الاصمعي
كيف حالك؟ علك طَيِب
اقتباس:
|
عزام حبابك يا الريفي المتمدن
|
الصاح [المديني المُترَيِف] بس عشان الإخْتِصاص وكِده
ــــــــــــــــــــــــــــــ
اقتباس:
من الذي جعل الريفي يتجه نحو المدينة حازما مخلايتة وتاركا ابو عشرين والتقنت والطورية مرمية في الطين
ومنو الخلاهو يحفر في المجاري بدل حفر الجداول
|
السَو كَدي عمر البشير وزمرتو، وناس الريف ساعدو في ذلك حتو.. لامِن عطلو الإنتاج وقنبو يبيعو في الخرطوم الموية والناجِح فيهم شغال سمسره عربات وأراضي وده ما بتسمى "إنْتاج" بأي حال مِن الأحوال.. بِالله ما تتْكِلو كُل عولاقنا فوق "الشيطان" و"إسرائيل" و"الإنقاذ"
ــــــــــــــــــــــــــــــ
اقتباس:
الحياة في الريف ليست كالاول
لا تعليم ولا صحة ولا ماء صالحة للشرب
وبينما انسان الخرطوم ينعم بالماء والصحة والتعليم
لماذا اذن هذه الصفوية ...؟؟
|
ده لأنو ود الريف دايِر يحاكي ود المدينة.. جلب لمربوعتو هيل الطين الموكيت مِن الخرطوم.. أيوه حرم، ده شوف عيني مو حدثوني بيهو.. أها وقِس على ذلِك.. أنا عشت في الصعيد [8] سنوات، الشفخانة فااااضية وعلاج الأمراض الشائعة ناس مرارايا ودسنْتاريا وأبو الصِفير، راااقد، عِلا بِقروش.. بس ود الريف لامِن إنتقل إلى حَيث الآيس كريم، قهمو -حليلو- الفانيليا وصوص الشوكولا، أها مِرِض بمرض لا قِبَل لهُ بِهِ، مشى مستشفى بحري، مستشفى بحري الكان مفروض يعالج عدد محدود مِن البشر، هسِع بقى دايِر اليعالجو، وده بنسحِب حتو على المدرسة والجامعة والصرف الصحي.. أي حرم الصرف الصحي
