راكوبة المجادعات.. النمة والدوباي

[مرافي]

المشاركة الأصلية كتبت بواسطة مواهب عبد العزيز نقد الله

الليلة الرزين ياحلوة قالّى تعالى ...............
رديت السلام وفى بالى فكراً تانى .............
أيا قلبى الرهيف الليلة ما بتبرانى .............
بس حدى الوصلتوا الشوق لى فت فتّانى........

الليلة مواهب كلاما يووت ....عاجبني
هي مواهب وفيها مواهب كتير عاجباني
صحيحة لسان وليها القوافي منقادة ما بتعاني
يسلم فمك ياماهلة الكلمة .....وسمحة المعاني

يامواهب خليتيني ادوبي...

[مواهب عبد العزيز نقد الله]

[QUOTE=مرافي;544101]

الليلة مواهب كلاما يووت ....عاجبني
هي مواهب وفيها مواهب كتير عاجباني
صحيحة لسان وليها القوافي منقادة ما بتعاني
يسلم فمك ياماهلة الكلمة .....وسمحة المعاني

يامواهب خليتيني ادوبي...[/QUOTE


الليلة الهموم يا مرافى سالن دفقن ............
ومنضومضة اليقين بى حبة حبة انفرطن .....
يا خلاى هوى لو ما براعى حسبكن .........
بالحالة العلى يانى النكشت شعركن ..........gap

تسلميلى يا غالية , والله متسلبطة ساى يا مرافى لزوم زهجة وكدا ..........

[مواهب عبد العزيز نقد الله]

المشاركة الأصلية كتبت بواسطة قيس الصديق شحاته

صلّيت الفرِض عُقبَن مشيت اتعَشّا
لاقيت في الطريق جَدْي اللّرايل عَشّه
الخلاهو وَشِيْ في أضافْرَيْ خشّا
هِي تسَلِّم عليْ، وانا اسَوِّي بااااع أدّشّا

قيس يع .....شو هايدا ؟
خش فى اضافرك ساى والله ......

التحايا والأشواق

[تماضر حمزة]

جرسة صومك آلجرسنجي إتولّيتا
عصيدة امك المحبوبة والموليتا
قلت رضيعنا أب سنين بجر كوليتا
فضّاي للكلام وبالجرسة تاني مليتا

[خالد غالي]

الصوم مابخافو حديد يلاقي حديد
ينعاد عليك بالصحة وسلامة، عمر مديد
الخلاني طاير وفوق السعادة سعيد
طلتك ياطمطم زي هلال العيد





ياتماضر ياتماضر ياخي، هي الاشواق والله
رمضان كريم وكل سنة وانتي طيبة

[علاءالدين عبدالله الاحمر]

المشاركة الأصلية كتبت بواسطة تماضر حمزة

جرسة صومك آلجرسنجي إتولّيتا
عصيدة امك المحبوبة والموليتا
قلت رضيعنا أب سنين بجر كوليتا
فضّاي للكلام وبالجرسة تاني مليتا

في حر السموم انا للصيام ركازة
ماغشتني جرسة في يوم لنفس همازة
بعد الضهر هبايب العصير ممتازة
اجرك ياصيام عظم بمفازة‎
‎

[زول الله]

وينكم يالكرام الليلة جيتكم مارق
من زمناً طويل أنا كنت فيهو بتاوق
عاجبني النضم ماجيت أخون أو سارق
جيت اشكيلكم الجدية السكونها مشارق

اقول قولي هذا واستغفر الله لي..............

[زول الله]

قالو الشوف صعب إلا الحروف بتوارق
توصل عندها وتبقى الهطول والبارق
الدرب البجيب خبر الظبي المتشارق
بمشيهو وأطوف حت كان أموت و أفارق

اقول قولي هذا واستغفر الله لي................

[علاءالدين عبدالله الاحمر]

المشاركة الأصلية كتبت بواسطة زول الله

قالو الشوف صعب إلا الحروف بتوارق
توصل عندها وتبقى الهطول والبارق
الدرب البجيب خبر الظبي المتشارق
بمشيهو وأطوف حت كان أموت و أفارق

اقول قولي هذا واستغفر الله لي................

ابوالكدس ‏
‏****‏
يازول الله هوي حسبك الله واستغفر
الشوق فيك بان ونضمك بدور الدفتر
دوبايك في الحشي يانع وسيم متخضر
حاشاك النفاق في هواك البجي متدفر‎
‎

[جيجي]

الله يازول الله
المربوعين رائعين
يازول انت وكت قدر دا ماتسويلك حلة

[زول الله]

المشاركة الأصلية كتبت بواسطة علاءالدين عبدالله الاحمر

ابوالكدس ‏
‏****‏
يازول الله هوي حسبك الله واستغفر
الشوق فيك بان ونضمك بدور الدفتر
دوبايك في الحشي يانع وسيم متخضر
حاشاك النفاق في هواك البجي متدفر‎
‎

يازول ياسمح شوقك كتير بالحيل
هاوآآريوك وكيفنك عساكا عديل
رب القدرة أداها السماحة دليل
وأداني البعاد والشوق وسهرالليل

اقول قولي هذا واستغفر الله لي................

[زول الله]

المشاركة الأصلية كتبت بواسطة جيجي

الله يازول الله
المربوعين رائعين
يازول انت وكت قدر دا ماتسويلك حلة

والله إقتراح يابت خيار الملة
من باكر بسوق دربي واسوي الحلة

.....
او اقول ....
مابين انسى أو اتناسى
ريدك جواي حـِلة شوق ب بيوتا و ناسا

اها جات كدا
ابت تجي في مرابيع والله





اقول قولي هذا واستغفر الله لي.................

[علاءالدين عبدالله الاحمر]

المشاركة الأصلية كتبت بواسطة زول الله

يازول ياسمح شوقك كتير بالحيل
هاوآآريوك وكيفنك عساكا عديل
رب القدرة أداها السماحة دليل
وأداني البعاد والشوق وسهرالليل

اقول قولي هذا واستغفر الله لي................

لاحولا لاقوة زول الله تاريه من ذمن مقتول
الشوق كاويه كي يكابد شوقو يجيب القول
من شرقا قبلي مطر نمو عسول
شن فايدت قلب لومافيه حب لي زول
وشن فايدت جسد لوبحمي الهوي مابات وجيع مصلول
شن فايدت حبيب لوفي غيابو يطول
زول الله السلام والشوق ليك مدادي
راجنك في الفطر لابسن عمم وطواقي
‎
‎

[سجمان]

نجيك بي رواااااااااااااقة إن الله مد في الليام

[علاءالدين عبدالله الاحمر]

المشاركة الأصلية كتبت بواسطة زول الله

يازول ياسمح شوقك كتير بالحيل
هاوآآريوك وكيفنك عساكا عديل
رب القدرة أداها السماحة دليل
وأداني البعاد والشوق وسهرالليل

اقول قولي هذا واستغفر الله لي................

يازول الله مشتاقين بس عليك خايف
تلحق سجمان المشي حر عدل موزايف
وطول في الغياب لا كان خيبة لاهايف

وقت السبعة تحول تنز السقوف تتشقق
والمافي يعج بالشوق يقع متبقق
الضامرات في الجوف خلن تقيلي مرقق

امبادر شلع جواي شوق للقيعة
للبانات البسيماتن لعزابي شفيعة
ياالكاتم خفاي ماابقي يوم قي صقيعة
وقت الشامة جات بقيت في حالة مريعة‎
‎