دعوة لجمع تواقيع لإقامة إنتخابات مُبكرة بمنتدى سودانيات

[AMAL]

اهو قال ليك برااه
انتم مصدر السلطة
تمنحوها لمن تشاؤا
وتمنعوها عمن تشاؤوا

[youtube]http://www.youtube.com/watch?v=PBPowbSzUww[/youtube]

[الجيلى أحمد]

لو ما موجود ضمن آليات الديمقراطية؛ ببقى غير ديمقراطي

كيف الكلام دا ياعمنا؟
يعنى الناس البتتظاهر دى ماعندها حق..

ياأخى انت تحفة
ياود ياديمقراطى

[أبوبكر عباس]

المشاركة الأصلية كتبت بواسطة AMAL

اهو قال ليك برااه
انتم مصدر السلطة
تمنحوها لمن تشاؤا
وتمنعوها عمن تشاؤوا

من غير ما أفتح الفيديو
مرسي قاصد: عبر صناديق الإقتراع يا كيشية

[وهاد ابراهيم محمد]

بابكر الما رومانسي إزيك..

الكتاب ما وصلني .. نمرة واحد
لو حابي تتصدّق بقيمته, العرض العندنا بضاعف ليك الصدقة, بس تتقبل ولا لا ما بعرف.. نمرة اتنين
في موضوع الديمقراطية ده, انت ماشي أعرج بالمناسبة.. نمرة تلاتة والأخيرة.

سلام.

[أبوبكر عباس]

المشاركة الأصلية كتبت بواسطة الجيلى أحمد

كيف الكلام دا ياعمنا؟
يعنى الناس البتتظاهر دى ماعندها حق..

ياأخى انت تحفة
ياود ياديمقراطى

يا اخي، موش ما عندها حق تتظاهر
ما عندها حق تقول أرحل قصبا عنه بالمعنى المادي للرحيل من الكرسي
التظاهر للضغط لتغيير مواقف
موش زي العوارة بتاعة طلاب مصر ديل، يجيبوا مناقدم وقراصتم ويحتلوا
اتا ما شفت ليك تظاهر باوربا يا كافي البلا!

[أبوبكر عباس]

المشاركة الأصلية كتبت بواسطة وهاد ابراهيم محمد

بابكر الما رومانسي إزيك..

الكتاب ما وصلني .. نمرة واحد
لو حابي تتصدّق بقيمته, العرض العندنا بضاعف ليك الصدقة, بس تتقبل ولا لا ما بعرف.. نمرة اتنين
في موضوع الديمقراطية ده, انت ماشي أعرج بالمناسبة.. نمرة تلاتة والأخيرة.

سلام.

طولت ما سلمت في مداخلاتي
سلام يا وهاد
الكتب مع مهند ولو ما وصلن للناس؛ نطلب منه الرحيل
أرحل
أرحل

[الجيلى أحمد]

الحاصل ياشباب
انو عمنا بابكر العباسى حاول يبيض وشو, بعد البوست الآخير والاستباقى الذى كتبه
واستنكر فيه خروج الناس الى الشارع, معتبرآ له كعمل غير ديمقراطى..

الزول الظريف دا حاول انو يعالج المسألة بتاعت الاحراج اليمكن يخش فيهو بالبوست المهبب دا..

وكما يلاحظ الجميع فبابكر يخرج عن طوره, ويبتعد عن لب النقاش..

أنا أكون جاي من البار وشايل قزازتي وبيدي اليسار أطقطقك والشمس حيّة

طالع من البار
جآآى من الكنيسة
خارج من المسجد
كلو صابون ياعمك

كدى النشوف (اللفت) لأنو يمينك طلع مخستك

[AMAL]

المشاركة الأصلية كتبت بواسطة بابكر عباس

من غير ما أفتح الفيديو
مرسي قاصد: عبر صناديق الإقتراع يا كيشية

افتحوا بعدين اتفاصح

بعدين انت بتتكلم عن توقيعات وعالم افتراضي
والناس الشايفة دي ياعمك لحم ودم وهتاف وحناجر وارادة حرة
طلعت واتحدت سلطة ومليشيات اخوان وارهاب
لو في محلك اجمع توقيعات للمطالبة برحيل الاخوان لكوكب اخر
يعوسوا فيه عوسم

[الجيلى أحمد]

المشاركة الأصلية كتبت بواسطة بابكر عباس

موش زي العوارة بتاعة طلاب مصر ديل، يجيبوا مناقدم وقراصتم ويحتلوا
اتا ما شفت ليك تظاهر باوربا يا كافي البلا!

غايتو ياعمنا
انت الليلة متوتر شديد..

كيف عوارة ياأخى..
لمن مات عمك فان خوخ (المخرج التلفزيونى) فى هولندا, الناس عملت مظاهرة اسمها الضوضاء.. اى زول جاب (حلة بتاعت طبيخ) وفى ناس جابت الكمش, وفى ناس دورت الدنب, وفى ناس عزفت على الجيتارات, وكان أعظم حفل ضجيج مهيب شهدته أمستدرام طوال وجودها..

المشكلة وين ياشاب انو الناس تتظاهر بالطريقة البتعجبا, مادامت ديمقراطية وسلمية


قلتا لى عوارة؟ يامستنير يابتاع الوعى

[أبوبكر عباس]

المشاركة الأصلية كتبت بواسطة AMAL

افتحوا بعدين اتفاصح

بعدين انت بتتكلم عن توقيعات وعالم افتراضي
والناس الشايفة دي ياعمك لحم ودم وهتاف وحناجر وارادة حرة
طلعت واتحدت سلطة ومليشيات اخوان وارهاب
لو في محلك اجمع توقيعات للمطالبة برحيل الاخوان لكوكب اخر
يعوسوا فيه عوسم

ما يطلعوا بلحم ودم، ما برضو أنصار مرسي طلعوا بلحم ودم وكمونية
ح تقولي لي ناسي وحبايبي كانوا أكتر
أقول ليك
دا مربط الفرس؟؟
من البحدد انهم كانو أكتر؟ ومنو البتخذ القرار؟ وبستند على شنو؟

[سارة]

المشاركة الأصلية كتبت بواسطة طارق صديق كانديك

مشكلتك حتبقى في (عبدالفتاح السيسي) ما بنحاز ليك أبداً،وحيكون مع الشرعية الدستورية يا مستنير يا كبير.

اوسكار يا ابو حمزة عافية تخصك فى المصارين

وانا برضو سجل اسمى وبعدين موضوع السيسى بنلقى ليهو افتاء

[الجيلى أحمد]

المشاركة الأصلية كتبت بواسطة بابكر عباس

الكتب مع مهند ولو ما وصلن للناس؛ نطلب منه الرحيل
أرحل
أرحل

فى حالة زى دى يمكن الواحد يوقع معاك

[أبوبكر عباس]

المشاركة الأصلية كتبت بواسطة الجيلى أحمد

لمن مات عمك فان خوخ (المخرج التلفزيونى) فى هولندا, الناس عملت مظاهرة اسمها الضوضاء.. اى زول جاب (حلة بتاعت طبيخ) وفى ناس جابت الكمش, وفى ناس دورت الدنب, وفى ناس عزفت على الجيتارات, وكان أعظم حفل ضجيج مهيب شهدته أمستدرام طوال وجودها..

أها وطلبوا من منو يرحل؟
إتّا محتاج ليك كورس في التمييز

[أسعد]

غايتو انا كنت ضد سحب الشرعية من الرئيس المنتخب شرعيا
لكن بعد ما شوفت بابكر
عليه فأنا غيرت رأيي

بابكر فيه من سوء الحظ الممكن يخلي الحق باطل

http://youtu.be/8PLSyFzk-6g

[قيقراوي]

يا اخونا - بدون مقاطعة كدي- عندي سؤال انصرافي كدي حاقصة لي

انتو البعمل فيو عمك بابكر دا ما يعتبر تسدير بالدرب العديل داك









-------

ياخي لنا دي ما انسان زيك
وليها حق الشتارة والراي الخطأ زيك وااااحد!
شنو طوالي قافز لي صفتها الوظيفية في المنتدى!؟

بي طريقتكم دي بكرة ما بتلقوا ليكم زول يتولى الهم دا
والله صحي