الكتابات ... بين المساخر و السخافات !!

[أمين محمد سليمان]

المشاركة الأصلية كتبت بواسطة قاسم الحاج

بعدين انت الموضوع ده زعلك شديد كده ليه يعني, من الكبائر انو يقولوا ليك حركتك
دي ما حلوه ام انت ايضاً من المعصوميين !!تبريرك محصور في انو الزول ده كذاب
وحرامي لحاجات ما عندها علاقه بالبوست المعني ..تعال امعط ريشو في موضوع
يخص البوست شوف لو زول قال ليك تلت التلاته كم ,تراهو معتصم عاصرو في
ملف لما جاب الزيت في حته واضحه وصريحه وبكميه مداخالات اكتر من صاحب
البوست ذاتو.. فماتاخدك العزه بالاثم ,اذا الناس لفتت انتباهك لحته اُخدا بصدر رحب
ما لم تكون شايف نفسك اكبر من ان يُلفت انتباهك او الناس اقل من ان تلفت انتباهك
لشئ...

يعني إنت بترد لي بدون ما تقرأ ردي ليك ولا كيف ؟!!
ياخي أنا مش قلت ليك اني ما عندي مشكلة إنو أي زول يعترض أو ينتقد أو يمتعض من كلامي ؟! و مش وريتك أنا معترض على شنو بالظبط ؟!
شنو تاني تجي تقول لي المزعلك شنو ...و ما تاخدك العزة بالبتاع لانو الناس لفتت نظرك ؟!!
بعدين قصة إنو أنا يا شايف نفسي أكبر من إنو يلفتو انتباهي ...يا الناس أقل من انها تلفت انتباهي ...دي مبااالغة ... لكن كان ده فهمك ... فلا بأس ... حتة فهمك دي ما بيدي !!

[أميرى]

نفس اللائحة التي اعطت لعادل عسوم حق الكتابة ... و اعطت من إنتقد سخريتي من كتابات عادل ... أعطتني الحق في هذه السخرية

فمن اعطاهم الحق بشتمنا و تقويلنا ما لم نقل و اتهامنا بادرة حروب قذرة .
بل و جلب مقتبسات من كلامنا في منتدى آخر للحوار ظنا بانا نناقض ما نقول

من حق عادل قول ما يشاء ... لكن من حقنا إعتبار كل هذا الكلام كذب يرقى إلى مرحلة إستوساخ الناس بل insulting to our intelligence !!
فمن اعطاكم الحق باخراسنا ؟

!

أنا اعترضت على قصة اننا ضالعين في حرب على عسوم و والغين في مؤامرة عليهو ... اعترضت على الشتايم و تقويلي ما لم اقل

أمين سلامات
لا إعتراض لأحد في أن تكتب ما تشاء و تسخر ممن شئت فهذا خيارك و قناعاتك تسوقها أنّا شئت فقط عنّ لي سؤال صغير...(مجرد حيرة صغيرة
لن ترقي لمرحلة الإنتصار لأحد و لا هزيمتي من أحد)
سؤالي الصغير هومن تحارب أنت هنا في بوستك الكبير هذا؟
عادل عسوم أم القوم الذين يريدون إخراسك و تقويلك ما لم تقل؟
فإن كان القوم هم من تستهدف فعادل عسوم هنا مجرد ساتر لن يحمي زخات الرصاص...فصوب نحو القوم مباشرة و إجعل الصدر عار و دعك من سرقات عسوم أولياليه الألف فهي ليست القصة كما تقول كل الإقتاباسات أعلاه.

و إن كان عادل عسوم هو المستهدف فالقوم الذين يريدون إخراسك و الذين توجه نحوهم اللوم و الذخيرة لا ذنب لهم هنا إلا كذنب عود الثقاب في إشعال الحرب
لن نلومه ولكن نلوم خطة الحرب و كمندانات الجيشين...

كل البوست دة كان يمكن إختصاره بعبارة شعبية جدا تقول
يا زول إتا دافع من جيبك؟
و أهو كلو مجان يا عمك فيا هلا بالسخرية و الغضب المفضي إلي ...لا شئ

[أمين محمد سليمان]

و عليكم السلام يا أميري ...و لعلك بخير ياخي

المشاركة الأصلية كتبت بواسطة أميرى

أمين سلامات
لا إعتراض لأحد في أن تكتب ما تشاء و تسخر ممن شئت فهذا خيارك و قناعاتك تسوقها أنّا شئت فقط عنّ لي سؤال صغير...(مجرد حيرة صغيرة
لن ترقي لمرحلة الإنتصار لأحد و لا هزيمتي من أحد)
سؤالي الصغير هومن تحارب أنت هنا في بوستك الكبير هذا؟
عادل عسوم أم القوم الذين يريدون إخراسك و تقويلك ما لم تقل؟
فإن كان القوم هم من تستهدف فعادل عسوم هنا مجرد ساتر لن يحمي زخات الرصاص...فصوب نحو القوم مباشرة و إجعل الصدر عار و دعك من سرقات عسوم أولياليه الألف فهي ليست القصة كما تقول كل الإقتاباسات أعلاه.

و إن كان عادل عسوم هو المستهدف فالقوم الذين يريدون إخراسك و الذين توجه نحوهم اللوم و الذخيرة لا ذنب لهم هنا إلا كذنب عود الثقاب في إشعال الحرب
لن نلومه ولكن نلوم خطة الحرب و كمندانات الجيشين...

كل البوست دة كان يمكن إختصاره بعبارة شعبية جدا تقول
يا زول إتا دافع من جيبك؟
و أهو كلو مجان يا عمك فيا هلا بالسخرية و الغضب المفضي إلي ...لا شئ

أنا يا أميري ما (بحارب) في زول ... أنا بدافع عن حقي في السخرية من كتابات عادل بدون ما زول يخرسنا ولا يتهمنا بباطل أو يقولنا ما لم نقل ... و شايف اني صوبت نحو وجهة نظري تماما من الاول... و كررت في أكتر من مداخلة السبب من البوست و كررت اني لا أبتغي معادة أحد ولا عندي مشكلة شخصية مع أحد ....لا مع عادل ..و لا مع من يريدون اخراسي !!

بالنسبة لفتح البوست من أساسو .... يقولو ليك إنت لو عندك مشكلة شخصية مع عسوم ...أمشي أفتح بوست ... تفتح بوست عشان تقول أنا ما عندي مشكلة شخصيه مع عسوم ...عندي مشكلة مع كتابتو ...و عندي مشكلة مع موقف الناس العايز تخرسنا ...يقولو ليك ليه فتحت بوست !!
بالنسبة لليالي العسومية و نماذج السرقات و التدليس جبتها عشان اوري الناس إنو دي مشكلتي معاه ...و لو أي زول - حسب ما أرى بالطبع - كتب كتابة زي دي من حق باقي الناس يسخرو منو ... جبتها عشان اوري إنو اشكاليتي ما في عسوم في عضمو ... نحن ما بنتعارف و لا عندنا مشكلة إسفيرية كانت أم في أرض الواقع ...وما أظن فينا واحد حاقد أو حاسد التاني على ما أتاه الله .... اشكاليتي في كتابتو .... و إن شئت الدقة... في جزء من كتابتو ...كان لازم أجيب منها أمثلة و نماذج حرصا على الموضوعية و على بيان وجهة نظري دي ...يعني أنا لو قلت اني لا أصدق كلام عسوم ...لازم أجيب نماذج للكلام الانا شايفو كذب ..و لو قلت عسوم يسرق لازم أجيب نماذج و هكذا ... و أنا متأكد مليون في الميه ...لو ما كنت جبت النماذج دي ... كانو ح يقولو لي إنت بتتكلم ساي و بتبهت في الزول ده ...ياخي خليك من لو ما جبتها ...هسي دي.. أهو داك فوق ماجد تاج قال ليك دي ما سرقة أدبية ذاتو !!
و شهد الله الذي لا يُشَّهدْ في كذب ... فتحت البوست ده مضطر و بعد تفكير طويل لاني شايفو دفاعا عن حقي في الكتابة لا أكتر لا أقل ...

[أبوبكر عباس]

المشاركة الأصلية كتبت بواسطة أمين محمد سليمان

وشهد الله الذي لا يُشَّهدْ في كذب ... فتحت البوست ده مضطر و بعد تفكير طويل لاني شايفو دفاعا عن حقي في الكتابة لا أكتر لا أقل ...

حقيقي، الفقرة دي، حننتني.

[أمين محمد سليمان]

المشاركة الأصلية كتبت بواسطة بابكر عباس

حقيقي، الفقرة دي، حننتني.

[الزوول]

سلامات يا أمين
.....
رحم الله عمنا ابراهيم سيداحمد رحمة واسعة
كان لا يحب أنصار السنة
والحقيقة أن سلوكهم وغلظتهم في منطقتنا جعلت الكثير من الناس يكرهونهم وينفرون منهم
وكان يعتقد أنهم يضلون الناس أكثر من هدايتهم
فآلى على نفسه أن لا يترك لهم مجالاً للتحدث في أي مكان يصادف وجوده فيه
ما أن يقوم أحدهم متكلماً بعد صلاة الجمعة ويبدأ قائلاً : قال رسول الله صلى الله عليه وسلم
حتى يقوم بصوته الجهوري مقاطعاً
يا زول متين قال ؟؟ ، والله انتو تقولوه ساكت
...ووووو تقوم الشكلة
ولكنه كان يؤمن ايمانا راسخاً ، أنه بمسكاكته لهم وتصديه لهم يقوم بعمل جليل وهو حماية عقول الناس البسطاء (اللي هم نحن ) من هؤلاء الضالين المضلين

[أمين محمد سليمان]

سلام يا دكتور و لعلك بخير

المشاركة الأصلية كتبت بواسطة الزوول

سلامات يا أمين
.....
رحم الله عمنا ابراهيم سيداحمد رحمة واسعة
كان لا يحب أنصار السنة
والحقيقة أن سلوكهم وغلظتهم في منطقتنا جعلت الكثير من الناس يكرهونهم وينفرون منهم
وكان يعتقد أنهم يضلون الناس أكثر من هدايتهم
فآلى على نفسه أن لا يترك لهم مجالاً للتحدث في أي مكان يصادف وجوده فيه
ما أن يقوم أحدهم متكلماً بعد صلاة الجمعة ويبدأ قائلاً : قال رسول الله صلى الله عليه وسلم
حتى يقوم بصوته الجهوري مقاطعاً
يا زول متين قال ؟؟ ، والله انتو تقولوه ساكت
...ووووو تقوم الشكلة
ولكنه كان يؤمن ايمانا راسخاً ، أنه بمسكاكته لهم وتصديه لهم يقوم بعمل جليل وهو حماية عقول الناس البسطاء (اللي هم نحن ) من هؤلاء الضالين المضلين

مداخلتك دي ممكن تتقري بكم طريقة ... أنا اخترت من ظننت أحسنها !!
رحم الله عمك ابراهيم سيداحمد و أعمامنا و والدينا جميعا .

[قاسم الحاج]

المشاركة الأصلية كتبت بواسطة أمين محمد سليمان

يعني إنت بترد لي بدون ما تقرأ ردي ليك ولا كيف ؟!!
ياخي أنا مش قلت ليك اني ما عندي مشكلة إنو أي زول يعترض أو ينتقد أو يمتعض من كلامي ؟! و مش وريتك أنا معترض على شنو بالظبط ؟!
شنو تاني تجي تقول لي المزعلك شنو ...و ما تاخدك العزة بالبتاع لانو الناس لفتت نظرك ؟!!
بعدين قصة إنو أنا يا شايف نفسي أكبر من إنو يلفتو انتباهي ...يا الناس أقل من انها تلفت انتباهي ...دي مبااالغة ... لكن كان ده فهمك ... فلا بأس ... حتة فهمك دي ما بيدي !!

سلام امين
انا فعلاً ما قريت ردك لسبب إنو بعد مداخلتي الاولي ما عملت Reload للصفحه وكتبت المداخله التانيه بانو عملت كليك في ارسال رد من مداخلتي الاولي علي اساس مواصله للمداخله الاولي..وليس تجاهلاً لردك لذا لزم التوضيح ..

[قاسم الحاج]

سلام معتصم
انت شكلك عاوزو يقول ليك انا جبت الزيت فكني
لكن من ناحيه في زيت ففي زيت ..

[معتصم الطاهر]

المشاركة الأصلية كتبت بواسطة قاسم الحاج

سلام معتصم
انت شكلك عاوزو يقول ليك انا جبت الزيت فكني
لكن من ناحيه في زيت ففي زيت ..

الروووب ما عايزها و لا بتلزمني ..

و أنا الزيت عندي المفيد ...
البعمل الملاح .. و البمشى العربية ..

"ربنا قال" ممكن أى زول يقولها ساى ..
والرسول قال ..
ياخ الحديث لامن الواحد يتأكد منو حتى يقولوا ..ارمي لى درابة " الله قال" استغفر الله ..

[أبوبكر عباس]

المشاركة الأصلية كتبت بواسطة أمين محمد سليمان

الكلام ده مهم ...لانو أنا جيت سودانيات دي قايدني العم قوقل ... مربتا على كتفي ...أن ما تبحث عنه ستجده عند إبننا عسوم !!

المشاركة الأصلية كتبت بواسطة معتصم الطاهر

ياخ البوست دا ما عندو لازمة ..
لأنو أى بوست ممكن تثبت خطأ عادل فيهو فى محلو ..

أعتقد انو مداخلة معتصم دي، فيها رأي سديد
عشان
الضهب البجيبهم العم قوقل لبوستات عسوم يلقوا الرأي الناقد لها في مكانه

[الجيلى أحمد]

المشاركة الأصلية كتبت بواسطة بابكر عباس

الضهب البجيبهم العم قوقل لبوستات عسوم يلقوا الرأي الناقد لها في مكانه

ضهب ياعمك
ضهب:smile3:

[الجيلى أحمد]

عادل عسوم زول سرق
وقاعد يكابر

الزول دا مسكتو بى سرقاتو القديمة (ختا اللينكات بتاعتا البروف)
والله ماعبرنى
وعمل فيها مغمض ونظام الود شفت
يومين تلاتة وينسى الموضوع..
طيب ياعادل عسوم,

أنا موش مسكتك بى سرقات قديمة؟

وهسه سرقاتك الجديدة دى رايك فيها شنو؟

يلا أجتهد شوية وماجد تاج دا ماوكتو

[مرافي]

الاخ أمين والاخوة المتداخلين
تحيات زاكيات طيبات تعطر اركان هذا البوست

أن تاتي متاخراً خيراً من أن لا تاتي...ardon:

سؤال لك أخ أمين

تمتعض سرقات عادل وتنكرها هذا حقك وكاملاً !!!

ولكن اعطاء نفسك حق الاستهزاء والسخرية من عادل فارفضه وانكره وهذا حقي

وكاملاً!!!! برضو!!!

شفت كيف الموضوع دائري !!!وبيجيبنا لمكان ما بدينا..!!!

الخلاصة نعم ان نبتسر جهود غيرنا وننسبها لنفسنا فيه هضم لحقوق الكاتب وهنا اعني عادل !!! ومرفووض

وان نبدي امتعاضنا ورفضنا بالسخرية المبذولة في بوستات الأخ عادل فايضاً امر مرفووض
الزبدة انه وبما ان الحرية من حق الجميع فالموضوع يسير في طريق دائري فتنتهي

حدود حريتي عند ابتداء حرية الآخرين ونبقى مدورين في حتة حريتي وحريتك !!!!

عندي سؤال حايص لي..!!!
انتو كيف اكتشفتوا انو عادل (سارق نت) وآسفة لمفردة سارق
الموضوع جاء بالصدفة ولا ترصد واقتفاء اثر..!!!
وياربي اي واحد بيكتب الناس بتمشي تفتش في قوقل لاثبات السرقة او عدمها
برضو من (حقي) اعرف !!!
والسلام للجميع

وتبقى المودة لك اخي أمين

ويبقى الود لك اخي عادل

[أبوبكر عباس]

سلام يا مرافي،
هل لمداخلتك الأخيرة دي، أي علاقة ببوست المديح الكتبو فوقك عادل عسوم بالخاص؟