اقتباس:
المشاركة الأصلية كتبت بواسطة احمد زين
يا دكتورة خليك من قبل 5 سنوات
معتز القاعد يغني في اغاني واغاني ده ما عندو علاقة بالغناء
|
الاداء الظهر بيهو معتز فى اغانى واغانى لا يعنى اطلاقا انه غير موهوب بطبعه وانه لا يمتلك للفن ناصية
معتز فنان موهوب وعنده امكانيات عالية جدن لكنه بيمر بى ظروف بالغة الاسى الهجوم القاعد
يتعرض ليهو والملئ بالسخرية بكون مدعاة للغرق اكثر فى المسأة التى يعيشها خلونا ك بشر اتوفرت
لينا امكانية انو نوصل ليهو صوتنا خلونا نجتهد ندعمو ونحاول نعيدو لى سكتو الاولى ونرجع
ليهو شئ من ثقتو فى روحو الفقدا لاسباب كتيرة ..معتز يتعرض لزلزال وانتو خارج اطار ظرفو
بتحكموا عليهو بقسوة شديدة جدن..الود ده فنان ومتمكن ومتفرد بشهادة موسيقيين كتار بس
الله يأخد بيدو ويمرقو من الظروف السيئة البيمر بيها..نحن لمتيين حنكون شعب يجيد الاغنتيال
ولا يجيد توفير الدعم والمساندة معتز صباحى ممكون انا شخصيا متألمة جدن للحال الوصل ليهو
وبتمنى منكم ما تزيدو الطين بله ولو عندكم نقد خلوهو نقد بناء وروهو وين مواطن الخلل فى الاداء
بدل السخرية والتهكم والاستخفاف بى مظهرو ولبسو ..لبسو علاقتو شنو بالغناء ده شئ شخصى
ما مفروض نتجاوز الموضوعى للشخصى ..قبل كده محمود ظهر فى البرنامج ده وهو فى
اسوا حالاتو الصحية والنفسية الناس ما رحمتو واشتغلت بنفس النمط الشغاليين بيهو هسه لمعتز
مافى زول وقف مع نفسو ولام روحو احتمال الا لمان محمود مات هسه برضو مشغلنها لى معتز
الشعب السودانى البطل ده راح يتعلم متييييييييييييييين؟؟
ياخ مرات مرات بقول انو الشعب السودانى ده يستاهل البعملو فيهو الكيزان مااااا بنتعلم من تجاربنا
نوهائيا..ومن هنا اسجل اعجابى الشديد بالفنان الشاب المتميز معتز صباحى واقدم له دعمى النفسى
والمعنوى واقول ليهو ظروف وتعدى ما تهتم ولى قدام يا فنان نحن معاك ونشد من اذرك والتراجع
الظهرت بيهو ما نهاية المطاف ولا نهاية معتز الفنان الذى عرفته وعرفه اهل الفن ما سبق وقدمته
يحفظ لك مكانتك الفنية التى نلتها عن استحقاق وانت كما تعلم يا سلطان ان كان هناك فنان
يدانى محمود موهبة فهو انت واعزيك فى فقدك الجلل لصديقك الفقيد محمود عبد العزيز وابقى
عشرة على معتز يكفينا ان فقدنا محمودا وليس فى الحزن متسع لفقدك كن بخير والى الامام
دوما مدفوع بحب المحبيين المخلصيين الذين يعرفون حجم موهبتك وحجم معاناتك
(التوقيع : انسانة حاسة بيك)
