اقتباس:
المشاركة الأصلية كتبت بواسطة مبر محمود 
سلام يا خدر، وشكراً على عرض الحال الأيدولجي.
أعتقد إن الخطاب بصيغة الجمع والتعميم يضعف من الثقل الموضوعي لاي خطاب.
الشيوعيون السودانيون مثلهم مثل الأتحاديين والأنصار والبعثيين والجمهوريين والناصريين والحقانيين، ...الخ، مجموعة من الأفراد تحالفوا على مشروع فكري وسياسي معيّن، وهؤلا الأفراد قطعاً ليسوا على نسخ طبعِ واحد، إذ فيهم الكريم مثلما فيهم البخيل، وفيهم المقدام مثلما فيهم الجبان، وفيهم الموضوعي مثلما فيهم الأهوج والعاطفي، فالتربية الحزبية مهما بلغت من الصرامة لا ولن تنسخ المتحزبين نسخاً وحداً، فياخوي، عشان هلال مريخ دي نمرق منها، أنضم لينا في الشيوعيين السودانيين ديل نضم سمح ومختلف وأنا أثق أنك قادر على ذلك.
|
فأنا عايز أقول شنو يا مبر ياخوي ..... تصدق وتؤمن بالله أنا من كورة سيوي والقون الجابوهو في الدقيقة مافيش في إستاد الهلال بطلت أباري هلاريخ وهسي زاتو ماعارف نحنا في الأسبوع الكم من الدوري الممتاز .
عرض الحال كما تفضلت به لم يكن علي الإطلاق لإظهار شئ غير موجود فالشيوعيين السودانين وعلي علاتهم (الفيهم مشهودة .... إلخ الملحمة) . أنا زاتي يا مبر مؤخراً بقي ولا يطربني الكورال زاتو .
النضم القدامك هسي ده كان محاولة ليس الا لجرجرة أخانا في الله ناصر وكل الذين يناصروه علي فكرته لمزيد فضفضة ومن ثم للدخول لنواحي شوف ما شايفينو كتيرين من الناس . أنا رميت رميتي والصيد كما تري ماشاء الله فتعال نصطادو كلنا وأنا أثق في حسن تدبيرك ورعايتك يا صديقي .
