اقتباس:
المشاركة الأصلية كتبت بواسطة كيشو
ازيك يا ماريل
ياخي صاحبنا أمير دا أقبلي منو أي حاجة، دي حيلتو 
الزول دا كان سكيتوهو انت وخالد غالي بتبيعوهو الوراهو والقدامو  |
سلامات يا مولانا..
صاحبكم ده كان نضم فوق السماحة وبس كان عديتا ليهو
لكن ما دام جابت ليها ترترة الامانة تلزمنى اوضح ليهو
وبرضك بتعامل معاهو بى رأفة لانو بشوف بى عين المخل(وع
اقتباس:
المشاركة الأصلية كتبت بواسطة مهند الخطيب
والله ياماريل كورتك فاكة فكة ...
أمير ده النوع البشجع منتخب أسبانيا تقولي لي دار سلام ؟؟!!
الفكرة مافي الرقيص  |
كورتى انا الفاكة؟؟ثم انو دار سلام دى مؤدية بارعة لرقصة الشايقية المرافقة
لايقاع الدليب ..
(وزينة) شايلا موج البحر تماما كما ترمز الرقصة ناس اسبانيا ديل يرقصوا مع
عوضية عذاب ما يعذبو ناس البرنس ديل ...
غايتو انا معاك انو الفكرة مافى الرقيص نوهائيا
اقتباس:
المشاركة الأصلية كتبت بواسطة أمير الأمين
سلام ماريل وشهرمبارك
بفتكر الفيديو التانى تطور حقيقى ومستحق لغناء الشايقية
تطور يناسب ايقاع العصر(لبس وطريقة اداء مضافة)
مع الاحتفاظ بالمقومات الاساسية (العوم او الترترة)
بالجنبة كده
ما عندكم "بحر" غير دار السلام دى |
عليك دينك وايمانك انت مقتنع بى قصة تطور دى؟؟اسمو تراث يا برنس
رغم انى من جيل الناس (البتترتر دى)لكنى اظل احتفظ فى ذاكرتى برقصة
جداتى واجدهن قدمن فن يستحق الاشادة وليس مجرد اغواء وهز صدور وارداف
اسمع المقطع ده واتخيلوا عليك الله:-
قلبى يتوه مع نورة لما تكمل الرقص
تجدع توبا فوق راسا وتقول كدى تجرى تندس
شفت كيف رقيص مع خجل وحياء ده ياها اللعبة البشجعا تقول لى اسبانيا
بالدغرى كده:
ما عندى غير دار سلام اليها السلام وعليها السلام الى يوم الختام
