ضيف على مائدة سودانيات ...! - 19 - حجة آمنة

[حجة امنة]

وهاد

إتي حتتصلحي معاي ولا كيف

عليك الله خلي الكراهة و تعالي كبي الحنك المرتب و مهذب داكgap

موضوع رفيع الحواجبين دا خلاس دفناهو هنا، ما بجيب طاريو gap

[أبو أماني]

اقتباس:
المشاركة الأصلية كتبت بواسطة أمين محمد سليمان
يا عم أمير، خالتك الحجة منداحة بآخر ترس و فرامل نهي،
الله يغتي على الباقيين، so far الحوادث كلها في راس وهاد !!


غايتو يا .. بروف يسلم رأس وهاد ورأسك المليان الجاب لينا أروع رأس والله حق مستمتع حد العبط (يعني ريالتي قررربت تسيل) ! وكده .. من الشخصية الرائعة اللى إنتا أخترتها لينا دي .. يا بروف والله إستحقيت البروفيسورية بحق وحقيقي لآنو فترتك كانت خصبة .. بس دقست يا فرده والتسوي بإيدك يغلب أجاويدك .. على( الللاين مان) حجوج دي ظاهر لى حتطغى على كل من تعاقب على هذا البوست بما فيهم إنت و حتى الآن نجومية مطلقة .. يا أخى منكم من شلة تخلى الواحد يحرد شلته .. وكان للثماحة يحرد مرتو ظااااطها .. إنتو شنو؟ ما بشر يعنى ولا شنو .. حجة والله التلقائية العندك دي مرة كدة بتكتل ليها زول .. وأنا خائف على رقبتي .. تسلموا كلكم يا أروع ناس .. ويلا يا حجوج عليك الله بلسانك الذرب وكلامك المفارق الدرب .. جضمي لي كل زول عامل فيها ضبان ضكر .. ولزميه مواعينة .. ولتكن البداية بوهاد .. يا أخي الغايظني فيها مرة مرة كده قاعدة تخليك تفكي آخرك متعمدة .. وعاملة ليك قصة العصاء والجزرة .. والله والله ده ما تحريش ولا حاجة .. يا أخي شايف الناس كلها شعراء وأدباء وعلماء متربصين بيك الدوائر .. وكده .. في ظمتك ما عجبتك حكاية تربص الدوائر دي؟ والله سمعتها أمبارح القريبة دي.. يعني إستخدامها هنا ( إستاندرد) يلا إنداحي فرحي خلق الله واتجدعي يا شبه القمرا .. أكتبي رشي عبيرك فينا .. وأسكتي يا وهاد.. على فكرة يا وهاد .. أشوف فيك يوم زي ده إنشاء الله .. قولي آمين يلا .. تشششاااو .. وإلى حين ..

[أمين محمد سليمان]

يا أبا أماني، أنا بقترح إنو بعد خالتك الحجة، البوست ده تسقفو على كده !!

[سارة]

المشاركة الأصلية كتبت بواسطة أمين محمد سليمان

يا أبا أماني، أنا بقترح إنو بعد خالتك الحجة، البوست ده تسقفو على كده !!

تراكا مرات مرات بتقول كلام سمح


على بجملة الليمان مشتاقين

[آيات]

غايتو انا يطرشني من الضيف البجيك ومابتشوفو ده
ياخ قدر ماحاولت أتخيل ليك صورة ماقدرت كل مرة بتجيني بي شكل جديد

الصورة دي تبع السيرة الذاتية

[اشرف السر]

اهل البوست سلام...

يا حجوج
والله ما رضيتا ليك...
هذا الاستقصاد البين من رفيقة الدرب (وهاد)..
اردميها بعدين وقعديها محلك في كرسي الزنقة دا وضقلي بيها زي ما ضقلت بيك..

---------------
يلا انعدلي... سعالاتي خفيفات:

السعال اللول: سعال ديكي: قلتي مدينتك المفضلة لندن.. عليك الله من اكتر 7 حاجات عجبتك قولي لينا 3 حاجات؟

السعال التني: احكي لينا اول مرة ركبتي طيارة.. كيف كان الوضع معاك؟

السعال البعدو: كيف تكون محاثيثك لما تسمعي اغنية عقد الجلاد (حجة آمنة اتصبري)؟

السعالي اليليه: 5 اعضاء من سودانيات تحرصين على قراءة بوستاتهم..

بعدو: اكعب زرة اتزريتيها في حياتك كانت وين وكيف؟

بجيك تاني كان الله هون

[أمين محمد سليمان]

المشاركة الأصلية كتبت بواسطة سارة

تراكا مرات مرات بتقول كلام سمح


على بجملة الليمان مشتاقين

سرور يا ستهم،
رغم الحر ... الشوق يعصر مهجتي كالبرتقالة !!
غايتو خالتك الحجة بالغت !!
-------------

المشاركة الأصلية كتبت بواسطة اشرف السر

السعال التني: احكي لينا اول مرة ركبتي طيارة.. كيف كان الوضع معاك؟

عليك الله عاين ده كمان !!

تقول ليه قرت في سيسترز سكول، يقول ليها أول مرة ركبتي الطيارة !!
يا أشرف يا أخوي، مالك بقيت لي رجرجة كده إنت كمان ... السؤال ده تسألو للجيلي، لخالتك سارة، بكة ... أو أي واحد من الأشياء المشابهة الركبت الطيارات بعد سن اليأس !!
ناس سكر سكول ديل، المدرسة جت بتأجز في لندن، يعني ما بتكون متذكرة أول مرة ذاتو !!

اللهم اني أبرأ إليك من الرجرجة الهنا ديل !!

[معتصم الطاهر]

المشاركة الأصلية كتبت بواسطة حجة امنة

أحمدك يا ررررب أخيراً السيرة الذاتية gap

اولاً بجاوي ليك موضوع مهنة الاسرة دا، بي إختصار كدا انا من بدري عارفه حد قدراتي و حسيت إني ما بنفع في المجال دا، الطب مهنة بتحتاج لي كمية من التضحيات و مجهود جبار، دا بالنسبة للزول الداير يكون دكتور جد جد
يعني الوالد و الوالده لي حسع بيقرو!!! الطب متطور دي ما قالوها ساهيgap
بعدين يا باش الزول إلا يكون عوير حتان يكرر غلطات الناس القدامو

جاياك للاسم و توابعه gap
يتبع>>>>
ت ت تتددددااااااا(موسيقة تصويرية)

المشاركة الأصلية كتبت بواسطة معتصم الطاهر

الاسم ..


و المدن فى حياتك

و لماذا فارقت مهنة الاسرة.

شفقة الاجابة ..




* هل يسمح بالاسئلة الخاصة ؟

[اشرف السر]

المشاركة الأصلية كتبت بواسطة معتصم الطاهر

* هل يسمح بالاسئلة الخاصة ؟

[أبو أماني]

اقتباس:
المشاركة الأصلية كتبت بواسطة آيات
غايتو انا يطرشني من الضيف البجيك ومابتشوفو ده
ياخ قدر ماحاولت أتخيل ليك صورة ماقدرت كل مرة بتجيني بي شكل جديد

الصورة دي تبع السيرة الذاتية

والله يا آيات نفس الكلام الكت عاوز أقوله فعلا المخلوقة الرائعة دي الزول يتصورها بعدة أشكال .. لاكين من معرض كلامها .. حكاية الكوافير والماساج والكلام الدار هناك وعلى لسانها .. أنا غايتو بقول ( حماضة ده .. يصبروا الله سااااكت.. يا.. بت أمي) والللليلااااا .. حجو جاتك يا أبو أماني.. الرسول فيك ..حاجة آمنة .. إتصبري ...!!

[أبو أماني]

اقتباس:
المشاركة الأصلية كتبت بواسطة أمين محمد سليمان
يا أبا أماني، أنا بقترح إنو بعد خالتك الحجة، البوست ده تسقفو على كده !!

بس لاكين عشان نسقفو المفروض باللوال نعمل البياض وهاك البياض ده ..
*********
العـزيزة الغالية حجة آمنة
لك الود مقطر في غرف القلب الأربعة وتحية لأسرتك الكريمة.. أعاهدك بالله بأن قلوب الجميع هنا بسودانيات إتفتحت ليك على مصراعيها وأولهم قلب العبدلله.. (الزي اللكونده) ده!! وعشان كده ما بعصر عليك شديد ولن أكون سادي زي الحبيب الجيلي وأمطرك بوابل من الأسئلة التعسفية وكده ولن أعرضك لنيران صديقة موجعة كتلك التي تنهمر عليك من قلعة وهاد أحب صديقاتك!.. ونوارة منتدانا كما لن ولم وكل أدوات النفي أصير كأمير الأدباء بسوح سودانيات العزيز الغالي بابكر عباس وأرجمك بأسئلة لاتخلو من خبث محبب ومكر ناعم..! هو سؤال فرد واحد.. بل طلب بسيط .. وهو أن تحملينا جميعا على متن يراعك الثر الرشيق في رحلة بدايتها مرحلة طفولتك مرورا بصباك (الجامعي) وحتى اليوم الذي زانت فيه حياة (حمادة) أغلى وأثمن جوهرة إسمها حجة آمنة.. و تلتها جواهرا (مهجنة) يسمونها في السعودية البذورة حفظهم الله لك بل حفظكم جميعا.. عفوا قد يطول الحكي .. وعليه نقبل السرد على دفعات أو شكل حلقات وخلي وهاد كان راجلة تجي تدخل قدومها ده!! عليك الله يا أمونة أصبري عليها شوية أصلي ناوي عليها بعدك وبعدين أخدي الصاع بصاعين
لكي وللبروف صادق معزتي وتقديري وتسلمي يا أروع و.. (أبذخ) .. (أيقونة).. حلت ضيفة على مائدة سودانيات .. قبيل الوداع .. تذكرت طلب أحد الزملاء في مداخلة سابقة منك (السيرة الذاتية) قوليها لينا يمكن نلقى ليك وظيفة في شركة بترولية سودانية ونعمل معاك عقد أجنبي .. يلا تشششااااووووو

[أكرم المهاجر]

والله يا حجه أمنه
لم يسبق لي أن قرأت شيئاً يتعلق بالخيط هنا .. .. ولا أعلم حتي لماذا طرقت باب الصفحة الأخيرة وواصلت في القراءة عكس الريح.. غايتو مع أني كنت بقرأ الإقتباس بالدبل .. لكني لم أتوقف من الضحك مطلقاً مع أني بعد أقل من ساعتين مجابه بدوام يتطلب إنتباه الحواس .. لو حصلت لي أي عوارض تتعلق بالعمل .. سوف أحملك المسئولية
لم أقرأ من قبل ماهو أروع من ما كتبت .....
إحتمال وهاد تطلعني ما قريت شئ قبل كده ..
سوف أتجاهل الأمر إلي ما هو أبعد بالقول .. حجه امنه ..كاتبتي المفضله gap
-
معليش يا ابو اماني مع إنك نزلتا الستاره .. لكن برضوا بعد ما الستاره تنزل في ناس بتقعد تصفق ..

[اشرف السر]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة أمين محمد سليمان
يا أبا أماني، أنا بقترح إنو بعد خالتك الحجة، البوست ده تسقفو على كده !!

بس لاكين عشان نسقفو المفروض باللوال نعمل البياض وهاك البياض ده ..
*********

بالغت معاي يا ابو اماني

يعني اسعلتي الفوق دي امشي افرشها في موقف شروني الجديد!!!

كدي البياض دا خليه بعد شويه

[حجة امنة]

لالا هييي دا شنو

دقيقة

خلاس عقدتو، هييي قصدي رفعتووووgap

حركتكم بايخة النصيحة لي الله

غايتو انا كان ما تميت جواباتي ديل ما قايمة

أيييي عدييييل كدا ما ق ا ي م ه

غايتو جنس لوياق موبااالغةgap

المهم

[حجة امنة]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة أمين محمد سليمان
يا عم أمير، خالتك الحجة منداحة بآخر ترس و فرامل نهي،
الله يغتي على الباقيين، so far الحوادث كلها في راس وهاد !!


غايتو يا .. بروف يسلم رأس وهاد ورأسك المليان الجاب لينا أروع رأس والله حق مستمتع حد العبط (يعني ريالتي قررربت تسيل) ! وكده .. من الشخصية الرائعة اللى إنتا أخترتها لينا دي .. يا بروف والله إستحقيت البروفيسورية بحق وحقيقي لآنو فترتك كانت خصبة .. بس دقست يا فرده والتسوي بإيدك يغلب أجاويدك .. على( الللاين مان) حجوج دي ظاهر لى حتطغى على كل من تعاقب على هذا البوست بما فيهم إنت و حتى الآن نجومية مطلقة .. يا أخى منكم من شلة تخلى الواحد يحرد شلته .. وكان للثماحة يحرد مرتو ظااااطها .. إنتو شنو؟ ما بشر يعنى ولا شنو .. حجة والله التلقائية العندك دي مرة كدة بتكتل ليها زول .. وأنا خائف على رقبتي .. تسلموا كلكم يا أروع ناس .. ويلا يا حجوج عليك الله بلسانك الذرب وكلامك المفارق الدرب .. جضمي لي كل زول عامل فيها ضبان ضكر .. ولزميه مواعينة .. ولتكن البداية بوهاد .. يا أخي الغايظني فيها مرة مرة كده قاعدة تخليك تفكي آخرك متعمدة .. وعاملة ليك قصة العصاء والجزرة .. والله والله ده ما تحريش ولا حاجة .. يا أخي شايف الناس كلها شعراء وأدباء وعلماء متربصين بيك الدوائر .. وكده .. في ظمتك ما عجبتك حكاية تربص الدوائر دي؟ والله سمعتها أمبارح القريبة دي.. يعني إستخدامها هنا ( إستاندرد) يلا إنداحي فرحي خلق الله واتجدعي يا شبه القمرا .. أكتبي رشي عبيرك فينا .. وأسكتي يا وهاد.. على فكرة يا وهاد .. أشوف فيك يوم زي ده إنشاء الله .. قولي آمين يلا .. تشششاااو .. وإلى حين ..

أبو أماني وحاط الله عقدتني عديل كدا، دا من لطفك و أخلاقك والله

إتا قايل المشكلة شنو، ما أحقدر أوفيك حقك

ف شنو، بعد وهاد تقعد بعدي هنا حا أخلي ليها المهمة ديgap

أييي يا وهاد جاك المووووت يا تارك الصلاه

تقوم وهاد زي البت الفالحة المهذبة تجي ترد بالنيابة عني، بدون الحركة ديك البالي بالك البتعمليها بي البالي بالك، واخده لي بالك يا سااااارة