راكوبة المجادعات.. النمة والدوباي

[زول الله]

المشاركة الأصلية كتبت بواسطة علاءالدين عبدالله الاحمر

لاحولا لاقوة زول الله تاريه من ذمن مقتول
الشوق كاويه كي يكابد شوقو يجيب القول
من شرقا قبلي مطر نمو عسول
شن فايدت قلب لومافيه حب لي زول
وشن فايدت جسد لوبحمي الهوي مابات وجيع مصلول
شن فايدت حبيب لوفي غيابو يطول
زول الله السلام والشوق ليك مدادي
راجنك في الفطر لابسن عمم وطواقي
‎
‎

وحاتك ياعلاء و إت ماطلبت حليفة
انا مكتول لحاظ ودَارة مشهور سيفا
مرنوعة وقواما مفصلاو بي كيفا
طلقت فيني نيراناً تفج الزيفة

اقول قولي هذا واسغفر الله لي................

[سجمان]

الباب سلام للقعدو حرسو "جُرونّا"
وتاني الباب سلام للنمّو زادو سرورنا
اللوم في الغياب مالينا لااا صنقورنا
جايين والعذر يا خلا مالي قدورنا

[سجمان]

المشاركة الأصلية كتبت بواسطة زول الله

وينكم يالكرام الليلة جيتكم مارق
من زمناً طويل أنا كنت فيهو بتاوق
عاجبني النضم ماجيت أخون أو سارق
جيت اشكيلكم الجدية السكونها مشارق

اقول قولي هذا واستغفر الله لي..............

جيت آآلمهلة البقت عند النوائب حالّة
يا زيت الصقر عاصيتنا صبحت حالّة
جيتنا مع "الدّرَت" نسّام خريف مي ضالّة
جيتك للنميم زاد المروة القالة

زولو.. كل سنة وإنت طيب يا فنان..

[جيجي]

على بالتلاق يا سجمان
من قبيل بحاول لي في مربوع
ان شاء الله ازرعو فتريته
لقيتلك التقاوي اكلها الطير
واصلوا انت وزول الله
ورونا درتكم
ومرحب ياخ بالشوفة

[تماضر حمزة]

ياقميرية مالك شايلة حالي تقوقي
غنيات الغرام لثمن خشيمو عشوقي
لا بتكني يوم لا لحظة ساي بتروقي؟
ياخالق الصبر رحماك وقلّل شوقي

[زول الله]

المشاركة الأصلية كتبت بواسطة سجمان

جيت آآلمهلة البقت عند النوائب حالّة
يا زيت الصقر عاصيتنا صبحت حالّة
جيتنا مع "الدّرَت" نسّام خريف مي ضالّة
جيتك للنميم زاد المروة القالة

زولو.. كل سنة وإنت طيب يا فنان..

سجمان اخوي مرحب حباب الطلة
شوفتك يا اللدر حرررم تشرف مـِلَة
جيتك للنميم زادت بهاو و إتحلا
يللاك النقود رَسَنو و نلم الشـُـلة

وانت والحداك في نعمة دايمة ان شاءالله







اقول قولي هذا واستغفر الله لي...................

[تماضر حمزة]

الشوق والحنين وليلنا والاصباح
هن أسباب غنايا وعقلي لمّن راح
نادهالك شيوخنا ومجمل الصُّلّاح
ونجم الليل وحاتك شفتو أسّي صباح

[عادل عسوم]

المشاركة الأصلية كتبت بواسطة تماضر حمزة

ياقميرية مالك شايلة حالي تقوقي
غنيات الغرام لثمن خشيمو عشوقي
لا بتكني يوم لا لحظة ساي بتروقي؟
ياخالق الصبر رحماك وقلّل شوقي

القمري من يوم الرحيل كترن عليهو همومو
جافاهو المنام كابرني في ظبيا كحيلة عيونو
قوقايو كم زايد بكايَ بي دمعاً غزيرة هطولو
قال لي النخل حزنان عليك لملم عليهو جريدو

[سجمان]

المشاركة الأصلية كتبت بواسطة جيجي

على بالتلاق يا سجمان
من قبيل بحاول لي في مربوع
ان شاء الله ازرعو فتريته
لقيتلك التقاوي اكلها الطير
واصلوا انت وزول الله
ورونا درتكم
ومرحب ياخ بالشوفة

البال منصنج زيك رويسي مشتت
بشوف شدرة غناي بالنم زمن ما حتت
تلات ساعات بقيف في نمة واحدة موتد
راحت هداوة البال وحيولنا زاتا انبتت

[سجمان]

المشاركة الأصلية كتبت بواسطة تماضر حمزة

ياقميرية مالك شايلة حالي تقوقي
غنيات الغرام لثمن خشيمو عشوقي
لا بتكني يوم لا لحظة ساي بتروقي؟
ياخالق الصبر رحماك وقلّل شوقي

لاح النور قُبُل حين طلتك لي سوقي
بالنمات أرح كُبي الغناوي وسوقي
وريني الدبارة في الشوقا زاد عن طوقي
دي اللخدت حقوقا وبالمرة هاضمة حقوقي

[تماضر حمزة]

المشاركة الأصلية كتبت بواسطة عادل عسوم

القمري من يوم الرحيل كترن عليهو همومو
جافاهو المنام كابرني في ظبيا كحيلة عيونو
قوقايو كم زايد بكايَ بي دمعاً غزيرة هطولو
قال لي النخل حزنان عليك لملم عليهو جريدو

القمري البقوقي فاضحنا من يوم يومو
كل ما نقول هوينا وحبيبنا احنا نرومو
نلقى غنانا هوزز كم غصن بي بلومو
لو زاد في قساهو او جافى مابنلومو

[سجمان]

المشاركة الأصلية كتبت بواسطة زول الله

سجمان اخوي مرحب حباب الطلة
شوفتك يا اللدر حرررم تشرف مـِلَة
جيتك للنميم زادت بهاو و إتحلا
يللاك النقود رَسَنو و نلم الشـُـلة

وانت والحداك في نعمة دايمة ان شاءالله

اقول قولي هذا واستغفر الله لي...................

الشوق يا الحبيب حالتي العلي بشتنلا
غرقان في الغرام نفسي المعاي محتلّة
مشتول الخواجة الما انشهر في مجلة
روحي كلما تطفّح بالصد يجي يحتّلاّ


جمعاً يا حبّوب

[تماضر حمزة]

المشاركة الأصلية كتبت بواسطة سجمان

لاح النور قُبُل حين طلتك لي سوقي
بالنمات أرح كُبي الغناوي وسوقي
وريني الدبارة في الشوقا زاد عن طوقي
دي اللخدت حقوقا وبالمرة هاضمة حقوقي

لاح النور بدالي وجبين حبيبي شروقي
غسّلت وشو بطيفي وفكيتلو ريقة شوقي
شاييهو رَبَقة روحي وعفيتلو كل حقوقي
جارع حناضل قوزو وناهل عسل منطوقي

[سجمان]

المشاركة الأصلية كتبت بواسطة تماضر حمزة

الشوق والحنين وليلنا والاصباح
هن أسباب غنايا وعقلي لمّن راح
نادهالك شيوخنا ومجمل الصُّلّاح
ونجم الليل وحاتك شفتو أسّي صباح

الشوق والحنين مسمار جحا مواليني
أسبابي العلي الزي كبابي الصيني
سآلك يالكريم للبسهر خاصّيني
قرّب سفرتي ومن بُعدو زيد تحصيني

[سجمان]

المشاركة الأصلية كتبت بواسطة عادل عسوم

القمري من يوم الرحيل كترن عليهو همومو
جافاهو المنام كابرني في ظبيا كحيلة عيونو
قوقايو كم زايد بكايَ بي دمعاً غزيرة هطولو
قال لي النخل حزنان عليك لملم عليهو جريدو

القمري الصدح يا خلي بيّن حرفك
ومن ريحة الحروف الليلة زيد في كرفك
الظبي النفر نفّر معاو نوم طرفك
نحن مقدّرين بالحيل حويلتك وظرفك