راكوبة المجادعات.. النمة والدوباي

[عبدالله علي موسى]

المشاركة الأصلية كتبت بواسطة سجمان

يا طير ان مشيت قول للحبيب في بيتو
ضايرني الهميل من شوقي حد وكّيتو
قول ليهو العُمر متل الهبوب حتّيتو
"سَمْبَرْت" الجديد والماضي جت دكيتو

يا طير الغرام روح للحبيب في بيتو
قوليهو الغرام ساط قلبي طلع زيتو
طار عقلي فره، حطب القبة داك شقيتو* :wacko:
أو (هملني الجدي ما بين مقيل و مبيتو)
(و) كل ما أقول يحن يلخمني بي-كلفيتو


---

* توضيح لأهل البندر:يقال فلان جنة، نقل حطب القبة" كناية عن استفحال الجنون.

[سجمان]

المشاركة الأصلية كتبت بواسطة عبدالله علي موسى

سجمان عشا البايتات حرم إن ما خايفين النرجسية كان كلامك السمح دة ختيتو توقيع.
سجمان الأنيق السلام ليك واصل
أهلاً حباب فارس الحروف الباسل
مفطوم بالقصيد, كلامي تحصيل حاصل
و في نظم النميم ندر اللي حدودك واصل
نحن ياخي النتشرف بي راكوبتك و طلتك الأنيقة دي، أبقى عوافي.

القول والشكر يا خلي ما بتحدد
في الخل الأصيل وصفاتو يوت تجدد
سجمان في النضم قدر اللحاف إتمدد
أُ مو زايدك يمين لا غالى فيك لا اتشدد

[سجمان]

المشاركة الأصلية كتبت بواسطة عبدالله علي موسى

يا طير الغرام روح للحبيب في بيتو
قوليهو الغرام ساط قلبي طلع زيتو
طار عقلي فره، حطب القبة داك شقيتو* :wacko:
أو (هملني الجدي ما بين مقيل و مبيتو)
(و) كل ما أقول يحن يلخمني بي-كلفيتو


* توضيح لأهل البندر:يقال فلان جنة، نقل حطب القبة" كناية عن استفحال الجنون.

يا قميرية فرّي وشيلي السلام للرايق
قوليهو الحبيب ما غبتي منو دقايق
ميرودك خلااااص قلبو الفراق مو طايق
غرقان في الدمع والجتة راقدة حرائق

[علاءالدين عبدالله الاحمر]

المشاركة الأصلية كتبت بواسطة سجمان

يا قميرية فرّي وشيلي السلام للرايق
قوليهو الحبيب ما غبتي منو دقايق
ميرودك خلااااص قلبو الفراق مو طايق
غرقان في الدمع والجتة راقدة حرائق

بسئل عن خبار قلبي العليه بيشفق
لا طاب ليه ليل شاشايو في حشاه يطفق
دمعو الداراه ببسمة ماهو للبيه بلفق
غلبا ماهو هين سجمان اللي روايعو يدفق

[علاءالدين عبدالله الاحمر]

كان هاجن لواعج بالشجون تتطاقش
وأن دود الشوق نتر ليلات السهد تتراعش
يزئر في الحنايا ماظني الفيه بتهابش
ياسابقات طيوفكن وقت الخلوق تتفارش
سابقكن في صي هجيرو مابتطارش

[فيصل سعد]

صاحى شاهد ها هى الطبيعة
زاهية زاهرة فى زهور ربيعة
دون سواقى نسرف نبيعا
مافى شتلة السائم يبيعا
ما فى صيدة انقادت تبيعة
دون مجالب حسن الطبيعة
لا تصنع صبغة دلال

[عبدالله علي موسى]

المشاركة الأصلية كتبت بواسطة سجمان

القول والشكر يا خلي ما بتحدد
في الخل الأصيل وصفاتو يوت تجدد
سجمان في النضم قدر اللحاف إتمدد
أُ مو زايدك يمين لا غالى فيك لا اتشدد

قولك يا سجمان تب فيه العقاد النافع
حرفك صميم، طلقات رصاصه مدافع
بندور وجودك يزيد إلا القدم ليو رافع
و منكم نستفيد بهجة و حكم و منافع

[علاءالدين عبدالله الاحمر]

ياالصبرك صلد ماثل جبل الداير
لاقالدته الهوان لاتابقت فوق لحصاير
لاخاب فيك ظن لاغيب عشم في باكر
ركازة شدايد وقت الدموم تتطاير
وفي الجودية حق لاتطالك صغاير

[عبدالله علي موسى]

راكوبه النم سيدك راح اضحيتِ تكيه
راح خريف منظومك خلاك أرضاً صيه
يا رب العباد ألطف بِ هالبشريه
كل ما بان كريم اخذته منا بليه

[جيجي]

حليل الراكوبة وكت بيقدل تحتها سجمان وكانديك
ومي هاشم وتماضر يزغردن

[سجمان]

ود موسى، ود سعد، علاء وجيجي
شكراً وعذراً..

الفاخورة عملنا ليها "فرمتة" وبنزل في الموجودات يا دوووبك

بنجي بي رواقة نجر النم..

شكراً لكونها مرفوعة "الراكوبة"

[سجمان]

المشاركة الأصلية كتبت بواسطة علاءالدين عبدالله الاحمر

بسئل عن خبار قلبي العليه بيشفق
لا طاب ليه ليل شاشايو في حشاه يطفق
دمعو الداراه ببسمة ماهو للبيه بلفق
غلبا ماهو هين سجمان اللي روايعو يدفق

سجمان انضهل غلبو النضم والشكوة
عِنْ ساعة الغَرِفْ قمحانة جاتلو الركوة
تفّاهو البعاد خلاهو راقد دكوة
شيل ليهو العذر ما تسيي منها حكوة

[سجمان]

المشاركة الأصلية كتبت بواسطة عبدالله علي موسى

راكوبه النم سيدك راح اضحيتِ تكيه
راح خريف منظومك خلاك أرضاً صيه
يا رب العباد ألطف بِ هالبشريه
كل ما بان كريم اخذته منا بليه

ألبل كان حرن يا خلي ماب جيب درة
والطنوب وحاتك دايماً تجيبو الفرة
إحتر في النضم حرف السجم بي المرة
أبى لا يدر علي في النمة أبى ينجرة

[عبدالله علي موسى]

المشاركة الأصلية كتبت بواسطة سجمان

ود موسى، ود سعد، علاء وجيجي
شكراً وعذراً..

الفاخورة عملنا ليها "فرمتة" وبنزل في الموجودات يا دوووبك

بنجي بي رواقة نجر النم..

شكراً لكونها مرفوعة "الراكوبة"

حباب سجمان عشا البايتات, البركة البقيت شديد! روق المنقة و تعال

[عبدالله علي موسى]

المشاركة الأصلية كتبت بواسطة سجمان

يا قميرية فرّي وشيلي السلام للرايق
قوليهو الحبيب ما غبتي منو دقايق
ميرودك خلااااص قلبو الفراق مو طايق
غرقان في الدمع والجتة راقدة حرائق

قميريه الرد بسراع للحبيب ودي
لي جدياً فر و زاد فجورفي صدي
حاك منقه الدندر خديدو مندي
من هجر أم رشوم أنا حال يود متردي