ياااا حسب الله........ماااااااااااااا شرّفتنا

[فخر الدين حسب الله]

أخونا هيثم على الشفيع ياخى شكرا ليك للترحيب الحار دا ,,,انا مبسوط لقيتك قااااعد هنا ,, أها ماكلمتك لقيت أخونا فخر الدين الزين برضو بيهنا ,, وكنا زمان نهاية التمانينات بداية التسعينات أصحاب شديد لكن فكت بت الكلب ,,كان بجينا في اجازة المدارس بقعدا كلها معانا , كورة و غنا ,, الحقيقة ناس الزين ديل ناس خطيرين خلاص كلهم كدا بغنو حقيبة ,,بيأمهن ذاتا ,, والله جد ,,بيت فنان , بعدين في بحة جميلة طالعة من البيت كلو ,,تخلىك وات ماشى عليهن في البيت تجرب صوتك كم مرة ,,احم احم ححححححححححم وكدة ,,تخاف تكون مشاتر لو فجأة كدة بدو يغنو ,,وبعملوها ,,عموما ياهيثم الشفيع الكلام دا بنجيهو ليقدام ,, شهادتك فينى مجروحة ؟؟ تلقاك ات الجرحتها ,,أنا خليتا (مظلوطة ) بس آخر مرة شفتها قبل سنتين ,,شكرا ليكل الناس الرحبو بى ,,هههههه واللسة مارحبو ,, والحايرحبو ,عموما أنا زول عرب جزيرة ساى ,مقطوع طارى ,,مسيكين والله ,, مرات لمن ألقى ناس مابعرفن بسكت ساااى زى شفع الروضة ,,لكن اول ما أولف كدة ود حنود خلاس ,,وفقر أكتر من حافظ حسين ,, وأشطن من عبد الله ديدان ,,ههههههههه ,,صحيح أنا جيت براى والله مافى زول قادنى ليسودانيات , حدس , لكن ماجيت ساى يامهند ,جيت قاصد , داير كلما أمر بيهنا أمسح شوية من رهق السنين الجواى والاقى ناس مفيدين زيكم ,وزول مخستك ساى فلا تتوقعوا منى الكثير , وماتصعبوا على القعاد وابقى مطالب طوالى بيدين طالما بقيت سودانوى ,,وماجادى , ومابحب الكتابة لانها متعبة شديد , شكرا تانى ياخ .