اقتباس:
المشاركة الأصلية كتبت بواسطة قاسم الحاج
ثم ثانياً الهدف من البوست شنو؟؟ يعني انت داير تقنع نفسك إنو الزمن تجاوز ما جاء في القران ولم يعد يصلح للمستنيرين امثالك وللا عاوز تقنع الناس (القراء) وللا انت الموضوع اصلاً ما واقع ليك لكن عاوز مزيداً من الشرح والتوضيح..وللا انت الموضوع عارفو وفاهمو لكن قوه راس ساي ومُكاجره وعاوز تكبر كومك ..انا ما عارف انت ليه مركز في مسأله الدين والقران دي ودائماً في حاله نقد ليها وشاغل تفكيرك في مسائل شخصيه ..ايمانك بكلام الله وتصديقو من عدمو شئ شخصي بينك انت وبين ربك لايحتاج لمداوله ونشر..وتراهو ما وافقك في الرأي إلا واااحد من الاعضاء وهو دائماً في حاله توافق معك..يعني حتي محاولات تكبير الكوم لم تنجح..وتكبير الكوم في حد ذاتو دليل علي خِوار وضعف في الافكار والمفاهيم ..يعني انت ذاتك ما مقتنع ميه الميه بأفكارك وفي حاله بحث دائمه لمن يشاطرك الرأي ..من يملُك افكار صلده وقويه لا يهمهه ان وافقه الاخرون الرأي او خالفوه..بعديين يا اخينا ده إسمو جدل لا يُقدم ولا يُأخِر ..مع احترامي الشديد لمن جادلوك لكن مافي نتيجه ملموسه حا تنتج من البوست ده ما في زول بعد قرايه البوست حا يقول والله الزول دا كلامو صاح إلا زول اصلاً هو مقنطر نفسو للتوافق معاك ذي صاحبك الدائم موافقك الرأي دا..ولا انت حا تستفيد شئ لو الناس كلها قالت كلامك صاح .فما تخوتنا بالمواضيع المجليه دي
|
فتح الله عليك ياقاسم
المرء دوما كلما رنا ببصره الى المالات... فانه لاغرو يستصحب كل تفاصيل الطريق فيصل باكرا...
دون ذاك الذي يتنكب (اشبار) الطريق يشغل نفسه بكل الوهاد فلا يصل الا بليل او قد تخرج عليه الشمس فتحيل سمنه الى زيت...
بابكر:
كن كابراهيم عليه السلام تسال الله ليطمئن قلبك ...وذاك لعمري لا يخصم من اخباتك للهشيئا...
لكن لاتصوب الى ايات الله استنكافا لمرادات الله...اذ الايمان بالله مرهون بعدم ارتهان النفس الى حرج مما قضى الله ورسوله!
ودادي
