جارح الإحساس .... عمل جديد

[زول الله]

المشاركة الأصلية كتبت بواسطة علاءالدين عبدالله الاحمر

جا جميل حاحلو بس يارجل سلامات يامتطامن ومطمن باقي الناس

سا سلام كبير ليك يا احمر
و شا شكرا نبيلاً يشبهك على الدعم الجميل

يازول اشتقنا ليك جد جد

الله يطمنك دنيا وآخرة قول آآمين



بالجمبة:
ياخ فك لينا كم بايظ من حقينك يمكن يزبط معانا واحد




اقول قولي هذا واستغفر الله لي..............

[علاءالدين عبدالله الاحمر]

تماضر كفاك من حر وحيح النم
@ الحال مابسر قرنت غيوم الهم @ ياالقدمك وطي الجرح الم @ فر صقيري حام ببرا محال يتلم @ تماضر ياخيتي سوي السوات في القلة @ ماتنتطفيلك نار ماعونك يكفي الحلة @ واقدلي بمهل هوينك ومامساير ثلة @ كب سعني النضم نبايز خلق الله @ ماهذاك ريحا صرص في ضلمة @ يابت الرجال اخت البجر شبالو @ خابراك البلود زولك يكيد عزالو

[لنا جعفر]

سلامات ياود الشيخ.....
ده لحن جميل جداً ومقدراتك الصوتية شبهت لي الطيب مدثر
انت بالجد زول فنان
عجبتني الغنيوة حقيقي...وصوتك دافي ومساحاته رحبة
واحساس حلو لمن تكون بتعرف زول وتكتشف فيهو جوانب مبدعة...
انت فنان والعجبني انك بتلحن...
وبنساعدك في النصوص يازول هوي
---
انت قاعد معانا هنا بتسو في شنو؟؟؟

[زول الله]

المشاركة الأصلية كتبت بواسطة علاءالدين عبدالله الاحمر

تماضر كفاك من حر وحيح النم@
الحال مابسر قرنت غيوم الهم @
ياالقدمك وطي الجرح الم @
فر صقيري حام ببرا محال يتلم @

يا أحمر ازييك وعساك فاين
حاول زبط على الفوق ديل وزيدهم وبعد داك اسألني منهم تب






اقول قولي هذا واستغفر الله لي................

[زول الله]

المشاركة الأصلية كتبت بواسطة لنا جعفر

سلامات ياود الشيخ.....
ده لحن جميل جداً ومقدراتك الصوتية شبهت لي الطيب مدثر
انت بالجد زول فنان
عجبتني الغنيوة حقيقي...وصوتك دافي ومساحاته رحبة
واحساس حلو لمن تكون بتعرف زول وتكتشف فيهو جوانب مبدعة...
انت فنان والعجبني انك بتلحن...

هلا بيك يا لنا ورمضان كريم تصومي وتفطري على خير

عجبني انها عجبتك وزي كلامك دا هو البخلق المنافسة مع الذات
مشكورة كتير على الدعم والكلام الجميل وحسن الظن

المشاركة الأصلية كتبت بواسطة لنا جعفر

وبنساعدك في النصوص يازول هوي
---
انت قاعد معانا هنا بتسو في شنو؟؟؟

شفتي اهم شيء "النصوص" دي وحأكون لابد ليك بالجوكرين
----
ساي والله






اقول قولي هذا واستغفر الله لي...............

[جيجي]

ما عُمري كلو وهبتو ليك
حبيت عِيونك بي صدق
سافرت في الاحلام معاك
بين الغمام وضو البرق
------

الله عليك وعلى ضوء البرق ياخ
زول الله لحن جميل والله

[زول الله]

المشاركة الأصلية كتبت بواسطة جيجي

ما عُمري كلو وهبتو ليك
حبيت عِيونك بي صدق
سافرت في الاحلام معاك
بين الغمام وضو البرق
------

الله عليك وعلى ضوء البرق ياخ
زول الله لحن جميل والله

جيجي كيفك ورمضانك كريم

ابدع الشاعر في الوصف وترجمة الحال
وانا حاولت اركب ليها قالب لحني يتماشى مع احساسه
يبدو اني اتوفقت فيها والحمدلله

شكراً كبيراً على مرورك الفخم
ربنا يحفظ الوالدة من كل شر ويسلمها قادر ياكريم





اقول قولي هذا واستغفر الله لي..............

[علاءالدين عبدالله الاحمر]

المشاركة الأصلية كتبت بواسطة زول الله

هلا بيك يا لنا ورمضان كريم تصومي وتفطري على خير

عجبني انها عجبتك وزي كلامك دا هو البخلق المنافسة مع الذات
مشكورة كتير على الدعم والكلام الجميل وحسن الظن




شفتي اهم شيء "النصوص" دي وحأكون لابد ليك بالجوكرين
----
ساي والله






اقول قولي هذا واستغفر الله لي...............
[/COLOR]

جوكرين جوكرين جوكرين يازول الله الله يستر من خمسين الفشنك ‏‎
‎

[زول الله]

المشاركة الأصلية كتبت بواسطة علاءالدين عبدالله الاحمر

جوكرين جوكرين جوكرين يازول الله الله يستر من خمسين الفشنك ‏‎
‎

يازول بالجوكرين لو كحيت خمسين






اقول قولي هذا واستغفر الله لي..............

[قيقراوي]

يا ةد الشيخ زي ما قالت لنا، انت المقعدك معاهم شنو الناس الوهم ديل وكت بتعرف تلحن وتغني ري دا!؟

[زول الله]

المشاركة الأصلية كتبت بواسطة قيقراوي

يا ةد الشيخ زي ما قالت لنا، انت المقعدك معاهم شنو الناس الوهم ديل وكت بتعرف تلحن وتغني ري دا!؟

ظروف ياقيقا بايت
نسوي شنو عاد الله غالب





اقول قولي هذا واستغفر الله لي.............

[عكــود]

واعصر على قلبي الحنين
بي هداءوة مِنك ينسحب
انساك واتناسى العذاب
الـ عِشت فيهو بلا ذنب

سلام يا خلف ورمضانك كريم،

اللحن والأداء ما فيهم كلام، وبرضو الكلمات.
يعجبني في الغناء وضوح نطق الكلمات عشان المستمع يتمطقها وما تبقى الأغنية لحن ومزيكة بس. وده إنت أديتو حقو تمام، زائداً النطق الصاح للكلمات.

المقطع الفوق ده، وبما أنك (عاصر على قلبك الحنين) لو غنيتو بزيادة أسى، كان يكون معبّر أكتر.

صوتك هنا بيشبه لي صوت ياسر تمتام (أو هكذا شُبّه لي ).

تسلم ياخي.

[علاءالدين عبدالله الاحمر]

المشاركة الأصلية كتبت بواسطة زول الله

يازول بالجوكرين لو كحيت خمسين






اقول قولي هذا واستغفر الله لي..............

والله حبيت اخلص ضميري الشغلانة دي وش يعني اي خمسين غلط تكب الورق وتقوم‎
‎

[زول الله]

المشاركة الأصلية كتبت بواسطة عكــود

سلام يا خلف ورمضانك كريم،
اللحن والأداء ما فيهم كلام، وبرضو الكلمات.
يعجبني في الغناء وضوح نطق الكلمات عشان المستمع يتمطقها وما تبقى الأغنية لحن ومزيكة بس. وده إنت أديتو حقو تمام، زائداً النطق الصاح للكلمات.
المقطع الفوق ده، وبما أنك (عاصر على قلبك الحنين) لو غنيتو بزيادة أسى، كان يكون معبّر أكتر.
صوتك هنا بيشبه لي صوت ياسر تمتام (أو هكذا شُبّه لي ).
تسلم ياخي.

عمدة البورد والبوردات المجاورة عساك فاين تصوم وتفطر على خير ان شاءالله
اخونا الشاهر هاشم خلف الله زول مبدع وكتاااب
الكلام صادق عشان كدا اللحن جا راكب معاه
ومانحن الا اداة لتوصيل احساس الكلام للناس

هسه بي كلامك دا طوالي حق لـ ودالشيخ ان يمد حنجرته
شكراً نبيلاً يشبهك على المرور والدعم





اقول قولي هذا واستغفر الله لي..............

[زول الله]

المشاركة الأصلية كتبت بواسطة علاءالدين عبدالله الاحمر

والله حبيت اخلص ضميري الشغلانة دي وش يعني اي خمسين غلط تكب الورق وتقوم‎
‎

يازول خلصت ضميرك وماعليك شيء
بس راجين بايظك ...اقع





اقول قولي هذا واستغفر الله لي...............