07-03-2014, 06:04 PM
|
#[10]
|
|
:: كــاتب نشــط::
|
اقتباس:
المشاركة الأصلية كتبت بواسطة معتصم الطاهر
|
صاحب الفواكه
ود نيلي
سلام ليك
ولي قوت قلبك
وللبنيات نقاط الضؤ
ونقاع الزير
نقطة ضوء
في اللحظة ديك والتو
لحظة الميلاد كنت نقطة ضؤ
فرهدت بيك فرهيد ....
وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي
انت بتي ..
امي واختي..
همي شيلي ..
شيلي مني..
مني ختي
........................
بتي
بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين
كستني توب نجدنا كم.. كم مرتبه
جيهت بيتنا القديم
السقف داك والمسطبة
...............................
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي ...بتوصلنا
وتحصلنا ...تفك الحيرة
ما بتتصنت و ما بتتعنت
ما بتاوق في حق غيرا
|
|
|
|
|
