صدور كتابي الأول، نصوص إسفيرية

[جيجي]

عجبني ليك يا مبر
الاستاذ دا قال ليك زح مني بعيد انت مالك ومالي
ماكل مرة تجي تعمل فيها صاحبي

[أبوبكر عباس]

المشاركة الأصلية كتبت بواسطة جيجي

عجبني ليك يا مبر
الاستاذ دا قال ليك زح مني بعيد انت مالك ومالي
ماكل مرة تجي تعمل فيها صاحبي

خائف أقول ليك: ما تدخلي بين التفاحة وقشرتها
تقولي لي: القشرة منو فيكم؟

[مبر محمود]

المشاركة الأصلية كتبت بواسطة جيجي

عجبني ليك يا مبر
الاستاذ دا قال ليك زح مني بعيد انت مالك ومالي
ماكل مرة تجي تعمل فيها صاحبي

نحن غاوون يا جيجي، نتبع الشعراء فقط ولا يضيرنا من بعد ذلك أي منقلب تنقلب إليه غوايتنا هذه.
عليك الله، تكرّمي علينا، وأهدي بابكر دا بالنيابة عني أغنية "المصير" بصوت ابراهيم عوض.

[معتصم الطاهر]

سلام


الف مبروك

و أنت أحق الناس بالنشر ..

يسعدنى الترويج لك

ياخ ممكن معلومات

الغلاف
عدد المواضيع
كم صفحة

[جيجي]

المشاركة الأصلية كتبت بواسطة مبر محمود

نحن غاوون يا جيجي، نتبع الشعراء فقط ولا يضيرنا من بعد ذلك أي منقلب تنقلب إليه غوايتنا هذه.
عليك الله، تكرّمي علينا، وأهدي بابكر دا بالنيابة عني أغنية "المصير" بصوت ابراهيم عوض.

دي بتاعت

ولما أغرق فى دموعى
تبكى من قلبك معايا

ياخي خليني اهدي ليه

لو داير تسيبنا
جرب وانسى ريدنا

[حجة امنة]

المشاركة الأصلية كتبت بواسطة مبر محمود

سلام يا بابكر، وشكراً على كوكتيل الجمعة الماتع الذي لا يخلو من الغرض!


يا حجة آمنة، ما تشكري لينا الراكوبة في الخريف، نحن السودانيين ديل -حفظنا الله ورعانا- إنجازنا الوحيد طولة لسانا دي!

والله موش أشكر ليك الراكوبة في الخريف ساهي، كمان أعمل ليك للقطاطي سباليقgap

حسع انا الحاجة الوحيدة المكيفاني إنك قريت مداخلتي الطويلة دي كلها و طلعت ليك بي شي مفيدgap


بالمنافسة
دي اول مداخلة لي معاك (فيس تو فيس) يا عملات هيثم الشفيع

سجل سجل يا تاريخgap

[مبر محمود]

المشاركة الأصلية كتبت بواسطة حجة امنة

والله موش أشكر ليك الراكوبة في الخريف ساهي، كمان أعمل ليك للقطاطي سباليقgap

بما إنو نحن الإتنين كاتبنا المفضل على إمتداد الأسافير هو الأديب الفطحل بابكر عبّاس، فمافي مشكل؛ ح أخليك تعملي سباليق القطّية وأنا راضي!

بالمناسبة، أفضل "تسويق" لكتاب بابكر دا، هو إننا نعلن إنو محظور ومصادر بأمر السلطات في السودان، ما شفتي ناس بركة ساكن وحمور زيادة وفتحي الضو أستفادوا من القصّة دي كيف؟! زمان الكاتب الأمريكي الساخر "مارك توين" كان برضو بيعمل كدا، يكتب الكتاب ويمشي يكتب بأسماء مستعارة في الصحف مطالباً بمصادرة وحرق الكتاب!

[تماضر حمزة]

حركتك ما زريفة يابكّة، ياخ اكتب وسوّق ونافس بشراك ذاتو
لكن عليك الله لقبي دا ماتشركني فيو مع زول!
أنا زي الفريك ما أحبش شريك!

الغريبة الناس زمان بتعملا في الخلا ياناس مدني تسووها في البحر؟

شتااااارتن

[سارة]

الحمدلله الذى جعلنى صديقة لهذا الكاتب النبيل
اكتب يا صديقى ولا تهتم بامثال شحتة وكانديك
والمادح انهم مغرضون ليس الا توقف قليلا عند
مداخلات حجة امنة

بالله دايرة نسخة لى ونسخة للشفيف اسامة معاوية

[أبوبكر عباس]

المشاركة الأصلية كتبت بواسطة معتصم الطاهر

ياخ ممكن معلومات

الغلاف
عدد المواضيع
كم صفحة

الكتاب من 213 صفحة متوسطة الحجم، واجهة الغلاف بها لوحة لإمراة فاردة توبها أثناء تلقيطها للقطن ويسقط فيه قمرا من السماء، لون الغلاف خاطف لونين. اللوحة من أعمال الفنان موسى حسن

بخلفية الكتاب صورة للكاتب بقميصة الأصفر المعروف زايد نبذة عن أعمال الكاتب

[أبوبكر عباس]

المشاركة الأصلية كتبت بواسطة تماضر حمزة

الغريبة الناس زمان بتعملا في الخلا ياناس مدني تسووها في البحر؟
شتااااارتن

يبدو يا تماضر، انو زمان بحر مدني كان قايم فيهو شجر العوير بكثافة، ولا يخفى عليك فائدة ورق الشجر في العملية، التراب ما حضاري!

[أبوبكر عباس]

ركن نقاش
بابكر عباس
النص:
أول ركن نقاش احضرو في رحلتي الثقافية بالجامعة كان ركن نقاش إسلامي، لقيت ليك واحد من دفعتنا واقف وشايل ليهو ورقة يكتب في ملاحظاتو!!
بسري قلت الزول دا بيكون بدأ يتثقف قبلي...

تم فتح الفرص للحوار، وادوا صاحبي فرصة، قام بعد حمد الله و صلى على الرسول سأل المتحدث عن العدالة الإجتماعية وحرية المرأة؟؟

المتحدث قال ليهو: انت تبع ياتو تنظيم؟
صاحبي قال ليهو: ما عندي
المتحدث: يعني فلوتر
صاحبي نطط اضنينو!
المتحدث قال لصاحبي: بتعرف العاديات ضبحا تعني شنو؟
قال ليهو: لا
والحضور يفقعا ليك ضحك

والله أنا المتثقف الجديد دا، خفت خوف..
وجري للسينما
ركن النقاش التاني كان بتاع الجبهة الديمقراطية، نص الكلام فهمتو والنص التاني مرّ ساكت وفتحوا فرص للنقاش، طوالي عملت فيها بعاين للسمبر الفي اللبخ داك...
عوير انا أمشي جوة الدائرة وأسأل وأخلي الجكس النظيف يضحك فوقي؟!
إن شاء الله علاقة الدين بالدولة ما إتعرفت..
طلعت من الركن دا بإستعمال جديد لكلمة "تأمين"، وبقيت كل ما أوافق لي زول الرأي بقول: أنا بأمن على كلامك دا!
وإتعلمت أقطع الكلام
ولما تلاقي ليك بت تسلم عليها تقول ليها: إزيّيّيّك؟ (تلاتة يايات مشددة) وتشد على يدها وتلولحا

المهم موضوع الثقافة قنعت منو، لكن عرفت انو معاداة الزملاء ديل ممكن تكبدني خسائر فادحة

في الركن دا، شفت لي بت من بنات الجبهة الديمقراطية جهجت باكاتي!
بت أجمل من بت بشرى الفاضل (أجمل زول كيتا في محسن) التي طارت عصافيرها، قمحية لا كالقمح الذي نعرفة و لكن كالقمح حينما يكون قمحيا مثلها، لابسة إسكيرت جينز دارك بلو وبلوزة بلو فاتح وشدة سودا بشرابات بيض، عينها الشمال فيها نعاس خفيف، بإختصار "خطيرة جد". وعرفت إنها بتقرا في نهائي إقتصاد.
تاني يوم طوالي عزمت البرالمة (برالمة طب من غرب الجزيرة حالتم كانت تحنن) المعاي في الغرفة عشاء في كافتريا الإقتصاد.
أشترينا السندوتشات و البيبسي و مشينا قعدنا في طرف الكافتريا في التروتوار، و فكينا ورق السندوتشات وقبل ما نقرم السندوتش، البت بتاعة الشدة تجينا طايرة وقالت: وقف عندك يا برلوم، دا شنو؟ عصام وعماد تعالوا شوفوا ديل، عماد وعصام لابسين نفس ألوان البت الشديدة بس الشدة السودا من غير شرابات وعندهم نظارات نظر.

البت و الأولاد الاتنين و صحبانم الفي الكافتريا حاوطونا في شكل هلال و بدوا يدونا في محاضرة حول كيفية أكل الساندوتش من غير نزع الورقة كاملا
- يلا يا برالمة لفوا السندوتشات زي ما كانن
- لفينا السندوتشات
- أفتحوا السندوتش من واحد من الاطراف وأمسكوا طرف الرغيفة بسنونكم وارخوا مسكة الورقة من الطرف التاني و جروا الرغيفة للجهة المفتوحة مع القرمة
- حاضر
واصلوا بالطريقة دي لحدي ما السندوتش يكمل
- أوكي
- اوع ترموا الورقة في الواطة
- حاضر

أول مرة في حياتي يزلوني قدام بنات

[حجة امنة]

المشاركة الأصلية كتبت بواسطة مبر محمود

بما إنو نحن الإتنين كاتبنا المفضل على إمتداد الأسافير هو الأديب الفطحل بابكر عبّاس، فمافي مشكل؛ ح أخليك تعملي سباليق القطّية وأنا راضي!

بالمناسبة، أفضل "تسويق" لكتاب بابكر دا، هو إننا نعلن إنو محظور ومصادر بأمر السلطات في السودان، ما شفتي ناس بركة ساكن وحمور زيادة وفتحي الضو أستفادوا من القصّة دي كيف؟! زمان الكاتب الأمريكي الساخر "مارك توين" كان برضو بيعمل كدا، يكتب الكتاب ويمشي يكتب بأسماء مستعارة في الصحف مطالباً بمصادرة وحرق الكتاب!

لا ياخ
حمور زيادة الواحد دا!!! متين الكلام دا؛ انا كتا متابعه لحدد (سيرة أمدرمانية)
شوف بلاهيgap
أ؟!
لكين فكرة سمحة، العجب كان زدناها توم و حبة زندقه، زندقه دي من زنديق، يعني نقول الكاتب ال...

الفكرة بعد أتمعنتها ما راقت ليgap

ممكن انا مثلاً أقوم أقول أحرقو كتب بابكر عباس و أجي انا أطلع ديوان و بابكر يخدمني في موضوع الحريقة دا و القصة تبقى حبيبي أحرق لي و انا أحرق ليك

المشاركة الأصلية كتبت بواسطة تماضر حمزة

حركتك ما زريفة يابكّة، ياخ اكتب وسوّق ونافس بشراك ذاتو
لكن عليك الله لقبي دا ماتشركني فيو مع زول!
أنا زي الفريك ما أحبش شريك!

الغريبة الناس زمان بتعملا في الخلا ياناس مدني تسووها في البحر؟

شتااااارتن

لا خلاس gap

المشاركة الأصلية كتبت بواسطة سارة

الحمدلله الذى جعلنى صديقة لهذا الكاتب النبيل
اكتب يا صديقى ولا تهتم بامثال شحتة وكانديك
والمادح انهم مغرضون ليس الا توقف قليلا عند
مداخلات حجة امنة

بالله دايرة نسخة لى ونسخة للشفيف اسامة معاوية

سارة إتو بي صِحكم؟!
وحاط الله انا قايلاها ونسه ساكت من قبيل!!
بديت أشك إنو القصة صحي و في كتاب جدجدgap
كان كدي النلحق نعدل مداخلاتي الفوق ديلgap

[جيجي]

المشاركة الأصلية كتبت بواسطة بابكر عباس

ركن نقاش
بابكر عباس
النص:
أول ركن نقاش احضرو في رحلتي الثقافية بالجامعة كان ركن نقاش إسلامي، لقيت ليك واحد من دفعتنا واقف وشايل ليهو ورقة يكتب في ملاحظاتو!!
بسري قلت الزول دا بيكون بدأ يتثقف قبلي...

تم فتح الفرص للحوار، وادوا صاحبي فرصة، قام بعد حمد الله و صلى على الرسول سأل المتحدث عن العدالة الإجتماعية وحرية المرأة؟؟

المتحدث قال ليهو: انت تبع ياتو تنظيم؟
صاحبي قال ليهو: ما عندي
المتحدث: يعني فلوتر
صاحبي نطط اضنينو!
المتحدث قال لصاحبي: بتعرف العاديات ضبحا تعني شنو؟
قال ليهو: لا
والحضور يفقعا ليك ضحك

والله أنا المتثقف الجديد دا، خفت خوف..
وجري للسينما
ركن النقاش التاني كان بتاع الجبهة الديمقراطية، نص الكلام فهمتو والنص التاني مرّ ساكت وفتحوا فرص للنقاش، طوالي عملت فيها بعاين للسمبر الفي اللبخ داك...
عوير انا أمشي جوة الدائرة وأسأل وأخلي الجكس النظيف يضحك فوقي؟!
إن شاء الله علاقة الدين بالدولة ما إتعرفت..
طلعت من الركن دا بإستعمال جديد لكلمة "تأمين"، وبقيت كل ما أوافق لي زول الرأي بقول: أنا بأمن على كلامك دا!
وإتعلمت أقطع الكلام
ولما تلاقي ليك بت تسلم عليها تقول ليها: إزيّيّيّك؟ (تلاتة يايات مشددة) وتشد على يدها وتلولحا

المهم موضوع الثقافة قنعت منو، لكن عرفت انو معاداة الزملاء ديل ممكن تكبدني خسائر فادحة

في الركن دا، شفت لي بت من بنات الجبهة الديمقراطية جهجت باكاتي!
بت أجمل من بت بشرى الفاضل (أجمل زول كيتا في محسن) التي طارت عصافيرها، قمحية لا كالقمح الذي نعرفة و لكن كالقمح حينما يكون قمحيا مثلها، لابسة إسكيرت جينز دارك بلو وبلوزة بلو فاتح وشدة سودا بشرابات بيض، عينها الشمال فيها نعاس خفيف، بإختصار "خطيرة جد". وعرفت إنها بتقرا في نهائي إقتصاد.
تاني يوم طوالي عزمت البرالمة (برالمة طب من غرب الجزيرة حالتم كانت تحنن) المعاي في الغرفة عشاء في كافتريا الإقتصاد.
أشترينا السندوتشات و البيبسي و مشينا قعدنا في طرف الكافتريا في التروتوار، و فكينا ورق السندوتشات وقبل ما نقرم السندوتش، البت بتاعة الشدة تجينا طايرة وقالت: وقف عندك يا برلوم، دا شنو؟ عصام وعماد تعالوا شوفوا ديل، عماد وعصام لابسين نفس ألوان البت الشديدة بس الشدة السودا من غير شرابات وعندهم نظارات نظر.

البت و الأولاد الاتنين و صحبانم الفي الكافتريا حاوطونا في شكل هلال و بدوا يدونا في محاضرة حول كيفية أكل الساندوتش من غير نزع الورقة كاملا
- يلا يا برالمة لفوا السندوتشات زي ما كانن
- لفينا السندوتشات
- أفتحوا السندوتش من واحد من الاطراف وأمسكوا طرف الرغيفة بسنونكم وارخوا مسكة الورقة من الطرف التاني و جروا الرغيفة للجهة المفتوحة مع القرمة
- حاضر
واصلوا بالطريقة دي لحدي ما السندوتش يكمل
- أوكي
- اوع ترموا الورقة في الواطة
- حاضر

أول مرة في حياتي يزلوني قدام بنات

ماورتكم كيف مابتمرروا القرمة من خلال الشفاه
ولا كيف بتشربو العصير والموية من جوه الخشم

[أبوبكر عباس]

المشاركة الأصلية كتبت بواسطة سارة

الحمدلله الذى جعلنى صديقة لهذا الكاتب النبيل
اكتب يا صديقى ولا تهتم بامثال شحتة وكانديك
والمادح انهم مغرضون ليس الا توقف قليلا عند
مداخلات حجة امنة

بالله دايرة نسخة لى ونسخة للشفيف اسامة معاوية

انتي بديك نسخة، لكن وسامة دا، يقع في دائرة المنافسين وأنا بخاف من العين.
نزعت لقب أجمل زولة من حجة آمنة بعد التوقف عند مداخلاتها.
شكرا للدعم وفعلا الصديق عند الضيك