بقيت صفوة

[أبوبكر عباس]

المشاركة الأصلية كتبت بواسطة عكــود

العربسلاموي يا بابكر ..
العربسلاموي!

الظاهر عليك ما حتطوّل بي غادي،
حتجي راجع بي كَعَكك.

حسب الرابط الصفوي لا توجد واو الثقافة هنا
وانا عملت كوبي بيست خوفا من هذه الزرازر

[أبوبكر عباس]

المشاركة الأصلية كتبت بواسطة الجيلى أحمد

يامبر محمود,
مالك بقيت مجافى المنطق؟
كيف يعنى صرامة قانونية ولائحية ماسكنها تلاتة أنفار, بدون انتخاب, وبدون حق فى الطعن مؤسسية الموقع؟

يا الجيلي، انتا داير الجد؟
تجربة سودانيات تجربة ديمقراطية شكلية من المرحوم خالد الحاج وكان هو نفسو يتحكم في إختيار الامين العام وإختيار العضوية، وحاليا عكود يتحكم في إختيار الامين العام بنسبة كبيرة
لا يمكن إدارة المنتدى بديمقراطية حقيقية
لماذا؟
لانو الذي يتحكم في إختيار العضوية، هو الذي يتحكم في المنتدى وبالطبع لا يمكن فتح باب العضوية على مصراعيه؟!
كذلك لا يمكن للمالك تسليم مفاتيح منتداه لشخص هو لم يشارك في إختياره
تجربة فوراول هي الأكثر واقعية وعملية

[أبوبكر عباس]

المشاركة الأصلية كتبت بواسطة مها عبدالمنعم

سلامات داب عرفناك فشنو خليك هنا وهناك
رسلت الصوره الحديثه

سلام يا مها
أصلا ناوي اكون رسول ثقافة من فوراول لسودانيات وليس العكس

[أمين محمد سليمان]

المشاركة الأصلية كتبت بواسطة بابكر عباس

تجربة فوراول هي الأكثر واقعية وعملية

غايتو يا بكة، مرات عندك تنظيرات كده تمحن الجن ذاتو !!
إيه الأرف ده ؟!!

[طارق صديق كانديك]

المشاركة الأصلية كتبت بواسطة بابكر عباس

تجربة فوراول هي الأكثر واقعية وعملية

يا بكة

سنين ضوئية تفصل بين التجربتين، لدرجة تجعل المقارنة غير صحيحة بالمطلق.

فاذا كان الجميع يتفق على جدوى الديمقراطية وأهميتها، فانها تنعدم في الفورأول تماماً، وتنبسط في سودانيات، وتحكم المالك في اختيار الأمين العام، مرجعه الأساس التأمين، والحفاظ على خط الموقع العام، ولا يتم تعيينه من خارج العضوية، بل يجتهد المالك أو ممثله في اختيار من يصادف قبولاً عند كثيرين، مسنوداً بنصوص لائحية لا تجعل من قراره نهائياً لا معقب عليه، بل يقف مجلس ادارة منتخب درجة استئنافية لقرار الأمين العام المختار من المالك، الأمر الذي لا يتوفر في فوراول.

يا بكة لو أردنا أن نستطرد في هذا المجال لطال حديثنا، ليجعل من واقعية وعملية تجربة فوراول (بندق في بحر).!

[طارق صديق كانديك]

فاذا كان الجميع يتفق على جدوى الديمقراطية وأهميتها

طبعا ما بفوت على فطنتك، إنو (الجميع) المحمرة دي بتشمل القائمين على أمر ذاك المنبر.

[عكــود]

المشاركة الأصلية كتبت بواسطة بابكر عباس

يا الجيلي، انتا داير الجد؟
تجربة سودانيات تجربة ديمقراطية شكلية من المرحوم خالد الحاج وكان هو نفسو يتحكم في إختيار الامين العام وإختيار العضوية، وحاليا عكود يتحكم في إختيار الامين العام بنسبة كبيرة
لا يمكن إدارة المنتدى بديمقراطية حقيقية
لماذا؟
لانو الذي يتحكم في إختيار العضوية، هو الذي يتحكم في المنتدى وبالطبع لا يمكن فتح باب العضوية على مصراعيه؟!
كذلك لا يمكن للمالك تسليم مفاتيح منتداه لشخص هو لم يشارك في إختياره
تجربة فوراول هي الأكثر واقعية وعملية

سلام يا بابكر،

قبل ما تصير مداخلتك دي من الحقائق الممكن يتناقلها الركبان؛ حبّيت أوضّح الآتي:
1- الخالد لم يكن يتحكّم أبداً في العضوية، فالعضوية كانت وما زالت مفتوحة لكل من يطلبها ويزّودنا بمعلوماته المعروفة (الإسم الكامل، بلد الإقامة، رقم الهاتف، الإيميل).
2- لا الخالد كان، ولا عكود الآن، يتحكمون في إختيار الأمين العام، فإختيار الأمين العام تحكمه لائحة مُجازة بواسطة العضوية، وليست مفروضة من المالك أو من يمثّله.
نعم، المالك أوصى، بما جاء في اللائحة، بطريقة إختيار الأمين العام لأسباب يعلمها الجميع واقتنعت بها العضوية وأقرتها.

بالتالي نتيجتك الوصلت ليها في الجزء (التاني) الملوّن بالأحمر، لا تسندها حقائق.

أمّا إذا عايز تشكّر لي طريقة فوراوول في طريقة إدارة منتداهم، مافي زول حابسك.

تسلم.

[عكــود]

المشاركة الأصلية كتبت بواسطة مبر محمود

بإختصار: ما تراه أنت ضيق بالديمقراطية قد يراه غيرك نوع من أنواع الصرامة اللائحية والقانونية.

سلام يا مُبر،

وكذلك يرى الديكتاتوريون ومناصريهم، أن ما يفعلونه فيه كل الخير لوطنهم ولمواطنيهم.

[عكــود]

المشاركة الأصلية كتبت بواسطة هشام ديدي

الغريبه يجيييك واحد زي امير الامين ويقول ليك انا مشرف ..وانت عمرك ..

ما تعرف انو مشرف منتدي..وتجييك رساله انو مشرف منتدي وعلي حق..

غايتوا استسلام ولا حول ولا قوه الا باالله..

سلام هشام،

الأخ أمير الأمين مشرف لمنتدى الحوار، وقد تمّ الإعلان عن ذلك هنا:

http://sudanyat.org/vb/showthread.php?t=27081

[مبر محمود]

المشاركة الأصلية كتبت بواسطة عكــود

سلام يا مُبر،
وكذلك يرى الديكتاتوريون ومناصريهم، أن ما يفعلونه فيه كل الخير لوطنهم ولمواطنيهم.

تحيّاتي يا سيدي،
قطعاً كل زول عاجبو الصاريهو، هذه لا جدال عليها وفيها.
ولكن، حسب شوفي، الفوراوول لا يختلف عن بقية المنتديات السودانية، فجميعها -ما عدا سودانيات- تدار بواسطة ملّاكها ومؤسسيها. وبصورة عامة فأن مشروع إدارة مؤسسات التحاور على الإنترنت السوداني ما زال في طور الحداثة والتخلّق، ولكنه، حتماً، سوف يتطوّر يوماً بعد يوماً. وعلى كل حال أنا ما شايف في مبرر موضوعي لتسويق العداءات بين المنابر السودانية المختلفة، فجميعها مفيدة وتخدم غايات نبيلة وعظيمة.

ختام قولي، زي ما بقولوا السادة الصوفية: أفرز شيخك وحب الكل.

[الجيلى أحمد]

أطيب التحايا يامبر,
يامبر ادارة فور تتعامل بدكتاتورية مطلقة مع الأعضاء والعضوات,
ويمكن عادى يطيروا راسك لو اختلفت معاهم...

كتبت مداخلة مجهبزة ضاعت عند الارسال,
أحاول مجددآ هذا المساء..

يسعد نهارك

[مبر محمود]

المشاركة الأصلية كتبت بواسطة الجيلى أحمد

أطيب التحايا يامبر,
يامبر ادارة فور تتعامل بدكتاتورية مطلقة مع الأعضاء والعضوات,

ولك ضعف ما بذلت من تحايا يا جيلي،
هل من أمثلة على تقريرك بعاليه؟

[فيصل سعد]

المشاركة الأصلية كتبت بواسطة بابكر عباس

عليه:
سوف أكون بهناك كاتب راتب بلغة جزلة إنسيابية،
والجزل من الكلام هو الكلام القوي الفصيح.
سوف أكون كاتب زائر بسودانيات متى ما كان المنتدى
خالي من البوستات الدائرية، تفتحوا بوست دائري؛
بعاقبكم بالغياب لإسبوع وهكذا.

سلامات يا ندادة في الحقيقة انت ما بقيت
صفوة لانك اساسا صفي ..
لكن بقيت ما زي زمان

[مبر محمود]

المشاركة الأصلية كتبت بواسطة فيصل سعد

سلامات يا ندادة في الحقيقة انت ما بقيت
صفوة لانك اساسا صفي ..
لكن بقيت ما زي زمان

غايتو يا نديدو، مافي شئ غير كلامك ليهو دا، مخليهو طالع في راسنا وحاقر بينا كدا!

[فيصل سعد]

المشاركة الأصلية كتبت بواسطة مبر محمود

غايتو يا نديدو، مافي شئ غير كلامك ليهو دا، مخليهو طالع في راسنا وحاقر بينا كدا!

يا مبر ياخ انت ذاتك زول ما هين و ما ساهل ..
لكن الدنيا بت الكلب انت عارفها ما بتدي حريف

ارقد عافية ..