الشيطان والجنّ...قوم يساكنونا هذه الارض!

[ابوبكر حسن]

المشاركة الأصلية كتبت بواسطة بابكر عباس

قول لي تلاتة من تجارك انت فقط،

هو بالاهى عندو تجار
cc متصيدى الدقسات بتاعة الاملاء

المشاركة الأصلية كتبت بواسطة بابكر عباس

ليش قصص الشياطين والجن مربوطة بالمناطق الأقل تحضرا ومدنية؟

غايتو اخر قصه سمعتها كانت تدور احداثها فى جميرا ,,

[عادل عسوم]

المشاركة الأصلية كتبت بواسطة ابوبكر حسن

نكهه سرديه متميزة
واصل وخليك من ناس بكه والبروف والاخرين ديل

مرحب أبوبكر وشكرا ليك ياحبيب
ياعزيزي الدنيا دي بتعلم الزول أصول الناس ومقاديرهم من خلال كلامهم وكتاباتهم...
بعدين بكة دا أسمو قريب من أسمك حقو تصاحبو ياخ لأنو زول نصيحة
هو طبعا ماعندو صديق ...صديقو (قلمو) أو قول كيبوردو زي المصارع داك البقولو عليهو (لا يمكن التنبؤ بما يفعل) تشكروا يقوم يفهمك غلط ويرشك طوالي

[منتصر محمد زكي]

إن أكبر عملية خداع قام بها الشيطان هو إقناعه للكثيرين بألا وجود له”
― منذر القباني, عودة الغائب

[أمين محمد سليمان]

المشاركة الأصلية كتبت بواسطة بابكر عباس

ليش قصص الشياطين والجن مربوطة بالمناطق الأقل تحضرا ومدنية؟

حكمة ربك أنا قصصي كلها في الشقيقة أمريكا ... سكنت في بيت زي بتاع جمال حسن سعيد ... المشكلة إنو الشباب الساكنين معانا بالباطن ما كانو حلوين زي بتاع عمك جمال ده !!
القصة استمرت لفترة طويلة و انتهت برحولي من البيت و كنت بدفع إيجار كاني ساكن حسب شروط ال lease !!
الشاهد يا بكة إنو التجربة دي رغم مرارتها .. بتقربك من الله و بتزيد ليك ايمانك و تخليك تشوف بيان بالعمل إنو الجن حق و الشياطين حق و إنو في دنيا و عوالم تانية نحن ما شايفنها !!

[عادل عسوم]

المشاركة الأصلية كتبت بواسطة منتصر محمد زكي

إن أكبر عملية خداع قام بها الشيطان هو إقناعه للكثيرين بألا وجود له”
― منذر القباني, عودة الغائب

مرحبا بان عطبرة منتصر
باذن الله سأخلص الى ما تستغربه وسيستغربه العديد بأن هذا الشيطان هو من الضعف والهزال بمكان!
أحمد الله بأني قد أفدت أيما افادة بلقائي ب(المُشتِكي) هذا من الفائدة ما غير من مجري حياتي اذ استطعت أن أؤسس حياتي على بينة من الشيطان وتأثيره...
تابع وسترى ياحبيب
مودتي

[حسين عبدالجليل]

المشاركة الأصلية كتبت بواسطة أمين محمد سليمان

حكمة ربك أنا قصصي كلها في الشقيقة أمريكا ... سكنت في بيت زي بتاع جمال حسن سعيد ... المشكلة إنو الشباب الساكنين معانا بالباطن ما كانو حلوين زي بتاع عمك جمال ده !!
القصة استمرت لفترة طويلة و انتهت برحولي من البيت و كنت بدفع إيجار كاني ساكن حسب شروط ال lease !!
الشاهد يا بكة إنو التجربة دي رغم مرارتها .. بتقربك من الله و بتزيد ليك ايمانك و تخليك تشوف بيان بالعمل إنو الجن حق و الشياطين حق و إنو في دنيا و عوالم تانية نحن ما شايفنها !!

عليك الله ياعم البروف احكي لنا هذه التجربة .

شوية قراية او استماع لمحاضرات في ميكانيكا/فيزياء الكم , تخلي الواحد يفهم لماذا كان بعض الصوفية يدعون الله بالدعاء العجيب: "اللهم زدني فيك تحيرا ."

انت زول محظوظ ياامين لأن خالق الوجود إطلعك و لو علي جزء ضئيل من الجانب الآخر , قلا تبخل علينا ياأخا سودانيات بتجربتك .

[عادل عسوم]

المشاركة الأصلية كتبت بواسطة حسين عبدالجليل

عليك الله ياعم البروف احكي لنا هذه التجربة .

شوية قراية او استماع لمحاضرات في ميكانيكا/فيزياء الكم , تخلي الواحد يفهم لماذا كان بعض الصوفية يدعون الله بالدعاء العجيب: "اللهم زدني فيك تحيرا ."

انت زول محظوظ ياامين لأن خالق الوجود إطلعك و لو علي جزء ضئيل من الجانب الآخر , قلا تبخل علينا ياأخا سودانيات* بتجربتك .

لا بأس ياأخ حسين
فليحكيها لك (عمك البروف) في مكان آخر لطفا لا أمرا
شكرا على المرور

ــــــــــــــــــــــــــــ
*بالفعل تقتصر الأخوة أحيانا على ذلك

[أمين محمد سليمان]

المشاركة الأصلية كتبت بواسطة عادل عسوم

لا بأس ياأخ حسين
فليحكيها لك (عمك البروف) في مكان آخر لطفا لا أمرا
شكرا على المرور
*بالفعل تقتصر الأخوة أحيانا على ذلك

بتطردني من بوستك يا عسوم ؟!!
ياخي عيب عليك ... سئيلي الله عيب عليك !!
ياخي نحن بينا محبة و ريدة في الله لن تستطيع انكارها ... ليه تطردني من بوستك و تجرح مشاعري على الملأ كده ؟!!
ياخي كان ترسل لي رسالة !!
رسالة ... يا عسوم ياخي !!
بيها أتصبر شوية !!
و الوعد بيناتنا انك كل يوم تكتب إلي !!
------------
طيب ياخي عفيتك من الاعتذارات السابقة دي كلها ... عليك الله إعتذر لي عن طردتك لي دي !!

[عادل عسوم]

أقرأوا واحكموا لماذا يستمرئ هذا ال(بروف) كونه (أخا أكرم للأمين العام) وهو يتهمني بما يتهم ولا يفتأ يلوح بذلك في كل بوستاتي!
هذا هو حالنا اليوم في سودانيات ياأحباب

[عادل عسوم]

ولم يأمره الأمين العام لا بايراد ما يتهمني ويبهتني به ولا هو طالبه بالأعتذار!!!!!!

[أمين محمد سليمان]

المشاركة الأصلية كتبت بواسطة عادل عسوم

أقرأوا واحكموا لماذا يستمرئ هذا ال(بروف) كونه (أخا أكرم للأمين العام) وهو يتهمني بما يتهم ولا يفتأ يلوح بذلك في كل بوستاتي!
هذا هو حالنا اليوم في سودانيات ياأحباب

يا عسوم ياخي دي خرخرة منك ساي والله !!
ياخي ما ممكن أنا كل شويه أمد ليك يدي و إنت تعضي فيها !!!
هسي إنت زعلان في شنو ؟!!
حسين قال لي أحكي تجربتك مع الجن اللي هي من صميم البوست ... جيت إنت طردتني ... أنا قلت ليك ما عندك حق و عيب عليك ... تقول لي الأمين العام و إستمرأ و سودانيات و حالها ؟!!!
الله إنعل أبو ريدتنا ليك الجابت لينا الطرد و البهدلة !!

[عادل عسوم]

عذرا لكل متابع أو قارئ...
أعتذر لعدم تمكني من أكمال هذا البوست!
الشكية لله

[عادل عسوم]

سأتوقف عن الكتابة الى حين يأذن لي الله

[أمين محمد سليمان]

المشاركة الأصلية كتبت بواسطة عادل عسوم

سأتوقف عن الكتابة الى حين يأذن لي الله

والله يا عسوم دي خرخرة منك ساي !!
غايتو الوقفة كويسة ... تستعيد أعصابك الفالتة دي و تهدأ و تروق و تجي تعتذر لي على طردك لي ده .
و ليك علي لحدي ما ترجع ( بالسلامة إن شاء الله ) أخلي بالي من بوستاتك زي كانها حقتي واحد !!

[خالد غالي]

يابروف
طالما عسوم قال حرد البوست والمنتدى كلو بي سببك، يبقى اعتقد انو اترتب عليك التزام اخلاقي بانك تحكي لينا قصة البيت المسكون السكنت فيهو، وتكمل لينا بوست الماسونية داك، وتونسنا لغاية مايجي عسوم