صكوك الغفران ومحاكم التفتيش

[رأفت ميلاد]

الحديث لكل حراس الدين والمشركين فى عبادة الله الصحابة والأئمة والمفتيين

[رأفت ميلاد]

أليس هو ما يحدث الآن ؟؟

[أميرى]

المشاركة الأصلية كتبت بواسطة رأفت ميلاد

الحديث لكل حراس الدين والمشركين فى عبادة الله الصحابة والأئمة والمفتيين

المفتيين يا رأفت
ولا المفتون
ولا المفتين بي يا وحيدة أبوها و أمها؟

إحتياط كدة انا في الضفة البهنااااك

ثم إنو المايك معاك يلا غني والسهره ضباحي

...
إتوا سودانيات دي مالها بقت كلها دين دين كده

..
عنهم
مسلم من مناذلهم و كدا

...
يحيي السماوي يقول ما بالنا كلما اقتربنا من الله كلما ابتعدنا عن الوطن

جست لوك فرونت أوف

[مبر محمود]

المشاركة الأصلية كتبت بواسطة أميرى

إتوا سودانيات دي مالها بقت كلها دين دين كده

الرئيس المكسيكي بروفيرو دياز قال: "مسكينة هي المكسيك! لبعدها من الله، ولقربها من الولايات المتحدة الأمريكية"!

[أميرى]

المشاركة الأصلية كتبت بواسطة مبر محمود

الرئيس المكسيكي بروفيرو دياز قال: "مسكينة هي المكسيك! لبعدها من الله، ولقربها من الولايات المتحدة الأمريكية"!

أظنها ستكون دورته الرئاسية الأخيرة إذن

و قود بلس يو إس أي

...
هذه مقولة عظيمة يا مبر
غض النظر أي إله يقصد

[رأفت ميلاد]

المشاركة الأصلية كتبت بواسطة أميرى

ثم إنو المايك معاك يلا غني والسهره ضباحي

يا أميرى الكلام كمل .. كلو الأمثلة قلناها بليون مرة .. ده آخر الكلام
البفقع المرارة ناس صكوك الغفران ومحاكم التفتيش هم ذاتم البغنوا بصكوك الغفران ومحاكم التفتيش

المشاركة الأصلية كتبت بواسطة أميرى

إتوا سودانيات دي مالها بقت كلها دين دين كده

المصيبة كان الكلام بقى فى الدين مالو .. الكلام كلو سب دين .. بقت أركان ومعركة أنتزاع سلطة

[رأفت ميلاد]

المشاركة الأصلية كتبت بواسطة مبر محمود

الرئيس المكسيكي بروفيرو دياز قال: "مسكينة هي المكسيك! لبعدها من الله، ولقربها من الولايات المتحدة الأمريكية"!

كلام حكيم .. لكن قربهم هم بالحدود .. نحن مسلمين أمرنا ملط

[جيجي]

المشاركة الأصلية كتبت بواسطة أميرى

المفتيين يا رأفت
ولا المفتون
ولا المفتين بي يا وحيدة أبوها و أمها؟

إحتياط كدة انا في الضفة البهنااااك

ثم إنو المايك معاك يلا غني والسهره ضباحي

...
إتوا سودانيات دي مالها بقت كلها دين دين كده

..
عنهم
مسلم من مناذلهم و كدا

...
يحيي السماوي يقول ما بالنا كلما اقتربنا من الله كلما ابتعدنا عن الوطن

جست لوك فرونت أوف

انت ماسمعت مقولة جارتنا البتقول الوطن طاغوت

[أميرى]

المشاركة الأصلية كتبت بواسطة جيجي

انت ماسمعت مقولة جارتنا البتقول الوطن طاغوت

إتي سمعتيها بي أضانك السمحة دي ولا ربما هيئ لك
...
يا بخت الحلق والله

[الجيلى أحمد]

شوف ياعم رأفت,
دخلتا يدك فى الجحر معناها تركز للدغة ..
ماحلوة حركة واى دى ..
ألطف حاجة المنتشة بتاعت اسقاط تجربة الكنيسة عل كل البشرية
(كما فعلنا مع الكنيسة على الناس فعل ذلك)!!

جميعها تجارب بشرية يازول..

الأديان دى فكرتا متعبة,
ودايرا ليها زول يزازى ليلو ونهارو
ويعوعى بيها ..


الغريبة انو مافى رب سمعنا بيهو قاعد يتعب نفسو
فى المزازة دى ..
الواطة دى مليانة ديانات, ولحدى هسه مافى رب واحد قام و انتصر
لى دينو

[بله محمد الفاضل]

المشاركة الأصلية كتبت بواسطة الجيلى أحمد

الغريبة انو مافى رب سمعنا بيهو قاعد يتعب نفسو
فى المزازة دى ..
الواطة دى مليانة ديانات, ولحدى هسه مافى رب واحد قام و انتصر
لى دينو

بل انتصر يا جيلي القوم
انتصر بمن عرفوه حقيقة
لا مجاز
أو جواز عبور لمآرب الذات
انتصر بمن لم يعرفوا غيره مانحاً
قاطعاً أو واصِلا
بمن وقفوا
وقلوبهم كما قلب واحد
ينبض بالمحبة فحسب
محبة الرب المستمدة
من لدنه
وتسع الكون كله
وتفيض




لهذا فإنه في حال انتصار سرمدي



هذا
ولكم المحبة

[الجيلى أحمد]

بلة شيال المحبة

طول ماانو الفكرة بتاعت الصراع الانسانى دى مدورة
يبقى الرب مفهوم شخصى
وأى زول بيزج بيهو فى الخضم بتاع الصراع دا
دا انسان ضعيف ومهزوم بشكل كامل
الحركة دى قاعدين يعملوها المتأسلمين,
أى جحر حايم غالبهم فى الدنيا بسدوهو بى كلمة الدين,
لحدى ما الدين ذاتو بكى واشتكى, وتلوى من كثرة انه أصبح مهان
وقابل للبيع والاتساخ والتمرغ فى الوحل,
الناس ديل لو عايزين يقعو نعيم الدنيا دا خليهم اليقعهو
بس بدون مايفرشو الوطة بالدين زى مابعملو عشان ماتتسخ جلابيب الفضيلة والاخلاق..
هل سمعت طوال حياتك بيد سارق للمال العام تقطع!!
هل بلغك يومآ خبر كرش عظيم فى حى كافورى يجلد بتهمة الزنا!!
أم هل سمعت بشريعة تطبق الا على المساكين وابناء الهامش والريف
قليلى الحياة
قليلى النعم
قليلى الأمل

هل سمعت بأحد منهم هؤلاء المنادين بتلك الشريعة يجلد!
لا ولن تسمع
لأن الشريعة تلك هى هرم قدرتهم على البقاء, متوجين ملوكآ للتخلف
والأمية والقهر وعيشة خفافيش نعيم الظلام الجلفة ..

الناس طقت يابلة لمن مرقت من بلدا بالملايين
فرت الناس من وطنها لتتركه ممدآ فى الطرقات
يركله أهل الاسلام السياسى كما يركل صبى شقى كرة..

وبعد دا كلو يجيك زول زى عم رافت يقول ليك انو الشيوعيين وناس الجبهة
هم سبب بلاوى البلد دى..
عليك الله ماحاجة تفلق

[رأفت ميلاد]

المشاركة الأصلية كتبت بواسطة الجيلى أحمد

شوف ياعم رأفت,
دخلتا يدك فى الجحر معناها تركز للدغة ..
ماحلوة حركة واى دى ..
ألطف حاجة المنتشة بتاعت اسقاط تجربة الكنيسة عل كل البشرية
(كما فعلنا مع الكنيسة على الناس فعل ذلك)!!

جميعها تجارب بشرية يازول..

الأديان دى فكرتا متعبة,
ودايرا ليها زول يزازى ليلو ونهارو
ويعوعى بيها ..


الغريبة انو مافى رب سمعنا بيهو قاعد يتعب نفسو
فى المزازة دى ..
الواطة دى مليانة ديانات, ولحدى هسه مافى رب واحد قام و انتصر
لى دينو

دايرنى أقول شنو أكتر من كده يا الجيلى .. يعنى الفتوة بتاعة بوست الربا ديك المعلقة مع أسعار التقصيد صك غفران .. أقول فتوى زواج المتعة ما صك غفران ..

شرطة أمن المجتمع ما ياها محاكم التفتيش

يعنى بقدرة قادر رجعنا عصور الظلام

الرب موش أنتصر للمجاهدين فى الجنوب .. القرود طلعت الألغام والسحب أظلتم والطيور قادتم .. فى النهاية وقعوا نيفاشا

العلمانين كفار والشيوعيين كفار .. ووضع القران مقابل مقررات الأمم المتحدة .. ياتو لعبة بلعبوها هؤلاء الجهلة .. وأى أهانة بلبسونها للدين

كدة ما وصلت نص الجحر

[الجيلى أحمد]

ياعم رأفت
ياأخى ماتكتل لى الدش فى يدى,
لى فترة عايز لى معاك لبطة
فيااخى يااما تتشاكل وتغالطنى زى الناس ياخلينى أكوس بابكر عباس بى وين..

[صديق عيدروس]

المشاركة الأصلية كتبت بواسطة رأفت ميلاد

دايرنى أقول شنو أكتر من كده يا الجيلى .. يعنى الفتوة بتاعة بوست الربا ديك المعلقة مع أسعار التقصيد صك غفران .. أقول فتوى زواج المتعة ما صك غفران ..

شرطة أمن المجتمع ما ياها محاكم التفتيش

يعنى بقدرة قادر رجعنا عصور الظلام

الرب موش أنتصر للمجاهدين فى الجنوب .. القرود طلعت الألغام والسحب أظلتم والطيور قادتم .. فى النهاية وقعوا نيفاشا

العلمانين كفار والشيوعيين كفار ..

ووضع القران مقابل مقررات الأمم المتحدة .. ياتو لعبة بلعبوها هؤلاء الجهلة .. وأى أهانة بلبسونها للدين

كدة ما وصلت نص الجحر

.........................................!!!