على أجنحة الحنين.

[طارق صديق كانديك]

الجميلة جيجي

مساك الله بالمحبة

ظللتِ على الدوام تبذلين من الجمال الكثير في هذا المنبر، جميلة حتى وأنت تغضبين

عظيم امتناني لك ولما تكتبين، وشكرا للأغنية الجميلة.

كل الوداد

[البديري]

كادلاك ماعندى غير دى () فى جبينك الناصع البياض مع قلبك الابيض

[زول الله]

ياطارق بالخير قلوب أحبتك
طلتك هنا زي طلوع شمس بعد شهور مغيب يعلم الله
سائلين عليك كل العباد الجونا منك والمشو
يوماتي سيرتك أحلى زاد لي زول بعادك أوحشو
اريتك طيب انت والعيال والاهل كلهم
شوفتك بالدنيا والله





اقول قولي هذا واستغفرالله لي................

[صديق عيدروس]

تحية لاخونا طارق وعودا حميدا

يقال ان الامام الشافعي عندما سافر من العراق الى مصر غير في كثير من اجتهاداته ،، لذلك ظهر ما يعرف بالقديم والجديد في مذهب الامام الشافعي ،،،

ياريت لو تتكرم علينا ببوست خاص لمشاهداتك وملاحظاتك وانطباعاتك عن الحياة في السودان بعد غيبة (سياسيا - اجتماعيا - اقتصاديا ) لنتعرف على الجديد في تصور اخونا طارق لما يجرى من احداث وحلول مقترحة وامال مرجوة

[خالد الصائغ]

رجوع القمرة لي وطن القماري

عودا حميدا مثمرا


أطيب المني حبيبنا كانديك

[طارق صديق كانديك]

المشاركة الأصلية كتبت بواسطة مهند الخطيب

بالجمبة كده:

الكلام الرومنسي الفوق ده ما بحلك من الغُلب في الكوشتينة الليلة...

الكلام ده تقولو لي زول ما جاري خمسينات

ــــــــــ

شكرا ياريس على ماتفضلت به في حقي ، أنت تعلم كيف يستقر هذا المكان في وجداني متمنيا له التوفيق على الدوام.

تحياتي ومودتي

[طارق صديق كانديك]

المشاركة الأصلية كتبت بواسطة معتصم الطاهر

مستطاب ..

المستطاب،تعليقاتك المختصرة الذكية ياباش.

لك تقديري ومودتي

[طارق صديق كانديك]

المشاركة الأصلية كتبت بواسطة بابكر عباس

من ناحية فكت؟ فكت
البيت الأول أصلاً غير مناسب ولو لا أن المقام مقام تحنيس، كنت ختيتو معاك قرض في عدم مناسبة البيت الأول
بالمناسبة:
أمس إتصل بي الرشيد وقال ناوي يفك الحردة سوون

المشاركة الأصلية كتبت بواسطة بابكر عباس

بالمناسبة تاني:
شفتك في تلفزيون سودانيات فيديو مهند وحافظ
تسطيحتك وسط المثقفين ديل وتبرعمك؛ حننني!!

ياصديقي الجميل، يعلم الله كلامك الفوق ده كلو صاح. إلا موضوع التحنيس ده.

وبيني وبينك الجماعة شبكونا ليك (كزوموجية القرية ) و(انستالجيا التوازن) خلو ليك اخوك بره الشبكة. نسوي شنو، دي ضريبة صحبة المثقفين لازم نقرا ونتعب عشان يختلف سيماء الوجوه، وحاتك حتى مشاركتي بذكر اسم رواية حيدرحيدر(وليمة لاعشاب البحر) طلعت غلط

يادكتور ليك وحشة والله

[طارق صديق كانديك]

يا ابراهيم ياجميل

تسلم ياخي




أما الرقراق نحولو لاخونا سجمان أو مهند الخطيب

[طارق صديق كانديك]

المشاركة الأصلية كتبت بواسطة رأفت ميلاد

لامن تنتهوا منو فكو لىّ

يا خواجة كيفنك

الكثير الذي يمكن أن يقال، لاسيما اذا ما استصحبتُ تساؤل اخونا صديق عيدروس، أما الآن تقبل تعازيّ في رحيل العمة ومن بعدها تحياتي وتقديري.

[طارق صديق كانديك]

استاذي العزيز حسين أحمد حسين

مساك الله بالمحبة والرضوان

مهما بلغ حرفنا (على تواضعه) فانه يظل حبيس الوهن في مجاراتكم ورهن التأدب حين يخاطبكم، كيف لا يفعل ولمثلك نجلس محتقبين نصغي باهتمام فيسمع فينا كل الجنان.

عظيم امتناني ومحبتي

[طارق صديق كانديك]

مساك الله بالخير آآآ أب أحمد

تسلم ياخي، ظللت باستمرار أخٌ كريم كم أسعدتني رفقتك.

تحياتي لك ولمن حولك

[محمد مصطفي]

كانديك ياخ .....

[النور يوسف محمد]

المشاركة الأصلية كتبت بواسطة طارق صديق كانديك

يقول شاعر العرب الكبير أبو الطيب المتنبي، حين غشيته رياح الحنين الى مراتع شبابه وسوح أيامه الخالدات:

أما الأحبة البيداء دونهمُ فليت دونك بيدا دونها بيدُ

وأجدني على ذات الطريق، الطريق الذي تقودني فيه نفسي الأمارة بحب هذا المكان أنسج على منوال المتنبي طريقاً في الحب يبساً من الفراق والتجاهل وقلب ظهر المجن للذين انسربوا في خاطري حباً ووعداً وأمنيات.

أو كما ينشد أبو فراس الحمداني:

تكاد تضئ النار بين جوانحي إذ هي أذكتها الصبابة والفكر

(أحبكم جت عليكم،وبمناسبة المحبة دي،الواحد قرررب يدخل البورد من مقيل حمد ود الشيخ ( المسروف لي سيرو) أو من شارع الحب بتاع دكتور بابكر،بس روقنا المنقة شوية.).*

ثم عدتُ للسودان بعد غيابٍ دام أربعة عشر عاماً لأجد نفسي في انشغال دائم لترتيب أوضاعي مما غل يدي عن المشاركة ولو بأجر المناولة لفترة طويلة،فللجميع عذري ومحبتي (حتى مليت ثواني الانتظار) لأجدني الآن بين ظهرانيكم من جديد.

ثم يجمل بي أن أقول أن كثيرين هنا قد طوقوني بمحبتهم ومتابعتهم ودعواتهم،لهم عظيم محبتي وتقديري وامتناني.

ـــــــــــــــ

* ياجماعة لو كورتنا في الكتابة فكت، التمسوا لي العذر

بسم الله الرحمن الرحيم


صديقنا الكانديك ،،

مررت على هذا المفترع على عجل ،
حسبته من تلك الدرر الى تزيدها الأيام قيمة ،
وقلت أن أحدهم أراد أن يهدينا من أماسيها إتكاءة ،،

ليس هذا الحرف البهي وحده ،
لكنه الإحساس الجميل أنك بيننا ،،
التحية لك وأنت (تلاوى ) ذاكرة المدينة وحلمها الهارب

والتحية لليل الخرطوم ،
الذى ما زال يقاوم الزيف ويعاند التزييف ،، ككل البلاد الطاهرة ،،

والتحية لجمعكم الكريم ،،

[أمير الأمين]

يعلم الله
مشتاقين وكده