ـ
قريتو من قبل .. أهم ما فيه :
( 1 ) مداخلة رأفت رقم 123 قال فيها :
( 2 ) مداخلة الرشيد رقم 124 :
اقتباس:
المشاركة الأصلية كتبت بواسطة الرشيد اسماعيل محمود
سلامات يا بابكر
خالك أمير المؤمنين ده قرآني راديكالي ساكت..
القرآنيين الموضوعيين ناس متسامحين مع السُّنة ما لم تتقاطع مع نص قرآني..
دعوتهم تتمثل في عدم اعتترافهم بأي نص نبوي يتقاطع مع نص قرآني..
عدا ذلك فهم يأخذون بها ...والقياس عندهم يتم قصاد القرآن.
خالك ابو قناية ده تزمُّت منو ساي..
|
( 3 ) ومداخلة حافظ أدناه :
اقتباس:
المشاركة الأصلية كتبت بواسطة حافظ حسين
سلام يا بابكر
ما عارف صفة الإنفتاح اللصقت في خالك دي جبتها من وين:
فأولاً خالك دا بري أن القرأن مصدر التشريع الوحيد و ممكن يأخد فقط بالأحاديث الما بتتعارض مع القرأن ... يعني زول نفي الأحاديث , نفي تجارب ناس تانين , و قال عن أبو هريرة أنه أسطورة (معقول ممكن يقول أن أبو هريرة في كلام كتير نسب ليه أو هو قال كلام الرسول ما قاله لكن ما قدر يكون إسطورة)
ثانياً: ملاحظ يا بابكر خالك المنفتح دا نفي كل الناس و طلعهم ما بفهموا الا الترابي بفهم شوية .... يعني يا بابكر زول يطلع كل خلق الله أنهم ما بفهموا الا هو لديه ناصية الحقيقة و برضو يكون منفتح؟
ثالثاً: ملاحظ خالك دا ما إحترم حتي معتقدات الأخرين ووصف صلاتهم بالجمباز و برضو منفتح؟
و الطامة الكبري أن الزول دا بحترم العلم الحديث ... بحترمه كيف و عنده مصدر واحد أحد للتشريع و هو القرأن ...
طيب بما أنك ممثل لخالك في البوست دا يا بابكر أنا عندي سؤال : يا خي لو العلم الحديث البحترمه خالك دا إتناقض مع القرأن الزول دا حيتبع أي واحد فيهم؟
و شكراً
|
ـ
