الكرسى الساخن...

[قرقاش]

المشاركة الأصلية كتبت بواسطة فيصل سعد

حمد الله الف سلامة يا زول ..
ما تشوف شر .. و اجر و عافية ..

و آن اوان تقديم
الضيف الثاني ..

و في امان الله ..

وماله ياحبيب نقدمك على الباب .. وناخد لينا وقفه جنب الباب .. ودى وقفه ليها طعم خاص وبشهاده كل وزاره داخليه فى كل بيت سودانى ... انته قلته لينا جوه هناك انك عندك جواز كندى .. يعنى هسه كده انته تكون .. كنداوى جوازسفرا وبظبورطا .. يقف له كل ضباط الجوازات احتراما فى مختلف المطارات .. ودى والله متعه فاتت على جيلكم..
حرم على ايام حوامتنا فى اوربا الجواز السودان كانو بحترموهوا احترام كامل الدسم .. الله يجازى الكان السبب... اليوم ضابط الجوازات فى المطار الاوربى اول مايشوف الجواز السودانى تنزل يده تحت الطربيزه تدوس الف زرار فى لحظه واحده مع ابتسامه مرعوبه فى فمه اما فى البلاد العربيه فهى ركنه اخذت فى احدى الرحلات اثناعشر ساعه كامله ..وكان معنا فى الركنه والله وزيرا له شنه ورنه ..ائئئئئئئئئه يلا ... ربنا يجازى الكان السبب ..فعلا الجواز السودانى اصبح مرعب للاخرين ومتعب للحاملين .. الا لاكن وين الوطن هنا ..؟ ملاعب الصبا ومراتع الشباب مكان الطهوره والجرتق والحنه والضريره ونجمه المريخ المربوطه فى الجبين ( وتسمى زورا بالهلال ) وسوط العنج ..؟
ودحين يعنى هسه .. كان ( الجماعه ديل ) حرقتهم الحركه البايخه بتاعه تالسمان فى البترول العملوها اليوم دااااااااااااااااااك ..وقرروا ارسال تجريده وقامت التجريده غزت كندا ووصلت حتى حدود مونتريال وهى منتصره ومن نصر الى نصر.. واستغاث الفرنجه بك لصد هذ الهجوم الغادر فى حساباتهم .. فلايفل الحديد الاالحديد .. وانت حديد ونحنه حديد .. اها ح تعمل يو تيرن ولا كيف الراى اقصد رايك شنو ..؟

[بله محمد الفاضل]

سلامات قرقاش وما تشوف شر
أجر وعافية إن شاء الله
وشكراً لك على إسهامتك الثرة
وعلى افتراعك هذا الخيط مجدداً
والذي من شأنه أن يضيء جوانب عدة
في مسيرة حياة كل من يستضيفه
احترامي


تحياتي أيها الأنيق فيصل
تشع روحك بالجمال
في كل الأرجاء
....

[فيصل سعد]

المشاركة الأصلية كتبت بواسطة الرشيد اسماعيل محمود

قلت لي كبّرتها وجليتني زيّ الترتيب، معقولة يا نديدو!!
لكن برضو بلاقيك في زقاق (غير ملتوي) تاني وبكشحك بأسئلة تانية

عذرا حبيبي .. و الله ما شفت مداخلتك و سؤالك ..
و انت ما الزول البجلوك يا شيدكو مع انك حليف
مستتر لنديدنا الباذخ .. موضوع الغناء دا النشأة و
الوسط المعاش و الغربة و القراءة و الاطلاع و السايبر
كل اثر فيه بدرجة ما .. زائد بعض التمحيص يا صاحب ..

يديك العافية ..

[فيصل سعد]

المشاركة الأصلية كتبت بواسطة أبو دعد

فيصل سعيد جينا نحييك و نحى ضيوفك الكرام ... قلل لينا من الرمزية و لغة الراندوك نحنا ناس بدو

سلامات يا ابا دعد و شايفك مصر على فيصل سعيد دي شديد
يا زول مافي رندوك غير كلمة "قون" و بجي القون زول الله
بفككها ليك بمزاج و كدا ..

و ابقى طيب ..

[فيصل سعد]

المشاركة الأصلية كتبت بواسطة بله محمد الفاضل

تحياتي أيها الأنيق فيصل
تشع روحك بالجمال
في كل الأرجاء
....

الله يحييك يا صاحب
و بلغك الله تمام العافية ..

[فيصل سعد]

المشاركة الأصلية كتبت بواسطة قرقاش

ودحين يعنى هسه .. كان ( الجماعه ديل ) حرقتهم الحركه البايخه بتاعه تالسمان فى البترول العملوها اليوم دااااااااااااااااااك ..وقرروا ارسال تجريده وقامت التجريده غزت كندا ووصلت حتى حدود مونتريال وهى منتصره ومن نصر الى نصر.. واستغاث الفرنجه بك لصد هذ الهجوم الغادر فى حساباتهم .. فلايفل الحديد الاالحديد .. وانت حديد ونحنه حديد .. اها ح تعمل يو تيرن ولا كيف الراى اقصد رايك شنو ..؟

حأعمل رايح و كدا

[فيصل سعد]

المشاركة الأصلية كتبت بواسطة أمير الأمين

سلام يا شفيف
الزوجة التانية فى -نظرك- ضرورة ولا ترف
بغض النظر عن الظروف المتاحة او المحيطة ؟

سلامات يا امير و حياك الله ..

لا يمكن غض النظر عن الظروف المتاحة و المحيطة .. و الموضوع دا ما عندو استاندرد للتقيم و كل حالة فيه لها ظروفها و اسبابها المختلفة .. لكن عموما اذا استطاع الانسان المحافظة على زيجة واحدة يكون احسن و افضل على حسب وجهة نظري الخاصة .. و هذا لا يمنع ان هناك تعدد نجح و يرفل اصحابه في نعيم و امن و امان .. و هناك بعض الذين اضربوا عن الزواج و اختاروا العزوبية و مبسوطين اربعة و عشرين قيراط .. و باختصار و ايجاز الموضوع برمته ذاتي و شخصي و غارقا في الخصوصية ..

و لك التحايا ..

[جيجي]

سلام يافيصل
كم سؤال كدا بس
1-فيصل وجوازين وثقافتين ونوعين من الابناء كيف توفق بين هذه الثنائيات المتنافرة
2-ثنائية زوج وزوجة هل هي على الطراز الكندى ام مازالت ترزخ تحت عبء فيصل السوداني

[قرقاش]

المشاركة الأصلية كتبت بواسطة ابوبكر حسن

اقتباس:
المشاركة الأصلية كتبت بواسطة قرقاش
للجميع التحيات العطرات وكثير الاحترام ..
ملاريا واكلناها مع الدقداق والحمد لله ...
حفظكم الله وادام عليكم الصحه والعافيه ..
و والله كل يوم نتعلم منكم ونرفع من جهلنا ..افادكم الله وزادكم علمنا
البيت بيتكم والبوست بوستيكم ..

حمد لله على السلامه عمنا قرقاش
وما تشوف شر ان شالله
كان عندى احساس انك عايش فى اوربا اوربا كده
بس مع الملاريا دى تغير الاحساس لى انك ساكن امدرمان وشغال فى الخرطوم

كتر خيرك يالحبيب وندعو الله ان يحفظ لك صحتك .. وياخى عليك الله عشان نساعد ياسين بى جكه مابتعرف ليك سفير ولا مغترب فى بلد بزرعوا فيها الكينا يقوم يرسل لينا فى السودان العزيز بدلا السودان الشقيق الطائحه فى المنتدى اليومين ديل كم شتله كده ونحنه برانا بننسخهم ..ونملى بيهم البلد يمكن ينفعوا الناس فى محاربه الملاريا على الاقل توطين العلاج وكده.. اقصد ملاريا الجن دى .. نحاربها كيف..؟ ماتقول لى بمحاربه المياه الراكده .. لانه كل بيت فيه سايفون وبئر سايفون وسبتنق تنك قدر الضربه ..ومع المغيرب كده ياحبيب تلقى جيوش الناموس خارجه وهى تضرع من كل المنافذ المتاحه فى السايفون ...منهول ..مقعد افرنجى مقعد بلدى .. ماكدى ادونا راس معاكم ولاوجهه نظر انشاء الله
اما احساسك الودانى اوربا ده .. مابعرف والله سببه شنو .. لكين فى زميله فى المنتدى قبل كده ليها كل تحياتى واحترامى قالت لى ..شكلك كده انته ماعايش معانا ... لكين وحاتكم انا فى نص الحله البتغلى غلى ..وزى مافى دلوكه بتدق وناس تعرس وتنبسط فى ناس كمان بتركز وتنجلد وتقطع الوجع فى مصارينه .. تحياتى ليك ياحبيب وعليك الله كتر الطله

[فيصل سعد]

المشاركة الأصلية كتبت بواسطة جيجي

سلام يافيصل
كم سؤال كدا بس
1-فيصل وجوازين وثقافتين ونوعين من الابناء كيف توفق بين هذه الثنائيات المتنافرة
2-ثنائية زوج وزوجة هل هي على الطراز الكندى ام مازالت ترزخ تحت عبء فيصل السوداني

سلامات يا جيجي
و عساك بالف خير :

اولا بطلي حركات ناس امدرمان دي و ردي التحايا في "صباحكم باسم"
و كل ما تلاقيني اوعى لا تهملني

رد السؤال الاول :

و ما التوفيق الا من عند الله ..

رد السؤال الثاني :

ترزخ في منزلة بين المنزلتين و كدا .. يعني و الحمد لله تاخذ الجيد
من كل طراز حسب الاتفاق و وحدة المصير المشترك ..

و كوني بالف خير ..

[جيجي]

المشاركة الأصلية كتبت بواسطة فيصل سعد

سلامات يا جيجي
و عساك بالف خير :

اولا بطلي حركات ناس امدرمان دي و ردي التحايا في "صباحكم باسم"
و كل ما تلاقيني اوعى لا تهملني

رد السؤال الاول :

و ما التوفيق الا من عند الله ..

رد السؤال الثاني :

ترزخ في منزلة بين المنزلتين و كدا .. يعني و الحمد لله تاخذ الجيد
من كل طراز حسب الاتفاق و وحدة المصير المشترك ..

و كوني بالف خير ..

شنو يعني كفيتنا من باقي الاسئلة بالاجابات البلفة
واسفة والله لايمكن اهملك هو انت بتتهمل
لكن بيكون اليوم داك المود بالماينص
كدي نمشي نفتشها وين ونرد

[فيصل سعد]

سلامات حبيبنا قرقاش:

و آن اوان ترشيح و تقديم
المتسابق/ة الثاني/ة ..

و التحايا للجميع ..

[أبو أماني]

اقتباس:
المشاركة الأصلية كتبت بواسطة فيصل سعد
سلامات حبيبنا قرقاش:

و آن اوان ترشيح و تقديم
المتسابق/ة الثاني/ة ..

و التحايا للجميع ..



وييييييين يا فرده؟؟ داير تزوغ من قرقاش ؟؟ كان ليك .. هو الجلوس في الكرسي الساخن ده قايلو ساهل ولا ساهل هوا إنت لسع شفت حاجة؟.. ناس كتير لابتين ليك في الكورنر .. وأنا أولهم .. أنا بعرف الحبيب فيصل سعد معرفة ظاهر وباطن اليدين الزرق ديل.. وعلاقتي بيه تجاوزت مرحلة الدم واللحم .. بث إنتو كمان لازم تعرفوه عن طريقي ولذا بدردقوا ليكم يا الحبيب قرقاش .. ومقدما شكرن على طلتك البهية في بوسترنا المشابه .. وإن تعددت الأساليب .. أهو كله في خدمة سودانيات وناس سودانيات العثل ديل .. أبو سعد تعال هيني ماش وين؟؟
س: أحكي لنا المرحلة الحبيبة للنفس حقت الصباء (التييييننز وكده) عندما كنت شابا يافعا وسيم الطلعة وعندما كانت خالتي أم فيصل حفظها الله تخاف عليك من الهواء الطائر .. ومن كل شئ خسوسا .. البنات ؟؟؟
س: أحكي لنا أيضا تلك الفترة الذهبية من عمرك يافعا في جوهرة الخليج الكويت ورجاء تعطر مسامعنا بذكر مآثر والدكم رحمه الله والذي كان له الفضل في إنشاء أول وكالة أنباء سودانية عالمية .. ومنجزاته في الكويت لو أمكن .. ولك الحب كله

[فيصل سعد]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة فيصل سعد
سلامات حبيبنا قرقاش:

و آن اوان ترشيح و تقديم
المتسابق/ة الثاني/ة ..

و التحايا للجميع ..



وييييييين يا فرده؟؟ داير تزوغ من قرقاش ؟؟ كان ليك .. هو الجلوس في الكرسي الساخن ده قايلو ساهل ولا ساهل هوا إنت لسع شفت حاجة؟.. ناس كتير لابتين ليك في الكورنر .. وأنا أولهم .. أنا بعرف الحبيب فيصل سعد معرفة ظاهر وباطن اليدين الزرق ديل.. وعلاقتي بيه تجاوزت مرحلة الدم واللحم .. بث إنتو كمان لازم تعرفوه عن طريقي ولذا بدردقوا ليكم يا الحبيب قرقاش .. ومقدما شكرن على طلتك البهية في بوسترنا المشابه .. وإن تعددت الأساليب .. أهو كله في خدمة سودانيات وناس سودانيات العثل ديل .. أبو سعد تعال هيني ماش وين؟؟
س: أحكي لنا المرحلة الحبيبة للنفس حقت الصباء (التييييننز وكده) عندما كنت شابا يافعا وسيم الطلعة وعندما كانت خالتي أم فيصل حفظها الله تخاف عليك من الهواء الطائر .. ومن كل شئ خسوسا .. البنات ؟؟؟
س: أحكي لنا أيضا تلك الفترة الذهبية من عمرك يافعا في جوهرة الخليج الكويت ورجاء تعطر مسامعنا بذكر مآثر والدكم رحمه الله والذي كان له الفضل في إنشاء أول وكالة أنباء سودانية عالمية .. ومنجزاته في الكويت لو أمكن .. ولك الحب كله

سلامات يا ابو اماني يا لذيذ :

السؤالين الاخيرين ديل اديناك الضؤ الاخضر تجاوبهم بايجاز لانك الاقوى و الاجدر و البجي منك كله تمام يا رجل يا حبوب .. و بعد ذلك تتفضل بكل ترحاب للجلوس على هذا الكرسي و بنجيك باسئلة خفيفة و كدا عموميات و ممكن نطعمها بحبة ونسة عن ايامك الخوالي و مشاوير المغربية و تجوالك بفرنسا و شارع النيل و غابة السنط و اتني و قهوة الزيبق و اكسلسيور .. و اسرارك مع اللويزو و الدبلكولا و البزيانوس و الاندروس و علاقتهم بالصحصحة و فك الحيرقان و كدا

[معتصم الطاهر]

أجلسوه فقد طال وقوفه أو توقفه و فى القلب حيرقان ..

مرحب بأبو أماني إذا وقف الفيصل ..