اقتباس:
المشاركة الأصلية كتبت بواسطة علاءالدين عبدالله الاحمر
والله يأهمس الله لا وراك النبق ده
زواج أختي العيد الفات الليدات الصغارين ناس تاشرات ديل اقنعوني ليك بواحدة فنانة قالو سموها فيروز معطوني بيها معط دفعت القريشات وقلبي مأمرتاح كلوكلو أها الفنانة ياقادر جات ليك سايقة نيبرا 2 العندنا بسموها نوبيرا أها نزلت من العربية البت شبه سمية الخشاب ) عبدالخالق الناطق ( الليدات جري عليها يا استاذة يا أستاذة وأنا في اللحظة ديك انهبلته فتحت قدومي ووقفت اعاين جابوها لي وهم فرحانين بجيتا ، البت طلعت المسرح وبدت الغنية الأولي الشمعة ل كمال ترباس والتانية أوتزكرين صغيرتي لأبوداؤد أنا فرحت قوي بس بعديها التابوت البسموه الأورغن طلع ليه صوت ماسمعت بيه لا في الهلال لا المريخ والبت جعرت ليها بنهقة كده لما وليد أختي الرضيع بكي وهاك يا كلام الباقيراب في الطيراب والردسي غبارو فوق أمي ربنا يشفيها جات من جوة مسكتني من اضاني وقالت لي ده شنو قلت ليها بري يطرشني لو جبتها أنا أسالي أولاد اخواتك ومغزوز أقصد فيروز لا زالت تصدر كلمات متفسخة بها من العهر ما جعل العاقلين يخرجون من الحفل وأنا حرقتني قروشي الضاعت في النبق
|
يا علا ربنا يعوضك في قريشاتك
لكن الزمن دا الغنى أقصد النهقي كلو كدا وما بقى كدا فنان بياكل عيش مافي
انا عندي (فلاش) فيهو أغاني وحاة الله لمن أسمعوا اضحك لمن ادمع .. والله جد
مستوى الغناء الهابط هبط شديد ياخ
قلته لي تشبه سمية خشاب
طيب دي ما تقدم للكويت
