناس الفى الشارع .... والبيوت ...... والزلط..... والشجر ... وعواميد الكهرباء ........ السيارات ...... واصوات صافرات السيارات يسمعها كأنها تغنى ............... ولم يدر بخلد احد ان يقول الى اين ذاهبون ........... والعربة تأخذ دورتها حول صينية المطار ............. وفجأة يصا الأب من غفوته ............. = يا ولدى ما كفاية كدا ؟ نحن ساكنين الرويس .......... - وين فى الرويس يا حاج ......... = جنب الدفاع المدنى ........ ( يا للهول .......... حين يوقف سيارته امام منزلها يكتشف ان المسافة التى تفصل بيتها عن بيته بيتين فقط ............ هى كانت بهذا القرب .... وهو فتش عنها كل الدنيا الا هذه المنطقة ........ = الأب يشير اليه يا ولدى اتفضل معانا ...... - لا شكرا ....... بجيكم بكرة الصباح ان شاء الله اوديك المستشفى .... = بكرة ما عندنا مواعيد ....... - خلاص بجى اشرب معاكم الشاى .... نجاة دى ما بتعرف تسوى شاى ..... ( هى تبتسم وتختلس النظر اليه فى حياء من يعرف معنى ايماءته ..... = يا ولدى ما دارين نكلف عليك ..... - تعرف يا حاج طلعنا جيران ... انا ساكن هنا البيت الرابع من هنا ...... = خلاص مرحب بيك تجى تشرب الشاى ....... خرج من شقتها ......... كل شىء حوله يغنى ... كان يحادثها ............ يكلمها .......... يتنفسها ......... هو الآن سكران بها .............. ترك سيارته قرب شقتها ........... وذهب على قدميه بعد ان ترك رقم جواله للأب .............لزوم لو احتاجو اى مساعدة ............... محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 06-02-2013, 05:52 PM #[19] محمد عبد الله حرسم :: كــاتب نشــط:: وبعد الشعار والذى منه .............. ( آدم متحمس ... وسعيد ..... اخذ دش بارد ..... ويقف امام المرآة والمشط فى يده ........ يصفر ..... ويغنى بصوت خفيف ... يعلو احيانا .... هو لم يكن يحس بأغانى عثمان حسين ... لكنه اليوم يحس لها بطعم خاص .........يا ربيع الدنيا ... فى عينيا .. يانور قلبى ....والمشط يتحرك داخل شعره فى حركات بهلوانية ... ( الكاميرا فى مكان بعيد ............ والدة آدم ... جالسة وهى تقطع فى بصل وجارتها قاعدة جنبها ..... = هى ياختى ولدك دا ما داير يجى يعرس ؟ - والله ياختى على كيفو ..... فترت من كلامى معاهو ... يا ولد تعال عرس .. بت عمك مستنياك .... مافى فايدة ... = انتى ما خليتوهو يختار براهو ... عيال الزمن ديل ... يقولو ليك حب .. وما ادراك ما الحب ... تذكرى نحن زمنا ... الراجل ذاتو ما كنا بنشوفو الا فى غرفة النوم ... - ( تضحكان ) اوهو كان غرفة نوم ؟ ... الله يجازى محنك .. يالتومة ...ما كان برش ... وواطة .... هسة دخلو ليك اوضة وسرير دبل ... وحاجات بالشىء الفلانى ....بس انتى عارفة ... آدم جاهز من كلو ....بس هو الما داير ... وكل ما يجى نزرو يقوم يغشنا لامن يسافر ........... انا ا.. = لكين ياختى انتى دايرة بت اخوك واختك دايراهو لى بتها ... وعمو حالف طلاق .. وعمو التانى ... وهو مسكين يرضى منو ويخلى منو .... (الكاميرا فى غرفة آدم .......... بعد ان ربط حزامه وتأكد للمرة الالف من قشرته ... للمراية تانى ... اللون دا مناسب والا لا ... يخلع النظارة ويلبسها للمرة العاشرة .. حتقول عميان .... وحبة الشيب دا .. بسيطة .. نغطيهو بالصبغة .... اوه لكين هى ما شافتنى امبارح ... ياعمى .. خليها على ربك .... الواحد يتفنجر كدا وبعدين كلو يطلع على مافيش ..... بس انا عندى احساس قوى انو دى ...نجاة دى ..حقتى انا ... انا وبس ... لا زال فى فرحته ... لايحس بما فى الغرفة من اصدقاء .. واخيرا ينتبه ..وهم يصورونه بالفديو .......... وهو يطاردهم .... ( الكاميرا فى مكان امه ......... = عارفة يا التومة انا قلبى دا فرحان الليلة فرح ...... - ان شاء الله دايما .......... = وآدم دا دايما فى بالى ... هسه اول امبارح دى سهام بت اختى جات سألت منو ... وبراحة كدا قالت لى فى زول متقدم ليها ... تعمل شنو ... تقبلو والا .......... (الكاميرا مع آدم وهو يمشى نحو بين ناس نجاة ........ الشارع يرقص معه .......... يحاول ان يقلد نفسه .......... كيف سيسلم عليهم فردا فردا ... وعليها هى بالذات ..... كيف سيحادثهم ..... وكيف سيكلمها هى بالذات ............ كيف سيبدأ الموضوع ........... هو قرر ان يكون كلامه اليوم .............. خير البر عاجله ............... ولو قنا بكرة يمكن يجى زول تانى يخطفها ..... الليلة يعنى الليلة ............. طيب هو معقول الزول طوالى من الباب للطاق كدا .......... المواضيع الزى دى دايرة صبر ولازم هم يعرفوه كويس ........ يابوى انا حأتقدم وبعدين يعرفونى بى راحتهم ............. لا يحس الا ويده فى جرس باب الشقة ؟ الى اللقاء فى الحلقة القادمة محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 06-02-2013, 05:53 PM #[20] محمد عبد الله حرسم :: كــاتب نشــط:: الكاميرا فى الدعايات ....... ( شمارات الدرب العديل ............شمارات جمييرا .......... شمارات الركن الجديد ............ شمارات الدواسة ......وشمارات الوعد المفترى ......... دكاكين فى سوق الشمارجية الجديد .........قبل ما تطلع الكبرى الجديد .... لا توجد محلات فاضية ..........لا تدع الفرصة تفوتك .......اكبر الشمارات فى الوطن العربى والسوق الافرنجى .......فقط ادفع تذكرة واحدة .... دخول ولن تخرج ...........لا تجيب معاك سعوط لانو لايوجد مكان لتف السفة ...... بلع ساااااااااااااكت .......... اذن نلتقى مع باقى الحلقة مع تحيات شماركس للابداع الالفولى ويلا ندق المزيكا و ننزل الشعار ( دعايات ............... فرقة شماريكستقدم حفلة راس السنة .. على خشبة نادى الضباط .... لا تدعو الفرصة تفوتكم ..... الفنانة شماريكا .. الفنان شمارون .... والعازف الماهر على الكلمات شامرون .............. (موسيقة الشعار ....اخراج............................ آدم يده فى جرس الباب ............. من الداخل مين..................... انا ................................ صوت الباب يفتح ......................... ( الكاميرا فى مكان آخر ............... زينب ( ام آدم ) .... وهى لا زالت فى جلستها مع جارتها ............. = كى النقوم نشر اللحمة دى يا بت امى ....... - لكين ما تميتى لى الحكاية ........... = والله يا التومة نحن قصتنا دى ما بتنتهى ............. زى حجوة ام ضبيبنة نقول تور يقولو احلبوه ... الولد نقولو عرس ويقول ليك لسه ما جاهز ... لامن اتم البيت واحججكم .... واهو ذاتو هسه لو الولد وافق يعرس منو فى ديل الكتار ديل ....تعرفى يا التومة عديتم اول امبارح وانا قاعدة كدى براى لقيتم ليكى يا زولة يمكن اكان خمسين اكان عشرين ما عارفة .... - الولد يا زينب -عينى باردة عينى باردة - ما بتحب ... اكان للسماحة يايابا مكملها ... واكان للقروش .... = هى يا التومة قولى ما شاء الله ... - اجى يا زينب ... ما قت ما شاء الله ... اجى دار اسحرو ليكى .. هو ما سحروه بنات اهلو الكتار ديل ... = والله اقوليكى حاجة والله انا عندى شك ... انو الولد عاملين ليهو حاجة .. انتى عارفة جاب معاهو الشيلة مرتين ...ووزعها ..... دا بسمو شنو ؟؟؟؟؟؟؟ - اسمعى ما نمشى لى الفى اب تلفزيون دا ..... والله قال ليكى يجيب ليكى الزول من اضانو ..... فى الطشت ... تشوفو عيانا بيانا ...... = والله ياختى يمكن نمشى ليهو بس ما هسة ..............النعلق الشروط دا واجيكى .... ( سحر داخلة بسرعة وهى تبكى .......... " خالتى ... يا خالتى ... انتو مالكم مع بعض ..... = سحر ... ازيك .. حبابك ...مالك ؟ " انا والله غير آدم ما دايرة ... ووالله انتحر ....... وامى تقولى لو دايرو تموتى ما حتزوجى آدم دا ... اقوليها ليه؟ تقولى فى مشاكل بينكم من زمان ... = يا بتى مشاكل شنو .. الله لا جاب المشاكل .. امك دى ... دايما تكبر الحاجات الما ليها داعى ...... " والله يا خالتى بقينا ما قادرين حتى نقرأ ... انا وآدم ..... = خلاص يا بتى ... كل شىء لامن يجى وكتو حلو .......... " امبارح كنت عندى ناس عمتى سكينة ... مخصوص تطعنى بالكلام ... وتقول قدامى آدم متقدم لى رازان بتها ... وكمان بى فشخرة تقولى وكية فى المابينا ............ = شوفى يابتى ... سكينة دى ما ليها حق ....آدم دا ذاتو لى هسه ما قال حاجة .... يا بتى اكان لى انا ... انا غيرك انتى ما داير .. انتى الوحيدة من بنات اخوى وابنات اخواتى البتسألى ... والوحيدة البتجى وتساعدينى فى البيت ... انتى يا سحر لو ختوكى فى الجرح يبرا ..... ( الكامير فى وجه التومة وهى تمصمص شفايفها فى حركة ازدراء ...... تنتقل الكاميرا فى الرويس .......... آدم داخلا بفرح ... تقوده اخت نجاة الصغيرة ........... يسمع صوت الاب من الداخل مرحبا به ............ = اهلا اهلا ..... اتفضل ياولدى .... انا مبسوط منك ... الشهامة دى الزمن دا انعدمت ... والمروة راحت ........ - الله يخليك .... = يا بت ... نجاة .... دا آدم ......... ( عيناه فى الباب ........ يسبقنا الشوق قبل العينين ......... ( وهى داخلة .......... + السلام عليكم ....... ( يقف على حيلو ........ - وعليكم السلام ورحمة الله تعالى وبركاته .....( وهو يمسك بيدها .... + كيف اصبحت .... امبارح شكلك زى الكنت عيان ..... - يا سلام عليكى ... والله ملاحظتك فى محلها ... شوف الناس البتفهم ...شوف الاحساس ... بس الحمد لله ... هسه كويس ... يمكن ملاريا .. = ياولدى فى زول عندنا ما عندو ملاريا .... بس ما تخلى دمك يضعف ... دايما اكل كويس ..... - آكل كويس بى وين ؟ .. ياحاج وانت عارف البلد دى كويس .... اكل العزابة دا كمان اكل ... = انت قاعد عزابى .... وما متزوج لى هسه ؟؟؟؟؟؟؟ - والله يا حاج ما كنت لاقى الزولة البفتش عليها ........ = يا ولدى بنات حواء راقدات .............يا نجاة قومى جيبى الشاى .... 0 0 0 0ونلتقى محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 06-02-2013, 05:54 PM #[21] محمد عبد الله حرسم :: كــاتب نشــط:: ( لماذا فى هذه اللحظة ... بالذات .... دعنى اقولها امامها وامام الدنيا كلها ... انها هى التى وجدتها ....... = ما لقيت من بنات اهلك ؟؟؟ - والله يا حاج .....بنات اهلى كتار ... لكين النفس ما بالكترة ... الزواج دا بالذات الحاجة الما فيها مجاملة ............لازم الواحد يلقى البيت اليناسبو .. وبعدين يشوف التربية ..... والادب ..... والفهم ........ والمسئولية ........ = ( يضحك ) والله يا ولدى ما عندك عوجة .... لكين اقوليك حاجة ... فتش بتلقى ان شاء الله ......... ( نجاة داخلة) الشاى ............. - تسلم الايادى ...... + شكرا ليكا ......السكر كيف ........ - لسه بدرى علينا ..... معلقتين تلاتة ... مش مشكلة .... ( صمت الا من صوت المعلقة والكباية فى حوار صاخب ........ = يا ولدى شغال وين ؟ - محاسب فى الاقمشة النسائية .......ووضعى مويس الحمد لله ... مرتب ...وبدل سكن ...وسيارة ... وبدل علاج ...وبدل اجازة .... = (يضحك )يا ولدى قت ليك قم لى عرضحال ؟؟؟؟؟؟؟؟ ( وهم يضحكون ويتناولون ما لذ وطاب ...... وعيونه تكلمها ........... والارتجافة الخفيفة الحفيفة تسرى فى يديه ووجدانه ............ 0 0 0 0 0ونلتقى . محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 07-02-2013, 05:55 PM #[22] محمد عبد الله حرسم :: كــاتب نشــط:: ويلا دقينا المزيكا ............... وشعار المسلسل ................. دعاية ... جنى الفار ...حفار ..... وابن الوز عوام ....ههههها .. لو لقى بحر ...... لا تدع اولادك قرب الترعة ... عشان البلهارسيا فى جتتهم ما ترعى ....... ( الكاميرا مع زينب ........... وزينب هند الفكى اب تلفزيون .............. ف: ولدك دا يا حاجة زينب مامول ليهو امل ... والامل دا ما بطلع بى ساهل شوفى نحن سأبين ... ايو حاجة نقدر نحلو ...شوفى ... شوفى ... هنا فى شنو ؟ تعرفى شخس دا ... شوقتو قبال كدا.... زينب : لالا يا حاج ...لكين متل التكنى بعرفو .... ف: شوفى روحى بيت حقكم .. جيبو قطعة من قميس والا فنلة ...بتاع ولد حقك .... وبعدين جيبو ... من العتار .. ودنقدا ربع كيلو ... ومنقافودا ربع كيلو ... وخشموقتدا ربع كيلو ... واتنين حبة ريش نعام ... وسبعة حبة . حصى تمر .... وتعالى ... الليلة شنو ,.. ( يفكر قليلا ) تعالى بعد اسبوع . زينب : سمح يا حاج .. سمح يا شيخنا .. خرجت وهى تفكر فى هذه الطلبات ... وان ابنها ممكون وصابر .......... ( الكاميرا فى بيت الاب فى الرويس .......... ضحك وقرقراب ...... والحالة واحدة وآدم اتوهط فلى القعدة ... يعنى قاعد بى راحتو ..والاب مبسوط من آدم وخفة دمو ... ونجاة تضحك وتدخل وتمرق .. وحكى تاريخ حياتو ... كان اسعد الناس ...... (الكاميرا فى بيت العزابة .... = والله الزول دا ما براهو .... - اقوليك طول الليل وهو نايم ما خلى ليهو ضحك حايم ....... = انت عارف الزول ليهو اسبوع كدا متغير ... - ياخى دا كان زى الساعة ... من البيت للشغل ومن الشغل للبيت .. حتى التلفزيون دا ما ما قاعد يتفرجو معانا ....وفجأة بقى يسمع معانا نانسى عجرم .. نوال الزغبى .... وجواهر .... =لا والعجيب برقص معاهم ... - اول امبارح بصحهيو لى صلاة الصبح ابى يقوم كلو كلو .... التقول قاعدين فوقو شياطين الحلة كلهم .... ( الكاميرا فى بيت ناس سحر ..... سحر : ياامى والله انا ما لى دعوة بى بالمشاكل البيناتكم ... انا دايرة آدم دا وبعرسو يعنى بعرسو .... == هو غصب ؟.. يا بتى وكتين كنتو صغار ... انتى ما بتعرفى حاجة ... ابوكى دا هو الربا آدم دا ... هو الدفع ليهو وكساهو وعلمو لامن كمل تعليمو ... اهه كمل بى هنا واغترب بى هنا ... هسه بس مما سافر يا بتى شفنا منو حاجة ... لا ابيض ولا احمر .... سحر : ودا يعنى شنو يا امى .. انا مالى ومال دا ... يمكن ظروفو .. ودا دخلو شنو بالانا فيهو دا ... لا انتو تمشو لى ناس خالتو زينب ... ولا ناس عبد الحميد بيخشو عنكم ... وناس حسنين عاملين فيها خلاص ... ما شفت فى حياتى اسرة زى كدا ... انتو مش مارقين من بطن واحدة .... === نسوى شنو يا بتى ... البطن بطرانة .... الشيطان دخل بيناتنا ...... سحر : كل واحد فيكم اسألو يقول لى الشيطان ... الشيطان ... ومافى واحد داير يقولى كلام منطقى ... نحن ناس لا بينا ارض ولا قصور ولا دهب .. يعنى مافى زول وارث .... ولا فى زول اغنى من زول .. === ها يا الغبيانة ما شايفة زينب اتفلهمت فينا كيفن بعد ولدها اغترب .. ( الكاميرا فى باب الشارع .. آدم يودع فى ناس نجاة وابوها .... الاب : والله يا ولدى ضحكنا جنس ضحك ... الله يجازيك خير ... 0 0 0 ننتقل الان انقل اذان وشائر صلاة العشاء ... فالى هناك ........... محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 07-02-2013, 05:58 PM #[23] محمد عبد الله حرسم :: كــاتب نشــط:: صورة قرية مع مغرب شمس وضؤ باهت من رتينة واصوات كلاب واغنان وهدؤ وامام الدكان كم من الناس على رمال امام الدكان كلهم على الارض الا هو شيخ مجذوب على فرشة خاصة كانها مصلاية وفى يده عصاية وهو يحدث الناس ربنا خلق الملائكة من نور ....... وخلق الشياطين من نار ...... وآدم من تراب .......... وحواء من ضلع آدم ............ قال للشيطان اسجد لادم فأبى ...واستحق اللعنة ............. وقال لآدم لا تأكل من تلكم الشجرة .......... بعد المؤامرة اكل منها هو و حواء ........ اخرجوهم من الجنة ............جميعا.......... انزلوهم الى الارض ( بعضكم لبعض عدو ) ............ الثلاثة ............. فنحاول نتأمل ......... سبب النزول الى الارض ..........والخروج من الجنة ........ جلست افكر ذات مرة لاعرف سبب وجودى وعبادتى ولماذا يكرهنى الشيطان كل هذا الكره ........... توصلت الى معادلة ربما تكون صحيحة وربما تكون .............. ارجو الله ان تكون صحيحة ........ ان هذه المعركة معركة مصيرية ............ولذا تتعدد فيها التحالفات وتتغير حسب جريان مجريات المعركة ........ اذا تحالفت حواء والشيطان ..........ضد آدم ...فأنه يتعب . واذا تحالف آدم مع الشيطان ..... ضد حواء .. فأنها تتعب ...... واذا تحالف الشيطان مع الشيطان ... ضد آدم وحواء .......فأنهما يتعبان . اما اذا تحالف آدم وحواء ضد الشيطان .......فان الشيطان مهزوم ....... محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 07-02-2013, 06:23 PM #[24] محمد عبد الله حرسم :: كــاتب نشــط:: ومداخلات عدة من الحاضرين واسئلة ساذجة ات يا شيخ مجذوب الحمار دا صحى بيشوف الشيطان بسم الله الرحمن الرحيم شيخ مجذوب بكل ثقة ايوا اها والشيطان دا سبب البلاوى كلها اول حاجة علم الناس التكبر الحسد والتكبر: من أول الامراض التي وجدت اذ ان الشيطان ابليس عليه لعنة الله، حسد سيدنا آدم عليه السلام عندما سجدت له الملائكة وتكبر عندما قال لله تعالي:- خلقتني من نار وخلقته من طين.... واذا لاحظنا ان الانسان اذا غضب وتوضأ فانه يهدأ لان الغضب من الشيطان الذي خلق من نار والماء يطفئ النار اما الطين الذي خلقنا من (طين لاذب) فان الماء يجعلة صلباً من الاختراقات الشيطانية ولله الحمد من قبل ومن بعد. ود الفكى: لكن يا شيخ مجذوب اولاد نفيسة د\يل مالم ما دايرين يتفقو شيخ مجذوب: بيتفقو باذن الله اكرمة : هههه والله يا شيخ مجذوب الاولاد نفيسة ديل لو اتفقو القيامة بتقوم ههههههههه ات عارف يا شيخ وحاة ربى فى زول قال لى نفيسة دى ولدت جوز جوز اها ادوها ليك عين لامن كل جوز بقو شرق غرب اها وين يتلمو شيخ مجذوب: ههههه لالالالا بيتفقو خلاص قربووووووووووووو جانى ود ابراهيم امس وقال لى راضى بى حكمى الماكان راضى بيهو ود الفكى: اها اكان ما مرتو ضغطت عليهو شيخ مجذوب: ات يا ودالفكى خباركسب الناس فى حالها وكت الله هداهو مالك تحفر وننزل شعار المسلسل ............... دعايات : ( فحم دات مالو ........... ودور بينا البلد داك ........... ما دايرين بنزين ........... فحم دا مالو ..........الفحم الاسود يعطيك ما تشاء وكيف تشاء وحين تشاء ......الله عليك يا فحم يا....مولع . وبيده جواله يرد على التلفون ....... = آلو ..........منو معاى..........حنان ؟ حنان منو؟....ما عرفتك ؟ ....لا بالجد .... وعدتك ؟ ....بى شنو ...هوى يا بت انتى ما نصيحة .....لا بالجد بالله ......حنان منو ......... والله ما عرفتك ؟ .......جامعة ؟ ...ياتو جامعة ........ يعنى هسه انتى ضاربة من السودان عشان تقولى لى حنان .... طيب ....آ......ها ....ودايرة شنو يا حنان يا صاحبتى ....... حنان : فى واحدة صاحبتى حتضرب ليك فى الموبايل بتاعك دا ....وحتفهمك كل حاجة ..... = تفهمنى شنو ..... حنان : بالله عليك الله ما عرفتنى يا جبان ..... والحب داك كلو طلع فشوش .......والله انتو يا رجال .......برى منكم .....برى . ويقفل الجوال بحركة هستيرية .......ومنفعلة ....... حنان ؟...حنان مين ؟ وبتقول فى شنو ؟ وليه ؟ وعرفت رقم تلفونى من وين ؟ وجامعة شنو ؟ هو يعرف انه فى الآونة الاخيرة اصبحت ذاكرته اضعف ...فهمو احيانا حين تتحدث معه يحاول ان يركز معك ليلملم اطراف الحوار وحين تفوته بعض المعانى يسكت لانه لا يعرف بماذا يجيب فيتهمه البعض بالغرور ...والبعض بالتكبر....ولكن لانه فقط ينسى لا يهتم الا فى لحظة تذكره للشىء ....يهتم يغتم ...ويزعل ....ولكنه بعد لحظات ينسى كل شىء ويمارس حياته العادية دون حتى ان يكلف نفسه عناء السؤال ............ الكاميرا فى بيت ناس نجاة ..... نجاة وابوها قاعدين يتونسو ...... = والله شوفى الولد عجنى بالجد ..... يعنى حتى دخلتو علينا ...(وهو يضحك) .... تذكرى جا وطوالى ختف من يدك الكرسى .... :: والله يا ابوى لامن خلعنى ..... = بالله رأيك شنو فى الحركة دى .....ما عجبتك ...... :: انت داير الجد ......(وتسكت ...) .....ما عرفت ساعتها حتى افكر .....دا منو زعاوز شنو .. بس الراجل داير يساعد .....لكين ليه ؟ = فى الاول بينى وبينك انا افتكرتها شهامة سودانيين .....لكين :: انا كمان ...... = والله انتى من الاول عرفتى ...... يا ابوى ما تحلف ..... = يا بت ..... علينا الحركات دى .... :: يا ابوى ما انت عارف قصة الزاكى ..... = الزاكى كمان نو جنب آدم .... آدم دا ولد فلتة....وقصة الزاكى دى انتهت......يحلم .....انو يلمس شعرة من منك ..... :: يا ابوى...... = هى كلمة واحدة الزاكى دا انسيهو ........... 0 0 0 0 ونلتقى محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 09-02-2013, 05:54 PM #[25] محمد عبد الله حرسم :: كــاتب نشــط:: وننزل الشعار 000000 ( شربات الهنا 0000يقوللك انا هنا 00000 شربات الهنا 000لا تدع الفرصة تفوتك 0000انت من هنا وهى شربات الهنا 0000شربة واحدة تكفيك وتقيك00000 الكاميرا فى تسيامتى 00000 محطة خلوية 000تسمى بلغة السكة الحديد سندة 00000 عبد الاله مكفهر الوجه 0000 عمى عثمان يبحث عنه 0000حتى يجده مكوم بين عشرة احجار 0000 مكفهر الوجه عابث 000 تقرأ فى وجهه الالاف العبارات 0000 عمى عثمان يجرى عليه يضمه عليه بقوة ثم يأخذه معه الى القطية بالمحطة 0000 حمى عبد الاله مرتفعة 0000 يحاول عمى عثمان ان يستنطقه 0000عبثا يحاول 0000لا يستطيع ان يتحدث 0000ولا يتكلم 0000 ادروب داخلا 0000عمى عثمان بالله الساعة كم ؟؟؟ وحين يرى منظر عبد الاله 000عمى عثمان الزول دا مالو 000 اعوز بالله 000هو ليه يعمل كدا 000 عمى عثمان : ادروب بطل الكلام الكتير وجيب كوز موية 0000 ادروب : حاضر 000بس الحسل شنو 0000 ( وهو يحضر كوز الماء خاليا ) يمكن الشيطان يكون ضرب 000انا كلمنا مية مرة الخلا ما تمشى براك 000الشيطانين كتير 0000 عمى عثمان : ادروب وين الموية 0000 ادروب : فى الكوز 0000مافى ؟( يختف الكوز ويجرى يحضر الماء ) خد 0000 عمى عثمان دحين نسوى شنو 0000الشيخ نجيب 000علاج يديهو 0000لازم 000 والله يمكن الشيطان ضرب 0000 اعوزو بالله 0000 عمى عثمان يحاول ان يسقى عبد الاله 0000ويساعده ادروب 0000يشرب عبد الاله قليلا 0000وعمى عثمان بباقى الماء يغسل له وجهه 00000 وهم فى تلك الحالة 00000يسمع صوت صافرة ديزل 0000 يترك عبد الالع مع ادروب 000ويخرج لتقديم التابلت 000وهى علامة تعطى للسائق بان الخط خالى 0000ليسلمها للمحطة التالية 000000 ودخل عمى عثمان بسرعة الى مكان المحولجى وغير الخطوط 00العمل الذى كان يقوم به عبد الاله 0000ثم دخل الى مكتبه ليعمل اشارة تلغرافية للرئاسة بمرض عبد الاله 0000وبينما هو يتلقى الرد فاذا بالقطار يقف لانه لم يتلقى التابلت 0000ونزل السائق يستفسر 0000عمى عثمان خارجا من كشكه ليلاقى السائق ويسلم عليه ويحكى له بمرض عبد الاله 0000000000000000 يتعاونون معا السائق وعمى عثمان وادورب ويحملو عبد الاله الى العربة التى خلف الديزل حيث انها مخصصة فى عربات البضاعة لراحة السائق الثانى لينام فى غير ورديته 00000 سلم عمى عثمان التابلت مع الاشارة التلغرافية للسائق 00000 القطار يصفر ويتحرك 0000حاملا معه عبد الاله 00000 عمى عثمان زعلان 00000 ادروب 000 والله يمكن الشيطانين ضرب 000عمى عثمان ما نزعل 0000يبقى كويس 000اتن شاء الله يبقى كويس 000 عمى عثمان يحاول ان يتخيل صورة نجلاء هذه 00000 هل يمكن لامرأة ان تهدم انسان ؟؟؟؟؟؟؟؟؟؟؟؟؟؟؟؟؟؟ 0 وننزل الشعار 00000 شعار الدعايات 0000 ( بيوت للبيع 0000آكل اشرب بيت 0000سراير على كيفك 0000 لا تبخل على نفسك بالمنجهة 00000والاسعار فى متناول الجميع 000 بيوت من زبرجد 0000وناس عينة 00000 روان جالسة فى السرير 0000وفى يدها مجلة حواء 0000سحر داخلة من الخارج مجهدة 00000 سحر : زحمة وسخانة تهد الحيل روان " اتصلتى سحر :آى 0000 روان " يلا احكى لى 00اها قلتى ليهو شنو 00قال ليكى شنو 000 سحر : يا بت ما دقيقة خلينى آخد نفسى 000قومى جيبى لى موية 000 روان : طيب ما تحكى 0 سحر : اول قومى جيبى لى موية 0000 روان وهى تتطنطن تذهب الى الثلاجة وتحضر الجك كلو والكباية وهى مسرعة 000فى حالة شغف لتسمع القصة 0000فان سحر هذه تحب آدم حبا جنونيا 000ليلها ونهارها لا تسمع الا صوت آدم 000ولا يحلو لها الحديث الا عن آدم 000 روان : اها الموية 0000 خدى سحر : يا بت انتى اصلو ما حتتعلمى الزوق 000خد بتاعتك دى بتنرفز 000اتعلمى 000قولى اتفضلى 000دايما ما تعملى الخير وتضيهيهو 000بى خد بتاعتك دى 000زى الزهجانة من الواحد 000 روان : بطلى المحاضرة بتاعتك د\ى 000وبطلى البياخة 000عليكى الله احكى لى 0000 سحر : ما ضربت ليهو 0000 روان : لالالا احكى لى بالتفصيل الممل 000اول حاجة مما مرقتى من هنا 00000 ( وتبدأ سحر تحكى لاختها 000000 الكاميرا فى مكان آخر 000000 ادم خارجا من مكتبه 0000 وهو يمنى نفسه اليوم بكباية شاى مع كيكة من يد نجاة 0000 ضرب ليها تلفون قبيل وقالت ليهو الليلة عازماك شاى مغرب 0000 ما اجمل نجاة 000هى التى كنت ابحث عنها بكل تفاصيلها 00000 شابة تعرف كيف تحرك فيك كل شى 000من مشيتها 00من ضحكتها 000 من جلستها 000 ويدندن 0000بحبك احبك انا مجنونك 0000ثم يضحك 00هذا الشاعر يغنى للوطن 000ولكن لا بأس ان يغنى لها بقامة وطن 000هى هكذا 000نجاة نجاتى 0000 احها وحدى واونسها وحدى واتزوجها وحدى 0000هى ملكى 000انا 000بعثها الله لى نصفى 0000 يرن جواله 000 = آلو >انت آدم ؟ = ايوه 000مين معاى > السلام عليكم = وعليكم السلام > انا جاى من السودان قبل ساعة 000وناس امك كويسين 000ومرسلين ليك امانة معاى 000ضرورى تجى عشان تاخد الاماتنة دى 000عشان انا مسافر بعد ساعة 000 = اول حمد لله على السلامة 000واالله 0000 > امك قالت لى ضرورى وتسلمها ليهو فى يدو 00 = طيب انت وين دحين 000 ( واخذ منه الوصف وذهب اليه 00000 ترك نجاة تنتظر 000000 كيف هان عليه 0000ولكن لان الاختيار بينها وبين امه 00000 0 0 0 0 0ونلتقى محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 09-02-2013, 05:54 PM #[26] محمد عبد الله حرسم :: كــاتب نشــط:: حاجة زينب لافة فى سوق امدرمان تفتش فى حاجات اب تلفزيون ........... شيتن لقتو وشيتن عدم ............. المصيبة بقت فى ريش النعام ................ ويلا ندق المزيكا ......... وننزل شعار ................. ودعايات غير مدفوعة الاجر ................... ( وحلاتو صابون فونا .................. غسيل ما بعدو ............. ثم ( رشة ترشك ...تغسل وشك.... تاخد دشك ..... صابون سالى ورشا ........... ( الكاميرا فى سوق امدرمان .......... الزمان الفترة الصباحية ........... زينب لافة لامن كرعيها حفن ............ جلست والخوف بعينيها تتأمل فى الناس الماشة على الشارع التانى ......... سجمى ولدى راح .. لو ما لقيت ريش النعام ..... شاب مار فى الطريق : ازيك يا حجة .... اى خدمات .... زينب : بدور لى ريش نعام ......... الشاب : ممك.... ن ... (لكنه يسكت ) ثم ... ريش نعام ... يا حاجة دا تودى وين ... دايرة تزينى بيهو عربية ........... يا حاجة الا تمشى تسافرى ليهو .. زينب : وين يا ولدى ... دايراهو ضرورى ... متيمنة .. من الصباح وانا بكوس فوقو ... وما بقدر ارجع الا بيهو ..يا ولدى والامر ضرورى .. الشاب : غايتو انتى وحظك .. فى واحد هنت فى سوق امدرمان ببيع الحاجات دى ... يمكن القى عندو ....خليكى هنا ....بشوفو وارجع ليكى ........... (الكاميرا فى بيت ناس سحر ......... عيون الجميع فى التلفزيون ... مسلسل الساعة تمانية شغال قرف ... روان شقيقة سحر : شوفى عليكى الله الخاين دا .... سحر : يا بت دا تمثيل .... انتى الاندماج حقك دا ما بتخليهو ..... روان : ياختى المصريين ديل بخلوك تعيش معاهم بالجد بالجد ............ سحر : يعنى هسه انتى قايلة حنان ترك دى معرسة فاروقالفيشاوى ...يا بت لو كان كدا كان فاروق دا عرس الممثلات ديل كلهم ....... روان : خلينى من دا ... عملتى شنو الصباح ... مشيتى ضربتى ليهو فى الموبايل زى ما قتى ؟.... سحر : الخطوط مشغولة وزحمة شديدة ... وابت تجنع معاى .......... الكاميرا مع سواق تاكسى شايل زينب .............يبدو عليها الفرح .... مشت بالتاكسى قدام بيت ناس التومة ونزلت ........... 0 0 0 محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 10-02-2013, 06:12 AM #[27] ناصر يوسف :: كــاتب نشــط:: اقتباس: المشاركة الأصلية كتبت بواسطة محمد عبد الله حرسم شكرا صديقى الجميل حضورك وحماسك الانيق دا الفكرة بسيطة جدا لكنها معقدة فى ذات الوقت اربع اصدقاء تخرجوا من الجامعة واثر نقاش حاد بينهم عن ايهم الاهم فى الحياة تفرقوا [/COLOR][/I] شكراً يا حرسم شكراً يا صاحب التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 10-02-2013, 05:09 PM #[28] محمد عبد الله حرسم :: كــاتب نشــط:: شكرا حضورك متابع ؟ لو الحاجة دى ما ظبطت مافى مشكلة نقيف على طول الفن والحكى مافيهو مجاملة مش؟ اقتباس: المشاركة الأصلية كتبت بواسطة ناصر يوسف شكراً يا حرسم شكراً يا صاحب محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم 11-02-2013, 05:55 AM #[29] ناصر يوسف :: كــاتب نشــط:: اقتباس: المشاركة الأصلية كتبت بواسطة محمد عبد الله حرسم شكرا حضورك متابع ؟ لو الحاجة دى ما ظبطت مافى مشكلة نقيف على طول الفن والحكى مافيهو مجاملة مش؟ اقتباس: المشاركة الأصلية كتبت بواسطة ناصر يوسف شكراً يا حرسم شكراً يا صاحب يا حرسم يا صديقي الجميل ،،، قلنا ليك أكتب وحسب ،،، وبعد ما تنتهي نشوف إمكانية الشغل علي النص ده كيفنها ،،،، وزي ما قلت ليك مسألة شماعة الإمكانيات ونودي الشُغُل ده وين وشنو شنو ديك ،،، كلها أقوال كسولة علمونا ليها السبقونا بكامل الأسف واصل يا حبوب التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 12-02-2013, 04:01 PM #[30] محمد عبد الله حرسم :: كــاتب نشــط:: التومة : حباب زينب ... = حبابك يالتومة .. لكين هو جنس كسير .... ما جسمى دا مرضرض حنة حتة ...والله يالتومة فتشت ليكى السوق دا حتة حتة ....... التومة : بس ان شاء الله لقيتى ؟ = آىا الحمد لله ...بس يلا قبل ما آخد نفسى بى دربنا دا النقوم نمش للشيخ .. التومة: الننزل الحلة من فوق النار ونمش ......... ( الكاميرا فى جدة ......... آدم يغنى ويصفر .........واصبح يدخل ويمرق فى بيت ناس نجاة عادى ... ويشيل الراجل يوديهو المستشفى ويرجعو البيت ...صاحب العمل كم مرة نبهو فى التأخير ...لكين عشان هو شاطر فى شغلو كان بيسامحو ........ الساعة عشرة ليلا ............. آدم جالسا مع الاب : والله يا عمى انا طبعا عرفتكم وعرفتونى .. وانتو ناس طيبين .... وانا فى الحقيقة يا عمى كنت بفتش لى زمن فى ناس زيكم .. والحمد لله ربنا رزقنى بيكم ... وانا يا عمى لو لفيت الدنيا دى كلها ما حألقى ناس زيكم ... فيسرنى جدا انو اتقدم ليكم عشان اناسبكم ... فى بتكم نجاة .. ( كان العرق يتصبب منه .. من كل مكان فى جسمه حتى ينتهى من هذه الخطبة التى حاول ان يقولها اكثر من مرة ولكنه لم يستطع ..) الاب : (ولم يتفاجأ ) والله يا ولدى ... دا يشرفنا ... عرفناك ولد كويس ... وراجل حوبة .. وشفناك فى الشين وجربناك ياولدى ... لكين يا ولدى الحاجات دى ... طبعا ليها طرق ... آدم : بس انت قول لى موافق .... وانا مستعد لى اى طلبات . الاب : طلبات شنو يا ولدى .... بس الحكاية ابوك وامك عارفين .. هم اليجو يطلبو الطلب دا ... بس كمان بعدما اشاور البت .... آدم : شاورها ... بس عشان ارسل لى ناس امى اجيبها هنا ... وطبعا زى ما كلمتك ابوى ميت .... وانا مربينى خالى ... بعد موافقتكم انا برسل ليهم ...... (الكاميرا عند الشيخ اب تلفزيون ............... "" او او او الولد دا تعبان ...تعبان .. شديد ... (البخور شغال ..والشيخ يصيح ) وننا كباشى يا ولى .... شوفى شوفى دا فى شنو هنا ... قبور ...اوه اوه ...شوفى موية كتير ماشى ... شخارم بخارم يصبح وشك وارم ........شوفى شدرة دا ... بس هو تحتو .... والاوالا .... هو شربو كمان ... لازم ... بخور ... ولازم انتا تمشى هناك تحت الشدرة تجيب خيط ... نقومو نمشو ... نركبو تاكسى سوا .. قومو قومو .... قبل ما يروحو بيهو مكان تانى .... ( يخرجون بسرعة ... يركبون تاكسى على حساب زينب .......والى منطقة قرب النيل واستخرجو من تحت شجرة خيط مطوى ومربط ........ثم يركبون التاكسى ويعودون .... ويخرج لها من الداخل بخور وحجاب ........ شوفى لازم بخور هذا بالليل بعد الناس ما كلو ينوم ... يولع براهو مافى زول معاهو فى الاوضة ....مدة سبعة يوم .. ويعلق الحجاب دا فى بطنو ويربطو .. وبعدين يجى هنا ........ وكلو بيروح ...بيروح ..... 0 0 0 0 محمد عبد الله حرسم مشاهدة ملفه الشخصي إرسال رسالة خاصة إلى محمد عبد الله حرسم البحث عن المشاركات التي كتبها محمد عبد الله حرسم صفحة 2 من 4 < 1 2 3 > Last » تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 04:36 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
