ياغربة... ياغشاشة ..يا مستهبلة .. قصيدة لشاعر مجهول من مغتربى السعودية...من يعرفه

[Hassan Farah]

يا غربة .. يا غشاشة .. يا بكاية .. يا مستهبلة /
تغرينا بي درهم قروش وراه قنطار بهدله /
جيناك سنة .. أو قول سنين بنكمله /
نبني البيوت في العاصمة وبي كوم أثاث بنجمله /
وكروﻻ‌ حاره نرسله أصلو التنقل مشكله /
ونكمل الدين بي مهل والسمحة جاهزة نحصله /
غير القروش اللي اﻷ‌هل عبر الشهور حا نرسلا /

والباقي يدخل في البنوك ونشوف دباره نشغله /
ناس فكرت تجني العلم تبدأ الدراسة تواصلا /

أحلام كتيره وشيقه وآمال كبيرة نأملا /
لكن حساباتنا الغلط في كل عام بنرحله /
مرت سنين من العمر بنعزها وبنفضلها /
والحسبة وصلت طاشرات يمكن نعيش وندبلا /
وتعال نحاسبك يا وهم من غير رقم أو أمثله /
كان للقروش نجري ونحوش لكن تقول بنشاكلا /
ما راضية تقعد في الجيوب وتقول حرامي بينشلا /
لكن بترقد في الضهور بديون تقيله متلتلة /
ممحوقة ما بتقضي الغرض وأقل حاجة تكملا /
كملانه سفرة وحق وزن ومجاملات مستفحله /
ضرائب أبعاج المشي وإلزامي حمدي نحوﻻ‌ /
يا ريت يكون هم القروش يا غربة فيك هو المعضله /
لكن تعال شوف الهموم الما إفتكرنا نقابلا/
سجنا كبير فيهو الكفيل سجان قيوده مكبله/
أشغالو شاقة ومؤلمه ودايما تكون مستعجله/
ما عاد يكفيها النهار تحتاج ليالي مليله /
أمراض كتيره بدت معاك عايزه الفحوص مستعجله /
ناس الضغط والسكري ومرض القلب مع الكلى /
ومصران وقرحة وإكتئاب ونفوسنا ما متحمله /
وبنينا فيك كيمان لحم تحت الهدوم متندله/
وأكيد يكون أكل المعلب والمجمد عاملا /
عدم الرياضة والكونديشن ﻻ‌بد يكون ليهم صــــــلة/
وكمان تعال لمعادلة ما قدرنا أصلا نعدﻻ‌ /
سجن العيال جوه الشقق وفراق اﻷ‌هل والعائلة/
جيب العيال بي جيبنا مال وجيوبنا غيرو مميله/
وصغارنا صبحت بالزهج متوحشة ومتجفله /
ﻻ‌ قادرة تلعب في خلا وﻻ‌ ضل شديره يضللا /
ﻻ‌ قادرة تدرس بي نفس شان الدروس مترهله/
تلقي الولد غالبو الكلام والبت كبيرة مريله/
كل الضغوط سوا ما قدرنا حتى نقللا /
في كل طرف تلقي القرف تلقي الخيوط مداخله /
يا غربة أديناك كتير أدينا خاطرك يسهلا
خلينا نرجع بالفضل نلحق حياتنا نعدﻻ‌ /
آمالنا فيك بدري إتنست إﻻ‌ّ الرجول متوحله
وبقينا زي أهل القبور ﻻ‌ البره عارف يدخلا/
ﻻ‌ الجوه يرجع لي ورا يحكي الحقيقة يوصلا /
لكن خلاص هان الخلاص عندك نزل مهما علا/
وإن شاء الله نحيا نودعك وتكوني ذكرى نغازﻻ‌ /
يا غربة .. يا بكاية .. يا غشاشة .. يا مستهبله

[Hassan Farah]

وصلتنى معلومة ان الشاعر هو عثمان نور الدين بابكر من ابناء توتى....وقد كان يقيم في بالرياض حينما كان يعمل بجامعة الملك سعود، والغريب أن هذه القصيدة كان قد سطاعليها احدهم ونشرها بجريدة الخرطوم تحت اسمه ، وانتهى الامر باعتذار الجريدة بعداحتجاج شاعرها الحقيقى...

[ZEIN ABDALLA]

المشاركة الأصلية كتبت بواسطة Hassan Farah

وصلتنى معلومة ان الشاعر هو عثمان نور الدين بابكر من ابناء توتى....وقد كان يقيم في بالرياض حينما كان يعمل بجامعة الملك سعود، والغريب أن هذه القصيدة كان قد سطاعليها احدهم ونشرها بجريدة الخرطوم تحت اسمه ، وانتهى الامر باعتذار الجريدة بعداحتجاج شاعرها الحقيقى...

تحياتى حسن
هذه القصيدة على نفس نسق قصيدة الاخ د. عمر محمود خالد والتى
يقول فيها:
يا (سيدة) لا .... فايتانا وين مستعجلة
ما (اونور) جمال رابطة وقوية مدنكلة
غلطات كتيرة .....الكومبيوتر بعمله

كتبت فى السبعينات عندما تم رفت (سيدة) من جامعة الخرطوم......
ولم يكن للشاعر علاقة تربطه بسيدة.

[كيشو]

قصيدة جميلة وصادقة
قبل سنتين قال ولدي فجأة ودون مقدمات:
يا بابا معانا في الصف واحد قطري إسمو راشد كل مرة يحكي لينا إنو مشى ناس عمو، ولعب مع ود عمتو لما جو زاروهم في البيت، وبعد مقدمة أطول من التي كتبتها قال لي: مش يا بابا دا شعور جميل إنو الواحد يقابل أهلو طوالي بدل ما ينتظر اﻹجازة ؟ وليه أهلنا ما يجو يزورونا ؟

[ود الخير]

المشاركة الأصلية كتبت بواسطة Hassan Farah

يا غربة .. يا غشاشة .. يا بكاية .. يا مستهبلة /
تغرينا بي درهم قروش وراه قنطار بهدله /
جيناك سنة .. أو قول سنين بنكمله /
نبني البيوت في العاصمة وبي كوم أثاث بنجمله /
وكروﻻ‌ حاره نرسله أصلو التنقل مشكله /
ونكمل الدين بي مهل والسمحة جاهزة نحصله /
غير القروش اللي اﻷ‌هل عبر الشهور حا نرسلا /

والباقي يدخل في البنوك ونشوف دباره نشغله /
ناس فكرت تجني العلم تبدأ الدراسة تواصلا /

أحلام كتيره وشيقه وآمال كبيرة نأملا /
لكن حساباتنا الغلط في كل عام بنرحله /
مرت سنين من العمر بنعزها وبنفضلها /
والحسبة وصلت طاشرات يمكن نعيش وندبلا /
وتعال نحاسبك يا وهم من غير رقم أو أمثله /
كان للقروش نجري ونحوش لكن تقول بنشاكلا /
ما راضية تقعد في الجيوب وتقول حرامي بينشلا /
لكن بترقد في الضهور بديون تقيله متلتلة /
ممحوقة ما بتقضي الغرض وأقل حاجة تكملا /
كملانه سفرة وحق وزن ومجاملات مستفحله /
ضرائب أبعاج المشي وإلزامي حمدي نحوﻻ‌ /
يا ريت يكون هم القروش يا غربة فيك هو المعضله /
لكن تعال شوف الهموم الما إفتكرنا نقابلا/
سجنا كبير فيهو الكفيل سجان قيوده مكبله/
أشغالو شاقة ومؤلمه ودايما تكون مستعجله/
ما عاد يكفيها النهار تحتاج ليالي مليله /
أمراض كتيره بدت معاك عايزه الفحوص مستعجله /
ناس الضغط والسكري ومرض القلب مع الكلى /
ومصران وقرحة وإكتئاب ونفوسنا ما متحمله /
وبنينا فيك كيمان لحم تحت الهدوم متندله/
وأكيد يكون أكل المعلب والمجمد عاملا /
عدم الرياضة والكونديشن ﻻ‌بد يكون ليهم صــــــلة/
وكمان تعال لمعادلة ما قدرنا أصلا نعدﻻ‌ /
سجن العيال جوه الشقق وفراق اﻷ‌هل والعائلة/
جيب العيال بي جيبنا مال وجيوبنا غيرو مميله/
وصغارنا صبحت بالزهج متوحشة ومتجفله /
ﻻ‌ قادرة تلعب في خلا وﻻ‌ ضل شديره يضللا /
ﻻ‌ قادرة تدرس بي نفس شان الدروس مترهله/
تلقي الولد غالبو الكلام والبت كبيرة مريله/
كل الضغوط سوا ما قدرنا حتى نقللا /
في كل طرف تلقي القرف تلقي الخيوط مداخله /
يا غربة أديناك كتير أدينا خاطرك يسهلا
خلينا نرجع بالفضل نلحق حياتنا نعدﻻ‌ /
آمالنا فيك بدري إتنست إﻻ‌ّ الرجول متوحله
وبقينا زي أهل القبور ﻻ‌ البره عارف يدخلا/
ﻻ‌ الجوه يرجع لي ورا يحكي الحقيقة يوصلا /
لكن خلاص هان الخلاص عندك نزل مهما علا/
وإن شاء الله نحيا نودعك وتكوني ذكرى نغازﻻ‌ /
يا غربة .. يا بكاية .. يا غشاشة .. يا مستهبله

سلام يا دكتور حسن
حرمتنا الغربة من ان نستمتع بالازدهار
والتنمية الشهدها السودان بعد توقيع السلام
مع دولة الجنوب وتدفق البترول.... الآن وبعد
تباشير السلام ألفي الأفق وفي أخبار عن وصول
البترول بعد الاتفاق الأخير الي بورتسودان،
وهذه القصيدة أتمنى ان يرفع الله قدم كل من
فى نيته العودة مؤقتاً أو العودة النهائية، وأنا منهم
أتمنى ان يرفع الله القدم وان نستمتع مع أهلنا بالسودان
بالخير القادم، وان يجنبنا الله شر الفتن ما ظهر منها وما بطن.






بالمناسبة في قصيدة جميلة جداً قرأتها
في التسعينات، فى السعودية مطلعها

ودِّع كفيلك فإنّ الركب مرتحلٌ وهل تطيق وداعاً أيها الرجل

أتمنى ان أكون محظوظ وأجدها بطرفكم،
مغروض فيها شديد.
شكرًا يا دكتور

[عبدالمنعم الطيب حسن]

المشاركة الأصلية كتبت بواسطة ود الخير

[/COLOR]
سلام يا دكتور حسن
حرمتنا الغربة من ان نستمتع بالازدهار
والتنمية الشهدها السودان بعد توقيع السلام
مع دولة الجنوب وتدفق البترول.... الآن وبعد
تباشير السلام ألفي الأفق وفي أخبار عن وصول
البترول بعد الاتفاق الأخير الي بورتسودان،
وهذه القصيدة أتمنى ان يرفع الله قدم كل من
فى نيته العودة مؤقتاً أو العودة النهائية، وأنا منهم
أتمنى ان يرفع الله القدم وان نستمتع مع أهلنا بالسودان
بالخير القادم، وان يجنبنا الله شر الفتن ما ظهر منها

ياود الخير
غايتو انت حالم ، ومن حقك ان تحلم ...
بس كمان ما تكبر اللفة لي قدر دا تقوم تقلبنا معاك ،
واللي ما يشتري يتفرج ....
يا رجل السودان نفسه كاد ان يخرج برا الخط ...
قلت لي بترول الجنوب !!! وصل بورسودان !!!
طيب ما كان كلو عندكم ، ان سويتو فيهو للشعب ،
يا رجل قليل من الواقعية لا يضر...
بالمناسبة بلغ سلامي للاهل في الكمر وكل قرانا الجميلة حولك ،
وسلم لي على مناضل ،،

[Hassan Farah]

اقتباس:
المشاركة الأصلية كتبت بواسطة ود الخير
[/COLOR]
سلام يا دكتور حسن
حرمتنا الغربة من ان نستمتع بالازدهار
والتنمية الشهدها السودان بعد توقيع السلام
مع دولة الجنوب وتدفق البترول.... الآن وبعد
تباشير السلام ألفي الأفق وفي أخبار عن وصول
البترول بعد الاتفاق الأخير الي بورتسودان،
وهذه القصيدة أتمنى ان يرفع الله قدم كل من
فى نيته العودة مؤقتاً أو العودة النهائية، وأنا منهم
أتمنى ان يرفع الله القدم وان نستمتع مع أهلنا بالسودان
بالخير القادم، وان يجنبنا الله شر الفتن ما ظهر منها وما بطن.






بالمناسبة في قصيدة جميلة جداً قرأتها
في التسعينات، فى السعودية مطلعها

ودِّع كفيلك فإنّ الركب مرتحلٌ وهل تطيق وداعاً أيها الرجل

أتمنى ان أكون محظوظ وأجدها بطرفكم،
مغروض فيها شديد.
شكرًا يا دكتور
------------------------------------------------------------
عليكم السلام يا ود الخير
ياخوى هظارك دا خففوا علينا بالله.....الناس مراراتا مفقوعة وصاروا ياكلوا فى لحم


أقر الدكتور جعفر أحمد البشير مدير الإدارة العامة للثروة الحيوانية بولاية الجزيرة بوجود لحوم كلاب مذبوحة بـ (الجزارات ) تباع للمواطنين بمدينة ود مدني ، أمس الأول 16 ابريل.





الكلاب وانت عايش فى عوالم تانية ونازل فى المساكين تزين ليهم فى الحال وتبشر بالموائد التى ستهبط عليهم من السماء.....انت عارف زى شغلك دا بودى فين.... يا اخى حرام عليك حتى ناس الانقاذ نفسهم معترفين بالحاصل

سناء حمد تكتب لعمرالبشير : البلاد تعاني من سوء الإدارة وتعبنا من المجاملات


(المجهر السياسي)
كلما تأخر الإصلاح كلما زاد الثقب الأسود الذي يبتلع آمال هذا الشعب
بعثت القيادية في حزب المؤتمر الوطني الحاكم، وزيرة الدولة بوزارة الإعلام السابقة “سناء حمد العوض” برسالة إلى الرئيس “عمر البشير”، تتعلق بشتى مناحي السياسة والاقتصاد في البلاد. وقالت عبر رسالتها المعنونة (يا أخي “البشير” نحن نرقب زيارتكم للجنوب ونأمل في أن تكون صفحة جديدة تتنزل خيراً وبركة على البلدين).
وأفادت “سناء” في رسالتها التي بعثتها عبر حسابها الخاص على موقع التواصل الاجتماعي (فيس بوك) بالقول: (نحن نرقب ملتقى الاستثمار ونرى المستثمرين يعودون للبلاد ورؤوس الأموال تعاود التدفق لتنعش الاقتصاد المنهك).
وأعربت “سناء” عن رغبتها في تحقيق الإصلاحات التي وعد بها الرئيس “عمر البشير” خلال الفترة السابقة، وزادت: (هو إصلاح لمؤسسات وسياسات، وتغيير لضوابط وأفراد، سيدي الرئيس نحن نعاني سوء إدارة للاقتصاد، وحالة سيولة غير مسبوقة في الدولة، سيدي نحن تعبنا من المجاملات).
وقالت الوزيرة السابقة في رسالتها إنه (كلما تأخر الإصلاح كلما زاد الثقب الأسود الذي يبتلع آمال هذا الشعب وعائدات الاستثمار، ومعها آمالنا في النهضة والكرامة) وتابعت: (نحن نعلم أن الدولة ترجو انفراجاً في علاقاتها الخارجية والداخلية، وهو ما لن يكون ما لم تتسارع خطوات الإصلاح، اخي الرئيس كلما زاد الفتق صعب الرتق).
---------------------------------------------------------
هاك اسمع القصيدة دى يمكن تصحيك من احلام اليغظة
الشاعر الهادى فيصل سعد

لسه .. لسه
ولسه يإما الناس تشوف ..
ما الدنيا حر
رطل إللبن نفض ضرإعو وإنكشح ..
ربع اللحم هجر الصواني
قريب شهر او كم شهر ..
من الضحية وتاني عاتبنا ونفر ..
..

آآخ يامدائن .. ويا علم
كم من شهاده علي الحيط ..
مصلوبه او جوف الشنط ..
مدفونة زي عرق الشدر ..
والحال بكي
ودمعو اترفد ..
شايل همونا
نفر .. نفر ..
حاضرنا زي من كم سنة
نفس الحوارات .. والصور ..
..
لا ناس تخاف فيك الإله ..
لا يوم تفكر .. في القبر ..
يا وطني يرعاك الكريم وانا عشمي
في ارضك شبر ..
الهادي فيصل سعد

[رأفت ميلاد]

يا حسن ياخ فطو ما يرفع ليك الضغط

القصيدة زى ما قال د. زين قافية ووزن وموسيقى تمام زى قصيدة (يا السيده لا) .. ما داير أظلم الشاعر وأقول مركبا عليها .. لأن الكلام سلس ومنساب بقدرة شاعر

أهتمام القصيدة بالصدق فى السرد عجبنى شديد .. كتبت قبال كده فى تجمل المغتربين بالكذب والتظاهر بالترف فى العطلات .. ظاهرة سيئة جداً وكذب سخيف وقع فى فخه الكثيريين ..

الحقيقة هى طوق النجاة .. وكلام ود الخير مزيد من الكذب الذى بغرقنا فى مزيد من السقوط والفشل

[مواهب عبد العزيز نقد الله]

التحية لصاحب البوست والمتداخلين من بعده ..............
قبل فترة قرأت رد على هذه القصيدة للشاعر محمد الزبير , فوددت إشراككم القرأة ...............

الغربة لا غشاشة لا مستهبلة

عذرا تمهل في الحكم الغربة لا غشاشة لا بكاية لا مستهبلة
شطر الكلام ماهو الصواب ما يستقيم دون تكملة
نصف الذكرتو كلام صحيح كانت ثقافة مرحلة
الغربة إختلفت كتير وبقت في نسخة معدلة
الغربة تخطيط منتظم ضبط الحكاية من اولا
الغربة زي موية المطر في الرملة ما بتحصلا
الغربة عايزة مؤهلات تطوير شديد دون ململة
الغربة كم ربت يتيم مسحت دميعات أرملة
في الغربة ناس تركوا الخمول عرفوا الصلاح درب الصلاة
بالغربة ناس فتحت بيوت حفظت صغارها من البلا
بالغربة كم حجوا الكبار دفعوا التذاكر في الغلا
الغربة كم سندت ضعاف اضحت امورها مسهلة
بالغربة كم مديون مهان سدد ديونو وحلحلا
بالغربة كم متروك ضعيف حاز العماير وسجلا
بالغربة ناس عملت بيوت مفروشة اثاث آخر حلا
في الغربة ناس حازت علم طب وإقتصاد مع صيدلة
في الغربة ناس درست فقه حفظوا المتون من اوّلا
الغربة كم دعمت إمام شيد مساجد للصلاة
الغربة كم رزعت حقول روت العطاشا الفي الخلا
قصة عيال جوة البيوت في دا الزمن ما مشكلة
ليه الولد غالبو الكلام والبت كبيرة مريلة
ليه مافي تربية وإهتمام ليه العيال متبهدلة
لو انت مشغول بالعمل دور الأمومة مكملة
تهوى السهر نوم النهار خلت عيالها مهملة
سوق الدهب ونسات حريم طبعا اكيد ليهم صلة
علم الشوارع ما بيفيد في البيت هوايتو بحصلا
ظل الشديرة دة كان زمان وقت البيوت مترهلة
كل البيوت صارت شقق مضروبه بوهية مقفلة
في البيت في انترنت بيجيب كل الخيوط متواصلة
البيت بيحفظو من الشرور ومخدرات ومن البلا
حتى اللعب بي إنتظام أوقاتو ما متداخلة
ليه للقروش تقعد تحوش بالأولويات نزلا
رتب حواجك بي عقل ما تسيبها ماشا سبهللة
طور معارفك بإنتظام أصلو المنافسة مذهلة
فيهم أعاجم والعرب واتراك معاهم بنقلة
الخبرة والتأهيل كمان بعد الشهادة مفضلة
الواسطة قبل الإمتحان ما اظن تحل المسألة
خلى المجاملة في حدود والواجبات ما معضلة
والغربة منحة من الكريم تستاهلك وتستاهلا
بس أبدا بي تخطيط سليم من دون كلل دون ململة
حصل قطارك ما يفوت بى سرعة من غير فرملة
سيب إكتئابك والملل كتر دعاك وقت الصلاة
فارق الشلل لعب الورق سهر إستراحات بطلا
اصلو الزمن دوار شديد لحظاتو ماها مطولا
وادعو الكريم ساعة السحور للمعضلات بيسهلا
بس حسن اعمالك كمان بي نية صافية من اولا
تلقي المراد يوم الحصاد كل المحطات توصلا
وإن فاتت في الفانية دي يوم القيامة تحصلا
في اللحظة ديك تقدر تقول الغربة لا بكاية لا غشاشة لا مستهبلة
محمد الزبير

[ود الخير]

المشاركة الأصلية كتبت بواسطة عبدالمنعم الطيب حسن

ياود الخير
غايتو انت حالم ، ومن حقك ان تحلم ...
بس كمان ما تكبر اللفة لي قدر دا تقوم تقلبنا معاك ،
واللي ما يشتري يتفرج ....
يا رجل السودان نفسه كاد ان يخرج برا الخط ...
قلت لي بترول الجنوب !!! وصل بورسودان !!!
طيب ما كان كلو عندكم ، ان سويتو فيهو للشعب ،
يا رجل قليل من الواقعية لا يضر...
بالمناسبة بلغ سلامي للاهل في الكمر وكل قرانا الجميلة حولك ،
وسلم لي على مناضل ،،

الزعيم عبد المنعم تحياتي
وتسلم من القلبة، لكن واقع الحال في السودان
والمتداول في الاسافير فرق الليل من النهار، واتخايل لي اية
زول ليه الحق يكتب من واقع الزاوية البشوف بيها الوضع الفي السودان،
في حاجات كتيرة إجابية في السودان هل الزول البشوفها ويحسها، محتاج
لدليل بوجودها قبل ما يعبر عن سعادته.... يعني تاني لو جاي بمداخلة إيجابية
عن السودان إقول للاسف إتعملت في عهد الإنقاذ، ولا قبل المداخلة أجي شايل لي سد ولا جامعة ولا طريق
ولا .... ولا....ولا....ولا، ودي هي الاشياء البتهمني انا كمواطن.وكيف اثبت إني
ما حالم، (ولا كذًاب زي ما قال رأفت الله يسامحو)
فحقو نفرح بالإيجابي الموجود.(وللاسف إنقاذي)
مناضل يغريك سلامه، وسوف تراه قريباً إنشاء الله في جروف واوسي وما جاورها.

[ود الخير]

المشاركة الأصلية كتبت بواسطة رأفت ميلاد

يا حسن ياخ فطو ما يرفع ليك الضغط

القصيدة زى ما قال د. زين قافية ووزن وموسيقى تمام زى قصيدة (يا السيده لا) .. ما داير أظلم الشاعر وأقول مركبا عليها .. لأن الكلام سلس ومنساب بقدرة شاعر

أهتمام القصيدة بالصدق فى السرد عجبنى شديد .. كتبت قبال كده فى تجمل المغتربين بالكذب والتظاهر بالترف فى العطلات .. ظاهرة سيئة جداً وكذب سخيف وقع فى فخه الكثيريين ..

الحقيقة هى طوق النجاة .. وكلام ود الخير مزيد من الكذب الذى بغرقنا فى مزيد من السقوط والفشل

عبرك يا دكتور حسن بهدي الزهرة دي للأخ المحرًض دا
وخليه يموت بحسرته على الإزدهار والعمار والنهضة التي
شهدها السودان في عهد الإنقاذ..... ولو الحقائق دي بتفعق مرارتك إنت بالذات
حا أكتر ليك منها يا رأفت.....وخليك واعي لشي واحد طريق التحريض والإساءات
الماشى فيها دي ما مناسبة للمكان دا! وحتي الان حبر مداخلتك في حق عضو هنا ما جفت وانت ما زلت متمادي وكأنك عائش في مستنقع إساءات....

ومع كدا أنا بهديك دي

[زول الله]

المشاركة الأصلية كتبت بواسطة ود الخير

واقع الحال في السودان
والمتداول في الاسافير فرق الليل من النهار، واتخايل لي اية
زول ليه الحق يكتب من واقع الزاوية البشوف بيها الوضع الفي السودان،
في حاجات كتيرة إجابية في السودان هل الزول البشوفها ويحسها، محتاج
لدليل بوجودها قبل ما يعبر عن سعادته.... يعني تاني لو جاي بمداخلة إيجابية
عن السودان إقول للاسف إتعملت في عهد الإنقاذ، ولا قبل المداخلة أجي شايل لي سد ولا جامعة ولا طريق
ولا .... ولا....ولا....ولا، ودي هي الاشياء البتهمني انا كمواطن.وكيف اثبت إني
ما حالم، (ولا كذًاب زي ما قال رأفت الله يسامحو)
فحقو نفرح بالإيجابي الموجود.(وللاسف إنقاذي)
مناضل يغريك سلامه، وسوف تراه قريباً إنشاء الله في جروف واوسي وما جاورها.

ودالخير كيفنك وعساك فاين ياخ
وان شاءالله يتم ليك مرادك وتمشي البلد نهائي وتاكل مما تزرع كمان
اها قصرت معاك؟؟
-----
يازول اهلنا القاعدين هناك ما عندهم شغلة بالسياسة ولا الحاكم منو
ولا عندهم شغلة بالاسافير
ناس عايشين على باب الله ودا الباب الوحيد الـ لسة ما إتقفل في وشهم
حاول زورالبوست الموجود هنـــا دا
أعتقد دا كلام زول محايد لاهو كوز ولا عكسه
زول شاف بي عينو ماحكو ليهو ولاقراها في الاسافير
وبعد داك احكم



*سوري للفتل ياخال

اقول قولي هذا واستغفر الله لي..............

[ود الخير]

زول الله مرحب بيك في ساحة الخال حسن
وانا بعتبروا من البوستات المحررة!
والفيها ممكن تقول رأيك وانت مطمئن

كلام مرافي على الرأس ... والسودانيين الفي
العاصمة ديل يستاهلو اكتر من كدا! لانهم تركوا خيرهم
في الأرياف وجوا يكوسوها في العاصمة والعاصمة كما تعرف
انها استهلاكية اكتر من انها تكون منتجة وكافية للساعي ل لقمة العيش

الرجوع للريف للزراعة هو الحل... ياأخ المغتربين ديل ذاتهم، المفروض
يعملوا للناس البيان بالعمل...وفي الاجازة ينزلوا في الريف ويجربوا
يزرعوا وبدل ما يوزعوا قروش! يساهموا في استقرار الناس في الريف


* على وقع مناطق

[رأفت ميلاد]

هديتك مقبولة ولايقة عليك وعلى حكومتك .. لامن تكون الوردة فى منقار أم رخم الله أكّال الجيف