بابكر عباس في ثوب جديد

[أبوبكر عباس]

للمهتمين بكتابات الكاتب بابكر عباس، أعلن لكم تغيير اسمي ل: أبوبكر عباس

شكرآ

[ناصر يوسف]

المشاركة الأصلية كتبت بواسطة أبوبكر عباس

للمهتمين بكتابات الكاتب بابكر عباس، أعلن لكم تغيير اسمي ل: أبوبكر عباس

شكرآ

لا ياخ كِدَه بزعل منك ياخ

[النور يوسف محمد]

بسم الله الرحمن الرحيم


غايتو أى تغيير فى الأسلوب والنمط ،
بخصم من رصيدك ككاتب مستنير ، وبيقلل من معجبيك الإسفيريين ،

بالمناسبة أبو بكر ده إسم ولّ كنية !!
مثله مثل أبو آمنة ، أبو العازة ، أبوهريرة !!


وينك مختفى ،،

[أبوبكر عباس]

المشاركة الأصلية كتبت بواسطة ناصر يوسف

لا ياخ كِدَه بزعل منك ياخ

شكراً الأستاذ ناصر على المرور الأنيق
شكراً
أبوبكر عباس

[أبوبكر عباس]

المشاركة الأصلية كتبت بواسطة النور يوسف محمد

بسم الله الرحمن الرحيم


غايتو أى تغيير فى الأسلوب والنمط ،
بخصم من رصيدك ككاتب مستنير ، وبيقلل من معجبيك الإسفيريين ،
بالمناسبة أبو بكر ده إسم ولّ كنية !!
مثله مثل أبو آمنة ، أبو العازة ، أبوهريرة !!


وينك مختفى ،،

سلام يا نور، وبعد الشكر على المرور الأنيق، أقول: في النسخة الجديدة لبابكر عباس سوف اتجنب اللعب الخشن مع الجكس وأولاد أم درمان.
أبو بكر بمسافة كنية، لكن خفة السودانيين في التلصق في كل ما هو عربي واسلامي خلاهم يجعلوا من كنى أو كنيات الصحابة أسماء لاولادهم
شكرا
أبوبكر عباس

[الزوول]

بعد السلامات الأنيقة
هل للكاتب الكبير أن يطلعنا على أسباب تغيير اسمه الكتابي من بابكر لأبي بكر
وهل لهذا الأمر علاقة بنشاطه الحالي ككاتب نشط في منتدى سودانيزأونلاين تحت هذا الاسم (أبوبكر عباس)

[عكــود]

المشاركة الأصلية كتبت بواسطة الزوول

بعد السلامات الأنيقة
هل للكاتب الكبير أن يطلعنا على أسباب تغيير اسمه الكتابي من بابكر لأبوبكر
وهل لهذا الأمر علاقة بنشاطه الحالي ككاتب نشط في منتدى سودانيزأونلاين تحت هذا الاسم (أبوبكر عباس)

سؤالك منطقي جدّاً يا العوض؛
بس، بكل أسف، أتوقّع إنّو الكاتب الكبير ما يرد عليك!


سماية مبروكة يا أبابكر.

[الزوول]

المشاركة الأصلية كتبت بواسطة عكــود

سؤالك منطقي جدّاً يا العوض؛
بس، بكل أسف، أتوقّع إنّو الكاتب الكبير ما يرد عليك!

.

يا أباذر
الرد هو رد
وعدم الرد ... برضو رد
...
أو كما قال مصطفى عليه الرحمة:
ياحلو دا السكوت مرات كلام
وعدم الكلام هو كمان كلام

....

[زول الله]

المشاركة الأصلية كتبت بواسطة أبوبكر عباس

في النسخة الجديدة لبابكر عباس سوف اتجنب اللعب الخشن مع الجكس وأولاد أم درمان.

اهم حاجة اولاد امدرمان دي
اوكي كدا موافقين

مبروك








اقول قولي هذا واستغفرالله لي.......................

[نبيل عبد الرحيم]

ابو بكر
أتمني مع تغير الأسم تغير الأسلوب كمان في نقدك الساخر والمعارضة من أجل خالف تعرف
سلام

[معتصم الطاهر]

الزول قال غير اسمو ..
تضبحوا ليهو ولا تضبحوه ..!

[جيجي]

المشاركة الأصلية كتبت بواسطة الزوول

بعد السلامات الأنيقة
هل للكاتب الكبير أن يطلعنا على أسباب تغيير اسمه الكتابي من بابكر لأبي بكر
وهل لهذا الأمر علاقة بنشاطه الحالي ككاتب نشط في منتدى سودانيزأونلاين تحت هذا الاسم (أبوبكر عباس)

المشاركة الأصلية كتبت بواسطة عكــود

سؤالك منطقي جدّاً يا العوض؛
بس، بكل أسف، أتوقّع إنّو الكاتب الكبير ما يرد عليك!


سماية مبروكة يا أبابكر.

سلام للباشاوات
طبعا يادكتور الكاتب الكبير بيحبر في كتاباته هنابالاسم الجديد
وبيلمع في الاسم البهناك
عشان يقدر يدخل بوست كاتبته المفضلة دينا خالد
بعد رجوعها القوي
ماشايفه بينطط بي برة برة وماقادر يخش
ثم انه الزول دا بهناك عضلاته بقت موية ساي
والله لمان حنني

[أبو أماني]

المشاركة الأصلية كتبت بواسطة أبوبكر عباس

سلام يا نور، وبعد الشكر على المرور الأنيق، أقول: في النسخة الجديدة لبابكر عباس سوف اتجنب اللعب الخشن مع الجكس وأولاد أم درمان.
أبو بكر بمسافة كنية، لكن خفة السودانيين في التلصق في كل ما هو عربي واسلامي خلاهم يجعلوا من كنى أو كنيات الصحابة أسماء لاولادهم
شكرا
أبوبكر عباس

والله يا أبا بكر بن عباس .. إنت منقة عديييل كده! .. يا أخي زول لذيذ وخفيف الدم والظل معاً زي نوعك ده.. أصلو ما لاقاني..عيلا طشاش..طشاش كدي بيتراوى لي .. عمك بابكر مخير! .. وتتعدد الأسماء ويبقى العلم باذخا مشرئيبا مرفرفا فوق السارية،عجبّتني لكدتك للسودانيين البيتلصقو في العرب زي ما قلت! .. وبمناسبة إسمك الجديد ده .. البذكرني بقصة آدم.. وآدمو!.. العبد لله طبعا إسمه الأصلي في الشهادة ..زين العابدين محجوب بابكر..مرة وأنا في الإبتدائي وبخباثة كده حاولت أفتن بين جدي وأبوي ..الله يرحمهما..فقلت لجدي إنت ليه أبوي ما سماني بابكر عليك؟. فضحك ضحكة جزلة .. وقال لي هي يا الليطيقش ..منو القال ليك ما سماك عليّ؟ إنت أسع ما إسمك بابكر!.. فنظرت إليه بحيرة وتوجس وقليل من الغباء ..المستحدث! والغير متوارث بحمد الله! وقلت له متمتما .. ك..ك..ك..ككككيف ؟.

إعتدل الجد رحمه الله في جلسته تلك .. وإتنحنح ..وقال باسما .. كان رسولنا الكريم (صلعم) يزور صديقه وخليفته لاحقا .. أبا بكر إبن الصديق عليه السلام في منزله أحيانا وكان في كل مرة يأتيه فيجده في وضع الصلاة أو العبادة .. فقال له يوما ..بما معناه .. أنت تتعبد دوما يا أبا بكر .. فجعلناك (زينة للعابدين) فصار من يومها الإسم المرادف لأبي بكر هو زين العابدين .. وكان الصحابة رضوان الله عليهم يلاطفون ويداعبون أبي بكر بهذا المسمى مرارا حتى صار إسم زين العابدين رديفا لإسم أبوبكر رضي الله عنه .. شفت إيشلون يا زين ؟.. أها دحين يا أخوي السماية محمداك محمداك .. وعليك الله يوم السماية ما تجيب لينا ناس فتحي مسعد ودكتور أحمد زين .. وخسوسا الجنا البقولولو زول الله ده يا أخي ديل من كلامي ده سااااكت شايف ريقهم جم .. وكل واحد فيهم بقى .. عبدالرحيم محمد حسين يقصر .. أديكم (تيشوز يا شباب؟) .. كاااااك

[خالد الصائغ]

المشاركة الأصلية كتبت بواسطة أبوبكر عباس

للمهتمين بكتابات الكاتب بابكر عباس، أعلن لكم تغيير اسمي ل: أبوبكر عباس

شكرآ

مرحبا و سهلا بيك الكاتب أبوبكر عباس

[أبوبكر عباس]

المشاركة الأصلية كتبت بواسطة الزوول

بعد السلامات الأنيقة
هل للكاتب الكبير أن يطلعنا على أسباب تغيير اسمه الكتابي من بابكر لأبي بكر
وهل لهذا الأمر علاقة بنشاطه الحالي ككاتب نشط في منتدى سودانيزأونلاين تحت هذا الاسم (أبوبكر عباس)

سلام السيد الزوول، لمان بكري أبوبكر حنسني للانضمام لمنبرو كنت داير اواصل بإسم بابكر عباس، بعدين قلت ما دام انا بقيت كاتب كبير احسن اكتب باسمي الحقيقي، وبعدين ارجع اغير اسمي بسودانيات لتسهيل القوقلة لدى المعجبات والمعجبين، وربط الإنتاج الإسفيري بتاعي مع بعض.